Ég hef áhyggjur af minnisleysi þingmannsins!

Finnst að fólk sé nú full fljótt að gleyma. Eygló segir:

Þetta er flokkurinn sem samdi frá okkur Icesave-skuldbindingarnar. Allt í þeirri von að Evrópusambandið myndi hugsa vel til okkar seinna meir

Maður svona veltir fyrir sér hvort að þessi þingmaður muni ekkert stundinni lengur. Málið var að hér var lokað á Ísland! Það var allur okkar gjaldeyrir erlendis frosinn þar og fékkst ekki afgreiddur. IMF neitaði að semja við okkur sem og allar aðrar þjóðir vegna þess að þær settu skilyrði um að við gengum í að semja um þessi mál m.a. IceSave. Held að ástandið væri hér enn verra ef við værum í þessu frosti enn í dag. Þá væri m.a. ekkert flutt hingað inn og ekkert út því að engin peningur fengist hingað til lands.

ESB bauðst til að leita sátta um leiðir en eins og Eygló ætti að vita þá hefur enginn samningur verð gerður ennþá.

Finnst að Eygló sé nú reglulega farin að blása um mál sem hún annað hvort veit ekkert um eða mál sem snúast í hönunum á henni og beinast að lokum gegn framsókn

„Óskaplega aumingjalegt“

Athugasemdir

[Halldór Björgvin Jóhannsson, 5.5.2009 kl. 13:27]

Ég vænti þess að Eygló sé að tala um það mál að Samfylkingin skuldbatt þjóðina að borga umfram lágmarkstrygginguna sem okkur bar að borga í staðin fyrir fljóta afgreiðslu í ESB aðild.

Ekki það mál þar sem var samið um að borga lágmarkstrygginguna, hér eru 2 aðskilin mál og ert þú að tala um það mál er varðaði að borga lágmarkstryggingu og ekki meira.

[Guðjón (IP-tala skráð) 5.5.2009 kl. 13:42]

Þetta er bara því miður rétt hjá þingmanninum.  Samfó langar svo mikið inn að þau myndu selja ömmu sína til að komast í fínu kokteilboðin í Brussel.

[Magnús Helgi Björgvinsson, 5.5.2009 kl. 13:50]

Yfirlýsing Íslands var ekkert öðruvísi en yfirlýsingar allra annarra þjóða um að innistæður í bönkum væru tryggðar. Það er svo ekki við Samfylkingu að sakast að seðlabankinn hafði leyft Landsbankanum að stofna útibú í Englandi. Minni líka á að innan einhverja ára er reiknað með heildarskuld okkar vegna IceSave verið undir 70 milljörðum. Spurning hvað tapið okkar hefði verið ef að ekkert hefði verið gert og öll okkar gjaleyrisviðskipti væru enn lokuð. Held að það hefði kostað okkur meira til lengdar.

Guðjón það var verið að ákveða að það verður Alþingi sem ákveður hvort við sækjum um ESB. Svona rök eins og með koktelboðin nenni ég nú ekki að ræða um.

[Magnús Helgi Björgvinsson, 5.5.2009 kl. 13:51]

En kannski svona aðeins í viðbót! Framsókn vill að sótt sé um aðild að ESB! Gott að hafa það í huga þegar menn eru að setja út á Samfylkinguna.

[Ingibjörg Friðriksdóttir, 5.5.2009 kl. 13:57]

Hún er búin að gleyma hver einkavæddi bankanna.  Mig minnir að það hafi verið Frú Valgerður Sverrisdóttir sem klifaði stöðugt á kjölfestufjárfesta þegar við vildum dreifða eignaraðild.

Sveiattan skítalykt af Framsókn

[Halldór Björgvin Jóhannsson, 5.5.2009 kl. 18:00]

Spurning hvað tapið okkar hefði verið ef að ekkert hefði verið gert og öll okkar gjaleyrisviðskipti væru enn lokuð. Held að það hefði kostað okkur meira til lengdar.

Það að samfylkingin hafi samið við Bretann um að borga umfram það sem við og aðrar þjóðir þurftum að borga fyrir innistæður tengist því ekkert að nú sé hægt að versla með gjaldeyrir, það eina sem það gerði var að auka skuldir vorar til Breta út af Icesave.

Þannig að ég leyfi mér að segja það að samfylkingin hafi "kostað okkur meira til lengdar."