Þetta gengur náttúrulega ekki mikið lengur!

Þó að það sé nóg að gera nú hjá Vg og Samfylkingu við að koma á nýjum stjórnarsáttmála þá er þessi frétt skýrt merki um að hér þurfa að verða breytingar fljótt. Að hér skuli líða virkur dagur án þess að nein viðskipti séu á gjaldeyrismarkaði eru náttúrulega svakalegt. Það þýðir væntanlega að lítil sem engin viðskipti eru við útlönd. Svona getur náttúrulega ekki gengið til lengdar. Þessi höft og vantrú á krónunni kemur fljótt til með að draga hér verulega úr vöruframboði.

Nú verða menn að fara að girða sig í brók, koma bönkunum í gang, reyna að sparka krónunni á eitthvað skrið og síðast en ekki síst leggja fyrir þjóðina trúverðuga stefnu sem við byggjum á næstu árinn. Markmið slíkrar stefnu hlýtur að vera að við sem hér búum sjáum fram á að hér verði lífvænlegt. Atvinnuleysi lækki, lánakjör verði viðráðanleg og lífsskilyrði okkar verði með sama hætti og í nágranalöndunum. Hér nennir fólk ekki að búa nú við mjög kröpp kjör sem fólk hér áður fyrr sætti sig við. Eins og að byrja að flytja inn í fokheld hús, vera bíllaus og taka strætó, láta börnin sjálfala og fleira sem þótti sjálfsagt fyrr á árum.

Við þurfum líka að fá heildarmynd á stöðuna og það á mannamáli.

Ítreka hugmynd mína um að hér verði allir okkar færustu sérfræðingar ráðnir í fullt starf í mánuð við að koma með heildaráætlun byggða á bestu kostum fyrir okkur til að komast sem best út úr þessu.  Sjá hér

Engin viðskipti á gjaldeyrismarkaði

Athugasemdir

[BB (IP-tala skráð) 28.4.2009 kl. 21:19]

Heyri sífellt fleiri hagfræðinga halda því fram að ef við viljum halda krónunni verði gjaldeyrishöftin ekki afnumin.

Það er brot á EES-samningnum.

Hvernig verður umhorfs hér verði okkur vikið úr EES?

Þó svo að takist með sársauka að koma okkur á betri kjöl án ESB, hversu lengi varir það ástand? Sagan er ekki fögur!

Mér er ekki skemmt!

[Magnús Helgi Björgvinsson, 28.4.2009 kl. 22:30]

Sammál þér. Bendi á nýja færslu um hvað Finnar gerðu