Þetta er náttúrulega kvótakerfinu að kenna!

Það er búið að svipta bátana lífsgrundvelli á sjónum í kring um Ísland þannig að þeir eru farnir að aðlaga sig lífinu á landi. Og stefna að því að útrýma bílum af vegunum þannig að þeir geti haft vegina út af fyrir sig!

Frétt af mbl.is

  Mætti fljúgandi bát
Innlent | Morgunblaðið | 2.6.2007 | 5:30
"Ég sá bara þennan bát og mér fannst þetta svo ósannfærandi að ég bara trúði því ekki að þetta gæti endað svona," segir Leó Arnarson en Land Cruiser-jeppabifreið hans er gjörónýt eftir að bátur skall á henni í gær.

Mætti fljúgandi bát

Eru Jón Helgi og Kaupás að auglýsa fyrir Ísafold

Held að ef Jón Helgi eigandi Kaupás ætlaði að draga úr athygli á þessu tölublaði Ísafoldar þar sem fjallað er um nektarstaðinn Goldfinger og meðferð á nektardansmeyjunum, þá hafi málið snúist rækilega í höndunum á honum.

Spurning hvort að blaðið verði ekki að borga Kaupás sérstaklega fyrir að auglýsa blaðið. Maður gæti haldið að þessi viðbrögð Jóns Helga standi í sambandi við þá ætlun Byko að koma sér upp vöruafgreiðslu fyrir flutningaskip á Kársnesi í Kópavogi. Ég ætla að vona það sé ekki enn einusinni um einhverja klíku og bakatjaldamakk að ræða í sambandi við það. Skil ekki í því að banna blað sem fjallar um samskipti bæjarstjórans Gunnars Birgissonar eigi að hjálpa þeim.

Þetta má lesa á www.mannlif.is

Birtíngur neitar að fjarlægja Ísafold

1 jún. 2007

Útgáfufélagið Birtingur hefur hafnað fyrirskipun Jóns Helga Guðmundssonarum að fjarlægja Ísafold úr rekkum verslana hans. Blaðið hefur rokselst eftir að Jón Helgi tók í gær skyndiákvörðun um að fjarlægja blöðin. Því hefur verið hafnað enda er í gildi samningur á milli Kaupáss og Birtings um sölu á Ísafold og öðrum tímaritum félagsins. Það er mansalsgrein í Ísafold sem virðist trufla Jón Helga en hann ber öðru við. Tengsl Gunnars Birgissonar, bæjarstjóra í Kópavogi, við nektarstaðinn Goldfinger eru rakin og birt mynd af honum inni á staðnum. Fleiri myndir mun vera til af Gunnari undir þeim kringumstæðum en þær voru ekki birtar; að sinni ...

Segir sölu á Ísafold mikla í verslunum Kaupás

Þræl skemmtileg úttekt á ræðum kvöldsins frá nýliðunum

Verð að benda ykkur á þrælskemmtilegt blogg. Það er bloggið Bæjarslúðrið sem að Björgvinn Valur heldur úti. En nú í kvöld fjallar hann um ræður nýliðana nú í kvöld á Alþingi. En svo lýsir hann þessu:

Jómfrúarræður voru nokkrar fluttar á Alþingi í kvöld.  Bestu slíka flutti Guðfríður Lilja Grétarsdóttir en innlifunin var svo mikil að ég lyftist úr stólnum mínum og sveif út á gólf.  Þarf mikið til þess.  Guði sé lof að hún er varaþingmaður og ekki þarna á hverjum degi, hugsaði ég með mér þar sem ég lá og strauk rófubeinið.

Katrín Jakobsdóttir var ókey sosem en full morfísleg fyrir minn smekk - ég meina, maður þarf ekki að rúlla augasteinunum eða trompast á líkamstjáningunni á Alþingi, er það nokkuð?  Ólöf Nordal var ágæt þótt vinstra eyrað sem stóð út úr hárinu á henni hafi truflað mig verulega.  Kannski verður hún með húfu næst.  Guðbjartur Hannesson slapp fyrir horn en hann hefði alveg mátt hreyfa sig aðeins.

Líklega var ekki um jómfrúarræðu að ræða hjá Jóni Magnússyni því hann var eitt sinn varaþingmaður Íhaldsins en samt var hann eins og taugaveikluð skólastepla.  Annaðhvort var um að ræða ellimörk eða ótímabært sáðlát.

Heyrði ég rétt; sagði framsóknarþingmaðurinn ungi í sinni jómfrúarræðu: það var staðið vörð um það?  Átti hann nokkuð við tungumálið?

Og svo mátti ég til með að stela þessu af síðunni hans.

Guðni Ágústsson: Engar sögulegar sættir