Held að sjálfstæðismenn ætti nú bara að hafa áhyggjur af sjálfum sér

Held að flokkur sem er ný búinn að detta á andlitið með alla sína stefnu og steypa þjóðinni í djúpt fen ætti ekki að vera að láta svona hluti trufla sig. Sér í lagi þegar að menn í flokknum vita ekki hvar flokkurinn þeirra sendur formlega í þessu máli. Eru þeir ekki að fara ræða það um næstu helgi?

Er farinn að halda að enginn flokkur fyrr eða síðar á Alþingi hafi sýnt aðra eins hræsni eins og Sjálfstæðisflokkurinn hefur gert síðustu mánuði. Flokkurinn hefði betur skipt út mönnum úr stuttbuxnadeildinni. Þeir eru ennþá að vinna eins og Hannes Hólmsteinn hafi rétt fyrir sér og eins að þeir séu ennþá í ræðulið Menntaskóla þar sem að aðal markmiðið er að blaðra án þess að innihaldið þurfi endilega að vera rétt.

Kollhnísafréttaskýringar

Athugasemdir

[Fannar frá Rifi, 24.3.2009 kl. 14:42]

"eins að þeir séu ennþá í ræðulið Menntaskóla þar sem að aðal markmiðið er að blaðra án þess að innihaldið þurfi endilega að vera rétt."

ertu að tala um Dag B og aðra í Sandfylkingunni sem tala mikið en segja aldrei neitt? 

[Magnús Helgi Björgvinsson, 24.3.2009 kl. 14:51]

Fannar ég er að tala um að eyða tíma á þingi í þetta:

Kölluðu þingmenn Sjálfstæðisflokks skýringar Samfylkingarmanna á ESB-ályktunum VG „skapandi túlkanir," og „kollhnísafréttaskýringar"

Hvurn djöfull varðar þetta störf þingsins. Minni þig líka á að Dagur er ekki í framboði eða á leið í landsmálinn nú! 

[Gulli (IP-tala skráð) 24.3.2009 kl. 15:20]

Af hverju trúir fólk því ennþá að þingmönnum komi við hvort eitthvað er hlutverk Alþingis? Þingmenn hafa bara eitt markmið - að ná endurkjöri og í ljósi þess er þessi taktík Sjálfstæðismanna í raun verulega góð, með því að spyrja óþægilegra spurninga geta þeir skapað óvissu hjá þeim sem kjósa eftir vinsældum málefna og jafnvel tryggt sér eitthvað af þeim atkvæðum.

[Hjörleifur Guttormsson, 24.3.2009 kl. 17:53]

Verst í þessari umræðu var þó innlegg fyrrum bankamálaráðherra Björgvins G Sigurðssonar sem reyndist ófær um að fara rétt með efni samþykkta landsfunda VG um ESB-málefni fyrir tveimur dögum.

Ég efa stórlega að honum verði treyst fyrir því öðru sinni að setjast í ráðherrastól.

[Magnús Helgi Björgvinsson, 24.3.2009 kl. 22:27]

Hjörleifur það má nú með góðum vilja greina opnun hjá Vg í þessari ályktun:

Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

Ég les þetta a.m.k. þannig að Vg geri sér grein fyrir að aðildarviðræður geti komið til þó flokkurinn sé heldur á móti því. Og það sé nauðsynlegt að málið sé kynnt vel og það sé síðan þjóðin sem tekur ákvörðun.