Hvað ætlar fólk að kjósa?

Nú væri gaman að vita hvað fólk ætlar að kjósa? Takið þátt hér hægra megin á síðunni!

Framhaldið í höndum formannsins

Athugasemdir

[Magnús Helgi Björgvinsson, 10.4.2009 kl. 21:55]

Glæsilegt 16 atkvæði á 5 mínútum. Halda áfram takk!

[Ormur (IP-tala skráð) 10.4.2009 kl. 22:02]

Ég veit ekki betur en að Jóhanna og co neiti líka að gefa upp hverjir styrktu þau, þú ættir kannski að taka það fram líka.

[Rósa (IP-tala skráð) 10.4.2009 kl. 22:16]

Lágmark að hafa kjörseðilinn í lagi:

BorgaraHREYFINGIN

Borgaraflokkurinn var til í gamla daga.

[Magnús Helgi Björgvinsson, 10.4.2009 kl. 22:20]

Rósa setti þetta inn eins og þú skifaðir það þ.e. BorgaraHREYFINGIN

Ormur hefur þú ekkert fylgst með:

"Í samræmi við yfirlýsingu formanns Samfylkingarinnar sl. miðvikudag hefur verið tekið saman yfirlit um þá lögaðila sem styrktu Samfylkinguna árið 2006 með hærri fjárhæð en kr. 500.000,-
 
Heildarfjárhæð styrkja lögaðila til Samfylkingarinnar árið 2006 sem voru hærri en kr. 500.000  var 36,0 milljónir en lægri styrkir lögaðila og styrkir einstaklinga kr. 9 milljónir. Heildarfjárhæð styrkja Samfylkingarinnar árið 2006 var kr. 45.000.000 eins og fram kemur í opinberum reikningum Samfylkingarinnar.
 
Meðfylgjandi er yfirlit styrkja til Samfylkingarinnar frá lögaðilum árið 2006 sem voru hærri en kr. 500.000,-
 
Actavis hf.                                                                    3.000.000        
Baugur Group hf.                                                         3.000.000        
Eignarhaldsfélag Samvinnutrygginga                            1.000.000       
Eimskipafélag Íslands                                                  1.000.000       
Exista ehf.                                                                   3.000.000        
Eykt ehf.                                                                      1.000.000        
FL-Group hf.                                                                 3.000.000        
Glitnir                                                                           3.500.000        
Kaupþing                                                                     5.000.000        
Ker hf.                                                                          3.000.000        
Landsbanki Íslands                                                      4.000.000        
Milestone                                                                     1.500.000        
Sparisjóður Reykjavíkur og nágrennis                          1.000.000       
Straumur Burðarás fjárfestingabanki                           1.500.000        
Teymi ehf.                                                                    1.500.000        
Samtals yfir 500.000                                                  36.000.000      "
 

[Jón Valur Jensson, 10.4.2009 kl. 22:27]

Og nú áttu lítið eftir, Magnús Helgi, annað en að segja (eins og í vefgrein þinni um Sjálfstæðisflokkinn:

"Það kemur sífellt betur í ljós að þetta voru mútur til Samfylkingarinnar"!

En það er nú lítið að marka hlutdræga skoðanaHönnun eins og þessa sem þú ert með í gangi. Og þegar stórfyrirtækja-styrkþægni (mútuþægni?) Samsærisfylkingarinnar verður mönnum að fullu kunnug (það tekur 1–2 daga að síast inn í menn), þá fer einnig það að virka á afstöðu fólks í alvöru-skoðanakönnunum.

En menn geta alltjent kosið flokkana, sem voru ekki (eins og Þríflokkurinn) á kafi í fjármálaspillingunni, t.d. Frjálslynda flokkinn (en alls ekki hina EBé-sinnuðu Borgarahreyfingu né hinn áþekka Ástþór).

[Magnús Helgi Björgvinsson, 10.4.2009 kl. 22:40]

Jón ég er náttúrulega að reyna að vera skoðanamyndandi. En sbr. yfirlýsingar sjálfstæðismanna sem og framsóknar voru á þessu ári framlög undir 5 miljónum taldar eðlilegar. Og allir flokkar á þingi fengu 5 milljónaframlög. En 30 milljónir leggja engir fram nema ætla að fá eitthvað ákveðið í staðinn.

Og eins þá held ég að þessir styrkir hafi komið fyrir kosningar hjá flestum flokkunum en ekki 3 dögum fyrir nýju lögin um fjárreiður flokkana.

Ég vildi gjarnan að fólk hefði kunnað sig í þessum styrkjaleik sínum. Og eins þessi gengdarlausi austur á fjármunum í auglýsingar fyrir borgarstjórnarkosningar er náttúrulega út í hött. Að nær allir flokkar setji sig á hliðina til að reyna að plata fólk til að kjósa þá er ekki mér að skapi. Ég vill að málstaðurinn standi fyrir sínu.

Ég er ekki hrifinn af því hvað Samfylking var að fá háa styrki en það huggar mig aðeins að þeir dreifast um allar valdablokkirnar. Ólíkt Sjálfstæðismönnum þar sem 2 fyrirtæki standa að 70% af öllu sem þeir fengu frá fyrirtækjum.

[Jón Valur Jensson, 11.4.2009 kl. 00:08]

Það þýðir ekkert að standa í þessum þæfingi, Magnús, viðurkenndu það bara, að það fór jafnaðarmannaflokki ákaflega illa að taka við öllum þessum milljónastyrkjum frá stórfyrirtækjum. Trúverðugleiki Sambræðsufylkingarinnar er fyrir bí.

[Magnús Helgi Björgvinsson, 11.4.2009 kl. 00:15]

Já Jón Valur ég vildi að flokkurinn hefði ekki tekið við svona háum upphæðum. En þá voru ekki komnar neinar reglur um þetta. Lögin voru sett um haustið og tóku glildi um áramót. Mér finnst líka að fólk þurfi að átta sig á að svona styrkir koma ekki úr loftinu. Þetta eru peningar sem fólk borgar með hærra vöruverði, hærri vöxtum og fleira. Vona að þetta tímabil sé búið. En það sem ég var að meina er að Samfylking, SJálfstæðisflokkur og Framsókn virðast hafa tekið við svona styrkjum. Vinnstir Grænir tóku líka við styrkjum þó þeir væru lægri. Hlutafallslega miðað við stærð flokkana er ekki langt þar á milli. Þ.e. engin upphæð hærri en 5 milljónir hjá Samfylkingu. Vg tekur við styrk upp á 1 milljónr sem og frjályndir.

En ekkert fallegt samt og ég vildi að þau hefðu ekki gert þetta. 

[Jón Valur Jensson, 11.4.2009 kl. 00:30]

Þú ert í því að réttlæta þetta:

"En þá voru ekki komnar neinar reglur um þetta." – "En það sem ég var að meina er að Samfylking, SJálfstæðisflokkur og Framsókn virðast hafa tekið við svona styrkjum. Vinnstir Grænir tóku líka við styrkjum þó þeir væru lægri." Þeir voru margfalt lægri til VG! – sá hæsti var ein milljón! – "Hlutafallslega miðað við stærð flokkana er ekki langt þar á milli." – Þvílík réttlæting! Viltu þá ekki ennþá frekar réttlæta styrkina sem Sjálfstæðisflokkurinn sogaði til sín, af því að "hlutfallslega" hafi það nú verið stærri flokkur og þurft meira?!!! Sá flokkur sogar reyndar líka til sín langtum hærri fjárhæðir frá ríkinu – frá þér og mér og öllum skattborgurum – heldur en hinir flokkarnir í krafti "hlutfallstölu" þingsæta – viltu líka réttlæta það svínarí, þá atlögu gegn lýðræðinu og jafnræðisreglu þeirrar stjórnarskrár okkar, sem þið kratarnir viljið feiga?

[Óskar Helgi Helgason (IP-tala skráð) 11.4.2009 kl. 00:42]

Sæll; Magnús Helgi, aumkunarverði síðuhafi, og ESB sletti reka !

Jón Valur ! Ætti Ísland; til að treysta á góða varðstöðu, jafn skelegga og óbilandi menn, eins og þig, og Guðmund Jónas Kristjánsson, til lengri framtíðar, ásamt fjölda annarrs góðs fólks - að þá væri vel, um framvindu alla, sem ég; raunar hefi trú á, þegar fólk áttar sig, á skrumi og flími Samfylkingarinnar, nánar.

Magnús Helgi ! Þú skalt ekki dirfast; að tala; háðulega, niður til Frjálslynda flokksins, (eins; og þú gerir, á sýndar ''skoðunarkönnunar'' dálki þínum)  hver hefir EINN allra flokka, á sinni stefnuskrá, að hunza gylliboð Alþjóða gjaldeyrissjóðsins - eins; öflugasta hjálpar kokks Evrópusambands nýlendu herranna.

Ég get sagt þér; hafi þú þá; mögulega greind til að bera, Magnús Helgi, að skilja á milli þess rétta, sem og hins ranga, að fólk er farið að líða skort, persónulega, fyrir sakir ''bjargráða''  þeirra Jóhönnu Sigurðardóttur og Kommúnistans, Steingríms J. Sigfússonar. Ég hygg; að ALLT væri betra, íslenzkri Alþýðu til björgunar, en hyski S og V listanna, Magnús Helgi - hafir þú þá, á annað borð, mögulegt grips vit, til að skilja þessi orð mín !!!

Eða; til hvers, ætti fólk, að leita á náðir mis spilltra Héraðsdómstóla - bugtandi sig og beygjandi - auk sýndarfyrirbærisins ''Ráðgjafastofu heimilanna'' í stað þess, að hætta einfaldlega, að borga, af veðlánum, í Svarthol bankakerfisins, sem og til Íbúðalánasjóðs, hvar höfuðstólar hækka, við hverja afborgun, dreng tetur ?

Svartnætti eitt; blasir við, fái þessi fúa hjú, að leika skollaleik sínum, áfram.

Með; afar,, þungum kveðjum, úr Árnesþingi /

Óskar Helgi Helgason     

[Landið (IP-tala skráð) 11.4.2009 kl. 00:43]

Hvers vegna segir Samfylkingin ekki frá 340 milljónunum sem þeir fengu 2004 og 2005. Var það Baugur sem var að kaupa flokkinn þá eða?????

[Magnús Helgi Björgvinsson, 11.4.2009 kl. 00:46]

Jón Valur hvað á ég að segja . Jú því miður þá þáðu allir flokkar styrki. En engin flokkur annar en Sjálfstæðismenn þáðu svona risastyrki aukalega. Þessir styrkir virðast hafa verið drifnir af 3 dögum áður en lög um fjárreiður tóku gildi og virðast m.a. hugsanlega tengjast löngun FLgroup að eignast hlut í sameinuðu REI og Geysir Green. Að minnstakosti eru tímasetningar passandi.

Engin svona risa framlög til Samfylkingar. En það er minnstakosti gott að flokkarnir eru búnir að upplýsa þetta nema framsókn. Og ég spái því að það sé vegna þess að bændasamtökin hafa styrkt þá.

[Jón Valur Jensson, 11.4.2009 kl. 00:51]

Víst eru þetta risaframlög til Samsærisfylkingarinnar. Hefði ekki verið orðið uppvíst um siðspillingu Sjálfstæðisflokksins í þessu efni fáum dögum fyrr, þá hefðu þessar fréttir um SF verið aðalfrétt dagsins, ef ekki vikunnar og valdið geysilegu áfalli hans. Þetta er raunar ærið áfall samt fyrir ykkur – en ekki Frjálslynda, ekki VG og ekki Íslandshreyfinguna. Skammizt ykkar fyrir peningaþægð forystumanna ykkar, og burt með þá!

[Magnús Helgi Björgvinsson, 11.4.2009 kl. 00:53]

Óskar Helgi ef þú þarft að vera svona dónalegur þá hendi ég færslum þínum út. Vilt þú að þú sért ávarpaður: "Óskar Helgi þú aumi afturhaldsinni og uppskrúfaði málhalti aumingi!" Þú skalt hætta að gera lítið úr minni greind ekki er ég að gera lítið úr þér. Og ég bara tala um flokka eins og mér sýnist.

Hafði gaman af því að lesa færslur þínar hér fyrir löngu síðan en þú ert fyrir löngu orðinn eins og biluð plata. 

Þá vill ég frekar rökræða við menn sem ég er enn meira ósammála einst og t.d. Jón Val sem kemur alltaf fram að kurteisi og rökvísi.

[Magnús Helgi Björgvinsson, 11.4.2009 kl. 00:54]

Landið segðu okkur frá því! Hvaða peningar? hvenær?

[Jón Valur Jensson, 11.4.2009 kl. 00:59]

Kærar þakkir, Magnús.

[Landið (IP-tala skráð) 11.4.2009 kl. 01:00]

Ég veit það ekki enda vill Samfylkingin ekki greina frá þessum styrkjum og áhugi fréttamanna er lítill á öllu öðru en xD.

Þá má líka benda á "leynistyrkina" 2003 sem flokkurinn fékk rétt fyrir kosningar og engin fréttastofa hefur nokkurn tíman haft áhuga á að ransaka eða kanna þrátt fyrir að Samfylkingin hafi játað að hafa fengið þessa styrki en neitar bara að gefa þá upp þ.e. frá hverjum þeir eru.

[Jón Valur Jensson, 11.4.2009 kl. 01:03]

Segðu okkur, hvar og hvenær Samfylkingin hafi játað þetta, "Landið".

[Magnús Helgi Björgvinsson, 11.4.2009 kl. 01:27]

Landið Ársreikningar Samfylkingarinar hafa legið frami á netinu og eins voru ársreikningar yfirfarnir af ríkisendurskoðun held hér áður

blank_page

Bendi þér á yfirlýsingu framkvæmdastjóra Samfylkingarinar Karls Th. hér þar sem hann segir að 2003 hafi hæsti styrkur sem þau fengu verið 600 þúsund frá Baugi sem úthlutaði alls til allra flokka 2 milljónum og skipti því eftir kosningaúrslitum. Annars voru það allir styrkir undir 500 þúsund.

Það má sjá í ársreikningum Samfylkingar að styrkir og fjárframlög voru lág nema þetta ár 2006.

2001 voru styrkir og frjálsframlög 6.009.592

2002    ...........................................................2.368.392

2003.............................................................1.672.386

2004..............................................................3.327.140

2005..............................................................9.144.641

2006.............................................................44.998.898   

2007.............................................................10.756.715

Þetta er tekið úr ársreikningum  Samfylkingarinnar sem voru yfrifarnir af ríkisendurskoðun held ég. Sjá reikningana hér

 

[Landið (IP-tala skráð) 11.4.2009 kl. 02:23]

Er þetta eitthvað djók? 2003 viðurkenndi samfylkingin að hafa fengið lágmark 24 styrki milli 400-500 þús og upphæðin samkvæmt þér er 1.672.386

ég vil fá endurskoðandann sem vinnur fyrir samfylkinguna

[Magnús Helgi Björgvinsson, 11.4.2009 kl. 04:05]

Já þetta er rétt hjá þér. Ég hefði átt að lesa ársreikningana betur því þar stendur

Á því ári sem kosið er til Alþingis hafa útgjöld jafnan orðið mun meiri en í meðalári og þannig var staðan á árinu 2003 og 2007, eins og sjá má á liðnum funda- og kynningarkostnaður þar sem óregluleg útgjöld vegna kosningabaráttu eru færð. Kostnaður landsflokksins er þó ekki nema hluti kostnaðar við kosningar þar sem framkvæmd og ábyrgð á kosningabaráttunnar er í höndum kjördæmisráða einstakra kjördæma. Sama gildir auðvitað um kostnað einstakra félaga og kjördæmisráða í sveitarstjórnarkosningum.

Þannig að þessar tölur þarna 2003 gefa ekki rétta mynd því að þar er ekki inni það sem einstök félög í kjördæmum hafa safnað. Þannig að þetta er ekki rétt.

[Björn Benedikt Guðnason, 11.4.2009 kl. 10:56]

blessaður, Maggi minn!

Mönnum eins og Óskari Helga þarf ekki að svara. Held að hann sé meira svona til skemmtunar. Allavega fannst mér bráðskemmtilegt að lesa færsluna hans. Menn sem slá um sig með flottri íslensku ættu nú að vera betur að sér í notkun komma og semi-komma.

En eitt vantar í skoðanakönnunina hjá þér. Það vantar "Ætla að skila auðu". Ef fólk skilar auðu er það einnig að nýta kosningarétt sinn, það er bara ekkert í boði sem þeim líkar.

Kveðja, Bjössi Ben