Ég undirritaður lýsi hér með yfir!

Ég undirritaður félagi í Samfylkingunni í Kópavogi lýsi því hér með yfir að fari Samfylking í stjórn eftir kosningar án þess að í stjórnarsáttmála þeirrar stjórnar sé ákvæði um aðildarviðræður og inngöngu í ESB þá segi ég mig úr flokknum og mun aldrei kjósa hann aftur!

Ég treysti því að Samfylking standi fast á þessu mikilvægasta þætti í að skapa okkur lífvænlega framtíð.

Magnús Helgi Björgvinsson

Til Evrópu með VG

Athugasemdir

[Jóhannes Guðnason, 21.4.2009 kl. 17:15]

Nú þá ferðu bara Magnús minn,ég vona allavega að við göngum ekki í ESB,ég vil landinu mínu ekki svo illt,við getum tekið dollara eða norskukrónuna upp í stað krónu,við fórnum allof miklu við að ganga í ESB,skoða þú þig vel um,það eru nokkrir flokka sem taka við fyrrverandi samfylkingarfólki,vertu vel komin,þegar þú sér vill þína í ESB. njóttu lífsins,og kjóstu rétt.

[Magnús Helgi Björgvinsson, 21.4.2009 kl. 17:53]

Takk fyrir góðar kveðjur. Við getum ekki tekið upp norskar krónur það hafa norðmenn sagt alveg skýrt enda segja þeir réttilega að okkar hagsmunir fara ekki saman með þjóð þar sem gegnir sveiflast með olíuverði. Ef við tökum upp dollar þá kostar það okkur gríðarlega. Því menn sem vit hafa á hafa bent á að þeir sem eiga innistæður hér mundu heimta að fyrir þeim lægju dollarar tiltækir. Og innistæður í bönkum nema hundruðum eða þúsundum milljóna.

Ef að Samfylkingin gengur ekki fast eftir því að sækja um í ESB þá klofnar hún, sem og Sjálfstæðisflokkurinn og hér verða til 1 miðjuflokkur með fyrirverandi Sjálfstæði og Samfylkingar fólki sem styður ESB. 80% þeirra sem kjósa Samfylkngu vilja ganga í ESB

[Marinó G. Njálsson, 21.4.2009 kl. 18:17]

Segðu þig bara strax úr flokknum.  Það er mun fljótlegra, en að vera að bíða með það í nokkra daga.

Ég hlustaði á Árna Pál í útvarpinu áðan.  Hann var spurður um plan B og viðurkenndi að það væri ekki til.  Þetta þýðir að Samfylkingin er ekki með neitt plan fyrir næstu fjögur ár eða svo.  Flokkurinn hefur ekki hugmynd um hvernig hann ætlar að koma atvinnulífinu aftur í gang.  Hann hefur ekki hugmynd um það hvernig hann ætlar að bjarga heimilunum.  Smelli maður á auglýsingar um Velferðarbrúna, þá er ekkert bakvið.  Nánari lýsingu vantar!  Er ekki nóg að hann hafi ekkert gert af viti, loforðin eru líka innantóm.

[Magnús Helgi Björgvinsson, 21.4.2009 kl. 18:23]

Marinó getur nefnt mér aðra flokka með plan b! Þ.e. útfærslur á áætlun þeirra ef að hugmyndir sem þeir setja fram ganga ekki upp? T.d. ef að það mundi ekki ganga að lækka lán um 20% eða færa verðbætur á laun aftur til jan 2008. Ef að það væri t.d. ekki leyft skv. samningi við AGS?

[Marinó G. Njálsson, 22.4.2009 kl. 00:38]

Magnús, það er enginn flokkur með neitt plan sem heitið getur.  En ESB umsókn tekur tíma og gerir ekki kraftaverk, þannig að það er ekki hægt að kalla það plan.  Það skjól, ekki plan.

[Jón Gunnar Bjarkan, 22.4.2009 kl. 01:18]

Ég er sammála þessu og var kominn á þessa skoðun, það er að segja ég mun ekki taka þátt í þessu rugli aftur eftir næstu kosningar, þegar að Samfylkingin sópaði aftur ESB undir teppið þegar þeir hófu stjórnarsamstarf með VG.