Gat nú verið! Einar að kaupa sér atkvæði í næstu kosningum

Finnst þetta glæsilegt að ögra nú öllum umhverfissamtökum í heiminum. Þannig að ofan í hrun álits fólk á okkar um allan heim vegna bankahrunsins koma nú væntanlega mótmæli gegn okkur og rata væntanlega í heimspressunna. Þannig að það er ekki nóg með að við verðum hötuð vegna taps fólks á peningum vegna okkar heldur verðum við ein af fáum þjóðum sem eru að drepa alla Keikóana í augum margra.

Hvalveiðar leyfðar til 2013

Athugasemdir

[Guðbjartur Þorvarðarson (IP-tala skráð) 27.1.2009 kl. 18:09]

Já þetta er rétt hjá þér.  Við að sjálfsögðu meigum alls ekki líta illa út erlendis.  Betra er fyrir okkur að deyja úr sulti,  en bara að passa okkur á því að líta vel út fyrir þá sem horfðu á free willy. . .

[Magnús Helgi Björgvinsson, 27.1.2009 kl. 18:13]

Ég leyfi mér að efast um að við eigum eftir að verða rík eða feit af þessu hvölum

[Magnús Helgi Björgvinsson, 27.1.2009 kl. 18:14]

Ja í mínu tilfelli er kannski réttara að segja feitari!

[Joseph (IP-tala skráð) 27.1.2009 kl. 18:38]

Nú held ég að þetta viðhorf að við séum "hötuð af öllum" útaf hvalveiðum sé mjög svo orðum aukið.  Ég er námsmaður erlendis, bý í landi sem er almennt talið mjög umhverfisverndunarsinnað.  Er t.d. á móti hvalveiðum.  En aldrei, ég endurtek aldre, hef ég heyrt einhvern tala neikvætt um Íslendinga, hvorki útaf útrásarvíkingum eða hvalveiðum. 
Fréttamiðlar á Íslandi ýkja náttúrlega uppúr öllu valdi ef það er minnst á hvalveiðar Íslendinga einhversstaðar erlendis.
Nú veiða Norðmenn, Kanadamenn, Bandaríkjamenn og Japanir margfalt meira af hval en við. 
Ég skil heldur ekki afhverju hvalir virðast vera svona miklu merkilegri en önnur dýr... þessi dýr (hrefna&langreyðir) eru ekki í útrýmingarhættu .. þannig að ég neita að skilja afhverju það má ekki veiða þessi dýr.

..já ég gleymdi, við þessar veiðar skapast hundruðir starfa.

[Magnús Helgi Björgvinsson, 27.1.2009 kl. 18:41]

Þessar þjóðir sem þu nefndir veiða allar fyrir heimamarkað. Þú mannst væntanlega að Krístján Lofsson sat uppi með fleiri tonn af þessum 9 langreyðum sem hann veiddi. Allar langreiðarnar skapa nokkra tugi starfa. Hrefnurnar kannski líka nokkra tugi starfa í 3 til 5 mánuði.

[Magnús Helgi Björgvinsson, 27.1.2009 kl. 18:46]

Og ekki það að ég sé neitt á móti því að drepa þessars skepnur frekar en aðrar. Ég persónulega borða ekki þetta kjöt. Finn alltaf eitthvað lýsisbragð af þessu kjöti.

En það er ekki hvað okkur finnst núna þegar við erum út í horni varðandi álit heimsins á okkur. Aðrar hvalveiði þjóðir eru stórar og ríkar og neyta sjálfar megin hluta þeirra hvala sem þær skjóta. Við erum að þessu til að selja öðrum og því yrði það túlkað okkur í óhag.

Ég væri sáttari við að áætlað yrði hversu mikið af þessu við nýttum sjálf og það yrði hámark þess sem veitt yrði. Ég held að við borðum t.d. lítið sem ekkert af Langreiði sjálf.

[Haraldur Pálsson, 27.1.2009 kl. 21:24]

Það að halda því fram að hvalveiðar séu ekki nauðsynlegar og þær séu ómannúðlegri en nokkur önnur fæðuöflun mannsins er mesta fáfræði sem er til í heiminum.

Við eigum ekki að lúta að fáfræði örfárra samtaka og ráðamanna annarra ríkja. Við eigum að segja örðum þjóðum frá nauðsyn hvalveiða og veita þeim upplýsingar um gang náttúrunar og lífsins.