Hugmynd fyrir stjórnarliða!

Hvernig væri að afgreiða málið út úr nefnd strax með þeim tillögum að fyrirvörum sem tillögur hafa komið fram um og eru raunhæfar. En bæta við að ef að þessi tillaga um ríkisábyrgð sé feld þá feli stjórnin þeim meirihluta sem fella frumvarpið um ríkisábyrgð að leiða málið til lykta og þeir gerðir persónulega ábyrgir fyrir afleiðingum synjunar sinnar.

Bendi á pistil Jónasar Kristjánssonar um þetta mál:

Hættið að dekstra hrunmenn
Tilgangslaust er að reyna að fá stjórnarandstöðuna til að samþykkja IceSave með fyrirvörum. Hún vill einfaldlega ekki IceSave. Enda var hún í stjórn, er IceSave hengingarólin var brugðin á sínum tíma. Sjálfstæðið og Framsókn eru núna ábyrgðarlausir flokkar, sem afneita fortíð sinni. Tímabært er að hætta að dekstra liðið, sem olli hruni Íslands. Stjórnarsinnar verða að koma sér saman um fáa fyrirvara og skýringar, sem jafngilda ekki falli samningsins. Mest reynir á Ögmund Jónasson að koma á sátt stjórnar og uppreisnarþingmanna Vinstri grænna. Verra er að fá hrunmenn Sjálfstæðis og Framsóknar til valda.

Af www.jonas.is

Og Björn Valur segir á www.ruv.is

Ætlun stjórnarandstöðunnar er eingöngu að fella ríkisstjórnina en ekki að finna lausn á Icesave-málinu segir varaformaður fjárlaganefndar. Hann talar um pólitísk skemmdarverk í því sambandi.

Og hann bætir við

og segir að það leynist engum að þingliði stjórnarandstöðunnar sé skemmt vegna þeirra erfiðleika sem Vinstri græn eigi í málinu. Það sé hinsvegar fásinna að ætla að stjórnarandstaðan muni koma að eða liðka fyrir lausn þess. Ætlun þess safnaðar, eins og Björn Valur orðar það, sé eingöngu að fella ríkisstjórnina, reka fleyg í raðir stjórnarflokkanna og vinna pólitísk skemmdarverk gegn sinni eigin þjóð. Björn Valur segir eina markmið sjálfstæðis- og framsóknarmanna sé að hreiðra um sig á ný í stjórnarráðinu og að þeir beiti öllum brögðum til að ná því marki.

Sam sagt látum andstæðingana finna leiðir til að koma þessu fyrir dómsstóla, eða fá Hollendinga og Breta til að ganga aftur til samninga og semja um betri kjör núna fyrir okkur. Og á meðan þessir þingmenn vinna að þessu getur stjórninn unnið að öðru. Minna líka þessa andstæðinga að þetta megi ekki kosta meira en að semja við ESB sem þeir eru jú á móti líka.

Engin niðurstaða um Icesave

Athugasemdir

[Ragnar Már (IP-tala skráð) 10.8.2009 kl. 12:40]

Guðbjartur stendur uppúr í þessu máli. Hann er ekki gapandi út og suður í blöðum til að auglýsa sjálfan sig. Vinnur að lausn fyrir land og lýð. Mættum við eiga fleiri slíka stjórnmálamenn

[Svarar Jónsson (IP-tala skráð) 10.8.2009 kl. 13:09]

Þetta er nær vonlaust mál enda komið í tóma vitleysu í pólitíku valdtafla. Var aldrei í lagi og við sitjum uppi með þennan skítapakka.

Sammála varðandi formann fjárlaganefndar. Virðist vera öflugur maður sem fer ekki á taugum þó aðrir láti eins og asnar. Hvar hefur þessi maður verið eiginlega. Birtist allt í einu sem forseti alþingis þegar mest á reynir og er nú settur í verk sem er nær óvinnandi. Hefur unnið mikið á.

[ASE (IP-tala skráð) 10.8.2009 kl. 13:26]

Finnst þetta góð hugmynd hjá þér.  Ef Icesave ekki samþykkt, þá ekki sjálfgefið að stjórnin falli..... þó það án efa eina ástæðan fyrir þessum "áróðri" sem í gangi þessa dagana.  Þetta væri flottur "krókur á móti bragði".

Og tek undir með Ragnari og Svavari, Guðbjartur hefur komið jákvætt á óvart.

[nafn (IP-tala skráð) 10.8.2009 kl. 13:52]

mér finnst rún reyndar þjóðþryfamál að þessi stjórn falli... hún er ekki að gera neitt sem máli skiptir.

[zappa (IP-tala skráð) 10.8.2009 kl. 14:32]

skömm að stjórnarandstöðunni þessa dagana, sérstaklega sjálfstæðisflokknum og framsókn sem komu okkur í þetta icesave skuldafangelsi, afneita eigin sök og berjast á móti samningnum bara til að geta fellt stjórnina og komist í þá aðstöðu að stöðva frekari leka úr lánabókum berist almenningi.....eða heldur einhver kannski að þessum flokkum þyki allt í einu þjóðin eigi að ganga fyrir klíkuskapnum, það væru þá aldeilis umskipti !!!!!!!!!

[Ragnar (IP-tala skráð) 10.8.2009 kl. 20:03]

Tek undir stuðninsyfirlýsingar og álit á frammistöðu formanns fjárlaganefndar. Greinilega traustur maður sem vinnur ekki í æsingi eða yfirlýsingum. Vegur metur kalt kosti og galla og gætir hagsmuni þjóðarinnar. Hefur vaxið mikið í áliti hjá mér. Framlag og yfirlýsingar margra annarra hefur verið þinginu og þingmönnum til skammar. Við þurfum örugga þingmenn sem vinna síma vinnu af fagmennsku en eru ekki stöðugt í einhverri auglýsingamennsku.

[Magnús Helgi Björgvinsson, 10.8.2009 kl. 21:09]

Sammál þér Ragnar. Ég hafði alls ekki trú á honum í þetta embætti þegar valið var í nefndir Alþingis en nú gæti ég ekki séð nokkrun annann í þessu erfiða embætti. Eins þá vill ég fyrst ég er farinn að hrósa mönnum hrósa Líka Árna Þór formanns utanríkismálanefndar. Hann hefur unnið mjög gott starf. Og eins þá finnst mér að ég verði að nefna Steingrím Joð. Ég hafði mínar efasemdir um að hann tæki að sér fjármálaráðuneytið á þessum tímum. En hann hefur sýnt sig sem maður sem axlar ábyrgð og tekur ákvarðanir eins og hann heldur að séu bestar fyrir þjóðina nú á þessum erfiðu tímum. Þrátt fyrir að þær skarist á við hugsjónir hans og flokksins þá sýnir hann mikinn kjark og fylgir því eftir af yfirvegðu máli. Finnst að þessir menn hafi staðið sig með afbrigðum vel.