Þetta var nú niðurstaða sem hægt var að sjá fyrir!

Ef að fólk hugsar þetta þá var þetta nú eðlilegur dómur! t.d. ef að gengið hefð jú allt í einu hækkað um helming hefði þá SP fjármögnun átt kröfur til þess að heimta að viðkomandi samningur væri ógildur eða að viðkomandi borgaði meira en semningurinn og staða lánsins sagði til um.

Gert að greiða myntkörfulán

Athugasemdir

[Ína (IP-tala skráð) 3.12.2009 kl. 16:49]

Akkúrat !

[Marinó G. Njálsson, 3.12.2009 kl. 17:45]

Það eru margir kostir í stöðunni og þetta var alltaf einn.  Ég er ósáttur við rökstuðning dómarans og finnst hann heldur rýr.  Það stendur ekki steinn yfir steini í honum miðað við t.d. málflutning Eyvindar G. Gunnarssonar, sem þekkir þessi lög líklegast manna best.  T.d. segir Eyvindur að ákvæði 13. og 14. gr. séu ófrávíkjanleg meðan dómarinn segir að víkja megi frá þeim eins og manni listir.  Dómarinn segir að þetta hafi verið "erlent lán" meðan bæði Eyvindur og Gunnlaugur Kristinsson benda á að tveir innlendir aðilar geti aldrei gert samning sín á milli um "erlent lán".  Mér finnst vanta allan rök stuðning og flestar lagatilvísanir í dóminn.  Því miður.  Ef slíkt væri fyrir hendi og þær væru haldgóðar, þá er ekkert meira um þetta að segja, en svo er bara ekki.

[Sigurður Sigurðsson (IP-tala skráð) 3.12.2009 kl. 23:42]

Þú gleymir því að SP er með belti og axlabönd í sínum samningum og geta alltaf gjaldfellt samninga ef um force major er að ræða. Ég geri ráð fyrir að þeir hefðu lítið þannig á ef gengið hefði farið í hina áttina.

[Magnús Helgi Björgvinsson, 4.12.2009 kl. 00:13]

Sigurður hefðu þeir haft leyfi til að gjaldfella samninginn? Ég hélt að þeir væru jafn bundnir af þeim skilmálum sem þeir skrifa undir. Og sé ekki rökin fyrir því að gjaldfella samnig sem er í fullum skilum.

[Sigurður Sigurðsson (IP-tala skráð) 4.12.2009 kl. 02:51]

Magnús það er sérstaklega tekið á þessu í skilmálum samningana og þeir gera ráð fyrir að lánveitandi hafi undankomuleið ef illa árar. En ekki er hægt að segja sama um lánataka. Það er alveg sama hvað þú segir þá hallar alltaf á lántakan í öllum lánasamningum. Ég hef gert þá nokkra um ævina og lúslesið þessa blessuðu fjármögnunarsamninga SP.