Andskotans pakk

Ég veit ekki hvað þetta fólk heldur að það sé að græða með þessum skemmdarverkum. Andskotans pakk sem er búið að finna sér ástæður til að fá útrás fyrir skemmdarfíkn sína. Og eins sem vinnst er að eignir þessara manna rýrna um það sem nemur kostnaði við hreinsun og lagfæringar. Og það hefur engin beðið þetta fólk um að gerast dómarar og böðlar. Vona að þessi skríll náist og verði sett inn svona til að átta sig.

Málningu úðað yfir bíl Björgólfs

Athugasemdir

[siggi (IP-tala skráð) 23.8.2009 kl. 13:25]

Betra að einhver geri eitthvað þar sem íslensk stjórnvöld og dómstólar gera ekkert til að refsa þessum mönnum eða sækja peningana sem þeir hefa stolið af þjóðinni! Það skiptir engu fyrir okkur hvort eignir þeirra rýrna á meðan þeir virðar ætla að komast upp með að eiga þær! Það er til skammar að stjórnvöld skuli ekkert gera og eðlilegt að fólk taki upp á uppátækjum sem þessum þar sem þessir menn eiga skilið refsingu! Ef stjórnvöld gera það ekki þá kvarta ég ekki yfir að einhverjir aðrir geri það á meðan líkamsmeiðingar koma ekki við sögu. Þegar stjórnvöld verða óvirk og lömuð verður þjóðin að vakna til lífsins.

[Halla Rut , 23.8.2009 kl. 13:28]

Merkilegt hvern þú ert hér að kalla "andskotans pakk".

[Jón Flón (IP-tala skráð) 23.8.2009 kl. 13:30]

Ekki geng ég um göturnar að skvetta málningu á þessa bíla, en þessir aðilar sem standa á bak við þessar aðgerðir hljóta minn stuðning 100%. Ég er nú persónulega þeirrar skoðunar að þú sért sjálfur andskotans pakk og rassasleikja auðmanna. Hvað finnst þér um það?

[Magnús Helgi Björgvinsson, 23.8.2009 kl. 13:36]

Þið eruð sem sagt á því að vegna þess að þessir útrásarvíkingar hafi framið eitthvað af sér þá gefi það fólki rétt á að ráðast á heimili þeirra. Kveikja í bílum við húsin þeirra og skapa börnum og fjölskyldum þeirra skaða, hræðslu og tjóni. Sama rökssemdarfærsta væri að fólk teldi allt í lagi að skjóta þessa menn þó þeir hafi ekki fengið neinn dóm. Minni fólk á að allir þessir aðilar eru til rannsóknar. Í USA tók um 3 til 5 ár að rannsaka og dæma í Enron málinu og þar hafa rannsóknarmenn þó 1000 starfsmanna. Hér á landi er verið að tala um stærstu gjaldþrot  í heiminum og allir telja að það sé bara hægt að afgreiða þetta á nokkurm mánuðum.

[Óli (IP-tala skráð) 23.8.2009 kl. 13:52]

Maður uppsker það sem maður sáir, þessir menn eru ekki velkomnir á íslandi.

[Halla Rut , 23.8.2009 kl. 13:54]

Í Enron málinu voru menn handteknir strax en dómar komu ekki fyrr en 3 til 5 árum síðar. Mikill munu þar á. Ástæðan fyrir því að engin er í járnum er að stjórnmálamenn hér eru of tengdir og skulda allir (þeir sem mestu ráða) þessum mönnum enda höfðu þeir vit á að moka í þá peningum á meðan allt lék í lyndi.

Er ég horfi á þetta blessaða fólk koma í sjónvarpinu og segja börn sín hafa orðið hrædd og svo framvegis þá sé ég svo vel algjöra siðblindu þeirra. Ekki í eina mínútu hugsa þeir til allra þeirra barna þeim ótengdum sem nú eru hrædd því foreldrar þeirra eru að missa heimili sín vegna gjörða þessara manna. Mörg þeirra geta ekki farið í skóla því ekki er til aurinn fyrir bókunum. 

Ég tel þetta fólk "heppið" að aðeins sé skvett málningu á húsin þeirra og bíla. Það væri öðru farið ef þetta væri í flestum öðrum löndum miðað við sakaðan sem það olli með stjórnlausri græðgi sinni og sjálfselsku.

Hreiðar sagðist ekkert eiga í Kastljósi nú fyrir nokkrum dögum og sagðist ekkert geta lagt til samfélagsins á þessari stundu. Sama dag í Lúxemborg vaknaði kunningi minn við það að 5 ofurbílum, ef svo má kalla, var ekið inn í götuna hans og þeir allir á Íslenskum númerum. Þar var voru kaggarnir hans Hreiðars mættir en hann býr nú einmitt í sömu götu. Hann hafði sem sag flutt þá alla úr landi. Kunningi minn giskar á að um 60 milljónir sé að ræða í bílum. Já, það er vont að vera svona fátækur. Ekki græt ég það ef einhver nær að sulla málningu yfir þessa bíla.

[Eyjólfur (IP-tala skráð) 23.8.2009 kl. 13:55]

Þetta er andskotans pakk, svo viðustyggilega lágkúrulegt að mér býður við. Að verja það er ekki ósvipað og að taka afstöðu gegn fórnarlambi nauðgunar, því "hún klæddi sig glannalega".

[Magnús Helgi Björgvinsson, 23.8.2009 kl. 14:06]

Í ENRON voru nú menn ekki meira í fangelsi en svo a.m.k. framdi einn sjálfsmorð og var þá heima hjá sér. Síðan eru lög og reglur öðruvísi í USA en hér en samt eru menn ekki geymdir í gæsluvarðhaldi þar né í fangelsi fyrr en þeir eru ákærðir. Og það var ekki næstum strax.

Og það réttlætir ekkert að einhver hópur manna sem er með skemmdar- og/eða spennufíkn og ræðst að heimilum og fjölskyldu manna. Þær hafa væntanlega ekkert til saka unnið.

Eins hefur verið bent á að það gæti verið að lög hér hafi verið svo léleg að margir af þessum mönnum verði ekki fundnir sekir um neitt. Eins væri gott að vitat.d. hvað Friðrika og börnin hennar höfðu til saka unnið. Eða fjölskylda Rannveigu Rist? Og hverju erum við bættari með að eyðileggja eignir sem við hugsanlega ættum kröfur á verði þessir menn dæmdir

[Kolla (IP-tala skráð) 23.8.2009 kl. 14:12]

Ég er hæstánægð með að málarar sinna andskotans pakkinu.

[Hörður B Hjartarson, 23.8.2009 kl. 14:52]

        Kolla

          Kolla!

          Innilega sammála þér - helst þyrfti að mála Björgólf Th sjálfan rauðann , framm í rauðann dauðann.

          Mælist til þess að þú takir til í kollinum á þér , Magnús Helgi Björgvinsson .

[Ólafur Björn Thoroddsen (IP-tala skráð) 23.8.2009 kl. 14:52]

Pakkið eru útrásarvíkingarnir og sjálfstæðishryðjuverkamennirnir sem að létu ruglið viðgangast hérna og komu þjóðinni í þrot.  Að sletta bílinn hans Bjögga málningu er vægt.  Það hefði átt að brenna bílinn, með Bjöggana Bundna inní bílnum.  Ég fyrirgef ekki mínum skuldunautum !!!!!

[Katrín, 23.8.2009 kl. 15:05]

Alveg er hún merkileg þjóðarsálin sem hatast við útrásarvíkinganna og kenna þeim um allar ófarir sínar og má svo sem til sanns vegar má færa. Síðan snýr þetta fólk sér við upphefur spellvirkjanna vegna þess að þeir hatast við fórnarlömbin. Er íslensk þjóð virkilega svo siðspillt að samþykkja fólskuverknað vegna þess að hann bitnar á öðrum og ekki verra ef viðkomandi eru þeirra hatursmenn???

Ég get því samkvæmt þessari speki lamið hvern þann sem mér líkar ekki við og tel hafa brotið lög en nenni bara ekki að bíða eftir því að viðkomandi verði dreginn fyrir dóm og dæmdur. Spellvirkjarnir eru þá líklega í stórhættu því þeir hljóta að vera ,,réttdræpir" eins og hinir ,,glæpamennirnir"...eða er það ekki?

[Magnús Helgi Björgvinsson, 23.8.2009 kl. 16:33]

Hörður og fleiri hvað með alla iðnaðarmenn á landinu, lækna, smábátaeigendur og fleiri sem stofna einkahlutafélög um sjálfa sig og skv. auglýsingum eru um 40 milljarðar sem ekki skila sér vegna nótulausra viðskipta. Þessir menn borga ekki útsvar og því ekkert til sveitarfélaga. Hvað með þetta fólk? Á að mála þau líka? Þau fá alla þjónustu sveitarfélaga ókeypis á meðan aðrir borga þeim mun hærra útsvar. Hvað með þetta fólk? Þetta eru kannski 30 til 40 þúsundmanns. Sem borga lítið sem ekkert til samneyslunar.

[Halla Rut , 23.8.2009 kl. 17:34]

Magnús: Munurinn á því er þú nefnir hér er að þessir peningar rúlla þó áfram í samfélaginu útrásavíkingarnir fóru hinsvegar með allt það fé er þeir náðu að klófesta til útlanda. Stór munur á. Ríkið hefur ekki staðið sig í þig að gæta þeirra heimila sem verst standa og er nú svört vinna sem hjálpar mörgum að rétt "meika það". Þeim sem gengur vel taka ekki svart þannig er það nú bara.

Merkilegt hvernig ríkistjórnin er nú að tala um að fara á eftir öllum öryrkjum og atvinnulausum sem eru að svindla en ekki er reynt að ná í rassgatið á neinum einasta víking sem virkilega er að stela einhverju frá okkur sem skiptir máli. Sjáðu bara Hreiðar...nýbúin að flytja alla bílana sína út á sitt nýja heimili og engin skiptir sér af því. Hann fékk öll sín lán afskrifuð. Engin af okkur hinu"venjulega" fólki fær þennan lúxus.

[Magnús Helgi Björgvinsson, 23.8.2009 kl. 17:48]

Það rúllaði nú stórhluti af peningum þessara útrásarbrjálæðinga hér á landi. Hvernig heldur þú að öll þessi hús hafi verið byggð? Allar þessar búðir opnað og öll þessi neysla hafi verið fjármögnuð. Jú hún var tekin að láni m.a. hjá Landsbanka sem fjármagnaði sig síðustu árin með Icesave. Þ.e. það var notað í endurfjármögnun.

Ég man fyrir 2 árum þegar að Bæjarstjórninn í Bolungarvík benti á að þar væri nærri allir orðinir .ehf og aðeins fáir sem borguðu útsvar til að reka bæinn. Ef var að hlusta að Sprengisand í dag og þar kom Guðmundur Ólafsson að það væri til í dæminum að lög hér á landi væru svo gölluð að margir af þessum mönnum hefðu kannski bortið lög.

Ég hef fullan áhuga á að þeir sem eru sekir veriði dæmdir og það eins hart og hægt er en ég frábið svona skríl sem tekur að sér að vera bæið dómarar og böðlar án þess að nokkur hafi beðið þá um það. Og ætla allir að fagna þegar einhverjum dettur í hug að búa til rörasprengju og henda inn um glugga hjá einhverjum? Og fagna kannski enn meira ef einhver slasast eða deyr. Hvað ef Range Roverinn hefði t.d. sprungið fyrir utan húsið hjá Stefáni og Friðriku? Værir þú þá út á götu að fagna því að einhver hefði slasast. Og ætlar þú að fagna þega að börn þessara manna lenda kannski í því að verða svo hrædd að þú þurfa sálfræðimeðferð það sem eftir er? Nei Halla það er furðulegt að fólk skuli vera að fagna svona skemmdarstarfsemi sem á að vera svar við öðrum glæpum. Glæpur réttlætir aldrei annan glæp. Fólk sem hugsar þannig ætti þá að flytja til USA þar sem þetta tíðkast. Læknar sem framkvæma fóstureyðingar eru sprengdir í loft upp, born og faltaðir teknir af lífi. Þarna er land sem fagnar svona verknaði.

[ThoR-E, 23.8.2009 kl. 17:57]

Þessir útrásarvíkingar hefðu betur hugsað um hvaða afleiðingar þetta gæti haft fyrir fjölskyldu sína og mögulega búsetu þeirra hér á landi, eftir að græðgi þeirra og óvarkárni leiddi til algjörs hruns.

Ég hef meiri áhyggjur af börnum þeirra sem eru að missa hús sín og vinnu vegna græðgi þessara manna.

Halla minnist á hér fyrir ofan með lúxusbílana sem komnir eru úr landi, ég man eftir þessu. Einhver útrásravíkingurinn, greinilega þessi, var að flytja lúxusbíla sína í gámum úr landi og eflaust fleira verðmætt. Svo ekki væri hægt að taka það upp í skuldir þeirra. Sem lenda nú á þjóðinni.

Ég vorkenni þessum mönnum ekki neitt vegna þess áreitis sem þeir lenda í.

[Magnús Helgi Björgvinsson, 23.8.2009 kl. 18:51]

Ég er ekkert að draga út því AceR að fólk á um sárt að binda eftir hrunið. En það væri nú kannski vit á að finna út hverjir eru sekir áður en farið er að ráðast á heimili. Og hvað hafa börn þessara manna gert af sér? Spurning hvort að þetta sé ekki sama liðið og henti grjóti í lögguna þegar þau fengur ekki að eyðileggja stjórnarráðið? Finnst engin græða á því að hér verði eins og í Vilta Vestrinu. Væir kannski meira vit í að fólk einbeitti sér að hjálpa þeim sem virkilega eiga um sárt að binda vegna atvinnu- og tekjumissi eða hárra lána.

[ThoR-E, 23.8.2009 kl. 18:57]

Ég persónulega mundi ekki grípa til svona aðgerða.

En ég á rosalega erfitt með að vorkenna þessum útrásarvíkingum sem lenda í svona áreiti.

[Halla Rut , 23.8.2009 kl. 18:59]

Ég er ekkert að "fagna" þessu eins og þú segir mig gera Magnús en mér er alveg sama og ekki hissa. Þessir aðgerðasinnar gera þó meira en nokkur annar sem í raun átti að gera eitthvað. Ég sé þetta eins og AceR þessir menn og einhverjar konur eru ekki mikið að hlífa eða hugsa um þau fjölmörgu börn sem eiga um sárt að binda vegna þeirra. Þeir hugsa bara um sig og að halda sínu. Hreiðar eyðir um 700.000 í að flytja bíla sína í skjól og segir svo að hann sé blankur og geti ekkert lagt af mörkum. Hann skilur Ísland og okkur öll eftir í skítagrautnum sem hann lagaði til og er bara byrjaður aftur í Lúxemborg. Hann á Kaupþing í Lúx og er bara með leppa til að þykjast eiga hann fyrir sig. Aumingja hann og fjölskyldan HANS já, aumingja þau. Við skulum gera allt rétt og ekki verða reið eða ráðast á neinn. Við skulum bara taka þessu og taka alla möguleika af börnum okkar er þau höfðu áður en þessir menn tóku hér allt yfir.

[Geir (IP-tala skráð) 23.8.2009 kl. 19:23]

Þeir sýna þó meira og betra framtak heldur en ríkisstjórn samfylkingar sem er styrkt af þessum aðilum!

[Byltingarforinginn, 23.8.2009 kl. 19:29]

Þetta er nefnilega andskotans pakk. Ekkert annað. Aumingjar, ræflar og skríll eru bara hrósyrði yfir svona aumingja.

[Magnús Helgi Björgvinsson, 23.8.2009 kl. 20:33]

Bíðið við hvað gera þessir aðgerðarsinnar? Er það lausn að skemma hús og bíla? Hvaða lausn er það? Hjálpar það fátæku fólki og fólki sem er að sligast undan lánum? Ef að þetta er lausn á því væri ég hissa. Væri kröftunum ekki betur borgið í að hjálpa fólki sem þarf hjálp.

Það væri líka gaman ef að fólk sem er að rukka eftir aðgerðum ríkisstjórnarinnar nefndi einhverjar lausnir. Það er ódýrt að tala t.d. um almennar niðurfærslur á lánum þegar ljóst er að ríkið þyrfti þá á móti að afla kannski 200 milljarða sem það getur aðeins með sköttum. Og þar með væri verið að velta vandanum yfir á öll heimili í landinu. Og þá yrðu enn fleiri sem vegna skatta yrðu í vandræðum. Því það er ljóst að almenn niðurfærsla á t.d. lánum íbúðarlánasjóðs og lífeyrisstjóðslánum mundi þýða hærri skatta og lægri lífeyri. Og hvaða lausn er það?

[Halla Rut , 23.8.2009 kl. 21:27]

Refsing er vegna þriggja þátta:

1. Hegna fyrir brotið.

2. Reyna að koma í veg fyrir að brotamaður brjóti af sér (ekki að virka)

3. Öðrum til varnaðar.

[Magnús Helgi Björgvinsson, 23.8.2009 kl. 22:02]

Og finnst þér það hafa virkað hingað til? Nokkur staðar? Siðmenntuð samfélög setja sér lög og skipa framkvæmdarvald til að framfylgja því. Þau varast að fólk taki sér sjálfsvald til að dæma og refsa. Það er vegna þess að margir eiga sér málsbætur eða eru hreinlega ekki búnir að brjóta lög. Það er nokkuð ljóst að hér voru lög og eftirlit með þeim á fjármálamarkaði í skötu líki. Stjórnvöld síðustu ára hafa talið að fé til eftirlist stofnana hafi verið bruðl á peningum. Óg í skjóli þess og nær ótakmarkaðs lánsfé undir stjórn óhæfra manna óx þetta bankakerfi okkur yfir höfuð en þar með voru þeir ekki að brjóta lög endilega. Matsfyrirtæki, stjórnvöld og í raun flestir töldu hér allt í himnalagi fram undir vorið 2008. Í stað þess að safna hér upp gjaldeyrisvarasjóðum á þessum góðæristímum voru skattar lækkaðir og byggt upp álver á Reyðarfirði, sem og allt byggingar brjálæðið hér á Höfðuborgarsvæðinu. Ekkert var reynt að gera til að stoppa vöxt bankana sem Seðlabanka og FME hefði verið í lófa lagið. Þetta var svona um allan heim en aðrar þjóðir gátu í skjóli sterkra seðlabanka bjargað sínum bönkum. En við áttum engan gjaldeyri og því fór sem fór. Eflaust hægt að finna marga sem brutu lög en ég held að það eigi t.d. eftir að koma í ljós að það voru ekki stjórnendur bankana einir sem gerðu þetta. Bendi t.d. að skúffufyrirtækin sem eru á bakvið mörg að þessu óeðlilegu lánum til skildara aðila voru búin til á endurskoðunarskrifstoum eins og KPMG og fleiri og starfsmenn þessarar endurskoðunarskrifstofa voru skráðir stjórnarmenn í tugum eða hundruðum þessara fyrirtækja.

1. nóvember skilar nefnd Alþingis skýrslu um hrunið. Hún hefur víst haft meiri rétt til rannsókna heldur en tíðkast í svona málum víðast um heiminn. Og því finnst mér rétt að bíða eftir niðurstöðu þeirra. Eva Joly sagði að fólk þyrfti ekki að vera hissa þó að niðurstöður frá Sérstökum Saksóknara tæki ár eða nokkur ár. Minni á að hún var í 7 ár minnir mig að rannsaka málið í Frakklandi sem hún er frægust fyrir.

Þar til held ég að fólk ætti að einbeita sér að uppbyggingu hér landi. T.d. að láta það ekki spyrjast að fyrirtæki séu í vandræðum með að fá fólk til vinnu. Í kvöldfréttum kom í ljós að Freyja sælgætisgerð hefur orðið að ráða útlendinga í flest störf þar sem að Íslendingar sýndu þeim ekki áhuga, minni á Skólaliða í Reykjavík, Iðnaðarmenn á Austurlandi, starfsfólk í Sláturhús og fleira og fleira.

Síðan væri gaman að vita aðstæður þessara "aðgerðarsinna" því að skv. myndum af þeim sem kveiktu í bílnum á Laufásvegi voru þeir á nýlegum Audi eða Passat sem ég geri ráð fyrir að kosti milljónir. Og þetta virstust vera stráklingar.

[Einar (IP-tala skráð) 23.8.2009 kl. 22:12]

200 milljarða að leiðrétta lánin? kostar það 200 milljarða að leiðrétta húsnæðislánin vegna verðtryggingarinnar??

Það finnst mér sérstakt. Þegar lánið mitt hækkaði úr 13 milljónum upp í 18 milljónir c.a án þess að ég fengi krónu meira út á lánið. Það bara hækkaði án þess að nokkrir peningar skiptu um hendur.

Og síðan á það að vera rosalega dýrt að færa upphæð lánsins (vísitöluna) aftur til baka. Þótt eigandi skuldarinnar setti ekki krónu í viðbót út .. þegar lánið hækkaði.

Það koma vissulega ýmsir þættir inn í þetta .. ég er ekki hagfræðingur, hvað þá viðskiptafræðingur ... en ég er bara fasteignareigandi sem hef þurft að horfa upp á ævisparnaðinn minn gufa upp. Margar milljónir.. bara teknar.. eignaupptaka með aðstoð ríkissins...??? 

DÆMI:

Ef einhver skuldar mér 10.000 krónur.. og ég ákveð að hækka skuldina upp í 15.000 krónur.. kalla það bara verðtryggingu ... en síðan ákveð ég að vera sanngjarn eftir mikið þras og samninga.... og lækka skuldina aftur niður í 10.000 ...

hvað kostar það mig? hvar er kostnaðurinn??

Guð blessi Ísland ...............

[Magnús Helgi Björgvinsson, 23.8.2009 kl. 22:37]

Sorry þetta gegnur ekki svona! Ég var að tala um skuldir við íbúðarlánasjóð, og lífeyrissjóði. Og þar hefur óvart verið verðbólga og svipaðir vextir í gegnum allt þetta hrun. Íbúðalánasjóður er með ríkistryggð lán og því getur hann ekki látið afskriftir falla á einhverja aðra. Eins með lífeyrssjóðslánin. Það verður að skaffa fé till þeirra í staðinn.

Það er allt annað með bankana. Þó ættu þessi gengistryggðu lán að leiðréttast. Og sér í lagi ef að satt er að bankarnir hafi ekki keypt neinn gjaldeyri til að lána út í erlendri mynnt eins og sagt er. Þ.e. að bankrarnir hafi í raun verið að lána út á Íslenskar krónur.

Síðan voru það engir sem ákváður að hækka lánin. Það varð hér hrun sem lýsir sér í að lán hækkuðu hér. Ef fólk hefði tekið lán t.d. í bretlandi til að nota hér þá hefðu þau eðlilega hækkað sem nam gengishruninu. En það var enginn sem ákvað að gengi mundi falla um 100%

[Katrín Linda Óskarsdóttir, 23.8.2009 kl. 22:40]

Eftir að hafa lesið öll commentin hérna, þá "vinnur" Halla Rut .......  lang- málefnalegust

[Hilmar (IP-tala skráð) 23.8.2009 kl. 22:42]

Á maður nokkuð að vera stressa sig því þó einn og einn Samfylkingarbloggarinn haldi áfram að verja útrásarpakkið út yfir gröf og dauða?

Nei, held barasta ekki. Þetta pakk á þetta skilið, og helst vona ég að það setjist bara að í ESB löndunum og láti aldrei sjá sig hér aftur.

[AK-72, 23.8.2009 kl. 22:54]

Eitt vekur furðu mína alltaf og það er ofurtrúin á að rannsóknanefnd Alþingis skili hinni endanlegu niðurstöðu og allir verði sáttir. Því miður verður ekki svo, nefndin var handvalin af reyndar víst ágætis fólki og köluð "hvítþvottanefndin" enda ekki marigr sem munu hafa trú á að hún skili nokkru sérstaklega þegar kemur að stjórnkerfinu og þeim stjórnmálamönnum sem fengu fyrirgreiðslu í Landsbankanum og e.t.v. annars staðar.

Hversvegna treystir fólk þessari ekki nefnd? Fyrir það fyrsta þá er þetta orð Alþingi prjónað bak við sem er ávísun á spillingu, og svo hinsvegar ofutrú Sjálfstæðismanna og annara flokksdindla á að þeir verði fullkomlega hreinsaðir líkt og þeir viti niðurstöðuna fyrirfram. Slíkt vekur eingöngu vantraust á störfum hvítþvottanefndarinnar eða rannsóknanefnd þingsins eða heldur einhver virkilega að þingið muni gera jack'nshit eftir það? Við búum í landi óréttlætis, landinu þar sem sægreifi fær 50 milljarða afskrifaða og auðmenn komast undan vegna flokkstengsla á meðan kalt fyrirlitningaglott leikur um varir sólbrúnnar klappstýru auðmanna í ráðherrastól þegar hann tilkynnir skrílnum að ekkert verði gert fyrir þá í afskriftum lána eða öðru slíku, aðeins verði auðmönnum þjónað líkt og áður.

Það verður enginn stjórnmálamaður ákærður, það verður enginn ráðherra la´tinn axla ábyrgð, það verður enginn úr stjórnsýslunni látinn sæta ábyrgð, enginn vel tengdur bankamaður fer inn og á endanum verður skuldinni skellt á ræstingakonuna sem rakst í ENTER-takkann þegar hún var að strjúka af.

Til hvers að bíða eftir einhverju sem aldrei fæst?

[Magnús Helgi Björgvinsson, 23.8.2009 kl. 23:06]

Aðeins smá athugsemd! Ég er ekkert að verja þessa útrásar brjálæðinga! Alls ekki! Ég get hinsvegar ekki samþykkt það að einhverjir taki sig til í skjóli nætur og ráðist á heimili þeirra. Hvaða tilgangi þjónar það? Get ekki séð hann. Á þetta að hrekja þá úr landi? Þeir eru jú flestir erlendis. Mér skilst að flestir þeirra séu búnir að vera þar meira og minna. Og hvað er þá markmiðið? Og á að halda þessu áfram þangað til hvenær? Og út í hvað leiðir þetta? Ef allir eru tilbúnir að peppa þetta lið upp hvað endar þetta? Hverskonar skríll erum við að verða? Og hvað hjálpar þetta okkur?

Nú er búið að kveikja í einum bíl. Hvað á að toppa það? Kveikja í einhverju heimili næst? Og hvað svo sprengja næsta? Og hvað svo skjóta einhvern? Og allir hörðu bloggararnir verða ofsa glaðir. Fólk sem fer hér hamförum út af öllum gróusögum og æsa sig upp úr öllu valdi en þegar á að sýna samstöðu þá mæta sára fáir.

Þið afsakið mig ég tel að Ísland þurfi eitthvað annað en sjálfskipaða böðla sem fara um með skemmdarverkum.

[AK-72, 23.8.2009 kl. 23:12]

Og svona smá viðbót, það þarf engann eldflaugasnilling eða rannsóknanefnd Alþingis, rannsóknanefnd sem hefur ekki eins sinni yfirheyrt Björgólf Thor og ýmsa aðra útrásarsvíkinga, til að sjá hverjir bera mikla og þunga ábyrgð á hlutunum. Það hefur nóg komið fram og það er enn mikill skítur að koma upp um mikið af þessu fólki sem einhverjir hafa farið í atvinnusköpun fyrir málarastéttina, með öflugan lakkbrúsa í heimsókn til.

Svo til viðbótar, er nokkuð hægt að treysta á Hæstarétt? Handvaldir Sjálfstæðisfmenn þangað inn að mestu síðustu áratugina og með Jón Steinar og Ólaf Börk þar innan borðs. Dómskerfið hefur verið gegnsýrt af góðum flokks-mönnum, mönnum sem er ætlað að vera þarna til hagsmunagæslu. Lögfræðistéttin meira og minna involveruð í glæpi auðmanna og sú stétt mun ekki liggja á liði sínu til að sjá til þess að flokkvinir og auðmenn sleppi með öllum ráðum og stuðningi dómarastéttarinnar, eins og sást á nýlegri ályktun Lögmannafélagsins og almennri hegðun á þeim bænum.

Heldur fólk svo þegar horft er yfir inngróna spillingu íslenskrar stjórnsýslu, dómskerfis og löggjafans, að það verði réttlæti og heiðarlegar uppljóstranir á þessum málum þar sem hverjum steini verður velt við? Nei, þvi miður ekki annars væri hafinn lögreglurannsókn á mútugreiðslum til Sjálfstæðsiflokksins, Baldri Guðlaugssyni hefði verið vikið frá og væri kominn í rannsókn og Davíð Oddson væri kominn í fangelsi.

[Magnús Helgi Björgvinsson, 23.8.2009 kl. 23:15]

AK-72, Bendi þér á að Páll Hreinsson sagði fyrir 2 vikum að þessi nefnd ætti eftir að skila af sér skýrslu sem væri verstu fréttir sem íslenskri þjóði hefði verið færð. Þessi nefnd fékk mjög viðtækar heimildir og er ekki tengd Alþingi á nokkurn hátt nema að Alþingi skipaði hana. Minni þig á að t.d. embætti umboðsmanns Alþingis er algjölega sjálfstætt þó Alþingi skipi hann.

Um nefndina er sagt í lögum:

I. KAFLI

Markmið rannsóknar.

1. gr.

         Tilgangur laga þessara er að sérstök rannsóknarnefnd á vegum Alþingis leiti sannleikans um aðdraganda og orsök falls íslensku bankanna 2008 og tengdra atburða. Þá skal hún leggja mat á hvort um mistök eða vanrækslu hafi verið að ræða við framkvæmd laga og reglna um fjármálastarfsemi á Íslandi og eftirlit með henni, og hverjir kunni að bera ábyrgð á því. Nefndin skal í þessu skyni:

1.

Varpa sem skýrustu ljósi á aðdraganda og orsakir þess vanda íslenska bankakerfisins sem varð Alþingi tilefni til að setja lög nr. 125/2008, um heimild til fjárveitingar úr ríkissjóði vegna sérstakra aðstæðna á fjármálamarkaði o.fl.

2.

Afla upplýsinga um starfsemi fjármálafyrirtækja sem geta skýrt vanda þeirra, svo sem um fjármögnun og útlánastefnu þeirra, eignarhald, endurskoðun og tengsl þeirra við atvinnulífið.

3.

Gera úttekt á reglum íslenskra laga um fjármálamarkaðinn og tengda atvinnustarfsemi í samanburði við reglur annarra landa og framkvæmd stjórnvalda á þeim.

4.

Leggja mat á hvernig staðið hafi verið að eftirliti með fjármálastarfsemi hér á landi á síðustu árum og upplýsingagjöf af því tilefni milli stjórnvalda, til ríkisstjórnar og til Alþingis.

5.

Koma með ábendingar og tillögur að breytingum á lögum, reglum, vinnubrögðum og skipulagi opinberrar stjórnsýslu sem miða að því að gera íslenskt fjármálakerfi færara um að bregðast við þróun og breytingum á alþjóðlegum fjármálamörkuðum.

6.

Gera ráðstafanir til þess að hlutaðeigandi yfirvöld fjalli um mál þar sem grunur vaknar við rannsókn nefndarinnar um refsiverða háttsemi eða brot á starfsskyldum og gera jafnframt grein fyrir þeim málum í skýrslu til Alþingis.

7.

Skila Alþingi skýrslu um rannsóknina ásamt þeim samantektum og úttektum sem nefndin ákveður að láta vinna í þágu rannsóknarinnar.

        Að því marki sem nefndin telur nauðsynlegt er henni heimilt að láta rannsókn sína taka til atburða eftir gildistöku laga nr. 125/2008 eða gera tillögu um frekari rannsókn á slíkum atburðum.
Í tengslum við athugun á fyrrgreindum atriðum skal enn fremur fara fram rannsókn þar sem lagt verði mat á hvort skýringar á falli íslensku bankanna og tengdum efnahagsáföllum megi að einhverju leyti finna í starfsháttum og siðferði.

2. gr.

        Skipa skal nefnd þriggja manna til að rannsaka og leggja mat á þau atriði sem tilgreind eru í 1. gr. Í nefndinni eiga sæti:

1.

Einn dómara Hæstaréttar Íslands skipaður af forsætisnefnd og skal hann vera formaður nefndarinnar. Dómsmálaráðherra skal veita honum leyfi frá störfum réttarins á meðan nefndin starfar. Verði hann forfallaður eða geti ekki af öðrum ástæðum sinnt starfinu skal forsætisnefnd skipa annan dómara réttarins til að taka sæti í nefndinni eða einstakling sem fullnægir skilyrðum laga til að gegna starfi hæstaréttardómara.

2.

Umboðsmaður Alþingis. Verði hann forfallaður eða geti ekki af öðrum ástæðum sinnt starfinu skal forsætisnefnd Alþingis skipa annan mann í nefndina í hans stað sem uppfyllir skilyrði laga til að gegna starfi umboðsmanns.

3.

Hagfræðingur, löggiltur endurskoðandi eða háskólamenntaður sérfræðingur, sem hefur víðtæka þekkingu á efnahagsmálum og/eða starfsemi fjármálamarkaða, skipaður af forsætisnefnd Alþingis.

       Rannsóknarnefndin skipar sérstaka vinnuhópa með fulltrúum innlendra og/eða erlendra sérfræðinga sem séu nefndinni til aðstoðar eða sinni ákveðnum rannsóknarverkefnum.

        Forsætisnefnd skipar þriggja manna vinnuhóp einstaklinga með háskólamenntun í heimspeki, sagnfræði, félagsfræði, stjórnmálafræði, fjölmiðlafræði eða öðrum hliðstæðum greinum sem fjallar í samráði við rannsóknarnefndina um þann þátt rannsóknarinnar sem getið er í 3. mgr. 1. gr.
        Rannsóknarnefndin er í störfum sínum óháð fyrirmælum frá öðrum, þar með töldu Alþingi. Sama gildir um vinnuhópa skv. 2. og 3. mgr. þessarar greinar.

Þessi nefn er það besta sem við höfum og við komumst aldrei út úr þessum málum ef við vanþreystum öllum áður en niðurstöður eru komnar. Þá getum við allt eins lokað hér og lagt Ísland niður sem land.

[Magnús Helgi Björgvinsson, 23.8.2009 kl. 23:21]

Hefði kannski átt að vitna frekar í þennan hluta lagana:

III. KAFLI

Rannsóknarheimildir og málsmeðferð.

6. gr.

        Sérhverjum, jafnt einstaklingum, stofnunum sem lögaðilum, er skylt að verða við kröfu rannsóknarnefndarinnar um að láta í té upplýsingar, gögn og skýringar sem hún fer fram á. Með gögnum er meðal annars átt við skýrslur, skrár, minnisblöð, bókanir, samninga og önnur gögn sem nefndin óskar eftir í þágu rannsóknarinnar.

         Nefndinni er heimilt að kalla einstaklinga til fundar við sig til að afla munnlegra upplýsinga í þágu rannsóknarinnar og er viðkomandi þá skylt að mæta. Heimilt er að taka það sem fer fram á slíkum fundum upp á hljóð- eða myndband.

        Skylt er að verða við kröfu rannsóknarnefndar um að veita upplýsingar þó að þær séu háðar þagnarskyldu, t.d. samkvæmt reglum um starfsemi fjármálafyrirtækja, sérstökum reglum um utanríkismál, öryggi ríkisins eða fundargerðir ríkisstjórnar og ráðherrafunda og fundargerðir nefnda Alþingis. Sama gildir um upplýsingar sem óheimilt er að lögum að veita fyrir dómi nema með samþykki ráðherra, forstöðumanns eða annars yfirmanns viðkomandi, jafnt hjá hinu opinbera sem einkafyrirtæki.

        Lögmaður, endurskoðandi eða annar aðstoðarmaður verður þó ekki krafinn upplýsinga, sem honum hefur verið trúað fyrir út af rannsókn nefndarinnar, nema með leyfi þess sem í hlut á. Ákvæði a- og b-liðar 2. mgr. ásamt 3. og 4. mgr. 119. gr. laga um meðferð sakamála gilda enn fremur um upplýsingagjöf þeirra sem þar eru tilgreindir. Dómari sker úr um upplýsingaskyldu þeirra og verður mál af því tagi rekið skv. 6. mgr. þessarar greinar.

        Stjórnvöld skulu veita alla nauðsynlega aðstoð sem nefndin óskar eftir við störf sín. Þá skal nefndin, ef hún óskar, fá aðgang að gögnum og skýrslum sem sérfróðir aðilar á vegum stjórnvalda hafa unnið að um málefni sem falla undir starf nefndarinnar.

         Nú verður ágreiningur um upplýsingaskyldu samkvæmt ákvæðum þessara laga og getur rannsóknarnefndin þá leitað um hann úrskurðar héraðsdóms á grundvelli XV. kafla laga nr. 88/2008, um meðferð sakamála. Lögregla skal veita nefndinni liðsinni við að framfylgja slíkum dómsúrskurði. Heimilt er að kæra úrskurðinn til Hæstaréttar innan þriggja sólarhringa frá uppkvaðningu hans.

        Rannsóknarnefnd er heimilt í þágu rannsóknar að beita ákvæði 73. gr. laga nr. 88/2008 til að varna því að gögnum sé fargað og skal lögregla framfylgja þeirri ákvörðun.

7. gr.

        Rannsóknarnefndin getur við rannsókn máls gert athuganir á starfsstað opinberrar stofnunar, fyrirtækis, samtaka fyrirtækja eða í öðru húsnæði og lagt hald á gögn þegar nefndin telur það nauðsynlegt í þágu rannsóknarinnar. Við framkvæmd aðgerða samkvæmt þessari grein skal fylgja ákvæðum laga nr. 88/2008, um meðferð sakamála, um leit og hald á munum. Rannsóknarnefndinni er heimilt að leita atbeina lögreglu við framkvæmd leitar.

        Rannsóknarnefndin hefur heimild til að óska beint eftir gögnum og upplýsingum frá erlendum stjórnvöldum í tengslum við rannsókn sína. Skulu íslensk stjórnvöld veita atbeina sinn til slíkrar gagna- og upplýsingaöflunar ef nefndin óskar eftir því.

8. gr.

        Sérhverjum er skylt að koma fyrir nefndina til skýrslutöku krefjist hún þess. Nefndin tilkynnir þeim sem hún óskar eftir að komi fyrir nefndina um skýrslutökuna með sannanlegum hætti og upplýsir um stað og stund hennar.

        Formaður nefndarinnar stýrir skýrslutökum en getur falið öðrum nefndarmanni það. Þá getur hann falið starfsmanni nefndarinnar, fulltrúa vinnuhóps eða öðrum er vinna að rannsókninni að beina spurningum að þeim sem gefur skýrslu. Taka skal upp á hljóð- eða myndband það sem fram fer við skýrslutöku.

9. gr.

        Nefndin getur óskað þess að héraðsdómari kveðji mann fyrir dóm til að bera vitni um atvik sem máli skipta að mati nefndarinnar. Um kvaðningu og skýrslugjöf og aðra framkvæmd skal fara eftir ákvæðum laga um meðferð sakamála, eftir því sem við á. Ákveða má að skýrsla sé gefin fyrir luktum dyrum.

10. gr.

        Þeim sem kemur fyrir nefndina á fund skv. 2. mgr. 6. gr. eða er kallaður til skýrslugjafar er heimilt að hafa með sér aðstoðarmann á eigin kostnað.

11. gr.

        Ef maður af ásetningi neitar að gegna skyldu sinni til að veita nefndinni upplýsingar samkvæmt ákvæðum þessara laga skal hann sæta sektum eða fangelsi allt að 2 árum. Sömu refsingu varðar að gefa nefndinni rangar eða villandi upplýsingar eða skjóta undan, spilla eða eyða gögnum sem nefndin óskar að fá afhent. Um slík mál skal farið samkvæmt lögum um meðferð sakamála.

       Ákvæði 1. mgr. á þó ekki við ef einstaklingur skorast undan því að svara spurningu af þeirri ástæðu að ætla megi að í svari hans geti falist játning eða bending um að hann hafi framið refsiverðan verknað eða atriði sem valdi honum siðferðislegum hnekki eða tilfinnanlegu fjárhagstjóni. Sama á við ef ætla má að svar hefði sömu afleiðingar fyrir einhvern þann sem tengist viðkomandi með þeim hætti sem segir í 1. og 2. mgr. 117. gr. laga nr. 88/2008, um meðferð sakamála.

12. gr.

        Óheimilt er að rýra réttindi, segja upp samningi, slíta honum eða láta mann gjalda þess á annan hátt ef hann hefur látið nefndinni í té upplýsingar sem þýðingu hafa fyrir rannsóknina. Séu leiddar líkur að því skal gagnaðili sýna fram á að ákvörðun sé reist á öðrum forsendum en þeim að hann hafi veitt nefndinni upplýsingar.

       Ef einstaklingur hefur frumkvæði að því að bjóða eða láta nefndinni í té upplýsingar eða gögn, sem tengjast opinberri stofnun, fyrirtæki, móður- eða dótturfyrirtæki þess eða fyrirtækjum sem það er í viðskiptum við eða stjórnendum þeirra, og óskar eftir því að hann sæti ekki ákæru þótt upplýsingarnar eða gögnin leiði líkur að refsiverðu broti hans sjálfs, er nefndinni heimilt að óska eftir því við ríkissaksóknara að hann ákveði að hlutaðeigandi sæti ekki ákæru. Ef um opinberan starfsmann er að ræða getur nefndin, af sama tilefni, óskað eftir því við hlutaðeigandi forstöðumann eða ráðuneyti að hlutaðeigandi verði ekki látinn sæta viðurlögum vegna brota á starfsskyldum.

       Skilyrði ákvörðunar skv. 2. mgr. eru að upplýsingar eða gögn tengist refsiverðu broti eða broti á opinberum starfsskyldum og talið sé líklegt að þessar upplýsingar eða gögn geti haft verulega þýðingu fyrir rannsókn nefndarinnar samkvæmt lögum þessum eða séu mikilvæg viðbót við fyrirliggjandi sönnunargögn. Ef upplýsingar eða gögn tengjast refsiverðu broti þá er það jafnframt skilyrði fyrir beitingu þessarar heimildar að rökstuddur grunur sé uppi um það að mati ríkissaksóknara að upplýsingar eða gögn tengist alvarlegu broti, fyrirséð sé að sök þess sem lætur slíkt í té sé mun minni en sök þess eða þeirra sem gögnin eða upplýsingarnar beinast gegn og ástæða sé til að ætla að án þeirra muni reynast torvelt að færa fram fullnægjandi sönnur fyrir broti.

13. gr.

       Að gagnaöflun lokinni gerir nefndin þeim sem ætla má að orðið hafi á mistök eða hafi orðið uppvís að vanrækslu í starfi skriflega grein fyrir afstöðu sinni og eftir atvikum lagatúlkun á þeim atriðum sem varða þátt hans í málinu og nefndin íhugar að fjalla um í skýrslu til Alþingis. Nefndin veitir viðkomandi hæfilegan frest til að gera skriflega athugasemd við þessi atriði.

14. gr.

        Vakni grunur við rannsókn nefndarinnar um að refsiverð háttsemi hafi átt sér stað tilkynnir hún ríkissaksóknara um það og tekur hann ákvörðun um hvort rannsaka beri málið í samræmi við lög um meðferð sakamála.

        Ef nefndin telur að ætla megi að opinber starfsmaður hafi gerst brotlegur við starfsskyldur sínar samkvæmt ákvæðum laga nr. 70/1996 eða eftir ákvæðum annarra laga sem gilda um störf hans skal hún tilkynna viðkomandi forstöðumanni þar um og hlutaðeigandi ráðuneyti.
Nefndinni er ekki skylt að gefa viðkomandi kost á að tjá sig sérstaklega um þá ákvörðun hennar að senda mál til ríkissaksóknara, forstöðumanns eða ráðuneytis skv. 1. og 2. mgr.

        Um ábyrgð ráðherra fer samkvæmt lögum um ráðherraábyrgð.

        Upplýsingar um þau mál sem greinir í 1. og 2. mgr. skulu birtar í skýrslu nefndarinnar.

        Ekki er heimilt að nota upplýsingar sem einstaklingur hefur veitt nefndinni sem sönnunargagn í sakamáli sem höfðað er gegn honum.

[Hilmar (IP-tala skráð) 23.8.2009 kl. 23:28]

Jú sjáðu til Magnús, það hefur orðið siðrof (svo maður slái um sig með flottu tækniorði í stíl tæknikrata) Fólki er meira og minna sama um afleiðingar grjörða sinna.

Þjóðin óskaði eftir tækifæri í vetur, til að kjósa sér nýja stjórn sem tæki á málum tengdum þessum glæpalýð sem er í daglegu tali kallað útrásarvíkingar.

Við vitum það nú að nýja stjórnin ætlar ekkert að gera, og að ábyrgðin af hruninu skiptist á milli Sjálfstæðisflokks, Samfylkingar og Framsóknarflokks. Það skiptir fólk því engu máli lengur hver er í stjórn, enda beisiklý sami lýðurinn sem er í þeim öllum. 

Stjórnin nýja ætlar ekkert að gera fyrir almenning, annað en að bjóða honum að greiða stríðskaðabæturnar, þannig að afætur Samfylkingar komist í kósý Evrópudjobb. Landinu er stjórnað af kerfiskrötum, bankastjórnum og skilanefndum sem eru meira og minna skipaðar fólki úr útrásargeiranum. Stjórnkerfið er rotið og spilling virðist aukast og aukast þvert gegn eindregnum vilja þjóðarinnar.

Það er ekki hlustað á fólkið og því er eðlilegt að það tjái sig á því máli sem skilst. 

Ríkisstjórn Samspillingar og kosningaloforðasvikara VG eru því að fyrra bragði að bjóða okkur upp í þennan dans. Ég efast þó ekkert um að þessir flokkar haldi áfram að firra sig ábyrgð með því að ásaka aðra. Málið er að fólk veit að það eru ekki aðrir sem stjórna núna.

[AK-72, 23.8.2009 kl. 23:29]

Ef þú tekur eftir því sem ég segi um nefndina þá tel ég þetta vera ágætis fólk sem er þar. Þetta er aftur á móti pólitskt skipuð nefnd af Alþingi sem er ein vafasamasta stofnun landsins og svo er Alþingi ætlað að taka ákvarðanir út frá skýrslunni, semsagt það verður ekkert gert með öðrum orðum.

Svo vekur það mér talsverða tortryggn og ugg þegar menn tala sigurvissir fyrirfram um að niðurstaðan verði algjörlega þeim í hag og bendir því meir og meir til, að skýrslan verði ekki lögð fram nema með reykfylltu baktjaldamakki.

Því miður þá tel ég að það séu meiri líkur á því að við verðum að loka sjoppuni og leggja Ísland niður sem land, heldur en að hér verði sannleikurinn upplýstur og réttlæti verði haft að leiðarljósi. Þetta er búið samfélag, þetta er ónýtt samfélag, samfélagssáttmálinn var rofinn og fátt eitt hefur verið gert í áttina til þess að mynda nýjan heldur virðist stefnan vera sú að falla í þá gryfju að lækna samfélagið með rotnum og gerspilltum grunnstoðum og ónýtum grunni óréttlætis að hætti Íslendinga.

Nei, það er ekki hægt að búast til að fólki finnist það þurfa að hlýða lögum og reglum eða taka þátt í að byggja upp nýtt, spillt, óréttlátt samfélag þar sem yfirstéttin er jafnari en aðrir. Fyrr en við sjáum að eitthvað sé að gerast í aðgerðum til handa heimilum og hætt verði að afskrifa skuldir auðmanna og sægreifa, að réttlæti byrji að ná fram að ganga í stað þess að kerfið verndi þá seku en refsi þeim saklausu, þá verður ekki friður hér né samfélag að nýju. Þangað til, þá er mér skítsama þó einhver skapi málurum vinnu.

[Magnús Helgi Björgvinsson, 24.8.2009 kl. 00:14]

Ak-72 Ég tel að ef fólk áttar sig á því að hér er aðeins liðnir um 10 mánuðir frá því að hrunið varð og samt sem áður samt komnir 10 mánuðir þá hefur nú ýmsu verið ýtt af stað sem skilar árangri. Því tala ég um þessa nefnd! Jú niður stöður hennar eiga allar að vera opinberar 1 nóvember. Og um leið eiga þar að vera tillögur um:

Rannsóknarnefndin skal láta Alþingi í té skriflega skýrslu með rökstuddum niðurstöðum rannsóknar sinnar ásamt ábendingum og tillögum um úrbætur. Skýrslan skal þegar í stað gerð opinber. Rannsóknarnefndin getur ákveðið að skila til Alþingis sérstökum skýrslum um einstaka hluta rannsóknarinnar eða áfangaskýrslum og skal haga meðferð þeirra á sama hátt og lokaskýrslu. Stefnt skal að því að endanlegri skýrslu um rannsókn nefndarinnar verði skilað til Alþingis eigi síðar en 1. nóvember 2009.

         Forseti Alþingis og formenn þingflokkanna fjalla um skýrslu nefndarinnar og gera tillögu um meðferð Alþingis á niðurstöðum hennar.

         Forsætisnefnd Alþingis gerir tillögu til þingsins um til hvaða fastanefnda vísa skuli ábendingum rannsóknarnefndarinnar um úrbætur á lögum, reglum, vinnubrögðum og skipulagi opinberrar stjórnsýslu. Telji fastanefnd eftir athugun sína á málinu tilefni til breytinga gerir hún tillögu um ályktun Alþingis eða leggur fram frumvarp til lagabreytinga.

Ég sé ekki aðra leið til að rannsaka þetta. Ég sé t.d. fyrir mér að erlendir aðilar hefðu verið miklu lengur að rannsaka þetta sem og af því að þessir skýrsla sé opinber þá standur þetta fólk og fellur með þessari skýrslu. Og eins að þarna fer fólk sem er ekki í stjórnmálum með málin og eiga að skila af sér tillögum um hvað og hvernig þarf að bæta hér lagaumhverfi hér á landi. Sbr.

ábendingum rannsóknarnefndarinnar um úrbætur á lögum, reglum, vinnubrögðum og skipulagi opinberrar stjórnsýslu. Telji fastanefnd eftir athugun sína á málinu tilefni til breytinga gerir hún tillögu um ályktun Alþingis eða leggur fram frumvarp til lagabreytinga.

Skv. heimasíðu nefndarinnar er líka samhliða unnið að fara yfir það sem snertir siðferði í fjármálastofnunum. Þar eru mjög færir siðfræðingar eins og Salvör Nordal og Vilhjálmur Árnason sem eiga að leggja:

mat á hvort skýringar á falli íslensku bankanna og tengdum efnahagsáföllum megi að einhverju leyti finna í starfsháttum og siðferði.

En þetta kemur fyrir lítið ef að fólk heldur alltaf að allir séu að vinna gegn því og allir séu gjörspilltir. Það er bara ekki svo. Og það hjálpar okkur ekki nokkuð í að byggja hér upp. Menn geta séð fyrir sér fyrirtæki sem hafi hrunið. Starfsmenn eru vissir um að allar tillögur sem koma fram um hvernig koma eigi fyrirtækinu á skrið aftur séu ómerkilegar og gagnlausar og eina sem dugi sé hærri laun og betri vinnuaðstaða og að fyrirtækið borgi skuldir starfsmanna. Það er nokkuð ljóst að þetta fyrirtæki kemst aldrei af stað aftur. Og þar sem að að starfsmenn séu vissir um að allt sem er gert sé þvæla og því sé eina sem hægt sé að gera að sýna einhverjum skemmdarvörgum skilning sem fara um skemma eignir fyrrum forstjóra. Sé ekki hvað það hjálpar nokkrum?

[Óskar Helgi Helgason (IP-tala skráð) 24.8.2009 kl. 00:28]

Sæll; Magnús Helgi - sem og, þið önnur, hér á síðu !

Magnús Helgi !

Ég hlýt; að taka undir, með Höllu Rut, spjallvinkonu minni, og þeim Katrínu Lindu, sem nokkrum fleirrum, í þessum málum öllum.

Hvaða tryggingu; hafa landsmenn fyrir, að skýrsla Páls Hreinssonar,. komi fyrir okkar augu, 1. Nóvember, næst komandi ?

Og; hví, ganga ''útrásar'' níðingarnir - innan þings, sem utan, lausir enn, í boði þeirra Jóhönnu og Steingríms ?

Hafa þau; hjúin í Stjórnarráðinu, ekki eitthvað að fela, einnig ?

Svari þú nú; hafir þú þor og burði til, Kópavogs byggjari góður - án mál skrúðs og paragraffa tilvitnana, í lög - öllu heldur ÍSELNZK ÓLÖG, Magnús minn !!!

Með beztu kveðjum; sem áður og fyrri, úr Árnesþingi /

Óskar Helgi Helgason   

[Pétur Kristinsson, 24.8.2009 kl. 21:57]

Magnús, mér er það þvert um geð að bera í bætifláka fyrir þessi skemmdarverk á eigum annara, sem ég tel raunar að séu tæknilega okkar eigur. En þegar að þú talar réttilega um að þetta bitnar á fjölskyldum þeirra sem ekkert hafa gert af sér að þá má líka segja að það sem þeir gerðu af sér bitnar á öllum börnum þessa lands. Sum börn komast ekki einu sinni í skóla vegna fátæktar sem að öllum líkindum má kenna hruninu um sem aftur má kenna þeim einstaklingum um sem verða fyrir skemmdarverkunum.

Líklega eru eiginkonur þessara útrásarvíkinga samsekar þar sem þær hafa í umvörpum verið að skrifa undir eignarskiptasamninga þar sem að húseignir eru færðar á þeirra nafn, örugglega ekki óvart. Börnin eru hinsvegar annar kapítuli. En má ekki segja að hver sem refsingin verður fyrir þessa víkinga (Sem mér finnst vera rangnefni, föðurlandssvikarar mun betra) þ.e. fangelsisvist, eignaupptökur eða málning á hús bitni á börnum þeirra? Kannski hefðu þeir átt að hugsa sitt dæmi til enda áður en þeir sökktu heillri þjóð. Þá kannski væru börnin þeirra áhyggjulaus. Það er alltaf erfitt þegar að Pabbi og mamma eru ótýndir glæpamenn.

[Alexander Kristófer Gústafsson, 24.8.2009 kl. 22:11]

ÞEssir skemmdavargar eru afleiðingar af hruni samfélags á íslandi, þar sem svona hegðun var ekki þekkt áður þá eru þetta augljóslega félagslegar ástæður sem valda þessari heðgun,

Nei ég gerði þetta ekki  enda er ég löghlýðinn , en  ég hrósa manninum sem ég gerði þetta eða hópnum því þetta er réttlætanlegt aðgerð við manni sem hefur stolið milljörðum frá Íslandi og  stungið þeim  í "lönd" eins og Caymaneyjar

[Alexander Kristófer Gústafsson, 24.8.2009 kl. 22:13]

Ég segji líka við þá hetju sem gerði þetta keep up the good work!

Menn eins og björgólfur hafa framið landráð að mínu mati og ætti menn eins og hann að vera kærðir undir þeim lögum  

ef ég fengi að ráða þá mundi ég setja dauðarefsingu á fyrir landráð,manndráp,nauðganir ,mannsal og þá sem "umskorið" stúlkubörn. 

[Alexander Kristófer Gústafsson, 24.8.2009 kl. 22:15]

Föðurlandssvikarar eins og Björgólfur hafa eyðilegt framtíð ungmenna á Íslandi og valdið landflótta, þeir eiga ekkert gott skilið , þeir ættu að fá 99 ára fángelsi án mögulega á skilorði FYRIR að eyðilega besta land í heiminum fyrir eigin græðgi!

[Pétur Kristinsson, 24.8.2009 kl. 22:21]

Alexander.

Það er hægt að gera verri og ljótari hluti en þá sem þessir glæpamenn gerðu og það er t.d. hægt með því að taka upp hluti eins og dauðarefsingar og aðrar líkamlegar refsingar. Þá fyrst má hætta að kalla okkur siðmenntaða þjóð. Okkur er vandi á höndum og hann er sá að réttarkerfið virðist ráðalaust gagnvart þessum glæpamönnum og því vil ég meina að fólk sé að taka til þessara ráða en hvatirnar eru skiljanlegar en ekki aðgerðirnar þar sem að svona hefur aldrei tíðkast hér á landi. Skrílslæti eru ekki rétta leiðin að réttlæti. Svoleiðis réttlæti viðgekkst í suðurríkjum USA og ef þú lest þig til á netinu hvernig svoleiðis "réttlæti" gekk fyrir sig sannfærist þú eflaust um að þetta er ekki rétta leiðin.

[Karl (IP-tala skráð) 24.8.2009 kl. 22:23]

Er ég einn um að finnast orð Péturs Kristinssonar (komment nr. 38) hér að ofan siðlaus? "Af því að gjörðir þessara auðmanna bitna á barninu mínu þá má ég berja á þeirra börnum". Hvurslags hálvita hugsunaháttur er þetta? Er þessi þjóð (eða hluti hennar) að verða gjörsamlega siðblindur?

[Guðmundur St Ragnarsson, 25.8.2009 kl. 00:16]

Eitt getum við öll verið sammála um: málningasölur bæjarins eru að gera það gott þessa dagana.

[Katrín Linda Óskarsdóttir, 25.8.2009 kl. 00:53]

Auðvitað vill maður börnum þessara útrásarvíkinga ekki illt ... og vonandi kemur ekki til þess að neinn skaðist.  Skemmdarverk og eignaspjöll er ekki það sem fólk almennt vill, EN .... yrði ég vitni að því að hús ja .... sumra væri sprayað, þá myndi ég EKKI láta vita né bera vitni.   Svo reið er ég bara fyrir hönd þjóðarinnar ...

[Halla Rut , 25.8.2009 kl. 08:00]

Takk fyrir mig Katrín, en hvað það er nú gaman að fá rekast á svona hrós í morgunsárið :) (sjá 27)

Og nú nenni ég ekkert að vera málefnaleg og segi: Hættu þessu væli, Magnús, þetta er ekki líkt þér. Þetta er bara gott á þá, stundum er hefndin sæt og við þurfum öll smá að finna að verið sé aðeins að slá á móti. Það er ýlt fyrir sálartetrið að láta troða endalaust á sér.

[Magnús Helgi Björgvinsson, 25.8.2009 kl. 12:02]

Ég er ekkert að væla Halla! En ég get ekki sætt mig við að glæpir réttlæti aðra glæpi!

Og ég segi það enn og aftur Halla eins og ég hef sagt við aðra hér á blogginu. Ef ég væri gunga og aumingji þá mundi ég taka undir með kórnum hér á blogginu sem er á því að við þurfum ekkert að borga neitt, eigum að fá niðurfærslu á öllu og auðvita megi skemma eignir þessara glæpamanna og ráðast að fjölskyldum þeirra.

Ég hef bara ekki áhuga á að landið hér verði þanni að sjálfsagt þyki að hver sem er taki völdin í sínar hendur og ráðist að fólki sem hann telur að sé sekt. Ekki nokkurn áhuga á því takk fyrir.

[Magnús Helgi Björgvinsson, 25.8.2009 kl. 12:20]

P.S. Hér er dæmi um aðferð sem mér er meira að skapi:

Ríkisstjórnin samþykkti í morgun að skipa starfshóp til að undirbúa skaðabótamál á hendur þeim sem ollu almenningi fjárhagslegu tjóni í aðdraganda bankahrunsins.

Hópurinn á að meta hvert tilvik fyrir sig og ef tilefni er til slíkrar málshöfðunar og það er talið vænlegt til árangurs fara fram á kyrrsetningu eigna og höfða einkamál í kjölfarið með það fyrir augum að ríkið fái bætur fyrir það tjón sem aðrir hafa valdið því með verkum sínum.

Sönnunarkröfur í skaðabótmálum eru frábrugðnar opinberum málum. Ef fyrirliggjandi gögn sýna brotlega eða gáleysislega framgöngu er unnt að höfða slíkt mál án þess að fyrir liggi hvort lög hafi verið brotin. Sönnunarkröfur eru jafnframt vægari þótt vissulega þurfi að færa sönnur á slíkar kröfur.

[Óskar Helgi Helgason (IP-tala skráð) 25.8.2009 kl. 12:26]

Komið þið sæl; á ný !

Magnús Helgi !

Fyrst; þú ert nú kominn - ferskur og frískur á ný, til nokkurra andsvara, væri ekki úr vegi, að þú svaraðir spurningum mínum (í athugas. nr. 37), fólki til nokkurrar glöggvunar.

Akkur væri í; mætti svo verða.

Með beztu kveðjum; sem áður og fyrri /

Óskar Helgi Helgason

[ThoR-E, 25.8.2009 kl. 12:31]

Niðurfærslu á öllu?

Er eitthvað óeðlilegt við að fólk vill að lán sín sem hafa hækkað um milljónir á einu ári (þrátt fyrir að hafa ekki fengið krónu í viðbót út á lánið) séu leiðrétt?

Já.. þvílík frekja í fólki, það á bara að borga og þegja... ekki satt?

[Magnús Helgi Björgvinsson, 25.8.2009 kl. 13:04]

Óskar það stendur í lögum um rannsóknarnefndina að hún eigi að skila endanlegri niðurstöðu eigi síðar en 1 nóvember. Þannig að ég hef enga ástæður til að efast um það. Enda skv. viðtali við Pál Hreinsson sagði hann að það mundi standast. Þeir mundu ljúka upplýsingasöfnun á næstu vikum svo tæki við að klára skýrsluna.

[Magnús Helgi Björgvinsson, 25.8.2009 kl. 13:07]

AceR ég undanskil þau lán sem voru gengistryggð. Enda eru bankar kominir nú í þá stöðu að þeir eiga að geta brugðist við. T.d. nýju bankanir sem hafa yfirtekið lán gömlubankana með afslætti. Gengistryggð lán hafa ekki hækkað eins mikið. En lán við íbúðarlánasjóð og lífeyrissjóði verða ekki lagfærð nema að við sköffum þeim peninga í staðinn. Og það eru þá væntanlega skattar.

[ThoR-E, 25.8.2009 kl. 17:46]

peninga í staðin fyrir hvað?

ef lánin eru bara leiðrétt um það sem verðtryggingin skrúfaði þau upp í kringum hrunið. þessar stofnanir þurftu ekki að leggja út neina peninga í þær hækkanir, lánin bara fóru upp um milljónir án þess að neinir peningar skiptu um hendur.

eins og ég segi, það koma fleiri þættir inn í þetta ... en það er engin lausn bara að lengja í lánunum. það hefur orðið "lögleg" en siðlaus eignaupptaka hjá húsnæðiseigendum hér á landi v/ verðtryggingar og það þarf að leiðrétta.

[Magnús Helgi Björgvinsson, 25.8.2009 kl. 18:35]

Og þú heldur íbúðalánsjóður mundi þola það? Þú heldur að endurfjármögnun íbúðlánssjóðis kosti okkur ekkert þó að að öll lán þar verði færð niður.

Gerir þér væntanlega grein fyrir því að fjármögnun íbúðalánssjóðs er nú með 10% vöxtum sem þyrfti að taka til að bæta íbúðarlánsjóð það sem mundi tapast. Það þarf fjármagn á móti lánum sjóðsins.

[ThoR-E, 25.8.2009 kl. 21:02]

En hvað tapaðist?

Íbúðalánasjóður lagði ekki út neitt fé í viðbót til lántaka sem mundi útskýra þessar hækkanir. Lánið mitt hækkaði úr 11 milljónum upp í 15 án þess að ég fengi krónu í viðbót. Hvar er kostnaðurin í því að leiðrétta lánið aftur niður í 11 milljónir. Ég fékk ekkert þessar 4 milljónir. Íbúðalánasjóður þurfti aldrei að leggja þær út. Peningurinn fór aldrei frá þeim.

Ég borga og borga af láninu mínu og það hækkar bara........?

[ThoR-E, 25.8.2009 kl. 21:03]

Ég veit ekki hvort er skrítnara, þessar hækkanir og þessi eignaupptaka .. eða það að þú skulir vera að verja þennan þjófnað.