Það eina rétta! Spurning hvað andstæðingar aðildarviðræðna vilja í staðinn?

Ég er orðinn þreyttur á að lesa rök andstæðinga aðildarviðræðna við ESB. Og reyndar eru margir þeirra á móti IMF líka. Og þó nokkrir telja einnig að Sameinuðuþjóðirnar séu glæpastofnun. Manni verður bara orðfall þegar maður les svona rök eins og:

• ESB vill bara að við göngum þar inn svo þeir geti stolið orkunni okkar og veitt allan fiskinn okkar.
  Það er margbúið að benda fólk á að ESB er ekki einkastofnun vondra karla sem vilja ræna og eyða litlum ríkjum. ESB er samband ríkja í Evrópu sem telja hag sínum best borgið með nánu samstarfi um ákveðna þætti. Skoðið hvaða ríki þetta eru. Og nefnið eitt ríki sem hefur misst auðlyndir sínar
• ESB stefnir að því að verða eins og Bandaríkin:
  Þetta er náttúrulega bull. Hugsið aftur hvaða lönd eru í ESB? Haldið þið að Frakkland, Þýskaland, Danmörk, Svíþjóð, Finnland og öll hin ríkin þaðan sem lýðræði er komið frá stefni að því að verða bara fylki í Evrópu? Kjaftæði. Þau mundu ekki sætta sig við það! Og það eru þau sem stýra ESB
• ESB aðild táknar að Ísland missir sjálfstæði sitt og fullveldi:
  Aftur væri fólk holt að hugsa til þeirra 27 þjóða sem eru í ESB og spyrja hvort þau séu ekki sjálfstæð. Eru Svíar, Finnar, Danir og svo framvegis ekki sjálfstæðar og fullvalda þjóðir?
• EF við göngum í ESB koma vondir karlar og veiða allan fiskinn okkar:
  Það er nú marg búið að tyggja í fólk að ESB styðst við veiðireynslu. Og hér hefur enginn veiðireynslu nema við. Og fáir okkar fiskistofna eru sameiginlegir með öðrum ESB ríkjum.
• Útlendingar koma og fjárfesta í útgerðum og eignast þær:
  Ég spyr er það eitthvað verra en er í dag. Þar sem að kvótaeigendur og útgerðamenn hafa notað allan hagnað sem og skuldsetningu til að nota í eitthvað allt annað og skilið þessi útgerðarfyrirtæki stórskuldug og búa sjálfir erlendis.
• Allar auðlyndum verður stolið:
  Ég spyr hverjir ætli að geri það. Og hvaða dæmi eru um það annarsstaðar

Ég spyr hvaða minnimáttarkennd er þetta í fólki og lætur það ljúga sig alveg fullt. Og svo væri gaman að vita hvað þeir sem eru á móti þessu vilja gera í staðinn varðandi:

• Krónuna/gjaldmiðil.
• Gjaldeyrishömlur
• Lækkun á vöruverði
• Endurreisn bankakerfisins
• Erlenda fjárfestingu
• Orðspor okkar erlendis og traust.

Ekki boðlegt að fólk tali um að við höfum nú haft krónuna hér í rúm 100 ár og hún hafi reynst okkur vel. Hún hefur ekki gert það. Íslenska krónan og Danska voru jafn verðmætar um 1900. Okkar krónan hefur rýrnað um 1300% miðað við dönsku krónuna. Þetta var samt falið með því að við klipptum 2 núll af okkar krónu um 1980.

Athugasemdir

[Guðbjörn Jónsson, 13.3.2009 kl. 00:30]

Skemmtilegt hve þér tekst að komast hjá því að nefna nokkur rök fyrir þessum skoðunum þínum. Greinilegt að þú hefur ekkert kynnt þér hvaða hömlur fylgja ESB aðild.   Þú lýsir þínum skrifum ágætlega í þessari setningu:

 Ég spyr hvaða minnimáttarkennd er þetta í fólki og lætur það ljúga sig alveg fullt.

[Magnús Helgi Björgvinsson, 13.3.2009 kl. 01:14]

Auðvita er svona náin samvinna eins og ESB er ekki gallalaus. En kostirnir vega upp gallana margfallt. Á meðan t.d. það eru líkur á að við borgum meira til ESB en við fáum til baka þá vegur lægra vöruverð það upp margfallt.

Hræðsla vegna afnáms framleiðslustyrkja til lanbúnaðsins kemur að megninu til til baka í styrkjum beint til bænda vegna stuðnigs ESB við búsetur í dreifbýli sem og vegna landbúnaðar á norðlægum slóðum.  Fullveldisframsal er eingöngu að því leitinu sem að við þurfum að taka upp lög og reglur frá ESB. Þetta gerum við að stórum hluta í dag.

Báknið í Brusser. Það er nú ekki stærra en svo að mér skilst að það sé svipað og í meðalstórri borg í Bretlandi. Áhrifaleysi okkar vegna stærða okkar í ESB. Það hefur verið sýnt fram á að lítil ríki hafa bara töluverð áhrif í stofnunum ESB.

En það er líka alveg makalaust að þeir sem eru á móti aðild að ESB segja ekkert um það hvernig við eigum að móta okkur framtíðarsýn hér á landi á annan hátt. Ekki getum við haldið áfram eins og við höfum gert.

[BB (IP-tala skráð) 13.3.2009 kl. 08:55]

Já! Ég er ekki hagfræðingur, en hef reynt eftir bestu getu að kynna mér þessi mál. Ég get ekki betur séð að nánast allir málsmetandi hagfræðingar, erlendir sem og innlenndir meti það svo að ESB sé rétta skrefið!

 Ég sætti  mig allaveganna ekki við að eignamyndun á Íslandi sé x2 sinnum hægari en gengur og gerist, að verðbólgan bæti hundruðum, ef ekki miljónum við ´höfuðstól húsnæðislána. Að Stöðugleiki hér vari aldei lengur en nokkur ár og svo fari allt til fjandans....  Að fyrirtæki geti ekki lifað við það rekstrarumhverfi sem hér ríkir og þurfi að segja upp fólki. Að sjáfarútvegur ráði gengi krónunnar og kæfi allan annan iðnað sem er háðari innfluntingi á hráefni til framleiðslunnar.....       

Við þurfum gott umhverfi fyrir flóru af fyrirtækjum sem veita okkar háskólamenntaða fólki vinnu og möguleika til þess að eignast heimili og búa börnum sínum í haginn fyrir framtíðina...

[Magnús Helgi Björgvinsson, 13.3.2009 kl. 09:12]

BB get tekið uundir þetta allt hjá þér. Eins þá er hægt að bæta við þetta hjá þér að nú þegar njóta vísindamenn hér styrkja frá ESB til rannsókna og þeir mundu aukast og skaffa okkur ýmsa möguleika á vísinda og hátæknisviðinu.

[Axel Þór Kolbeinsson, 13.3.2009 kl. 14:08]

Sæll Magnús.  Nú held ég að þú farir að vera leiður á mér.

Láttu mig bara vita ef þú vilt ekki að ég skrifi á bloggið þitt og þá virði ég það.  En ég verð samt að svara pistlinum þínum út frá mínum skoðunum sem andstæðingur.

ESB vill bara að við göngum þar inn svo þeir geti stolið orkunni okkar og veitt allan fiskinn okkar.

Þetta er góður punktur hjá þér og er hálfgerð samsæriskenning, en eins og með allar slíka kenningar eru sannleikskorn í þeim.

ESB stefnir að því að verða eins og Bandaríkin

ESB hefur ekki þá opinberu stefnu að gerða að sambandsríki, en vegna þeirrar miklu samvinnu og yfirþjóðlega valds í stofnunum sambandsins þá er ESB að nálgast það að geta kallað sig sambandslýðveldi kjósi það og aðildarþjóðir það.  Þá er ég að miða við skilgreiningar Montevido sáttmálans um hvað er ríki.

ESB aðild táknar að Ísland missir sjálfstæði sitt og fullveldi

Mssir? Nei  Takmörkun? Já.

ESB er samsett af stofnunum sem eru í eðli sínu annaðhvort samþjóðlegar eða yfirþjóðlegar þ.e. æðri stjórn hvers aðildarríkis.  Þarna á sér stað ákveðin skerðing á sjálfsákvörðunarrétti þjóðar.

EF við göngum í ESB koma vondir karlar og veiða allan fiskinn okkar

Núverandi reglur ESB eru í endurskoðun.  Það er ekkert sem tryggir breytingu reglna eftir að Ísland er gengið inn.  Jafnframt eru ýmsir fiskistofnar sem við veiðum úr reikistofnar og þar færi ákvörðunartaka fram í Brussel.

Útlendingar koma og fjárfesta í útgerðum og eignast þær

Við inngöngu í ESB þyrftum við að breyta núverandi lögum sem kveða á um að ekki meira en 49% í hverju fyrirtæki í sjávarútvegi geti verið í eigu erlendra aðilla.

Allar auðlyndum verður stolið

Sama og fyrsta atriði.

• Krónuna/gjaldmiðil. - Fólk hefur mismunandi skoðun á því
• Gjaldeyrishömlur - Er á forræði Seðlabanka Íslands og er tímabundin ráðstöfun.  Myndi vera aflétt löngu áður en til aðildar kæmi.
• Lækkun á vöruverði - Hef aldrei skilið afhverju það er verið að draga vöruverð í ESB umræðuna.  Það eru nú þegar nánast tollfrí verslun við ESB í gegnum EES.  Flutningskostnaður breytist ekki við inngöngu í ESB né virðisaukaskattur á Íslandi.
• Endurreisn bankakerfisins - Ég vissi ekki að ESB ræki bankakerfi
• Erlenda fjárfestingu - Það er engin fjárfesting í gangi núna, hvorki hér né erlendis.  Þetta getur þú séð með því að skoða hagvaxtartölur.  Hagvöxtur hefur að jafnaði verið meiri á Íslandi heldur en meðaltal ESB þannig að ef einhver beyting yrði á þá væri hún óveruleg.
• Orðspor okkar erlendis og traust. - Byggir það ekki á okkur sjálfum?

Ég vona að ég sé ekki farinn að pirra þig.  Mín skrif eru öll í góðu.  Allir hafa rétt á sínum skoðunum og allir hafa gott af því að heyra skoðanir annarra.

[Magnús Helgi Björgvinsson, 13.3.2009 kl. 14:33]

Það er langt í frá tollfrjálsverslun á matvöru t.d. Hér eru ofur tollar og tollkvótar á fullt af vörum. Eins eru háir tollar á tækjum og tólum sem hingað eru flutt.

Eins og þú veist þá rekur ESB Evrópubankan sem meira að segja átti útistandandi lán hér á landi. En það sem ég er að fara með Endurreisn bankana er það að í dag vill enginn lána þeim. Og stór ástæða fyrir því er að enginn hefur trú á okkur ef við erum ekki með neina framtíðarsýn. Við vitum ekkert hvað við eigum að gera varaðndi t.d. bara gjaldmiðil. Og á meðan við erum með krónu þá forðast útlendingar bæði að fjárfesta hér og eins að lána okkur eftir hrunið. Og eins og þú veist eru allar ríkisstjórnir að reyna að hvetja til að fjárfestingar fari í gang aftur. Það eru fullt af mönnum og fyrirtækjum sem eiga enn fé til að fjárfesta. Þeir vilja hinsvegar öryggi í sínar fjárfestingar.

Og ríki sem er á hausnum og segir nei við þurfum enga stefnu þetta reddast allt. T.d. varðandi krónuna sem hefur fallið reglubundið allan sinn líftíma, svona ríki fær enga tiltrú. 

Eins bendi ég á að í núverandi lögum er ekkert sem bannar útlendingum að eiga í útgerð og fiskvinnslu meira en 50% svo framarlega sem að það sé ekki í meira en ár.  

Meira síðar.

Og endilega haltu bara áfram að skrifa. Engin takmörk á því hjá mér. En misfljót sem ég get svarað.