Hefur einhver tillögur um aðra framtíðarsýn sem getur tryggt okkur stöðugleika?

• Það er ljóst að myntin okkar er ónýt
• Það er ljóst að ef við ætlum að stunda alþjóðleg viðskipti og fjárfestingar þá verðum við að hafa aðgang að Seðlabanka til þrautarvara sem er nógu öflugur.
• Það er ljóst að einhliða upptaka annarrar myntar veldur því að við verðum viðkvæm fyrir sveiflum í því landi og á þeim mörkuðum sem við skiptum lítið sem ekkert við.
• Það er ljóst að vöruverð hefur lækkað um allt að 30% í þeim löndum sem hafa gengið í ESB
• Við erum þegar í  nánu samstarfi við ESB og bundin að mörgu leiti lögum og reglum þar en höfum engin áhrif.
• Við erum í dag í alvarlegri kreppu. Við komumst væntanlega út úr henni en erum jafn óvarinn eftir það.
• Við gætum fengið næstu kreppu eftir nokkur ár t.d. ef fer saman verðfall á áli sem og aflabrestur.
• Það er ljóst að um 80% af ríkjum Evrópu eru nú þegar komin í ESB
• Það er ljóst að EES samningurinn er eitthvað sem ESB hefur ekki mikinn áhuga á að endurnýja þegar hann verður úreltur og ekki víst að hann vari að eilífu.

Af hverju er fólk á móti því að kanna hvað okkur býðst í aðildarviðræðum?

Hvaða tillögur hefur fólk nú á tímum alþjóðavæðingar um framtíðarsýn fyrir Ísland? 

Fengjum forgang inn í ESB

Athugasemdir

[Georg Bergþór Friðriksson, 30.1.2009 kl. 09:00]

Það er ljóst að myntin okkar er ónýt - skipta yfir í dollara

Það er ljóst að ef við ætlum að stunda alþjóðleg viðskipti og fjárfestingar þá verðum við að hafa aðgang að Seðlabanka til þrautarvara sem er nógu öflugur - Seðlabanki Íslands í núverandi mynd eða með breytingum getur keypt dollara eða gefið út íslenskan dollar með baktryggingu í USD. Seðlabanki ESB hefur ekki gert mikið í núverandi kreppuástandi

Það er ljóst að einhliða upptaka annarrar myntar veldur því að við verðum viðkvæm fyrir sveiflum í því landi og á þeim mörkuðum sem við skiptum lítið sem ekkert við - Varla með íslenskan dollar, baktryggðan af USD

Það er ljóst að vöruverð hefur lækkað um allt að 30% í þeim löndum sem hafa gengið í ESB - Á sama tíma hefur atvinnuleysi hækkað mikið í hinu ágæta ESB. Að auki hefur Ísland fullan aðgang að innri mörkuðum ESB gegnum EES, flutningskostnaður lækkar ekki við inngöngu. Að auki er hætt við að íslenskum landbúnaði mundi ekki reiða sérlega vel af innan ESB, viljum við verða háð ESB um matvæli ?

Við erum þegar í  nánu samstarfi við ESB og bundin að mörgu leiti lögum og reglum þar en höfum engin áhrif - og okkar áhrif innan ESB verða ?

Við erum í dag í alvarlegri kreppu. Við komumst væntanlega út úr henni en erum jafn óvarinn eftir það - Hefur nokkur lesið ævintýrið um Bretland og þeirra stönduga bankakerfi (þetta sem er líka að hruni komið), eða Grikkland sem jafnvel verður að segja sig frá notkun evru vegna téðrar kreppu ?

Við gætum fengið næstu kreppu eftir nokkur ár t.d. ef fer saman verðfall á áli sem og aflabrestur - hefur lítið með ESB að gera en meira með einstefnuna í virkjunarmálum síðustu ára (Álver bjarga öllu nefnilega)

Það er ljóst að um 80% af ríkjum Evrópu eru nú þegar komin í ESB - gerir það EES samninginn verri ? ef eitthvað er þá er sú staða hagstæðari fyrir okkur

Það er ljóst að EES samningurinn er eitthvað sem ESB hefur ekki mikinn áhuga á að endurnýja þegar hann verður úreltur og ekki víst að hann vari að eilífu - hversu ljóst er það ? hefur ESB gefið slíkt út opinberlega ?

[Fannar frá Rifi, 30.1.2009 kl. 09:01]

útflutningsgreinar Írlands eru að fara á hausinn.

samdráttur í þjóðarframleiðslu verður 10% í ár (svipað og hérna)

þeir eru búnir að dæla inn peningum í bankana.

þeir eru búnir að þjóðnýta lífeyrissjóðina til að reyna að bjarga bönkunum.

þeir eru búnir að setja ríkisábyrgð á öll lán hjá Írskum bönkum, innlán, útlán og millibankalán. 

Írar eru bæði í ESB og með Evru. Samt eru þeir alveg á rassinum og útlitið er svart og ESB hjálpar þeim ekki neitt. 

afhverju mun ESB hjálpa okkur eitthvað frekar? 

Rök þín eru svipuð og þegar einhver var að reyna að fá fólk í kringum sig til að reykja. "það eru allir aðrir sem reykja" rök. 

ESB mun endurnýja EES samninginn vegna Noregs og Noregur er ekki á leið inn. 

Og Maggi. ertu þú virkilega tilbúinn að borga tæplega 1000 milljarða króna til ESB vegna Icesave? 

[Jónas Jónasson, 30.1.2009 kl. 09:23]

Wagner : Maðurinn þarf að þjást til að verða vitur.

[Umhugsun (IP-tala skráð) 30.1.2009 kl. 10:10]

Málið er einfalt, Evrópusambandið ásælist auðlindir okkar. Það eru ákvæði í Lissabon sáttmálanum sem gefa framkvæmdastjórn sambandsins leyfi til þess að yfirtaka og ráðstafa auðlindum aðildarlanda til hagsbóta fyrir heildina.

 Þetta þýðir í stuttu máli að Orkuauðlindir okkar (Jarðvarminn, fallvötnin og olían/Gasið á Drekasvæðinu) yrðu fullnýttar til húshitunar og annars í Bretlandi, Þýskalandi, Frakklandi, Búlgaríu og Rúmeníu.

Fiskveiðistjórnunin yrði í höndum Spánverja og Portúgala. Þeir eru núþear búnir að taka yfir nánast allan breskan fiskiðnað. Litla Ísland yrði barnaleikur fyrir þá að gleypa.

Evrópusambandsaðild er eins og að pissa í skóinn sinn í kuldakasti uppi á jökli.

Ps. Við ættum að taka upp US Dollar í stað Evru. Jú jú það eru vissulega ekki eins ódýrt að versla við Evrulöndin þá. Hinsvegar er
fórnarkostnaðurinn töluvert minni þar sem við þurfum ekki að lúta
ýfirþjóðlegu valdi frá BNA þótt við tökum upp gjaldmiðilinn, eins og raunin yrði með Evru og Evrópusambandið. Við yrðum aldrei neitt meira en lítill og fámennur hreppur í hinu 400-500 milljóna manna Evrópusambandi og áhrifin okkar á stefnu þess eftir því.

kv,

Umhugsun.

[Ólafur Ingólfsson, 30.1.2009 kl. 10:14]

Góður pistill, tekur á lykilatriðum sem Evrópusambandsuræðan ætti að snúast um!

[Magnús Helgi Björgvinsson, 30.1.2009 kl. 10:15]

Guðrún skv. því sem ég hef lesið eru yfir 70% af viðskipum okkar í EVRU. Það segja allir sérfræðingar að krónan sé gjaldmiðill sem gangi ekki til lengdar ef við ætlum að vera í viðskiptum við útlönd. Hún kæmi til með að viðhalda hér háum vöxtum til frambúðar þar sem að við yrðum að verja hana fyrir stöðutökum erlendra og innlendra aðila.

Fannar ég veit um þinar skoðanir. Mér finnst þær mótast af því að þú viljir að við tökum ekki þá í viðskiptum við aðrar þjóðir. Nema þá sem vöruskipti. Þetta höfum við reynt. T.d. gáum við um tíma bara sellt sovétmönnum vörur okkar og þurfturm að taka allskonar dótu upp í fisksölur. Veit ekki hvort þetta er umhverfi sem fólk vill lifa í. Þ.e. að þurfa að sækja sérstaklega um heimild til að fara í ferðir erlendis og þurfa að sanna að við séum með leyfi til að fara út til að geta fengið gjaldeyri. 

[Magnús Helgi Björgvinsson, 30.1.2009 kl. 10:18]

Georg til að kaupa dollara þurfum við gjaldeyri. VIð getum ekki farið með krónur erlendis og keypt dollara. Og við þessi skipti mundu um 400 til 600 milljarðar sem útlendingar eiga hér fara í kjölfarið og við sætum uppi með kannsi 600 milljarða skuld og engan gjaldeyri því þeir hefðu tekið hann þar með út.