Er ekki verið að rugla hér einu sinni enn!

Það er búið að greiða öllum einstaklingum í Bretlandi og Hollandi allar innistæður á IceSave. Bresk yfirvöld hafa ákveðið að félög, sveitarfélög og aðrir lögaðilar eigi ekki rétt á greiðslum vegna Icesave. Því er talað um að eignir Landsbankans fari upp í skuld okkar við Bresk og Hollensk  yfirvöld.

Þessi frétt er mjög svo óljós og sér í langi þar sem að farið er með Icesave málið þannig að við berum ábyrgð á innistæðum einstaklinga en ekki annarra.

Ísland fær helming eigna Landsbankans

Athugasemdir

[Jóhann Hallgrímsson, 22.6.2009 kl. 15:55]

Þetta er ósköp einfallt, alþingi hafnar ábyrgð, sem þýðir að það þarf að semja uppá nýtt, setjum ströng sylirði sem bretar og hollendingar fallast ekki á og þá geta þeir farið í mál við okkur eða bara gefist upp.  Varla fara þeir að setja á okkur viðskiptabann því þá þurfa þeir að sýna fram á að við séum að brjóta alþjóðalög.

[Róbert Viðar Bjarnason, 22.6.2009 kl. 15:58]

Hér er sama frétt frá RUV síðan á Laugardag:

"Fleiri eiga forgang í Icesave

Icesave-samkomulagið við Breta og Hollendinga er aðeins um helmingur af forgangskröfum í þrotabú Landsbankans. Breska og hollenska ríkið fá hinn helminginn af eignum Landsbankans því ríkin greiddu Icesave-sparifjáreigendum það sem var umfram skuldbindingar Íslands."

http://ruv.is/heim/frettir/frett/store64/item286517/

[Magnús Helgi Björgvinsson, 22.6.2009 kl. 16:06]

En er ekki samningnum að allar eignir Landsbankans erlendis fari í að greiða niður lánið. Minnir það! Þ.e. að bretar séu búinir að samþykkja að þeir leggi fram 600 milljaðra í þetta á móti eignum Landsbanka og að Ísland ábyrgist greiðslur upp á 660 milljarða. Það væri nú skrýtið ef að samningar ganga út á að við fáum að nota eignir LB upp í þessa skuld og svo að mótaðilar ætli að gera kröfur í þessar eignir líka. Þá ætti upphæð lánsins að vera væntanlega hærri.

[Magnús Helgi Björgvinsson, 22.6.2009 kl. 16:07]

Jóhann bendi þér á þessa pælingu hér http://gautieggertsson.blogcentral.is/blog/2009/6/22/serkennilegur-skilningur-laga/

Spurnig hver hefur réttinn með sér.

[Róbert Viðar Bjarnason, 22.6.2009 kl. 16:14]

Samkvæmt skilanefnd Landsbankans voru eignir í Febrúar 1195 milljarðar ISK - 684ma. á Íslandi, 374ma. í Bretlandi, 101ma. í Hollandi og 36ma. í Kanada.  Síðan eru fréttir í dag frá skilanefnd Landsbankans að eignirnar hafa rýrnað niður í 1.100ma. síðan í Febrúar.

Ég stóð líka í þeirri meiningu, þangað til í dag, að eignir LB í Bretlandi ættu að borga upp IceSave en þær eignir voru bara 374ma. í Febrúar og Ísland fær bara 50% af heildareignum.  Það er töluvert áhyggjuefni að langstærsti hluti þessara eigna LB eru lán til Íslenskra fyrirtækja, sem standa ekkert frábærlega akkúrat núna...

http://eyjan.is/blog/2009/06/22/eignasafn-landsbankans-i-februar/

Fyrir nokkrum dögum hélt forsætisráðherra að það væri líklegt að 95% af IceSave mundi verða borgað af eignum LB, núna er þetta komið niður í besta falli 83% af höfuðstól og síðan eru 300ma. í vexti.  Það voru stór mistök hjá stjórnvöldum að láta þessar upplýsingar leka út hægt og hægt í stað þess að hafa lagt öll spilin á borðið strax.

[Sigurður E. Vilhelmsson (IP-tala skráð) 22.6.2009 kl. 17:02]

Tryggingasjóður á ekki forgang á allar eignir Landsbankans. Nú tekur við hefðbundin gjaldþrotameðferð þar sem aðrir kröfuhafar (með kröfur á bilinu 3-4000 milljarða) munu láta reyna á rétt sinn.

Það er alls ekki ljóst að eignir Landsbankans dygðu fyrir Icesave skuldbindingum þó þær rynnu allar upp í þá skuld og þá er líka ljóst að eignirnar munu ekki renna allar upp í skuldina. Enn á eftir að koma í ljós hversu hátt hlutfall það verður.

Samkvæmt upplýsingum skilanefndarinnar er megnið af eignunum lán sem koma til greiðslu seint á þessu 7 ára tímabili, svo stærstur hluti skuldarinnar mun safna vöxtum allan tímann.

Þessir vextir eru ekki forgangskröfur í búið, svo ljóst er að ríkissjóður verður að greiða þá alla.

Því er ekki óvarlegt að áætla að sú upphæð sem fellur á ríkissjóð verði að lágmarki 2-300 milljarðar og hætta er á að hún verði mun hærri.

[Magnús Helgi Björgvinsson, 22.6.2009 kl. 17:25]

En Sigurður ef að við greiðum inn á höfðustólinn jafnt og þétt næstu 7 ár eins og þeir kenna á www.spara.is þá lækka vaxtagreiðslu væntanlega. Og er það ekki meiningin að reyna að gera sem mest úr þessum eignum? Og annaðhvort halda þeim lifandi með tekjum jafnt og þétt (afborganir) eða selja þær þegar virði hefur verið hámarkað. Og allar þessar eignir fari strax upp í lánið Sem verður þá væntanlega orði mun lægra eftir 7 ár og þar af leiðandi ekki eins háar vaxtagreiðlsur.

En takk fyrir upplýsingarnar.

[Sigurður E. Vilhelmsson (IP-tala skráð) 22.6.2009 kl. 17:42]

Í fyrsta lagi fara þessar eignir ekki inn á lánið fyrr en úr því fæst skorið hvort Tryggingasjóðurinn á kröfu á þær. Það verður í fyrsta lagi eftir 1 ár, skv. skilanefndinni. Því verður í fyrsta lagi hægt að greiða eitthvað inn á lánið eftir ár, en þá hefur öll upphæðin þegar safnað 60 milljarða króna vöxtum.

Í öðru lagi hefur einnig komið fram að ef hámarka á virði þessara eigna fást ekki tekjur af megninu af þeim fyrr en í lok 7 ára tímabilsins. Því verður lítið sem ekkert hægt að borga inn á lánið fyrr en seint á tímabilinu og allan tímann tikka vextirnir. Hvar ættu að fást peningar annars staðar frá til að borga inn á lánið veit ég ekki.

Í þriðja lagi er gríðarleg óvissa um gæði eignasafnsins yfir höfuð og það hversu mikið innheimtist af því og hvenær, burtséð frá því hvort Tryggingasjóðurinn á forgang í eignirnar.

Helgi Hjörvar staðfesti þannig í dag, að miðað við eignamatið eins og það er núna og að öll útlán innheimtist upp í topp og ekkert verði afskrifað, standi eftir að lágmarki 115 milljóna höfuðstóll í lok tímabilsins. Jafnvel þótt allar eignir Landsbankans yrðu innleystar upp í topp á morgun og því ekkert greitt í vexti nema af þessum 115 milljörðum í sjö ár og svo öllu láninu fram í júní á næsta ári, stæði skuldin í tæpum 250 milljörðum.

Menn geta svo velt fyrir sér hversu líklegt það er, eða þannig.

Reikningurinn verður aldrei lægri en 2-300 milljarðar og ég er ansi hræddum um að hann verði mun hærri.

Hafir þú einhverjar aðrar upplýsingar en þær sem þegar hafa verið gerðar opinberar væri gott þú legðir þær fram.

[Sigurður E. Vilhelmsson (IP-tala skráð) 22.6.2009 kl. 18:09]

Þetta átti að sjálfsögðu að vera "115 milljarða höfuðstóll" hér fyrir ofan.

[Jóhannes Þ. (IP-tala skráð) 22.6.2009 kl. 21:13]

Sigurður E. Vilhelmsson sýnir fram á þessar staðreyndir hér að ofan á mjög greinargóðan máta.  Athugaðu líka það sem fram kemur hjá Róbert Viðar, að "Icesave-samkomulagið við Breta og Hollendinga er aðeins um helmingur af forgangskröfum í þrotabú Landsbankans. Breska og hollenska ríkið fá hinn helminginn af eignum Landsbankans því ríkin greiddu Icesave-sparifjáreigendum það sem var umfram skuldbindingar Íslands."

Þetta er hárrétt.  Tryggingasjóður innistæðueigenda er ekkik eini forgangskröfuhafinn í þrotabú gamla Landsbankans og það er reiknað með að sjóðurinn eigi kröfu á c.a. 53% af eignunum.  

Samkvæmt skilanefndinni (í dag) er virðið 1100 milljarðar og þeir reikna með að um 83% af því falli til forgangskröfuhafa. Athugaðu: Allra forgangskröfuhafa, ekki bara Tryggingasjóðsins.  Það eru 913 milljarðar.  Af þessum 913 milljörðum á tryggingasjóðurinn rétt á 53% sem fara svo upp í ICESAVE.  53% af 913 milljörðum eru um 484 milljarðar. Þetta er ekki flókinn reikningur.

Semsagt:  Miðað við mat skilanefndar Landsbankans, fá Íslendingar í mesta lagi 484 milljarða út úr eignum Landsbankans.  Skuldin er um 700 milljarðar núna, fyrir utan vexti. 

Er ekki kominn tími til, Magnús Helgi, að þú takir rökum varðandi það að Íslendingar hafa ekki efnahagslegar forsendur til að greiða lánið samkvæmt þessum samningi?  Og taktu eftir því að ég er ekki að leggja til að við borgum ekki.  Við megum hins vegar ekki semja á slíkum afarkjörum.  Eina leiðin er að hafna ríkisábyrgðinni núna og endursemja um lánskjörin í kjölfarið.