Hvað er eiginlega að gerast í Reykjanesbæ?

Á tímabili ekkert nema brunar þar og nú ekkert nema ofbeldi:

Frétt af mbl.is

  Ráðist á karlmann á skemmtistað í Keflavík
Innlent | mbl.is | 7.1.2007 | 12:02
Að sögn lögreglunnar á Suðurnesjum veittu lögreglumenn, sem voru við eftirlit á Hafnargötu í Keflavík um hálf sex í morgun, athygli karlmanni sem var töluvert blóðugur í framan og með skurð á höfði.

www.ruv.is

• » Fréttir
• » Frétt
Fyrst birt: 07.01.2007 12:22
Síðast uppfært: 07.01.2007 12:24
Unglingsstúlkur berja stöllu sína
Tvær 13 og 14 ára stúlkur réðust að 15 ára stúlku með hafnarboltakylfu á leikvelli við Ásbraut í Keflavík í gærkvöldi og slógu hana í höfuðið með kylfunni. Hún er ekki alvarlega slösuð að sögn lögreglunnar í Keflavík.
Stúlkan tilkynnti lögreglunni sjálf um verknaðinn í gær eftir að hafa leitað læknishjálpar. Lögreglan hafði upp á stúlkunum sem gerðu árásina og þær játuðu verknaðinn. Eftirmál ráðast af því hvort stúlkan kæri árásina.

Ráðist á karlmann á skemmtistað í Keflavík

Athugasemdir

[jóhann Ingi (IP-tala skráð) 7.1.2007 kl. 13:09]

Ef það þarf einhversstaðar sýnilega löggæslu þá er það þarna. Því miður hefur þetta alltaf verið svona í Keflavík, menntunarstigið er lægra og þar er einnig töluð ljótasta íslenska á landinu... nett smituð af kananum sem lætur enskuna "flæða" saman eins og Rúni Júll gerir með íslenskuna.

[Magnús Helgi Björgvinsson, 7.1.2007 kl. 13:30]

Ég held að þetta sé rétt hjá þér með sýnilega löggæslu. Ekki bara þarna heldur víða um land og sértaklega á vegu úti. Held að svona rík þjóð eigi að geta tvöfaldað lögregluliðið án þess að finna mikið til í veskinu. Og þá er ég að tala um lögreglu sem er úti meðal fólksins. Ekki í sérverkefnum/sveitum eða leynilögreglu.

[ehud (IP-tala skráð) 7.1.2007 kl. 13:54]

þetta eru víkurfréttir,,,,,,,,,,,,,,,,,,,,,,,,,,,,það er alveg jafnmikið ofbeldi annarstaðar á landinu en það ratar ekki í blöðin

ek er ikke keplvíkíngúr

[Magnús Helgi Björgvinsson, 7.1.2007 kl. 14:00]

Ha ha! Ehud

Það er samt mín tilfinning að miðað við mannfjölda þá er meira um þetta þarna!

[Benni Gumm (IP-tala skráð) 7.1.2007 kl. 15:18]

Ég bý í keflavík og fer annað slagið út á lífið. Ef einhver er kýldur þá kemst það í fréttirnar því miðlarnir hérna hafa ekkert annað um að skrifa.

Í grófum dráttum þá er þetta svona. Það er ekkert að frétta hérna og er þetta þess vegna blásið upp. Farðu á vf.is og sjáðu, þar  er fjallað um lögregluna, "pólitík" (virðist vera aðallega innsendar greinar) og veður.. nánast ekkert annað.

Hafðu það gott :)

[Magnús Helgi Björgvinsson, 7.1.2007 kl. 15:28]

En samt sem áður það eru fleiri bæjarfélög á landinu. Ég veit að það koma svona tímabil á Akureyri en samt sem áður heyrir maður meira af þessu frá Reykjanesbæ miðað við að þar búa undir 10.000 manns er þetta áberandi.

[Magnús Helgi Björgvinsson, 7.1.2007 kl. 15:41]

Já væri gaman að sjá samanburð á milli bæjarfélaga ef einhver nennir að finna skýrslu t.d. frá 2005 eða 6 frá Ríksilögreglustjóra eða hvar sem þessar upplýsingar er að finna

[Kristín Magnúsdóttir (IP-tala skráð) 7.1.2007 kl. 15:54]

Ég verð að leiðrétta þetta með 10 þúsund manna svæðið. Til að byrja með búa 11.759 manns í Reykjanesbæ. Hingað kemur líka fólk af öllum Suðurnesjunum til að skemmta sér. Ef talað er um skemmtanalífið er rétt að telja Garðbúa, Sandgerðinga, Vogabúa og Grindvíkinga með. Ef þetta svæði er sett allt saman þá er höfðatalan 18.591.

Ég tek undir með Benna Gumm, ég á heima í Keflavík og fer oft út á lífið og verð aldrei nokkurntíman vör við þessa „óöld“ sem hér á að ríkja. Eða jú, einu sinni káfaði Kani á rassinum á mér. Þessi blessuðu slagsmál eru algerlega ýkt af fjölmiðlum af því það er ekkert annað í fréttum. Löggæsla hér er mjög sýnileg, sérstaklega um helgar niðri í bæ.

Og í sambandi við það að hér sláist allir af því fólk hefur ekki farið lengra en í stúdentinn og að íslenskan hér sé á svo lágu plani að það sé eins og við séum nýlenda frá Bandaríkjunum, þá held ég að viðkomandi hafi ekki komið hingað síðan á sjöunda og áttunda áratugnum. Hljómar eru hættir vinur.

[Magnús Helgi Björgvinsson, 7.1.2007 kl. 18:06]

Allt í lagi ég var nú ágætlega nálæt skeikaði bara um 1100 hjá mér. Það er samt merkilegt og hlýtur að vera vegna virkra vefrita að maður fréttir meira af þessu þarna. En eins og ég sagði hér fyrir ofan ætla ég að reyna að finna tölulegar staðreyndir um þetta. En það er auðsjáanlega á þessum viðbrögðum að þrátt fyrir allt er gott að búa í Reykjanesbæ

[Magnús Helgi Björgvinsson, 7.1.2007 kl. 22:00]

Kíkti á tölur í skýrslu fyrir árið 2005 og þar má sjá að þó að Reykjanes sé ekki allstaðar efst þá er tíðnin vaxandi í nær öllum flokkum á meðan að annarstaðar er oftast um lækkun á milli ára.

1. Á síðasta ári voru skráð ofbeldisbrot önnur en kynferðisbrot á hverja 10.000 íbúa (mynd 3). Flest brot miðað við íbúafjölda voru skráð á Ísafirði (112 brot) og næst flest í Keflavík (66 ).

 

1. Eins og áður hefur komið fram fækkaði eignaspjöllum nokkuð milli ára. Mynd 5 sýnir fjölda miðað við 10.000 íbúa. Þar kemur fram að árið 2005 voru skráð 0 brot miðað við 10.000 íbúa en árið á undan voru þau 122. Flest brot voru skráð í Keflavík (188) og næst flest í Vestmannaeyjum (140).

 

1. Brot gegn friðhelgi einkalífsins voru 2 á hverja 10.000 íbúa árið 2005 sem er svipaður fjöldi og árið á undan er þau voru 25. Flest brot voru tilkynnt í Keflavík (44 ) og á Ísafirði ( 41)

Skýrsluna má finna hér 

[Magnús Helgi Björgvinsson, 9.1.2007 kl. 12:19]

Ég vísa bara áfram í þessa skýrslu. Ég sleppti kaflanum þar sem rætt er um umferðarlagabrot og þessháttar þar er tíðnin hærri í Reykjavík og Kópavogi. En þetta sem ég tala um hér að ofna má lesa úr kafla þar sem rætt eru skemmdir á eignum, árásir á aðra og brot á friðhelgi heimilis. Þetta er beint úr skýrslunni. En ef þú lest skýrsluna þá eru nær allar tölur miðað við 10000 íbúa vaxandi í umdæmi Keflavíkur. Ég er hinsvegar viss um að eiturlyf og innbrot eru stærri þáttur hér í Kópavogi.  Og ef svona fréttir hefðiu komið hér frá Kópavogi þá hefði ég líka spurt hvað er að gerast í Kópavogi?

[Magnús Helgi Björgvinsson, 9.1.2007 kl. 23:21]

Ég er ekki að halda því fram að það sé eitthvað ógurlegt ástand þarna en það koma tímabil þar sem mikið er af svona fréttum og þegar maður fer í ársskýrslur lögreglu fyrir árið 2005 þá stendur þetta sem ég benti á hér að ofan:

1. Á síðasta ári voru skráð ofbeldisbrot önnur en kynferðisbrot á hverja 10.000 íbúa (mynd 3). Flest brot miðað við íbúafjölda voru skráð á Ísafirði (112 brot) og næst flest í Keflavík (66 ).

Þetta þýðir á mannamáli að í Keflavíkurumdæmi eru skráð atvik hjá lögreglu þegar búið er að reikna þetta út frá 10.000 íbúum næst flest á landinu.  En ég veit að þegar maður fer út að skemmta sér hér á Höfuðborgarsvæðinu er maður líklegri til að sjá svona slagsmál því hér búa jú um 170.000 manns. Hér í Kópavogi er t.d. meira um umferðalagbrot og annað. En Keflavík skv. skýrslu er með hæðslu tíðnina í eignaspjöllum og brotum gegn friðhelgi einkalífsins.