Hverju á maður að trúa?

Var ekki í síðustu viku fullyrt að peningar þessa manns hefðu verið greiddir og farið beint inn á reikninga í Cayman eyjum. Nú á hann ekkert að hafa borgað heldur hafi þetta verið eintómt plott til að hækka hlutabréf í Kaupþingi og hafi í raun valdið því að Kaupþing hafi í raun borgað allt saman og samtals hafi þetta kostað Kaupþing 37 milljarða.

Þetta var málið á föstudaginn:

Guðmundur Ólafsson hagfræðingur segir að að þeir 25 milljarðar króna sem Sheik Al Thani greiddi fyrir hlut sinn í Kaupþingi hafi farið í gegnum Kaupþing Lúxemborg og þaðan inn á leynireikninga þriggja manna í Caymaneyjum.

Guðmundur sagði í vikulegi spjalli sínu við Sigurð G. Tómasson á Útvarpi Sögu í morgun að greiðsla upp á 13 milljarða króna hafi verið “flutt beint inn á reikninga í Caymaneyjum, og síðan hlutabréf sem síðan voru seld Líbýumönnum og andvirðið sent sömu leið. Á Cayman,” samkvæmt frétt á DV.is um málið.

Guðmundur sagði í þættinum að lögregluyfirvöld í Lúxemborg hafi rakið peningaslóð frá Íslandi til Cayman og að þrír einstaklingar hafi gerst sekir um milljarðaþjófnað. Þeir Sigurður G. Tómasson og Guðmundur sögðu í þættinum að allstaðar annarsstaðar væru þessir menn komnir bak við lás og slá í gæsluvarðhald þar til annað kæmi í ljós. En ekki á Íslandi.

Guðmundur sagði þrjá menn innan Kaupþings hafa staðið að gerningnum en vildi ekki gefa upp nöfn þeirra. Hann segir í DV að rangt sé haft eftir sér í frétt á Vísi.is að heimildir hans séu komnar frá lögreglunni í Lúxemborg. Heimildarmenn sína fyrir upplýsingunum gefi hann ekki upp. (af www.eyjan.is )

En nú hefur þetta breyst í:

Heimildir fréttastofu herma að Al-Thani hafi fengið helming verðmætis 5 prósenta hlutar í Kaupþingi, tólf og hálfan milljarð, lánaðan hjá Kaupþing án þess að leggja nokkur önnur veð fyrir láninu en bréfin sjálf. Hinn helminginn fékk hann lánaðan frá félagi í eigu góðvinar síns Ólafs Ólafssonar sem er skráð á Bresku Jómfrúareyjunum. Peningarnir sem Ólafur lagði Al-Thani til komu þó ekki úr hans vasa.

Skömmu áður en Ólafur lánaði Al-Thani umræddan tólf og hálfan milljarð keypti hann skuldabréf í Kaupþingi fyrir tuttugu og fimm milljarða af erlendum aðilum. Hann keypti bréfin á 50% undirverði sem þýðir að hann borgaði aðeins tólf og hálfan milljarð fyrir bréfin. Fljótlega á eftir seldi Ólafur, sem var annar stærsti hluthafinn í Kaupþingi, skuldabréfin til Kaupþings fyrir tuttugu og fimm milljarða. Ekki hefur fengist skýrt hvers vegna Kaupþing greiddi helmingi hærra verð fyrir skuldabréfin heldur en Ólafur greiddi sjálfur skömmu áður. Þessi viðskipti skiluðu Ólafi hagnaði upp á tólf og hálfan milljarð. Þeir peningar voru síðan lánaðir til Al-Thani.

Katarbúinn lagði því aldrei krónu í tuttugu og fimm milljarða viðskipti sín með bréfin í Kaupþingi. Hann tapar því engu þótt milljarðarnir tuttugu fimm hafi gufað upp þegar Kaupþing féll níunda október síðastliðinn. Ólafur Ólafsson tapar heldur ekki krónu jafnvel þótt hann lánað Al-Thani tólf og hálfan milljarð. Þá upphæð fékk hann gefins í skuldabréfaviðskiptum við Kaupþing. Eftir situr Kaupþing með veð í verðlausum bréfum og tuttugu og fimm milljarða skuldabréf í eigin banka sem er einnig verðlaust. Tap bankans nemur 37,5 milljörðum. (af www.visir.is )

Held að við ættum að hætta að dæma menn svona fyrirfram. Ef að kemur upp grunur eigum við að láta vita t.d. nýju rannsóknarnefndina. En ekki að vera að taka jafnvel menn af lífi eftir kjaftasögur.

Og þegar menn eru að tala um að fangelsa einhverja þá er eins gott að menn hafi eitt hvað haldbært um þetta.

Vel gert við Al-Thani

Athugasemdir

[Ólafur Ingi Hrólfsson, 19.1.2009 kl. 06:34]

Ég þekki Guðmund Ólafsson af öðru en að fara með fleipur - maðurrinn er skarpgreindur og fljótur að sjá samhengi hlutanna og greina þá. Ég er sammála því að fara varlega í að dæma fólk svona fyrirfram

      OG ALLIR ERU SAKLAUSIR UNS ÞEIR HAFA VERIÐ DÆMDIR SEKIR

                            EN - VEGNA ALLS SEM HEFUR GERST

 ef þetta er rétt er allt uppi á borðinu - það er ekkert til sem heitir siðferði ef fréttin á við rök að styðjast - mér er ljóst að afturvirk lög má ekki setja við venjulegar aðstæður - það eru bara ekki venjulegar aðstæður -

AFTURVIRK LÖG OG FRYSTING ALLRA EIGNA ÚTRÁSARLIÐSINS - HVORT SEM UM ER AÐ RÆÐA WEST HAM - ÍBÚÐ Í NEW YORK - 6-800 VERSLANIR Í ENGLANDI - FJÖLMIÐLA Á ÍSLANDI - EÐA AÐRAR "EIGNIR ÞEIRRA" ÞÁ Á AÐ TAKA ALLT ÞAR TIL SKULDIR ÞEIRRA VIÐ LANDSMENN ERU GREIDDAR. það er gert við almenning og ég veit ekki betur en það sé jafnræðisregla Stjórnarskrárinnar sé enn í gildi.

Alla samninga sem útrásarliðið gerði síðustu 6-12 mánuði fyrir hrun og skerða greiðslugetu þeirra á að ógilda.

Ólafur I Hrólfsson

[bogi (IP-tala skráð) 19.1.2009 kl. 11:32]

Þriðjudaginn 20 Maí verður Alþingi sett eftir jólafrí.

Ég gef orðið:

http://thomol.blog.is/blog/thomol/entry/771646/#comments