Ég hef smá við þessa frétt að athuga

Afhverju er ítrakað sagt að þetta hafi verið kjallaraíbúð?  Er svona sérstakt að þær séu rændar?

Eins þá væri kannski ekki gott fyrir þann sem á flakkarann  að lögreglan findi hann ef að þessi flakkari er eins og margir fullur af efni sem er kannski ekki alveg löglegt skv. höfundarlögum.

En annars þá er ég að velta fyrir mér hver kaupir svona dót notað. Það eru 90% líkur að það sé stolið nema að þú þekkir seljandann vel (og jafnvel þó þú þekkir hann)

"Í neðra Breiðholti var veski stolið í ólæstri forstofu í íbúðarhúsi. Lögreglan segir ljóst að einhver er á ferli og kannar um leið hvort útidyrahurðir séu ólæstar". Bíddu ef einhver væri ekki á ferli þá hefði veskið væntanlega flogið í burtu!

Frétt af mbl.is

  Braust inn í kjallaraíbúð og stal raftækjum
Innlent | mbl.is | 7.1.2007 | 17:59
Tilkynnt var um innbrot í kjallaraíbúð í Teigahverfi í Reykjavík um klukkan 16:30 í dag samkvæmt upplýsingum frá lögreglunni á höfuðborgarsvæðinu. Meðal þess sem var stolið var fartölva, Playstation-leikjavél og flakkari. Málið er í rannsókn.

Braust inn í kjallaraíbúð og stal raftækjum

Athugasemdir

[Hjörleifur G. Bergsteinsson (IP-tala skráð) 8.1.2007 kl. 04:10]

Í Vesturbæ Reykjavíkur var brotist inn í bifreið í dag og veski stolið. Lögregla vill hvetja fólk frá því að skilja verðmæti eftir í bifreiðum þannig að þau sjáist.

Haha skemmtilegt villa, en ég held þetta eigi hljóma svona .

Í Vesturbæ Reykjavíkur var brotist inn í bifreið í dag og veski stolið. Lögregla vill hvetja fólk frá því að skilja verðmæti eftir í bifreiðum þannig að þau sjáist ekki.

[Óli (IP-tala skráð) 8.1.2007 kl. 09:58]

nei þetta er ekki villa þeir eru að hvetja fólk FRÁ því að skilja drasl eftir þannig að í sjáist

[Magnús Helgi Björgvinsson, 8.1.2007 kl. 10:20]

Þessi setning er náttúrulega ekk vel orðuð. "að hvetja fólk frá" ef ég hefði verið lögreglan þá hefði ég hvatt fólk til að skilja ekki eftir verðmæti yfir höfuð í bílnum. Ég hef sjálfur reynslu af því að jafnvel íþróttaaska er ekki látin í friði í bíl. Jafnvel þó allt hafi verið blautt og óhreint í henni.