Bíddu hvað eru þeir að réttlæta?

Það er með ósköpum að Ísrael sé að réttlæta morð sín á Líbönum með því að halda því fram að hluti þeirra hafi verið Hizbollah liðar. Eru þeir búnir að gleyma því að þeir hófu árásir á Líbanon vegna þess að einhverjir hriðjuverkamenn tóku Ísraela til fanga. Þannig að skv. þeim þá drápu þeir um 403 saklausa borgara og það þá bara allt í lagi samkvæmt þeim.

Eins þá er umhugsunarvert hverning að „..... liðsmenn Hizbollah hafi dulbúið sig sem óbreytta borgara og með því brotið alþjóðalög um framgöngu í hernaði" Hvernig gátu liðsmenn Hizbollah  dulbúið sig sem óbreytta borgara Libanon.

Frétt af mbl.is

  Ísraelsk stofnun sakar Hizbollah um stríðsglæpi
Erlent | mbl.is | 6.12.2006 | 15:48
Ísraelsk rannsóknarstofnun, sem starfar í nánum tengslum við leyniþjónustu Ísraelshers, segir í skýrslu sem birt var í morgun að 650 af 1.084 einstaklingum sem létu lífið í stríðinu í Líbanon í sumar og líbönsk yfirvöld segja að hafi verið óbreyttir borgarar, hafi í raun verið liðsmenn Hizbollah samtakanna. Þá er því haldið fram í skýrslunni að liðsmenn Hizbollah hafi dulbúið sig sem óbreytta borgara og með því brotið alþjóðalög um framgöngu í hernaði. Þetta kemur fram á fréttavef Ha’aretz.

Ísraelsk stofnun sakar Hizbollah um stríðsglæpi

Athugasemdir

[Gemmill (IP-tala skráð) 6.12.2006 kl. 17:10]

Þessir "einhverjir hryðjuverkamenn" sem rændu þessum tveimur ísraelum voru Hizbollah liðar. 
Það er jafn hræðilegt þegar Ísraelar drepa saklaust fólk í Líbanon og Palestínu og þegar saklaust fólk í Ísrael deyr af völdum hryðjuverkamanna frá Líbanon og Palestínu. Sökin er ekki öll hjá Ísrael þegar Hizbollah liðar dulbúa sig sem óbreytta borgara því þegar þeir gera svo þá gera þeir samborgara sína að skotmörkum.
Það er nauðsynlegt að vera hlutlaus þegar fjallað er um þetta mál og falla ekki í þá gryfju að finna Ísraelum allt til foráttu því þá erum við engu skárri en hryðjuverkamennirnir sem vilja ekki frið.

Með von um málefnalegri umræðu í framtíðinni.

[Magnús Helgi Björgvinsson, 6.12.2006 kl. 18:44]

Bíddu er ekki orðið nokkuð síðan einhver dó í Ísrael af völdum Hizbollh liða. Heldur þú að ráðst á Líbanon geri það að verkum að líklegt sé að Libanar fyllist ást á Ísrael? Heldur þú kannski að þetta valdi því að færri gangi til liðs við Hizbollha? Heldur þú ekki að það væri kannski prófandi fyrir Ísral að reyna aðrar aðferðir heldur en að sprengja Libanon sundur og saman vegna gerða nokkra manna væri liklegra til árangurs?  Hefur ekki sýnt sig í gegnum tíðina að svara ofbeldi með ofbeldi er aldrei líklegt til að leiða til friðar?

Mér hefur sýnst að þegar líkur til friðar eru að aukast þá gæta Ísraelsmenn vel að því að gera eitthvað til að spilla því. Þeir láta fámenn samtök sem enginn getur að fullu upprætt með nokkru móti ráð því að þeir ráðast á heilt ríki. Þeir einbeita sér að því að valda tjóni á samgöngumannvirkjum og eignum manna. Ég minni á þann sið þeirra að ef hriðjuverkamaður tengist einhverri fjölskyldu þá jafna þeir hús þeirra við jörðu. Þeir hertaka land og innlima það í Ísrael óformlega. Og vinna nú eftir öllum leiðum að tryggja að svo verði um ókomna framtíð. Þú verður að afsaka en einhvernveginn þá finnst mér málstaður þeirra vera sífellt að versna.

Ég er ekki að draga úr því að Hizbollha eru hriðjuverkamenn. En samtök eins og þau þrífast á því að viðhalda hatri á einhverjum eða einhverju og bestu leiðir til að eyða slíkum samtökum eru friðarviðræður og friðsæl samskipti þar sem að aðgerðir þeirra eru meðhönlaðar án öfga.

[sverrir (IP-tala skráð) 6.12.2006 kl. 21:40]

"Það er nauðsynlegt að vera hlutlaus þegar fjallað er um þetta mál og falla ekki í þá gryfju að finna Ísraelum allt til foráttu því þá erum við engu skárri en hryðjuverkamennirnir sem vilja ekki frið." þetta er ekki mjög hlutlaus staðhæfing..... nema að ísraelar teljast einnig sem hryðjuverkamenn.....?

[Magnús Helgi Björgvinsson, 6.12.2006 kl. 22:51]

Ég ítreka að ég er ekki að mæla verkum hriðjuverkamanna bót. En ef við skoðum síðustu 50 ár og jafnvel bara síðustu 5 ár eða jafnvel síðustu mánuði hvort haldið þið að fleiri "saklausir Palestínumenn" jafnvel börn hafi hafi látist vegna árása Ísraels eða Ísraelar af völdum hriðjuverkamanna.

Ef við horfum til Líbanon hvort haldið þið að fleiri Ísraelar eða Líbanar hafi látist í stríðinu núna. Ég held að það hafi engin Ísraeli látist nú í sumar.

Hvernig haldið þið að sé að alast upp á svæðum þar sem að heilu og hálfu fjölskyldurnar hafa verið sprengdar í loft upp. Palestínumenn mega búa við það að reistur er múr lengst inn í þeirra landi þar sem bændur eru sviptir löndum sínum. Peningar Palestínu er haldi í Ísrael og þeir sviptir flestum réttindum sem við lítum á sem sjálfsagðan hlut. Mér finnst oft holt að skoða hvernig málum er háttað í Írlandi. Þar er þó kominn á friður eftir aldar áttök. Friður sem komst á eftir að hætt var að eyða allri orku í að hundelta nokkra menn sem gegnust upp í því að vera hriðjuverkamenn.

Þegar að almenningur sá vilja Breta og flestra annarra til að koma á frið þar sem að allir fengu að koma að málum og hugað að hagsmunum allra þá mistu hriðjuverkamennirni IRA og sambandssinna líka þann gríðar stuðning sem þeir höfðu.