Ég hef sagt það áður og segi það enn

Nú eru þessi mótmæli að verða lífsstíll hjá hópi fólks. Hverju er verið að mótmæla núna? Nató? En mótmælendur geta ekki núna sagt að þeir hafi þjóðina með sér því meirihluti þjóðarinnar er fylgjandi veru okkar í Nató!

Það er náttúrulega allt í lagi fyrir fólk að mótmæla en þetta ofbeldi verður að stöðva. Þetta er eitthvað sem enginn vill hafa hér? Við viljum ekki að lögregla hér fari að ganga vopnuð og að hótelgestir breiði út um allan heim að hér séu logi allt í látum og ofbeldi.

Lögregla beitti piparúða

Athugasemdir

[Þórður Ingi (IP-tala skráð) 28.1.2009 kl. 20:25]

Rétt að nefna í framhaldinu að ég hef fyrir því öruggar heimildir að hópar ferðamanna hafa beinlínis hætt við að koma vegna fréttamynda af mótmælum. Þeir halda að hér ríki einhverskonar borgarastyrjöld.

[Magnús Helgi Björgvinsson, 28.1.2009 kl. 20:28]

Vg farið nú að reyna að hemja ykkar fólk! Það er búið að fá að mótmæla nóg í bili. Biðjið það að safna kröftum fyrir næstu virkjanaframkvæmdum.

[Guðmundur (IP-tala skráð) 28.1.2009 kl. 20:35]

Hjartanlega sammála þér

[Eggert J. Eiríksson, 28.1.2009 kl. 20:36]

Já einmitt .. Hvað kosta svona læti ferðaþjónustuna??

Tekur langan tíma að vinna aftur traust.

kv EJE

[haukur kristinsson (IP-tala skráð) 28.1.2009 kl. 20:38]

nú ætti fólk sem er eðlilega þenkjandi að stoppa þetta VG pakk, eins og þú segir virðist þetta ætla að vera lífstíll hjá þessu pakki, hvað hefur atlandshafsbandalagið gert þessu pakki? þau eru örugglega á einhverjum lyfjum. Það kemur víst einhver lúðrasveit í næstu viku og sjálfsagt mætir þetta rusl og mótmælir

[Þjóðin (IP-tala skráð) 28.1.2009 kl. 20:40]

Þið eruð frekar vitgrannur hópur sem safnast saman hér á þessari síðu. Allir karlmenn. Athyglisvert. Þó ég sé ekki við þessi mótmæli er ég svo sannarlega á móti veru Íslendinga í Nató. Þið ættuð kannski að hætta að glápa á amerískt afþreyingarefni í sjónvarpi allra landsmanna og kynna ykkur hvað Nató í raun og veru er. Og yfir mig dauða að ég fórni lýðræði og stolti fyrir erlenda ferðamenn. Skammist ykkar.

[hilmar kolbeins (IP-tala skráð) 28.1.2009 kl. 20:42]

bara afskaið ef eg móðga einhverja en hefur fólk ekkert annað gera. munn ekki næst að mótmlæla eurovision bara i burtu með þetta folk

[Lena (IP-tala skráð) 28.1.2009 kl. 20:44]

Hvar kom fram í þessari frétt að mótmælendur væri að beira ofbledi? Það er hinsvegar ofbeldi að úða eitri í augu fólks.

[Ragnar Gunnlaugsson, 28.1.2009 kl. 20:45]

Því er ekki notað vatn úr brunaslöngu á þetta lið.?

[Biological Mass, 28.1.2009 kl. 20:49]

Heyr, heyr Magnús.

[Þórður Ingi (IP-tala skráð) 28.1.2009 kl. 20:51]

Þjóðin, sá einstaklingur sem skrifar undir því nafni tekur ansi stórt upp í sig svo ekki verði meira sagt. Aukinheldur sá eini sem skrifar ekki undir nafni, athyglivert.

En grípum nú niður í textan sem hann/hún vísaði í

"The Parties of NATO agreed that an armed attack against one or more of them in Europe or North America shall be considered an attack against them all. Consequently they agree that, if such an armed attack occurs, each of them, in exercise of the right of individual or collective self-defense will assist the Party or Parties being attacked, individually and in concert with the other Parties, such action as it deems necessary, including the use of armed force, to restore and maintain the security of the North Atlantic area"

S.s. samtök þjóða sem standa vörð um öryggi þegna þeirra. Einnig kemur fram á síðunni að aðildaríkjum fjölgar eftir því sem tíminn líður og því fleiri lönd sem sammælast um að vernda hvert annað, og, þ.a.l. halda frið sín á milli.

Þakka þér annars fyrir linkinn, þetta var fróðlegur lestur.

Bestu kveðjur

[Lóa (IP-tala skráð) 28.1.2009 kl. 20:52]

Það var frétt á mbl í gær að ferðamannastraumur til landsins hefði aldrei verið meiri og núna miðað við árstíma. Þannig að þið getið hætt þessum hræðsluáróðri. Óþolandi að koma með staðreyndir án þess að hafa nokkuð fyrir sér í því.

[Magnús Helgi Björgvinsson, 28.1.2009 kl. 20:54]

Lena byrjaðu nú ekki á þessu tali um lögregluofbeldi. Heldur þú að lögregla geri svona að gamni sínu:

Þetta er af visir.is

Einnig staðfesti lögregla í samtali við Vísi að piparúða hafi verið beitt en mikill hiti virðist vera í mótmælendum.

Fólk ber potta og pönnur og veifar skiltum með kunnuglegum slagorðum á borð við, Ísland úr NATO og herinn burt.

Það er búið að handtaka 6 manns. Þú gerir þér væntanlega grein fyrir að þarna eru að funda áhrifa fólk frá öllum löndum Nató sem og að þarna eru hundruð hótelgesta. Þessi mótmælendur hafa örugglega mætt með mjólk, lauk og vatn til að skola piparúðan úr augunum sem þau ætluðu að fá í augun með því að ögra lögreglunni. Það þykir orðið flott í dag.

[Lóa (IP-tala skráð) 28.1.2009 kl. 20:55]

Hvaða könnun hefur veið gerð nýlega um skoðun íslendinga á veru okkar í NATO? Hvaða máli skiptir hvort mótmælendur hafi þjóðina á bak við sig eða ekki? Er ekki lýðræði hér?

[Magnús Helgi Björgvinsson, 28.1.2009 kl. 20:58]

Lóa þetta ofbeldi frá áramótum er varla frið að hafa áhrif enn! Það eru ekki nema 27 dagar síðan þetta fór að verða svona svakalegt. Það fólk sem hefur komið síðan er aðalega að koma hingað að sinna fjármálum og hagsmunagæslu sem og fréttamenn. Ef ef þú væriri erlendur gestur og á leið hinga t.d. með barn mundir þú vilja fara á Nordica hótel eftir að hafa heyrt af þessum látum nú og um síðustu helgi þar fyrir utan.

[Magnús Helgi Björgvinsson, 28.1.2009 kl. 20:59]

Svona mótmæli hafa ekkert með lýðræði að gera! Þetta er ákveðinn hópur unglinga að þröngva skoðunum sínum upp á erlenda hótel gesti

[Þórður Ingi (IP-tala skráð) 28.1.2009 kl. 21:01]

Lóa. Þó svo að ferðamannastraumurinn á þessum árstíma sé meiri en á sama tíma í fyrra (það reyndar þarf lítið til að fá fram miklar sveiflur á þessum árstíma því þetta er alla jafna mjög dauður tími) breytir það því ekki að ég veit fyrir víst að hópar hafa afbókað sig hingað til lands eingöngu vegna fréttamynda af mótmælum. Þetta hef ég frá herbúðum ferðaþjónustufyrirtækja sem hingað flytja ferðamenn.

[Magnús Helgi Björgvinsson, 28.1.2009 kl. 21:02]

70% þjóðarinnar skv. könnunum kýs flokka sem eru fylgjandi veru okkar í Nató.

[Jón (IP-tala skráð) 28.1.2009 kl. 21:03]

það má líka benda moggabloggurum á að fólk er ekki að mótmæla hernum sem allir vita að er farinn, heldur veru okkar í NATÓ og kokteilboði morðingja í boði skattgreiðenda

varðandi aðfarir lögreglu þá var EKKERT ofbeldi né saurkast né ég veit ekki hvað annað ofbeldisfullt haft frammi að hálfu mótmælenda. piparúðun er að verða normið

en við munum fá nýjan dómsmálaráðherra sem mun taka aðeins til

og fyrir þá sem hafa áhyggjur af ferðamannastraumi..eigum við kannski að spá í hryðjuverkum Sjávarútvegsráðherra, síðasta daginn í embætti!? hann er að draga landið niður í áliti umheimsins!

[Magnús Helgi Björgvinsson, 28.1.2009 kl. 21:10]

En Jón það er gegn vilja meirihlutans. Og þú ert stór upp á þig að kalla fólk þarna morðingja. Ekki víst að nokkur þarna hafi nokkru sinni tekið þátt í stríði.

Ég var búinn að tjá mig um heimsku Einars sjávarútvegsráðherra en það bætir ekki hegðun þessara unglinga þarna! Og ákvörðun hans er hægt að taka til baka en ekki þessa hegðun þessara mótmælenda. Hverju verður mótmælt næst? Kvefi? Of löngum skóladegi? Köldu loftslagi?

[Lena (IP-tala skráð) 28.1.2009 kl. 21:11]

Ég hef alls ekkert á móti lögreglunni Magnús og hef ætð haft mikar mætur á henni. En á þriðjudaginn fyrir viku varð ég vitni af hlutum sem ég hefði aldrei getað ýmindað mér. Ég var stödd í Alþingisgarðinum og sá lögregluna handtaka fólk sem ekki hafði gert neitt af sér og notaði piparúðan óspart, algerlega af tilefnislausu.

Þú getur ekki sagt að mótmælendur séu að beita ofbeld, ekki ef þú hefur ekki sjálfur verið á staðunum, og í öðru lagi þá er hvergi talað hér um að mótmælednur hafi beitt ofbeldi. Ekki nema þú teljir það ofbeldi að berja í potta og hrópa slagorð!!

[Lóa (IP-tala skráð) 28.1.2009 kl. 21:13]

Ég bjó lengi í Skotlandi og Englandi. Þær fréttir sem mér berast þaðan frá þeim stóra hópi fólks sem ég þekki eru: "Flott hjá íslendingum, stolt af ykkur að láta ekki koma svona fram við ykkur." Get ég þá ekki sett fram þá staðreynd að ég hafi örugga heimildir fyrir því að mótmælin hérlendis séu að auka hróður okkar erlendis?
Einnig vil ég benda á að unglingar hafa fullan rétt á því að tjá sínar skoðanir, og ef rétt reynist að þetta séu bara unglingar þá set ég spurningamerki við hörku lögreglu í þeirra garð.
Ég hræðist það að hér á landi séu ákveðin öfl sem tala niður mótmæli. Það er stór munur á að gagnrýna málstaðinn og gagnrýna mótmælin í sjálfu sér.

[Magnús Helgi Björgvinsson, 28.1.2009 kl. 21:21]

OK á þá þetta þá bara að verða norm hér? Að krakkar labbi að lögreglunn og hrópi að þeim ókvæðisorð, hendi yfir þá jógúrt og drullu. Hend í hana grjóti og brjóti og skemmi eigur okkar og einstaklinga? Það er nú kannski tvennt ólíkt þegar fólk er að mótmæla að hér sé allt hrunið og gerir það á yfirvegaðn hátt. En þegar fólk kemur vísvitandi til að lenda í átökum þá kallar það á meiri viðbúnað lögreglu og þannig viljið þið Lena og Lóa hafa það af þvi að einhverju fólki finnst þetta gaman og smart.

Og ég get ekki séð af hverju það þarf að bitna á lögreglunni. Sem er að vinna sína vinnu. Og með hveri árásinni þá aukast líkur á að einhver geri mistök.

[Lena (IP-tala skráð) 28.1.2009 kl. 21:32]

Ég hélt að ég þyrfti ekki að segja það, en það er bara mjög fámennur hópur sem kemur gagngert til þess að "böggast" í lögreglunni, en því miður er sá hópur nóg til þess að varpa skugga á þá sem komnir eru til þess að mótmæla friðsamlega.

[Ragnar (IP-tala skráð) 28.1.2009 kl. 21:46]

Bara róleg, þessu lýkur á laugardaginn þegar skörungurinn hún Jóhanna drepur í síðustu glæðum byltingarinnar með því að mæta sjálfsögðum kröfum þjóðarinnar.

Um leið og skríllinn í Seðlabankanum, Bankaráð og stjórn, kveðja land og þjóð, hætta mótmælin!

Ekki gleyma því að Sjálfstæðisflokkurinn kom þjóðinni í Nato, Davíð kom þjóðinni í innrásarstríð. Sagan gleymir því ekki og því skyldu mótmælendur við Hilton gleyma því?

[Ragnar (IP-tala skráð) 28.1.2009 kl. 21:48]

ps. Hvar var Nató þegar Bretland réðist með offorsi og hryðjuverkalögum á minnstu stofnþjóð innan samtakanna?

[Þröstur (IP-tala skráð) 28.1.2009 kl. 21:52]

já hvar var nató þá? og viljum við ekki búa í landi þar sem fólki er frjálst að mótmæla? Það vil ég

áfram hin nýja ríkistjórn, kallið fram réttlæti og alvöru lýðræði!

[Magnús Helgi Björgvinsson, 28.1.2009 kl. 22:39]

Hélt að þið væruð að fylgjast með fréttum. Það voru nú menn hér að leika sér með peninga Breta og annarra landa. Hvað átti Nató að gera? Við ætluðum líka að neita að borga þessa peninga átti Nató þá að beita sér gegn okkur? Nató er varnarbandalag sem þýðir að það annast varnir gegn árásum frá öðrum þjóðum? Nató er ekki efnahagsbandalag sem ver þjóðir gegn milliríkjadeilum um peninga! Enda finnst Breskum almenning sem átti peninga hjá okkar bönkum að við höfum farið illa með þá. Held að við blöndum ekki Nató í þetta. En sendiherra okkar hjá Nató lét loka þar fundi í október og jós skömmum þar yfir Breta.

En Nató kemur deilum okkar við Breta bara ekkert við. Eigum við þá að segja okkur úr Sameinuðuþjóðunum. Þar eru sannanlega morðingjar, harðstjórar og einræðisherrar. Og Sameiniðuþjóðirnar gerðu ekkert þegar bretar settu á okkur Hryðjuverkalög

[Magnús Helgi Björgvinsson, 28.1.2009 kl. 22:41]

Munið að Nató kom ekki að Írakstríðinu og hefur sjaldan farið í árásarstríð. Þó einstakar þjóðir hafi gert það. Nató hefur verið í Afganistan sem friðargæslusveitir að einhverju leyti en tók ekki þátt í innrásinni.

[Gunnar Eiríksson (IP-tala skráð) 29.1.2009 kl. 09:31]

NATO vinnur náið með USA við að endurnýja og þróa vopnabúr beggja stofnana. NATO hvatti í kjölfar Írakstríðsins þjóðir til að fylgja nýrri hryðjuverkalöggjöf og þeir reyndu að sannfæra Íslendinga um að eyða gríðarmiklum peningum í herrekstur. Þessir 2 aðilar unnu saman að þjóðarmorðunum á Serbum, árásirnar gerðust eins og Íraksstríðið án samþykkis S.Þ. Einnig hjálpuðust þessi herveldi við að koma upp eldflaugavarnarkerfi í Tékklandi sem æsti Rússa mjög upp og settu þá í vígstöðu.

Gæti nefnt ótal fleiri dæmi.

Allt verður þetta til þess að fleiri hervopn er framleidd í heiminum. Vopn sem drepa fólk, oftast saklaust fólk og jafnvel börn og gamalmenni. Vopn sem er mikil pressa á að nota áður en þau úreldast og skemmast. NATO er í raun bara alþjóðafyrirtæki sem græðir á ófriði og stríðum. Þeir hittast á fundum og finna leiðir til að stækka sín samtök og leggja hart að þjóðum við að eyða sem mest af sinni þjóðarframleiðslu í hertól. 

Við lifum orðið í mjög siðlausum heimi ef útsendarar svona samtaka eru skyndilega orðnir auðfúsugestir og beri að sýna virðingu. Magnús, ef dópsalar myndu koma heim til þinnar fjölskyldu og spyrja foreldra þína hvort þau vildu fá sér í haus yfir jólasteikinni. Yrðiru bara sáttur og verðir rétt foreldra þinna til að taka sjálfstæðar ákvarðanir? 

[Magnús Helgi Björgvinsson, 29.1.2009 kl. 09:47]

Mynni fólk á að NATO er ekki ríki heldur varnarbandalag sjálfstæðra þjóða og gerir ekkert sem meiri hluti þessara þjóða sættir sig við:

Aðildarþjóðir NATO eru:

Stofnfélagar (1949):

• Bandaríkin
• Belgía
• Bretland
• Danmörk
• Frakkland
• Holland
• Ísland
• Ítalía
• Kanada
• Lúxemborg
• Noregur
• Portúgal

Ríki sem fengu inngöngu síðar:

• Grikkland (1952)
• Tyrkland (1952)
• Þýskaland (1955)
• Spánn (1982)
• Pólland (1999)
• Tékkland (1999)
• Ungverjaland (1999)
• Búlgaría (2004)
• Eistland (2004)
• Lettland (2004)
• Litháen (2004)
• Rúmenía (2004)
• Slóvakía (2004)
• Slóvenía (2004)

Þýskaland gekk í sambandið sem Vestur-Þýskaland, landsvæðið sem áður var Austur-Þýskaland varð hluti af NATÓ með sameiningu þýsku ríkjanna árið 1990.