Eru Sjálfstæðismenn að tapa sér??????

Maður les ekki blað, fer inn á netfréttamiðla, hlustar á útvarpið án þess að það dynji á manni auglýsingar frá fólki í framboði í prófkjörum sjálfstæðismanna. Síðan virðast sumir eins og Guðlaugur vera með her af fólki í að hringja út fyrir sig. Svo marga að hann getur notað þau í að gera kannanir fyrir sig líka. Svo heyrir maður af smölun á pólskum nýbúum í prófkjörið. Eins var ég að lesta þetta á www.dv.is

Stuðningsmenn Illuga Gunnarssonar sendu strætisvagn til að sækja nemendur í Menntaskólanum í Hamrahlíð (MH) og keyra þá á kjörstað til að taka þátt í prófkjöri Sjálfstæðisflokksins nú fyrir stundu. Var nemendunum sem þáðu farið boðið upp á pítsuveislu og gos.

„Það passar til. Það var rúta sem fór og tók á móti krökkum sem voru að fara að kjósa, eins og bara á kosningaskrifstofunni hérna hjá okkur þar sem gefnar eru veitingar þá voru gefnar veitingar þarna líka,“ segir Illugi Gunnarsson aðspurður um smölunina. Hann segir boðið upp á akstur á kjörstað fyrir fleiri en fólk í skólum. Vanti fólki far á kjörstað er því sinnt.

„Partur af þessu líka er að okkur finnst um að gera að fá ungt fólk til að koma og kjósa,“ segir Illugi. „Við bjóðum upp á akstur, ekki bara fyrir fólk sem er í skóla, bjóðum akstur fyrir eldri borgara og þá sem eiga ekki heimangegnt. Við erum með mini-bus og okkar eigin einkabíla líka.“

Ljóst að þessi kosnigabarátta kostar milljónir hjá Illuga, Guðlaugi og fleirum. Og svo eru þessir menn að byðja um umboð til að stjórna hér aftur.

Stuðningsmenn Guðlaugs segja hann hafa forystu

Athugasemdir

[zappa (IP-tala skráð) 14.3.2009 kl. 03:48]

show me the money

[Hólmfríður Bjarnadóttir, 14.3.2009 kl. 04:46]

Auðvitað eru peningar notaðir þar sem þeir eru til. Sjálfstæðismenn eiga allt undir því að ná árangri í kosningunum og halda völdum, og þá er ekki spurt um verðið.

[doddý, 14.3.2009 kl. 09:22]

í þessum málum er engin heilagur. drengurinn minn skráði sig í stjórnmálaflokk fyrir síðustu kosningar því smalari í smáralindinni hafði sagt honum að flokkurinn myndi borga fyrir hann skólabækur. það er grunnt á trúgirni ungra íslendinga nú sem áður og þarf ekki peninga til. kv d