Hverskonar fréttatúlkun er þetta?

Þessi skýrsla er dagsett 24. desember. Þannig að:

 Með auknum stöðugleika á gjaldeyrismarkaði og í verðlagi geti skapast tækifæri til þess að losa smám saman um hömlur á fjármagnsflæði og lækka vexti í litlum skrefum.

Það er verið að lýsa ástandi sem var hér um miðjan desemberþannig að það er með öllu óvíst að það verði ekki gerðar breytingar á vöxtum. Finnst furðulegt að túlka þessa skýrslu sem lýsingu á vilja AGS núna. Enda segja þeir í skýrslunni að þegar gegnið er orðið nokkuð stöðugt megi fara að skoða lækkun vaxta. Þetta hafa þeir sagt meira að segja síðan þeir komu hérna fyrst. Og þá skildist manni að það yrði einmitt í mars sem þeir reiknuðu með að vextir færu að lækka.

Finnst óþarfi að mála hér skrattann á vegginn. Þetta er nú nógu slæmt samt.

Er ekki rétt að bíða eftir að þeir komi hér um næstu helgi. Finnst líka að margt í þessari skýrslu lofi góðu. Þar er m.a. getið um að ýmsar skuldir eru að reynast lægri en þær voru. Sem og eignir hafi komið meira á móti skuldum erlendis en reiknað var með og eins að ástandið sé að þróast eins og menn reiknuðu með.

Peningamálastefnu ekki breytt

Athugasemdir

[Páll Jónsson, 13.2.2009 kl. 02:36]

Heh, auðvitað, ég var ekki búinn að átta mig á þessu! Þetta er þokkalegur feill  hjá mbl maður.

[V. Jóhannsson (IP-tala skráð) 13.2.2009 kl. 08:24]

Sagt er: ÞÓTT aðgerðir í peningamálum hafi skilað árangri á Íslandi sé enn of snemmt að breyta um stefnu.

Ég skil ekki samhengið ! Á ekki að ná árangr í peningamálum?

[Magnús Helgi Björgvinsson, 13.2.2009 kl. 09:36]

Og enn ítreka ég að þetta var í desember. Og þá var enn hér bullandi verðbólga. En hún er að lækka hratt nú þessar vikur. Þó er talið að hún fari fyrst að lækka að ráði í mars og þá lækki vextir. En ekki eins hratt og atvinnulífið vill. Held líka af fenginni reynslu ættum við að fara varlega.