Trúarbrögð eru orðin eitt af stærstu vandamálum mannkyns.

Sammála þessu hjá Jónasi Kristjánssyni:

04.01.2007
Trúin er skæð
Stríðið milli Eþiópíu og Sómalíu er stríð milli kristinna og múslima. Flest stríð í heiminum hafa runnið í þann farveg síðasta hálfan annan áratug. Balkanstríðin fyrir áratug voru stríð orþódoksa, kaþólikka og múslima. Borgarastríðin í Líbanon hafa verið milli kristinna og múslima. Stríðið gegn Írak og Afganistan eru krossferðir kristins Bandaríkjaforseta gegn múslimum. Um leið og deilur heimsins komast í klær hinna trúuðu, er voðinn vís. Trúarbrögð eru orðin eitt af stærstu vandamálum mannkyns. Undir skikkju þeirra eru mestu voðaverkin framin.

Athugasemdir

[Ehud (IP-tala skráð) 4.1.2007 kl. 13:51]

þú virðist stundum vera ágætur maður Magnús þannig ekki binda trúss þitt við Jónas K hann er ekki alveg heima og hefur margt á samviskunni sem fyrrverandi ritstjóri DV. Trúabrögðin eru ekki vandamálið , það er maðurinn. Stríðið í írak og Afganistan er ekki krossferð ég meina come on

[Magnús Helgi Björgvinsson, 4.1.2007 kl. 17:50]

Ehud ég les bara Jónas mér til skemmtunar. Ég er ekki alltaf sammála honum. Í Írak eru nú einmitt vandræði milli trúarhópa/þjóðarbrota Súnnitar sítar og Kúrdar. Og það sem aðgreinir er m..a mismunandi áherslur í trúarbrögðum. Í Afganistan eru það öfgatrúarmenn sem komu öllu af stað Talíbanar og því sé ekki að trúinn komi ekki að þessu.

[Jón Valur Jensson, 4.1.2007 kl. 18:34]

Það er líklega rétt hjá Ehud, að þú sért "ágætur maður," þ.e.a.s. vel meinandi, Magnús, en það bjargar hvorki stafsetningunni né þínum skráðu skoðunum frá villu. Og til lítils er fyrir þig að vera sammála þessu hjá þeim stóryrta Jónasi, ef hann veður í villu og svíma. Á BBC WS heyrði ég fulltrúa Eþíópíustjórnar hafna því algerlega, að þetta væri stríð kristinna gegn múslimum, enda væri meiri hluti Eþíópíubúa múslimir. En uppreisnaröflin í Sómalíu eru harðlínu-islamistar, og það eru ekki aðeins kristnir, sem óttast slík öfl, heldur einnig hófsamir múslimir, bæði vel trúaðir (s.s. í Saúdí-Arabíu) og hinir sem teljast heldur veraldlegri (s.s. í Egyptalandi).

"Stríðið gegn Írak og Afganistan eru krossferðir kristins Bandaríkjaforseta gegn múslimum" -- þvílíkt rugl í manninum! Og hvaða "stríð" er hann að tala um í Írak? Þar ríkir ekki stríð, engar hernaðaraðgerðir t.d. af hálfu Bandaríkjamanna, engum her fylkt til sóknar í eina né aðra átt allt frá umsátrinu um Fallujah, heldur friðargæzla, sem rofin er annað veifið með hryðjuverkum, ekki sízt sjálfsmorðssprengjumanna.

Og svo er það rúsínan í pulsuenda Jónasar: "Trúarbrögð eru orðin eitt af stærstu vandamálum mannkyns. Undir skikkju þeirra eru mestu voðaverkin framin." -- Hér er ekki aðeins um mikla einföldun að ræða, heldur einfeldni. Hann gæti allt eins sagt og miklu fremur: "Stjórnmál og stjórnmálastefnur eru orðin eitt af stærstu vandamálum mannkyns. Undir skikkju þeirra eru mestu voðaverkin framin." En eins og það er alls ekki sanngjarnt að fella allar stjórnmálastefnur undir einn hatt og fordæma þær en messe, þannig er það heldur ekki rétt að fella öll trúarbrögð undir sama hattinn og skella sömu fordæmingunni á þau öll í heild. Ef það ætti að teljast sanngjarnt, mætti ég þá biðja um, að anti-Ameríkanisminn, sem æðir um íslenzkar bloggsíður og hvern kjaftaþáttinn eftir annan, fái að falla undir þann hattinn líka, enda eru þetta orðin hrein trúarbrögð hjá mönnum á borð við Jónas Kristjánsson.

[Magnús Helgi Björgvinsson, 4.1.2007 kl. 19:12]

Takk Jón Valur fyrir að fylgjast með stafsetningunni hjá mér. Hún truflar mig lítið þegar ég skrifa hérna inn. Enda er ég ekki mikið fyrir að lesa yfir þegar skrifa á bloggið mitt. Það er helst þegar ég verð var við að fólk misskilur það sem ég er að segja vegna ásláttar og/stafsetningar að ég laga það. En það er líka vert að hugsa um það afhverju fólk er á móti Bandaríkjamönnum og hegðun þeirra. SKoðun þín er nokkuð ljós hún kom vel fram á döguunum fyrir innrásina í Írak þar sem þú slóst um þig með tilvitnunum hingað og þangað sem þú taldir sýna svo ekki væri hægt að deila um að Saddam sæti á þvílíku búri af efna og gjöreyðingarvopnum ef ég man rétt. Þannig að það eru sjálfsagt alltaf 2 hliðar á öllum málum og svo fólk sem fylgir hvorri hlið.

[Jón Valur Jensson, 4.1.2007 kl. 20:02]

Ég gekk út frá því sem vopnaeftirlitsnefnd SÞ og Öryggisráð SÞ gengu út frá og m.a.s. Hans Blix örstuttu fyrir innrásina. Víst var, að írösk stjórnvöld höfðu alls ekki gert grein fyrir allverulegum birgðum af efnavopnum, nægum til að drepa allt mannkyn nokkrum sinnum, og það olli mönnum ugg og var meðal þeirra hluta sem Öryggisráð SÞ hafði gegn Írak í síharðnandi samþykktum (resolutionum) ráðsins allt fram undir stríðið. En ekki sló ég um mig, heldur kom því á framfæri sem ég vissi eða taldi mig vita skv. erlendum heimildum. Þessi atriði snerta reyndar ekki þann kjarna í máli Jónasar hér ofar, að trúarbrögðum sé kennt um "mestu voðaverk" mannkyns á síðustu 15 árum.

Svo vil ég taka það fram, að ég vil ekki gera lítið úr þér með aths. minni um stafsetningu þína hér ofar, heldur ber að taka hana sem vinsamleg tilmæli um að þú lesir yfir innleggin, áður en þú leyfir þeim að taka flugið út í loftið.

[Magnús Helgi Björgvinsson, 4.1.2007 kl. 22:02]

Ég er ekkert sérstaklega hörundsár var bara að skýra að ég vill frekar koma frá mér því sem ég er að hugsa heldur en að bíða. Hef ekki alltaf tíma.

Ég fylgdist vel með á þessum tíma og veit alvegt hvernig málin þróuðust. Og veit að þú er maður sem sekkur sér í málin. En eins og ég þá tókst þú einarða afstöðu og horfðir helst í rökin frá hlið USA á meðan að ég horfði á þessi rök og andúð mín við að aðrar þjóðir sér í lagi þjóðir sem eru mörg þúsund km. og handan við haf séu að ráðsta á aðrar þjóðir jafn vel gegn vilja alþjóðasamfélagsins. Þannig er þetta bara, menn skoða hlutina út frá mismunandi sjónarhorni.

[Jón Valur Jensson, 4.1.2007 kl. 22:29]

Þeir voru ekki að ráðast á þjóð, heldur ríkisher og felldu um sex til sjö þúsund manns af honum, þar til hann gafst upp. Eftirleikurinn er svo allt annar handleggur og blóðugri, en fólst ekki í hernaði Bandaríkjamanna og bandamanna þeirra gegn þjóðinni, eins og menn eiga að vita. Þakka þér svo spjallið um þetta mál.

[Magnús Helgi Björgvinsson, 4.1.2007 kl. 22:32]

Bara gaman að spjalla. Takk fyrir sömuleiðis