Þoli ekki svona yfirlýsingar!

Svigrúm sé til að lækka útgjöldin umtalsvert, t.a.m. niður á sama stig og var á fyrri hluta áratugarins.

Gott að benda þessu ágæta fólki þarna í Sjálfstæðisflokknum að þessi umfang hins opinbera er ekki mælanlegt í krónum. Vissulega hefur umfangið aukist í krónum enda voru innan ríkisins stéttir sem voru með laun nærri undir öllu velsæmi. Þannig hafa t.d. laun starfsfólks við umönnun fatlaðra aukist mikið í prósentum en lægstu laun þar eru enn um 170 þúsund krónur. En í % hafa þau samt hækkað um tugi %

Eins er með fólk á sjúkrahúsum, hjúkrunarheimilum og fleira.

Og þegar menn segja að þarna sé auðvelt að skera niður þá þurfa þeir að koma með fullmótaðar tillögur um það og á hverjum það á að bitna. Annars geta þeir ekki sagt:

Svigrúm sé til að lækka útgjöldin umtalsvert, t.a.m. niður á sama stig og var á fyrri hluta áratugarins.

En hugmynd þeirra um innsköttun á lífeyrissjóði og skatta nú á séreignarsparnað finnst mér að þurfa að skoða jákvætt.

En svo þessi hugmynd:

    2.      Gefin verði út skuldabréf til 4, 6 og 8 ára í evrum með álagi á þýska ríkisbréfavexti og þau boðin erlendum krónueigendum til kaups.
    3.      Gjaldeyrishöft verði afnumin og krónunni leyft að fljóta.
    4.      Sköpuð verði skilyrði fyrir því að vextir Seðlabanka Íslands lækki umtalsvert.
    5.      Lán AGS verði sett í bið en lánum Norðurlandanna breytt í lánalínur.
    Með því að setja fram trúverðuga áætlun sem byggist á framangreindum tillögum um aðgerðir efnahagsmálum er það staðföst trú flutningsmanna að hún muni heppnast.

Hvað gefur þeim von um að erlendir fjárfestar vilji kaupa ríkisskuldabréf í stað jöklabréfa á þýskum vöxtum. Leyfi mér að efast um það sem og að þeir segja til 4 6 og 8 ár sem við væntanlega þyrftum að borga og eru því erlend lán líka. Leyfi mér samt að efast um að þeir vilji skipta. Og eins með að láta krónuna fljóta. Þeir væntanlega vita að við ef krónan er látin fljóta þá fellur hún niður og þar með verða vextir væntanlega ekki lækkaðir því að verðbólga ríkur upp. Þannig að það getur ekki farið með atrið nr. 3 þar sem þeir ætla að skapa skilyrði til að lækka vexti.

Svigrúm til að lækka ríkisútgjöld verulega

Athugasemdir

[Þórarinn Sigurðsson, 14.10.2009 kl. 19:41]

Voru velferðarkerfið, heilbrigðiskerfið og menntakerfið ekki bara í ágætis lagi, þannig séð, árið 2003? Eru þau mikið betri núna? Ef við myndum bakka með ríkisútgjöld aftur til ársins 2003 væri málið leyst. Ríkisreksturinn hefur fitnað hressilega á síðustu fimm árum (43% raunaukning frá 2003 til 2008), og það er enginn að fara að segja mér að hann geti ekki megrað sig aðeins án þess að vega að mikilvægustu líffærum.

[Óskar Guðmundsson (IP-tala skráð) 14.10.2009 kl. 22:51]

Ef að múrarnir verða rofnir myndi gerast það sama og í Argentínu.

ALLIR peningarnir úr landi á 45 mínútum.

Það sem að Bláir eru að setja fram núna er rétt.

Þeir vita alveg hvað þeir voru búnir að "blása" ríkis-báknið mikið út og vita því hversu miklu af skítnum má moka út nú.

[Hólmfríður Bjarnadóttir, 14.10.2009 kl. 22:57]

Þetta kalla ég draumórastjórnmál. Síðan 2003 hafa kjör lífeyrisþega verið leiðrétt til muna og ég tel næsta víst að tekjutengingin verði sett í samband með fulum straum. Hef ekki áhuga á öllu því misréttið sem Íhaldið vill innleiða að nýju. Tek undir með þér um skatta á inngreiðslur í lífeyrissjóðina og að þá verði skattur af útgreiðslum endurskoðaður