Voru það ekki sjálfstæðismenn sem komu í veg fyrir bindandi þjóðaratkvæðagreiðslur?

Er það ekki rétt munað hjá mér að í voru fyrir kosningar komu Sjálfstæðismenn í veg fyrir breytingar á stjórnarskrá sem gerði skoðanakannanir bindandi?  Man ekki betur. Og nú á að fara að nota þetta sem er þá skv. stjórnarskrá ekki bindandi fyrir ríkisstjórn né Alþingi.

Er ekki kominn tími til að hætta þessari vitleysu?

Það hljóta allir að sjá hvað gerist þegar við höfunum Icesave!

• Stjórnin fer frá
• Ný stjórn verður aðeins hrist af Hollendingum og Bretum. Og hleypur til að klára málið.
• Gengið verður frá ríkisábyrgð lítið breyttri en ný stjórn ber við að horfur séu nú hagstæðari.
• Við erum í engri stöðu til að standa í langvinnu stríði. Það er með ólíkindum að meiri hluti þjóðarinnar láti fólk eins og Sigmund Davíð, Höskuld, og Vigdísi plata sig. Þarna fara einstaklingar sem vita lítið um hvað þau eru að tala. Ef fólk les eða hlustar á ræður þeirra þá dettur það stanslaust um fullyrðingar þeirra sem standast ekki. Eins og það hafi engar afleiðingar að fella þessa ábyrgð. Þetta er hlutur sem þau vita ekkert um. Þór Saari er þó heiðarlegur og segir að þetta kosti okkur nokkur mjög slæm ár!
• Heldur fólk að Steingrímur eða Jóhanna eða flokkarnir þeirra væru á þessari vegferð ef þau hefðu auðveldari lausnir?
• Heldur fólk virkilega að stjórnamálamenn fari af stað með svona erfið mál ef að til væru auðveldari og betri lausnir?

Æ verið ekki svona vitlaus.

Ekki vanur að vitna í Bjarna Harðar en er sammála þessu hjá honum:

Mikið væri nú gott að trúa Mogganum og stjórnarandstöðunni þegar kemur að Icesave.

Að Íslendingar geti gert miklu betri samninga um Icesave.

Að Alþingi geti einfaldlega sagt hvað eigi að standa í samningunum sem íslenska ríkisstjórnin fari svo og segi Bretum og Hollendingum -  sem væntanlega hneigja sig fyrir hinum göfugu eyjaskeggjum.

Að Steingrímur J. hafi vitaskuld sett illviljaða og lata kjána í samninganefndina og allir aðrir geti búið til betri samninganefndir og fengið betri niðurstöðu. 

Að það sé ekkert því til fyrirstöðu að fella nú Icesave og hleypa þar með stjórnarandstöðunni að samningaborðinu. Sömu flokkum og sköpuðu það ástand sem nú er unnið úr. Sjálfstæðisflokknum sem talar út og suður í málinu og lagði sjálfur drög að Icesave-samningum sem voru sínu verri en þeir vondu samningar sem nú liggja fyrir.

En mikil má Moggatrúin þá vera!

Já einmitt fólk skildi muna það að Sjálfstæðisflokkurinn stýrði samningviðræðum um Icesave fram til Febrúar 2009 og hvernig gekk þeim?

Tillaga um þjóðaratkvæðagreiðslu

Athugasemdir

[Sigurður (IP-tala skráð) 29.12.2009 kl. 02:03]

Frábær pistill. Sjálfstæðismenn og málgagn þeirra morgunblaðið virðast hafa náð að heilaþvo stóran hluta af þjóðinni.

[Bjarni (IP-tala skráð) 29.12.2009 kl. 05:48]

Ætlar þú að segja mér að þú treystir fólki, sem að var í ríkisstjórn þegar  tvö núll voru tekin aftan af gjaldmiðlinum okkar, til þess að semja um eitthvað jafnmikilvægt og framtíð lands og þjóðar, held að þú ættir frekar að hlusta á flokksforystu þína og heyra hvað hún er margsaga um sömu mál.  Ég persónulega skil ekki hvaða heilvita manni dettur í hug að verja þessi tvö og þeirra fylgifiska vegna þess að þau hafa ekkert gert hingað til í yfir 20 ár á þingi nema drepa niður viljann hjá fólki, og alltaf gera þau það sama þó að margsannað sé að það að hækka skatta og skera niður hjá öryrkjum færi ríkinu ekki neinar auka tekjur, þær minnka ef eitthvað er vegna þess að heiðarleg fyrirtæki geta ekki staðið undir þessu, ef að þau geta það þá þarf að skoða álagningu sem að eins og venjulega almúginn borgar.

[Jón Snæbjörnsson, 29.12.2009 kl. 08:51]

Magnús Helgi Björgvinsson þú ert að grínast er það ekki

[Magnús Helgi Björgvinsson, 29.12.2009 kl. 10:03]

Jón ég er ekki grínast! Og Bjarni ég skil ekki hvað þú ert að fara? Og getur þú sagt mér hvað er verið að skera niður hjá öryrkjum. Og hvaða dæmi getur þú sýnt mér um aðrar leiðir sem hafa skila árangri við þessar aðstæður? Ef að einhver ríkissjóður er rekinn með bullandi halla þá verður að auka tekjur hans. Og það er gert með sköttum. Sérstaklega ef að ríkissjóður á ekki möguleika á að leggja fram fjármagn í atvinnu uppbyggingu sem skilar auknum tekjur strax.