Blindir fái skotleyfi

Varð bara að setja þessa frétt hér inn ef einhver skildi hafa misst af henni  á mbl.is .

Erlent | Morgunblaðið | 12.12.2006 | 05:30

Blindir fái skotleyfi

Blindir bætast innan skamms í fjölmennan hóp veiðimanna í Texas ef nýtt frumvarp um veiðiréttindi þeirra verður að lögum. Felur hið óvenjulega frumvarp í sér, að blindum veiðimönnum verði heimilt að beita svokallaðri "laser-sjón" við veiðarnar, hjálparbúnaði sem þeim sjáandi er nú bannað að nota.

Blindum verður engu að síður gert að hafa með sér fylgdarmann, sem hefur fulla sjón, á veiðunum. Er honum ætlað að tilgreina blindum um hversu marga þumlunga þeir þurfi að hreyfa skotvopnið til að hitta bráðina.

Ekki fylgdi sögunni hvort Dick Cheney, varaforseti Bandaríkjanna, hefði áhuga á slíku starfi þegar hann hverfur af vettvangi stjórnmálanna, en hann skaut sem kunnugt er veiðifélaga sinn óvart í andlitið og bringuna með haglabyssu við kornhænuveiðar í Texas fyrr á árinu.

Blindir fái skotleyfi