Loksins - Loksins - Loksins!

Ömurlegu máli lokið með ömurlegri lausn. En þó var þessi lausn sú besta sem var í stöðunni. Á morgun verða þessi lög afhent Ólafi Ragnari væntanlega til undirskriftar. Vona að hann geri það samstundis. Þarna inni eru flestir fyrirvararnir sem hann hrósaði í haust. Þannig að hann hefur að mínu mati engar ástæður til að fella stjórnina á þessu. Hann hefur væntanlega fylgst vel með og leitað ráðgjafar færra manna nú þegar. Undirskriftalisti á netinu setur væntanlega á hann þrýsting en má ekki verða til þess að þetta mál eigi eftir að þjaka okkur næstu árinn. Forsetinn má ekki láta von um vinsældir trufla sig.

Stjórnarandstæðingar og fleiri sem greiddu atkvæði gegn þessari ríkisábyrgð töluðu tungum tveimur og hafa gert allan tíman. Í kvöld töluðu þau flest um að við ættum ekki að borga Icesave en samt sögðu þau að lögin frá því í sumar ættu að gilda. En þau lög kveða einmitt á að við ætlum að borga með ákveðnum skilyrðum. En út á við hefur þeim tekist að telja fólki trú um að með því að fella þessa ríkisábyrgð þurfum við ekkert að borga. Það er bara ekki það sem þau sjálf hafa sagt. Og skv. lögunum frá því 28 ágúst og horfum núna eru líkur á að við verðum búin að greiða lánið upp 2024 líka. Þá tala þau alltaf eins og við séum að borga innistæðutryggingarnar beint. Það er ekki rétt. Það er löngu búið að greiða þær út af Hollendingum og Bretum eftir að við samþykktum að þeir lánuðu okkur og sæju um að greiða þær út. 

En loksins er þetta búið! Og fólk getur snúið sér að öðrum málum. Eins og t.d. að auka hér bjartsýni fólks. Fólk er búið að láta misvitra menn troða hausnum á sér á staði þar sem sólin aldrei skin. 

Ég persónulega ætla að ganga bjartsýnn inn í nýtt ár eftir sólarhring.

Alþingi samþykkti Icesave

Athugasemdir

[Sigurður Helgason, 31.12.2009 kl. 00:02]

Teljarinn sem mælir á móti því að forsetinn skrifi undir er eins og á lottóvél og hækkar ört,

[Arnor Davidsson (IP-tala skráð) 31.12.2009 kl. 00:05]

 Hvada fyrirvarar eru thar a ferd sem thu talar um?

Thad er gott sem enginn af theim eftir!!

Gledileg Jol!

[Jóhann (IP-tala skráð) 31.12.2009 kl. 00:07]

Þínir menn sáu til þess að versta mögulega samningi um þetta mál var komið í gegn.  Útþynntir og brottnumdir fyrirvarar, engin von um að reka málið fyrir dómstólum, háir vextir, óendanleg greiðsluskylda, atriði sem gátu komið okkur til varnar falin fyrir þingi og þjóð, samið bakvið tjöldin af einhverjum sveitamönnum sem ekkert vita um samningagerð né kunna á reiknivél.   ...aldeilis glæsilegt.  Það eina jákvæða við þetta er að þegar þetta byrjar að bíta fólk þá mun það aldrei kjósa þessa álfa yfir sig aftur. 

[Kalli (IP-tala skráð) 31.12.2009 kl. 00:08]

Borga þú þetta Magnús fyrst þér finnst þetta svona góð lausn.

Þú getur notað skattgreiðslurnar mínar til þess.

[Árni Karl Ellertsson (IP-tala skráð) 31.12.2009 kl. 00:09]

Þú er nú meira helvítins fíflið

[Andrés.si, 31.12.2009 kl. 00:10]

Þú Magnús veist ekki einu sinni um hvað Icesave snýst.

[Geir (IP-tala skráð) 31.12.2009 kl. 00:17]

Allir að mæta á bessastaði á morgun að mótmæla þessari nauðgun á Íslandi!

[Hrannar Baldursson, 31.12.2009 kl. 00:20]

Málið er að með þessari samþykkt hafa fyrirvararnir sem settir voru í sumar verið felldir úr gildi. Nú er samningurinn fyrirvaralaus.

[Magnús Helgi Björgvinsson, 31.12.2009 kl. 00:31]

Sé að hér koma fáir með viti í kvöld. Menn hljóta að vita að ef að þetta mál hefði fallið þá tækju fyrirvarar frá því í ágúst gildi og þeir fyrirvarar eru nær allir ínn í þessum viðbótarsamning sem nú eru búið að samþykkja ábyrgð á nema að það er ekki lengur óvissa hvað skeður 2024 þegar við eigum að vera búin að borga. Nú höfum við leyfi til að lengja í samningi hvenær sem er. Annað sem er öðurvísi að að við þurfum að greiða áfallna vexti alltaf þ.e. þau falla ekkki undir greiðsluþakið sem er um 6 % af auknum hagvexti þannig að lánið gæti hugsanlega lengst ef að hagvöxtur verður hér minni en reiknað er með.

Síðan er ég orðinn þreyttur á svona athugsemdurm Árni og hendi þeim héðan í frá út.

Minni ykkur á að allir flokkar á þingi reikna með að greiða af Icesave. Ég endurtek allir! Þeir hinsvegar telja að hægt hafi verið að gera betri samninga. Meir að segja Indefence segja það í dag. En hvaða heilvtia maður reiknaði með því að Hollendingar og Bretar myndu samþykkja einhliða lög frá okkur og sér í lagi að skuldinn myndi bara falla niður ef við værum ekki búin að greiða hana 2024. Ekki einu sinni þessir flokkar sem eru nú á móti því. Annars hefðu ekki veirð í fyrirvörunum ákvæði um að ef að upphæðin væri ekki greidd 2024 myndu samningsaðilar setjast niður og ræða um framhaldið. 

Af hverjur er engin að æsa sig yfir t.d. þessu sem var ekki einusinni borið undir Alþingi almennilega!

105 milljarða vextir af kúluláni Davíðs
Davíð Oddsson.


Miðvikudagur 30. desember 2009 kl 12:52

Höfundur: Ritstjórn DV ([e-mail])

Eitt síðasta verk Árna Mathiesen í starfi fjármálaráðherra var að taka 270 milljarða króna verðtryggt kúlulán til fimm ára með 2,5 prósent vöxtum. Var það gert til að yfirtaka skuldir Seðlabanka Íslands vegna taps á endurhverfum viðskiptum bankans. Fréttatilkynningu um þetta er að finna 12. janúar 2009.

Var um að ræða svokölluð „ástarbréf“ sem hinir föllnu bankar höfðu gefið út og var stærstur hluti þeirra kominn frá Icebank. Gjalddagi lánsins er 12. janúar árið 2014 með möguleika á fimm ára framlengingu sem þá myndi greiðast í janúar árið 2019.

Samkvæmt útreikningum sem gerðir voru fyrir DV miðað við þær forsendur sem koma fram í skýrslu Ríkisendurskoðunar þarf ríkissjóður að greiða 27 milljarða króna í vexti og verðbætur af þessu láni árið 2009. Upphæðin lækkar síðan í 24 milljarða króna árið 2010. Á árunum 2011 til 2013 þarf síðan að greiða 18 milljarða króna ár hvert í vexti og verðbætur.

[Magnús Helgi Björgvinsson, 31.12.2009 kl. 00:34]

Hranar fyrirvararnir voru settir inni í viðbótarsamninginn! Getur þú nefnt mér dæmi um fyrirvara sem ekki fóru þar inn og eru fallnir úr gildi?

[Magnús Helgi Björgvinsson, 31.12.2009 kl. 00:35]

Síðan þið hinir! Hvaða hugmynd hafið þið aðrar en gasprið í Sjálfstæðismönnum og framsókn um betri samninga sem hefði verið völ á?

[stebbi (IP-tala skráð) 31.12.2009 kl. 00:56]

Hvernig getur stórt lán fyrir seðlabankann eiginlega verið réttlæting fyrir Icesave ??????????????????????????

[runar (IP-tala skráð) 31.12.2009 kl. 00:59]

Yfirleitt hef ég reynt að gæta orða minn hér í bloggheimum.

Í kvöld verður þar engin breyting á.

Í kvöld, er ég las þessa frétt, þá var eins og ég yrði dofinn við lesturinn.

Nú er ekkert siðferði lengur til á Íslandi , það er kominn tími á réttlæti fyrir þegnanna, réttlæti fyrir 300 þús hræður sem greiða skulu 500 til 1000 miljarða því bjöggi jr þurfti herþotur og 50 cent í fertugsafmælið sitt !!

Félagshyggjustjórnin tekur vidkun quislinginn á þetta og  afsakar nútíma-níðings-verk sín með fortíðarsyndum annars parts af fjórflokkakerfinu.

Líkt og barnaníðingar telja sig hafa minna breytt rangt,því eitt sinn voru þeir sjálfir misnotaðir...gera sér ekki grein fyrir því að það er í ÞEIRRA valdi sett að stoppa keðjuverkunina og hætta þessu helv.. væli um hve bágt þeir hafi það !!

Þessir djö... drulluso.. hafa gengið of langt !!!!!!!

[Magnús Helgi Björgvinsson, 31.12.2009 kl. 01:00]

Ekkert að tengja þau saman en furða mig á að fólk skuli ekkert æsa sig yfir því? Kannski af því að það er tekið af öðrum. Bendi þér á að líkur eru á því að þegar eignir hafa gengið upp í icesave þá verði um 200 milljarðar sem þarf að borga af því. Þá verðum við búin að greiða þetta lán vegna seðlabankans. Og ef við getum það þá hljótum við að ráða við Icesave.

[Magnús Helgi Björgvinsson, 31.12.2009 kl. 01:09]

Runar ert að ýkja. Eignir á móti icesave eru miklu meir en svo. Þannig eru líkur á að strax í lok næsta árs verði um 200 milljarðar tiltækir til að greiða inn á icesave sem lækkar þá niður sem því nemur sem og vextir af því. Síðan bendi ég þér á að lesa bréfið á wikileaks. Þar segir af fundi okkar manna með fulltrúum ríkja innan ESB. Þeir skipuðu hóp 5 sérfræðinga í lögum til að skoða m.a. hvort að við hefðum bortið EES samning með því að vera ekki með innistæðutrygginarkerfi sem dyggði fyrir tryggingum. Og svo hvort að okkur bæri þá að greiða það sem á vantaði. Niðurstaðan var sú að 27 ríki voru öll sammála um að okkur bæri að greiða þetta. Síðan koma einhverjir snillingar hér flestir sem hafa enga sérþekkingu á þessu máli og hengja sig í álit nokkrua lögfræðinga sem hafa tjáð sig um málið. En vitna flestir í þá 3 eða 4 lögfræðinga sem hafa haldið þessu fram. Þetta er óvart þeirra skoðun og menn almennt eru ekki sammála því. Hafið þið t.d. séð lögmannasamtök, erlenda sérfræðinga í evrópsum lögum almennt hafa risið upp og varið okkur. Maður hefði nú haldið að sérfærðingar í evrópurétti hefðu skrifað lærðar greinar um hvað allir væru að svindla á Íslandi. Hef ekk séð mikið af því. Eina sem menn hafa nefnt eru hugsanleg vaxtakjör. En aðrir bent á að þau séu mjög góð.

[Guðmundur Jónas Kristjánsson, 31.12.2009 kl. 01:09]

Magnús. Þú ert HELVÍTIS ÞJÓÐSVIKARI eins og allt þitt krata komma pakk og tek þig hér með út af Bloggvinalista mínum!

[Magnús Helgi Björgvinsson, 31.12.2009 kl. 01:15]

Guðmundur þú ert eins og biluð plata! Ég held nú að stefna þín að loka okkur af frá samskiptum við aðara þjóðir sé mun hættulegri þjóðinni! Og blessaður taktu mig þaðan út. Blessaður!

[Hjálmtýr V Heiðdal, 31.12.2009 kl. 01:19]

Ég hef sjaldan séð ömurlegra leikrit en það sem stjórnarandstaðan bauð uppá í kvöld. Sem betur fer er þetta mál komið út af þingi - menn geta nú farið að sinna öðrum mikilvægum málum.

[Geir (IP-tala skráð) 31.12.2009 kl. 01:35]

Ekki get ég séð hvernig þessir 33 landráðamenn og opinberir stuðningsmenn þeirra (eins og t.d. magnús hér) munu geta lifað á þessu landi án þess að verða fyrir áreiti og ofbeldi næstu árin. 

[Jón Flón (IP-tala skráð) 31.12.2009 kl. 01:36]

Hér tala menn um að loksins geti Alþingi farið að sinna öðrum og mikilvægari málum, en ég spyr - hvað er eiginlega eftir, nú þegar búið er að klára síðasta kaflann í ritinu Ísland?

Hér er ekkert land lengur. Einungis niðurbrotin þjóð með enga framtíð. Hvaða málum haldið þið að hægt sé að fara að sinna? Endalokin hafa verið rituð í stein og fátt eftir annað en að bíða dauðans.

[Magnús Helgi Björgvinsson, 31.12.2009 kl. 01:53]

Þetta er mjög málefnalegt Geir! Og Jón Flón það hefur nú árað illa hér á landi áður og horfur verið slæmar. 1968 hrundi síldin og hér varð mjög alvarlegt ástand. Það var einmitt þá sem fólk flúði land m.a. til Ástralíu og fleiri landa. En  ástandið batnaði og fólkið kom fljótt aftur.  Um 1988 var ég að basla við að kaupa mér íbúið og þá var hér 30 til 80% verðbólga ofan á mjög lágan kaupmátt. Þá flúði fólk mikið til Norðulanda en við náðum okkur út úr þessu þrátt fyrir hrakspár.

Hér um 1950 voru skömmtunarseðlar í gangi og skömmtun á gjaldeyri og vörum var í gildi hér fram til 1980. Það var vegna þess að við þurftum að halda í gjaldeyri því engin vildi skipt krónum. Svo talar fólk eins og hér hafi alltaf verið svo auðlifað. það hefur það ekki. Við höfum þurft að þrauka hér oft. Og það sem við höfum fram yfiri fyrri tíma að nú eru útflutningur okkar griðarlegur miðað við fólksfjölda þannig að tekjur okkar og ríkisins eru mun hærri og þar af leiðir ráðum vði við hærri skuldir tímbundið. Minni menn líka á að innan 3 til 4 ára verða erlendar skuldir okkar svipaðar og gengur og gerist í Evrópu sem hlutfall af þjóðartekjum. 

[Rekkinn (IP-tala skráð) 31.12.2009 kl. 06:13]

Maggi.

Farðu nú að láta renna af þér vinur.

Þið í SF og VG eigið eftir að taka út timburmenninna, það verður þrautarganga. Þetta mál er upphafið að ykkar eigin endi.

Aldrei hefur nokkrum stjórnmálasamtökum á Íslandi tekist á jafn skömmum tíma að grafa sér eigin gröf jafn örugglega og hratt eins og þessum ESB mannvitsbrekkum sem þú blótar sem átrúnaðargoð.

Aldrei hafa nein stjórnmálasamtök fengið jafn gott tækifæri og safn góð vopn í hendur til sóknar á Íhaldið og SF og VG fengu eftir hrun.

Þið fenguð í tannfé frá þjóðinni sérframleidda fallbyssu af Icesave gerð með stærstu hlaupvídd í kosningunum með sjálfstilltu miði á Íhaldið, en brenduð af þó ótrúlegt sé á svo stuttu færi.

Því engum hefði dottið í hug að best væri að stinga hlaupinu þar sem sólin aldrei skín og hleypa af fyrsta skotinu á Íhaldið um eigin endagörn nema ykkur til að ná betra skotfæri.

Hverjum öðrum hefði dottið í hug það snjallræði að nota sinn eigin búk sem framlengingu á fallbyssu nema spunameisturunum snjöllu í SF. Er þetta ekki að vera doldið sjálfmiðaður Maggi minn.

Afleiðingarnar af þessu skoti Maggi minn verður engin venjuleg gyllinæð.

Það sjá menn í bakkspeglinum í næstu kosningum.

[Magnús Helgi Björgvinsson, 31.12.2009 kl. 08:26]

Og þú Rekkinn! Þú ert einn af þeim sem heldur því fram að þó allar aðrar þjóðir líti svo á að innistæðutrygginarkerfi eigi að tryggja innistæður í bönkum þá séum við saklaus þó að okkar kerfi hefði ekki dugað til að greiða lágmarskupphæðir nema kannski í sparisjóði út á landi. Ef þú ert ekki búinn að kynna þér það þá voru ESB og EES þjóðir að skoða hvort að við hefðum ekki brotið EES samninginn með þvi að gæta ekki að því að bankarnir væru ekki það stórir að við gætum varið þá. Sem og að allar aðrar þjóðir hafa litið svo á að þeim bæri að verja innistæðueigendur með því að lána, kaupa hluta eða yfirtaka bankana.

Og eins ert þú þá líka á að allir samningar sem Ísland gerir þeir gildi ekki. Við vorum búin að semja við Holland og viðurkenna ábyrgð okkar í október í fyrra. Spurðu Helga Áss Grétarsson sem var indefence hópnum. Hann segir að það hafi flækst fyrir í öllum samningum. Sem og að hann segir að meira en 80% af fyrirvörum okkar séu nú öruggir í samningnum.

[Magnús Helgi Björgvinsson, 31.12.2009 kl. 08:28]

Held að fólk ætti nú að fatta að áróðurinn sem fólk er að gleypa hrátt um að við berum enga ábyrgð er bara leið stjórnarandstöðunar til að fella stjórnina. Allir flokkar segja að við eigum að greiða en þeir vilja prófa að semja aftur eða láta fyrirvara frá því í sumar gilda.

[Anna Einarsdóttir, 31.12.2009 kl. 12:02]

Ef menn leita sökudólga og landráðamanna er rétt að muna uppruna málsins.

[Hjálmtýr V Heiðdal, 31.12.2009 kl. 12:53]

Það er ekki laust við að heimskuleg dramtík ráði ferðinni hjá mörgum:

„Ekki get ég séð hvernig þessir 33 landráðamenn og opinberir stuðningsmenn þeirra (eins og t.d. magnús hér) munu geta lifað á þessu landi án þess að verða fyrir áreiti og ofbeldi næstu árin.“

„hvað er eiginlega eftir, nú þegar búið er að klára síðasta kaflann í ritinu Ísland?“

Þetta er í stíl voð ræðuhöld Árna Johnsen á þingi. Hann ræddi bara um þjóðfundinn 1851, Kópavogsfundinn og erlenda kúgun. Nokkrir þingmenn Framsóknar voru á svipuðum nótum. Ótrúlega skrítinn málflutningur - segir kanski eitthvað um sálarástand viðkomandi?

[Guðmundur 2. Gunnarsson (IP-tala skráð) 31.12.2009 kl. 15:30]

Hvers vegna ættu þessir 33 þingmenn + Atli og opinberir stuðningsmenn eins og Magnús að eiga að getað gengið óáreittir um götur eftir að hafa framið það sem líklegast á eftir að verða dæmt sem landráð af Landsdómi sem málið óhjákvæmilega mun enda? 

Geta og eiga sannaðir glæpamenn í hópi útrásarmanna að geta það?  Hvað með pólitíkusana og embættismennina sem eiga eftir að verða afhjúpaðir og dæmdir brotamenn eftir rannsóknir rannsóknarnefndar þingsins og sérstökum saksóknara?  Eiga þeir að hafa frið að athafna sig og verið teknir fagnandi af samferðarfólki sínu sem á um sárt að binda?  Er eðlilegt að þeir eigi að starfa eins og ekkert sé í þjóðfélaginu við að skaða land og þjóð?  Hvers vegna ættu þingmennirnir 34 og stuðningsmennirnir einhvern rétt á að brjóta jafn gróflega og raun ber vitni á rétti 70% þjóðarinnar sem er ekki í neinum minnsta vafa um sekt þeirra á einhverra eftirmála?  Ætli síðuhaldari þætti það ef hann væri í meirihlutanum með þjóðinni? 

Þeir voru afar aumkunarverðir og skömmustulegir ráðherrarnir hinir íslensku "Quislingar" fyrir utan Bessastaði í morgun, þegar þeir þorðu ekki einu sinni að líta í áttina að mótmælendum.  Sá sem bar sig aumlegast var hinn hrokafulli Steingrímur J(údas) Sigfússon, sem hljóp inn og út úr húsinu í ráðherrabílinn.

[Guðmundur 2. Gunnarsson (IP-tala skráð) 31.12.2009 kl. 15:48]

Magnús.  Kaupir þú rök eins og að 80% af fyrirvörum haldi af samningnum, þegar til þess er fenginn maður sérstaklega keyptur af stjórnvöldum og hefur þegið miljónir til starfans?  Hvað með alla lögfræðiprófessorana sem hafa gefið sitt álit frítt og eru algerlega á öndverðum meiði?  Eru það fífl sem ekkert vita og skilja eins og óútskrifaður jarfræðineminn Steingrímur J(údas) heldur fram?  Hvað með að flugfreyjan Jóhanna segir að Ragnar Hall sem þótti sýna mikla fagmennsku og harðfylgni með eitt að höfuðatriðum samningsins, Ragnar Halls ákvæðisins, segir að hann skilji ekki sjálfan sig og sína kenningu þegar hann segir að ekkert standi eftir af þeim?  Hefur flugfreyjan rétt fyrir sér eða lagaspekingurinn sem samdi ákvæðið?  Hlýtur að vera flugfreyjan, sem einungis hefur þegið sín lögfræðilegu ráð frá lögmönnum sem sömdu frumvarpið, og voru síðan kallaðir fram til að meta sín eigin störf.  Undarlegt nokk þá töldu þeir sína vinnu óaðfinnanlega.  Engir ótengdir lögfræðingar hafa verið fengnir til starfans að meta vinnu þessara aðila.  Allir sjálfboðaliðar hafa verið slegnir út af borðinu sem fífl.  MDR stofan breska var að vísu keypt en dæmd óhæf vegna þess að hún sá margt athugavert við samninginn.  Hún benti ma. á fáránleika þess að afsala varnarþinginu til Bretlands og að við undirrituðum að farið hafi verið eftir Brussel viðmiðunum, þótt allir vita að að hafi ekki verið gert.  Það er gert til að ef til málaferla kæmi þá getum við ekki nýtt okkur það sem sönnun misréttisins sem við vorum beitt.  Er hægt að leggjast dýpra í forina?

[Magnús Helgi Björgvinsson, 31.12.2009 kl. 16:18]

Já ég trúi því vegna þess að það það hefur enginn sýnt mér fram á annað með rökum. Það hefur dregið úr vægi sumra fyrirvaranna, enda erum við ekki ein að semja um þessa fyrirvara. Þeir sem lánuðu okkur þessa peninga sættu sig eðlilega ekki við að við ætluðum ekki að ganga frá því hvernig lánið yrði að fullu greitt. Sumir héldu því fram að við mundum ekki þurfa að greiða eftir 2024þ

Ragnar Hall fyrirvarinn var jú aðeins veiktur en er þarna inn samt.

Guðmundur þú veist eins og aðrir að ráðherrar eru mjög sjaldan sérfræðingar í viðkomandi málaflokk. Þessvegna voru t.d. 2 lögfræðistofur Breskar sem unnu að þessum samningum fyrir okkur. Þessar stofur eru í 6 sæti og 10 sæti yfir stærstu og virstustu lögfræðistofum Bretlands. Lovells og Ashurst.

	Linklaters	£1.3bn	£1,121.0m	£935.3m	Magic Circle (London)
2 ▲	Freshfields	£1.29bn	£986.0m	£882.0m	Magic Circle (London)
3 ▼	Clifford Chance	£1.26bn	£1,194.0m	£1,030.0m	Magic Circle (London)
4 ▬	Allen & Overy	$2,034m	£887.0m	£736.0m	Magic Circle (London)
5 ▬	DLA Piper		£525.0m	£475m	International (London)
6 ▬	Slaughter and May		£417.0m	£321.0m	Magic Circle (London)
6 ▬	Lovells		£425.0m	£396.0m	Silver Circle/International (London)
7 ▲	Herbert Smith		£334.0m	£296.0m	Silver Circle/International (London)
8 ▬	Eversheds		£356.0m	£323.0m	International(London)
9 ▲	Norton Rose	£314m	£233.0m	£210.0m	International (London)
10 ▼	Ashurst	£

Og eins þá styðjast þau við fjölda lögfærðinga og sérfræðinga sem vinna í ráðuneytum sem og annarra sérfræðinga. Þannig er virka ráðuneyti. Og svo eru það þessir sérfræðingar sem ráðleggja ráðherrum hvað sé best að gera og hver hættan er. Það er síðan ráðherra og eftir atvikum Alþingis að velja rétta leið.

En hvað á að hlust á þetta fólk. Sigmundur Davíð og Þór Saari vita miklu betur!

[Guðmundur 2. Gunnarsson (IP-tala skráð) 31.12.2009 kl. 17:43]

Líkurnar á að lögmannastofur sem hafa unnið að samningunum á einhverju stigi komi til með að efast um þá vinnu eftirá eru sennilega ekki miklar.  Sama á um þá íslensku lögmenn sem gerðu samningana og voru fengnir til að vera dómarar í eigin sök.  Afar líklegt að þeir hafa stokkið til og dæmt sín verk óhæf og skilað laununum.  Við höfum fengið álit fjölda innlendra laga og hagfræðisérfræðinga sem hafa fjármagnað sínu vinnu frítt sem halda því fram að ýmislegt er afar illilega ónýtt og mörg mistökin gerð.  Sagður þekktasti samningamaður veraldar fullyrðir að hann hafi aldrei séð verri samning sem hallar allur á annan aðilann.  Eins og hafi verið undirritaður undir byssuhlaupum.  Hann væri augljóslega skrifaður af Bretum og undirritaður af Íslendingum.  Einn samningamaður Íslands hefur gert opinbert að nefndin hafi aðeins einu sinni hitt mótsemjendur.  Þá nennti Svavar ekki að standa lengur í þessu.  Sami samningamaður hefur sagt að engin erlend lögfræðistofa eða erlendir aðilar hafi komið að samningavinnunni fyrir Íslands hönd fyrr en löngu eftir að hann var undirritaður.  Hugsanlega er hann sá sem blöskraði svo vinnubrögðin og lak samningnum til InDefence og RÚV?  Samninginn sem átti ekki að gera opinberan vegna upplogins trúnaðarheitis, sem Bretar og Hollendingar hafa aldrei viðurkennt að hafi verið beðið um.  Ef Ragnar Hall segir að ekkert standi eftir af hans fyrirvara þá trúi ég honum örugglega frekar en aðila eins og þér og einhverjum kerfissnötum stjórnvalda.  Hlægilegt að reyna að gera hann ótrúverðugan.  Eitthvað sem er eina úrræði málefnalegs gjaldþrota aðila.  Ahurst skilaði 12 síðna áliti.  MDR komnir með vel yfir 100 síður áður en stjórnvöld fóru á taugum og stöðvuðu sendingarnar.  Þeir eru dæmdir óhæfir af því að þeir eru ekki nógu ofarlega á einhverjum illskiljanlegum lista.  Einhver sýndi fram á að þeir væru í efsta flokki á einhverjum öðrum fyrir nákvæmlega það sérsvið sem þeirra vinna var fyrir Ísland.  En hverju skyldi nú valda að þeir voru valdir af stjórnvöldum í fyrsta lagi.  Vegna þess að þeir voru óhæfir?

Meðfylgjandi eru nokkrir linkar varðandi lagahliðar málsins, sem er því miður eitthvað sem stjórnarliðar hafa ekkert haft að segja um í rökræðum.  Vel skiljanlega.  Jú, - lög eru lög og það er dæmt eftir laganna hljóðan.  Tilfinningavæl og ef og kannski rúmast ekki inni fyrir dómstólum, þar sem var og er eini vettvangur deilu sem annar aðilinn sér ekki til sólar vegna hótanna og ofbeldis.

http://altice.blog.is/blog/altice/entry/997598/

http://altice.blog.is/blog/altice/entry/991686/

http://altice.blog.is/blog/altice/entry/994965/

http://altice.blog.is/blog/altice/entry/993713/

http://altice.blog.is/blog/altice/entry/991686/

[Gunnar Skúli Ármannsson, 31.12.2009 kl. 21:55]

Þú ert ótrúleg uppspretta æsilegra skoðanaskipta, það verð ég að segja.

Það verður mjög spennandi að lesa endurskoðun AGS þann 15 janúar n.k.

Gleðilegt ár.