Ég hef sagt það áður að mér líkar ekki framkoma Vigdísar Hauksdóttur

Fyrir nokkrum vikum þá var Vigdís hrópandi úr ræðustól um að ráðherrar og fleiri væru landráðamenn. Nú kemur hún með furðulega spurningu um lífeyrissjóðina:

Hún spurði Steingrím m.a. hvort Alþjóðagjaldeyrissjóðurinn hafi farið fram á að eignir lífeyrissjóðanna yrðu þjóðnýttar.

Er ekki allt í lagi hjá þessari konu! Af því að hún hefur lesið Stjórnarskrána þá veit hún að eignarrétturinn er þar varinn. Enda get ég ekki séð hvað þjóðnýting ætti að gera fyrir okkur. Það er svo allt annað mál að AGS eins og reyndar lífeyrissjóirnir sjálfir og ríkisstjórn hafa sjálfsagt hvatt til þess að lífeyrissjóðir fjárfesti hér á landi í arðbærum verkefnum til að koma atvinnulífinu í gang.

En Vigdís byrjar þingferlinn sinn á stöðugum upphrópunum. Alveg frá því að hún hætti hjá ASÍ. Fyrst sátt svo ekki sátt og loks sátt fyrir síðustu kosningar.

Ekki krafa um þjóðnýtingu lífeyrissjóða

Athugasemdir

[Gulli (IP-tala skráð) 22.6.2009 kl. 16:22]

Þvílík og önnur eins flokksrolla hef ég aldrei séð á lífi mínu. Þú ert tilbúinn að gjörsamlega eyðileggja þjóð þína fyrir Samfylkinguna og ESB. Ég fæ klígju upp í háls af blogginu þínu.

[Magnús Helgi Björgvinsson, 22.6.2009 kl. 16:33]

Gulli þá bara sleppur því að lesa það!

[Magnús Helgi Björgvinsson, 22.6.2009 kl. 16:34]

Nema að þú hafi áhuga á að vera með klígju. Ég hef eins og aðrir leyfi til að hafa mínar skoðanir. Og ég hef ekki leynt því að ég fylgi Samfylkingunni að málum. Þ.e. í þeim málum sem ég er sammála henni.

[Jón Bragi Sigurðsson, 22.6.2009 kl. 17:50]

"Eignarétturinn varinn" já. Hann virkaði nú svona og svona þegar landið var veðsett fyrir 11 sinnum þjóðarframleiðsluna af fáeinum kálfum sem enn ganga lausir og lifa í vellystingum.

Og að "lífeyrissjóðirnir sjálfir" hafi áhuga á því að taka peninga úr öruggri vörslu erlendis og henda þeim í atvinnubótavinnu á Íslandi þar sem hagkerfið er hrunið og gjaldmiðillinn ekki nothæfur til annars en að hlægja að honum um veröld alla?!

"Lífeyrissjóðirnir sjálfir" eru líklega í þínum augum þeir verkalýðsforkólfar og forsvarsmenn atvinnurekenda sem eru með plön um að leika jólasveina með peningana okkar.

Ég er kannske ekki "lífeyrissjóðurinn sjálfur" en hins vegar eru í honum 10% af öllum þeim tekjum sem ég hef haft frá því að ég kom út á vinnumarkaðinn fyrir meira en 30 árum og þessi peningar eru hugsaðir sem lífeyrir handa mér og öðrum sem í þá hafa greitt og ekkert annað.

Ég segi því við bæði stjórnmálamenn, atvinnurekendur og verkalýðsforingja: Burt með krumlurnar frá lífeyrissjóðunum okkar!!

[Magnús Helgi Björgvinsson, 22.6.2009 kl. 18:23]

Við vorum sem betur fer ekki veðsett fyrir 11x landsframleiðslu. Því að um 11.000 milljaðra skuldir eru skildar eftir í gömlubönkunum. Ég sé reyndar ekki hvað sé slæmt við það að lífeyrissjóðir fjárfesti í t.d. samgöngumannvirkjum sem skila stöðugum arðii eins og "Hvalfjarðagöngin" Sundabraut og fleiri slík mannvirki þar sem hæft er að hafa tekjur af og eru mjög mannaflsfrekar. Það er ekki nóg að eiga lífeyrissjóði ef að það verður engin eftir á Íslandi til að njóta þeirra. Því vil ég líka að skoðuð sé tillaga Sjáflstæðismanna um að tímbundið séu inngreiðlusr í lífeyrissjóðoi skattlagðar. Við höfum nóg við peninga að gera nú til að koma í veg fyrir að hér verði óbyggilegt.

[Jón Bragi Sigurðsson, 22.6.2009 kl. 19:11]

"Skildar eftir í gömlu bönkunum"? Voru ekki Icesave-reikningarnir eitthvað sem varð eftir í "Gamla Landsbankanum" og skattgreiðendur á Íslandi þurfa að borga um langa framtíð. Ég er kannske ekkert sérlega gáfaður en ég átta mig ekki á hvað þú ert að fara með þessum "skuldum sem skildar voru eftir". Þarf einginn að borga þær, og hverjir eru það sem eiga þessar skuldir?

Ég vil að það sé alveg á hreinu að þetta eru peningar okkar verðandi lífeyrisþega og hlutverk lífeyrissjóðina er að ávaxta þá á sem öruggastan hátt og ekkert annað. Steingrímur J og fleiri gaspra um það að erlendir bankar og fjárfestar bíði í röðum eftir að fá að fjárfesta í jarðgöngum og brúm á Íslandi. Ég trúi ekki orði af því. Ef svo væri þá væru atvinnurekendur og forustumenn stéttarfélaga ekki eins og hrafnar yfir lífeyrissjóðunum.

Ef það væri satt þá mæli ég með að þeir verði látnir um þetta og að lífeyrissjóðirnir verði látnir í friði. Ég er svo velviljaður að ég er alveg til í að leyfa þeim að "græða" á þessu.

Ég gæti vel hugsað mér að eyða mínum lífeyri annars staðar en á Íslandi og ef landið stendur og fellur með því að menn komist í þessa peninga þá er það þegar dauðadæmt.

[Magnús Helgi Björgvinsson, 23.6.2009 kl. 00:40]

Bankarnir skulduðu um 14000 milljarða. Um 10 til 11 þúsund mlljarðar voru skildir eftir í gömlubönkunum ásamt einhverjum smá eignum. Þessar kröfur á bankana verða ekki greiddar nema að smá hluta.

Nýju bankarnir taka ekki yfir nema smá hluta skulda gömlu bankana.

Innistæður icesave eru á vegum skilanefndar gamla Landsbankans og njóta þar forgangs vegna neyðarlaga sem kveða á um að innistæður njóti forgangs.

[Sigurður E. Vilhelmsson (IP-tala skráð) 23.6.2009 kl. 09:10]

Icesave innistæður njóta ekki forgangs umfram aðrar innistæður. Svo verður látið reyna á neyðarlögin fyrir dómstólum í haust. Ef þau falla eru skilin milli gömlu og nýju bankanna í uppnámi.