Jæja og hvað segið þið þá?!

Hér hafa menn haldið því fram að allt sem AGS geri hér á landi sé vitlaust og alls ekki í okkar þágu! En bíðið við nú talar hér einn fremsti hagfræðingur í heimi og meira að segja helsti gagnrýnandi Alþjóðabankans og AGS. Og viti menn.

• Hann segir að AGS hafi verið nauðsynlegur fyrir okkur þar sem engin hafði trú að við gætum sjálf sett okkur raunhæfar áætlanir út úr þessu
• AGS sýnir okkur töluverðan skilning varðandi aðlögun að þeim aðgerðum sem þarf að grípa til eins og niðurskurði og auknum skatti.
• Gjaldeyrishöftin séu nauðsynleg því annars þyrfti að hækka vexti mun meira og AGS hafi samþykkt þessi rök.
• Nauðsyn þess að halda fyrirtækjum í rekstri jafnvel þó það þýði niðurfellungu skulda hjá þeim því að atvinnuleysi sé það versta sem við lendum í og því þurfi að hamla gegn.
• Hann talar um að niðurfærslu skulda þurfi að miða við þau kjör sem lánin voru veitt á. Þannig að þeir sem sannanlega hafi verið seld lán á forsendum sem standist ekki eins og gjaldeyrislánin eigi að ganga fyrir varðandi leiðréttingar eða niðurfærslu þeirra. Það þurfi að vanda mjög hvernig tekið er á þessu.

Svo hvað er fólk að tala um að hafi verið gert rangt hér?

Má bæta við það sem Jón Daníelsson sagði: Við skoðun á skuldum og aðstoð þarf að horfa til þess að hér eru 3 þættir sem allir eru nauðsynlegir. Þær þurfa að taka tillit til stöðu ríkisins, atvinnulífsins og heimilina. Þannig er til lítis að lækka skuldir heimila ef það þýðir að ríkissjóður fer á hausinn.

Segir AGS standa sig betur hér

Athugasemdir

[Doddi D (IP-tala skráð) 6.9.2009 kl. 14:38]

Gleymirðu nokkuð því stóra máli að honum finnst halli á fjárlögum ekki vandamál? Hann telur greinilega aðalatriði að halda fullri atvinnu, þó það kosti fjárlagahalla næstu árin.

[w00t (IP-tala skráð) 6.9.2009 kl. 14:49]

Alltaf er verið að fá hina og þessa sérfræðinga og hagfræðinga til að tjá sig. Flestir þessir sérfræðingar eru sérfræðingar í kerfi sem er hrunið (það er verið að ausa trilljónum í að reyna að halda lífi í því ennþá).

Það sem heimurinn þarf er ekki svoleiðis sérfræðingar. Við þurfum nýtt kerfi. Opið kerfi. Heiðarlegt kerfi.

Eina sem núverandi hagfræðingar geta leiðbeint okkur með, er hvernig við getum brugðist við til að halda við hinu ónýta kerfi.

[Jón Baldur Lorange, 6.9.2009 kl. 14:49]

Ágæt samantekt hjá þér Magnús Helgi í þeim tilgangi að réttlæta stjórnarstefnuna. En til viðbótar með það sem Doddi bendir á þá gleymdirðu stóra málinu sem er gæluverkefni ykkar Samfylkingarmanna sem er að taka hér upp evru og kasta krónunni. Ég heyrði ekki betur en að þessi virti hagfræðingur hrósaði krónunni okkar í hástert og taldi það fráleitt að taka hér upp evruna.

[Már (IP-tala skráð) 6.9.2009 kl. 16:10]

Haha.....Þú ert nokkuð góður með þig að vanda Magnús Helgi.

Jón Daníelsson er mun meira inn í Íslenskum aðstæðum en nokkurntíman Joseph Stiglitz.

Þessi ágæti maður var akkurat að salta AGS þrátt fyrir að telja að hann sé að standa sig smá betur hér en oftast áður. En sá samanburður er heldur ekki merkilegur þar sem hann hefur skilið eftir sig brunarústir hvar sem hann hefur komið. Maðurinn hefur skrifað heila bók þar sem hann tekur AGS í nefið.

Ég er sannfærður um að AGS hefur sama áhuga og áður þegar kemur að því að veita svokallaða "aðstoð" fyrir lönd í efnahagsvanda. Með þeirra "hjálp" enda yfirleitt náttúruauðlindirnar í eigu útlendinga og þar með er raunveruleg frammtíð þjóðana farinn í vaskinn.

Eini munurinn á Argentínu og Íslandi er að hér er fólk almennt menntaðra (almenningur) og því fara þeir varlegara í áform sín og með öðrum hætti.

Mundu það líka að Joseph Stiglitz varaði líka við næstu skrefum AGS. Sagði okkur hverju á ekki að trúa og hvað eru lygar.

Ef þú skildir þetta ekki allt ótextað þá er þér bennt á að þátturinn er endursýndur (Textaður) í kvöld.

[Egill Helgi Lárusson, 7.9.2009 kl. 07:58]

Höfum í huga að Stiglitz er ekki einhver alvitur guð, líkt og allt of margir telja hagfræðinga vera; sérstaklega þá sem hafa fengið sérnóbelinn. Hann talar fyrir halla á ríkisrekstri sem er ekkert annað en meiri skuldsetning þjóðarinnar!! Eins og bent var á hér að framan þá talar hann fyrir gjaldþrota kerfi sem þarf að afleggja nú þegar.