Gleymir Sigmundur ekki einhverju?

Nú síðustu mánuði hafa stjórnvöld talað um að nýju bankarnir yrðu mun minni en áður hafi verið áætlað. Þetta er væntanlega afleiðingar af því að ekki voru eins miklar eignir í gömlu bönkunum eins og reiknað var með í upphafi.

Og eins þá vekur það furðu að Sigmundur hafi talað fyrir þessari 20% lækkun lána á línunna án þess að hafa upplýsingar um raunverulega stöðu okkar?

Krafa hans um að innihald skýrslunnar sé gefið upp fyrir kosningar er kannski eðlileg en ég veit ekki hvort að fólk færi að kjósa Framsókn í umvörpum vegna innihalds hennar.

Framsókn hefur talað um gríðarlega endurnýjun hjá sér. Ég bið fólk að afsaka að ég sé það ekki. Jú Sigmundur er nýr en varaformaður er Birkir Jón sem jú er þingmaður og varð fyrst frægur fyrir að vera gerður aðstoðarmaður félagsmálaráðherra rétt þegar hann kláraði menntaskóla. Hann var sem sagt innvígður í stjórn Sjálfstæðismanna og Framsóknar sem kom húsnæðisbólunni af stað hér með 90% lánunum.

 

Sigmundur Davíð spáir öðru hruni

Athugasemdir

[Kristján (IP-tala skráð) 23.4.2009 kl. 22:59]

Og ekki gleyma því að Birkir Jón er maður sem hefur lengi vel stundað fjárhættuspil í frístundum jafnvel þó að slíkt sé bannað. Siðferði hans er ekki upp á marga fiska að mínu mati.

[Halldór Gunnarsson (IP-tala skráð) 24.4.2009 kl. 09:28]

Ég er ekki alveg að skilja afhverju sumir halda því fram að 90% lánin séu að valda þessu hruni öllu ég sé ekki að íbúðalánasjóður sé neitt hruninn. og 90% lán íbúðalánasjóðs var réttlætismál þegar sveitarfélög gerðu sér grein fyrir því að félagslega kerfið þeirra var ekki að virka þar sem þú þurftir orðið að borga mikið meira fyrir þær íbúðir heldur en almennt verð var á markaði og því var nær að bjóða uppá 90% lán fyrir þá sem þurftu á því að halda. Framsókn bar ekki ábyrgð á því þegar bankarnir fóru síðan að lána 100% lán það voru bankastjórnendurnir því miður hleyptum við þeim of langt.

[Magnús Helgi Björgvinsson, 24.4.2009 kl. 10:46]

Af því að 90% lánin mörkuðu línunna fyrir bankana að gera ekki kröfu til lántakenda um að eiga t.d. 20 til 30% af verði íbúðar. Bankarnir afnámu svo hámarkslán til að keppa við íbúðarlánsjóð og lánuðu 90% af kaupverði án einhverja marka um hámarksverð.