Hvað á Ingibjörg við?

Hvað er eiginlega að gerast í þessum flokki:

Hvernig dettur Ingibjörgu að segja þetta:

Segir hún að ekki verði efnt til kosninga í miðjum björgunarleiðangri.

Gerir hún sé ekki grein fyrir að í öllum ríkjum öðrum verður fólk að sæta ábyrgð. Hún er að styðja við einstaklinga eins og Davíð og fleiri með þessari stefnu. 

Hún er að styðja við það að stjórnendur bankana eru enn þá við störf mínus bankastjóra. Þetta er sama fólkið og var í samstarfi við fyrirtækin hér sem eru búin að skuldsetja sig fyrir milljarða tug eða hundruð. Og þetta fólk er enn þá að semja við þessi fyrirtæki um skuldaniðurfellingar og fólk trúir til alls.

Hún er að styðja við óbreytt yfirráð Sjálfstæðismanna 

Hún er að styðja við það að hér á landi beri engin ábyrgð 

Hún er að gera ómerkinga úr ráðherrum síns flokks og þingmönnum sem eru að endurspegla skoðanir innan úr flokknum.

Held enn þá að allsherjar plott sé í gangi bakvið tjöldin sem miði að markmiðum Samfylkingar. En við viljum bara ekki svona makk. Við viljum opið stjórnkerfi þar sem fólk veit hvað er að gerast. 

Ert þú að gleyma nokkrum atriðum Geir?

Er Geir eitthvað hissa á því að ráðherrar og þingmenn Samfylkingar séu að biðja um kosningar?

• Hefur Geir ekki heyrt að fólkið í landinu er orðið brjálað af því að:
  • Það er engin látin sæta ábyrgð!
  • Það eru t.d. sama fólkið áfram í bönkunum og það sakað um að vera að hygla þar ákveðnum skuldurum og sjálfu sér.
  • Það eru komnir 50 dagar nú frá því að þetta gerðist og ennþá vitum við ekki nákvæmlega hvernig að þetta á eftir að verða
  • Það er mikil skortur á upplýsingum og almennum ráðleggingum til fólks hvernig það á að haga sínum málum. Jú það eru vefsíður en hefur þessum fólki ekki dottið í hug að nota Ríkissjónvarpið til að upplýsa og ráðleggja fólki. Það  væri gert ef þetta hefðu verið náttúruhamfarir.
  • Hefur Geir ekki séð annarstaðar í heiminum þar sem ráðherrar segja af sér þegar að undirmenn gera mistök.
  • Hefur Geir ekki séð að fólk er brjálað yfir því að aðalbankastjóri Seðlabanka er fékk þetta starf á silfurfati og hefur gert nú síðustu vikur mörg axarsköft. En Geir séð það ekki.
  • Gerir Geir sér ekki grein fyrir að þó þetta sé að mestu útrásarpakkinu að kenna, þá voru þingkosningar til þess að við fengjum að velja fólk til að standa vörð um okkur og koma í veg fyrir svona áföll?
• Finnst Geir eitthvað furðulegt að Samfylkingarfólk vill fá að endurnýja umboð sitt með kosningum?
•  Hefur Geir sökum anna kannski misst öll tengsl við þjóðina?

Ekki stefna aðgerðunum í hættu

Þetta er nú vafasamt.

Manni finnst að alhliðaniðurfærsla á skuldum fyrirtækja sé gróf mismunun á skuldurum nema að tilkomi allsherjar niðurfærsla á skuldum heimila líka.

Og ósk Viðskiptaráðs um breytingar á gjaldþrotalögum sem fæli í sér að dregið yrði úr bóta- og refsiábyrgð finnst mér ekki koma til greina.

En að breyta skuldum í hlutbréf finnst mér alltaf leið sem kemur til greina. 

En við eigum ekki að leyfa fyrirtækjum sem hafa farið óvarlega og jafnvel út fyrir lög í fjárfestingum að sleppa bara í ljósi ástandsins. 

Vilja alhliða niðurfærslu skulda

Og hér er ályktun frá Samfylkingunni í Kópavogi

Ég verð að segja að ég tek heilshugar undir með Samfylkingarfélögunum í Garðabæ og Kópavogi. En svona er ályktunin frá Samfylkingarfélaginu í Kópavogi

20.11.2008 | 05:36

Ályktun frá Stjórn Samfylkingarfélagsins í Kópavogi

Stjórn Samfylkingarinnar í Kópavogi leggur þunga áherslu á að markmið jafnaðarstefnunnar verði hafðar að leiðarljósi við uppbyggingu hins nýja Íslands.  Forgangsverkefni okkar er að slá skjaldborg um fjölskyldurnar í landinu og tryggja fjárhagslegt öryggi heimilanna. Forsenda þess er að standa vörð um grunnstoðir samfélagsins.

Nauðsynlegt er að fá óháða aðila, sem njóta trausts á alþjóðavettvangi, til að rannsaka skipsbrot efnahagslífsins og hverjir beri þar ábyrgð. Brýnt er að skipta um stjórnendur í Seðlabankanum og Fjármálaeftirlitinu til að endurvekja traust almennings og alþjóðasamfélagsins á íslenskum stjórnvöldum.

Stjórn félagsins kallar jafnframt á tafarlausa umsókn um aðild að Evrópusambandinu og evrópska myntsamstarfinu í kjölfarið.

-Stjórn Samfylkingarfélagsins í Kópavogi

 

Telja forsendur ríkisstjórnarsamstarfs brostnar

Ekkert betra eða verra en maður reiknaði með

Hér má sjá fréttatilkynningu IMF í heild.

Aðalatriðin eins og okkur var sagt að.

• Koma fótum undir krónuna og skapa traust á peningamálum okkar í viðskiptaheiminum.
• Endurreisa bankakerfið. Og verja og koma í verð eignum gömlu bankana.
• Og síðan að vinna að því að draga úr halla á fjárlögum ´
• Og loks að eftir 2010 þurfum við að fara að undirbúa okkur að byrja að greiða upp lánin

Þar kemur fram að við eigum erfiða tíma í vændum. En ég get ekki séð þar neitt sem ekki er búið að segja okkur. Nema kannski að þarna er talað um að 2010 verði að verða viðsnúningur hjá okkur til að að fara að draga úr fjármálahalla. Þar er aðalmöguleikarnir 2. Að auka skatta og eða draga verulega úr útgjöldum ríkisins.

Eins er rætt um að aðlaga þurfi reglulega þessar aðgerðir. Og það verður vel fylgst með okkur frá sjóðunum. Strax í janúar verður hér fulltrúi frá þeim að skoða hvernig gengur.

En miðað við þá ömurlegu stöðu sem við erum í þá er þetta ekkert betra eða verra en maður reiknaði með.

Nú er þetta komið og enn er ég bjartsýnn á að við komum betur út úr þessu en þarna stendur

IMF samþykkir lán til Íslands

Ingibjörg gættu að þér!

Held að ef á allt er litið þá sé stjórnkænska eða hvað það nú heitir aðferðir sem Ingibjörg og Samfylkingin eru að beita núna ekki að vinna með flokknum eða málstað hans. Þjóðin er hér á suðupunkti og all flest sem flokkurinn vill gera að segja er hann látin éta ofan í sig eða á að gera seinna. Manni finnst um leið og við höfum fengið þetta lán verði Ingibjörg að koma fram og skýra þetta með Seðlabanka og Fjármálaeftirlitið. Segja að við þessar breytingar verið líka breyting á þeim sem stjórna. Og þar verði fyrst skipaður hæfasti einstaklingur sem við eigum í þetta starf og síðar verði það auglýst.

Manni grunar að á bakvið tjöldin sé verið að leika einhverja hulduleiki. M.a. sér maður að Samfylking er að koma málum ESB inn. Og með þessari sameiningu verður Davíð settur frá. Þetta tekur bara langan tíma.

Manni gæti dottið það í hug að tengsl við hægaganginn gætu legið inn í "Svörtuloft" þaðan sem beinar og óbeinar hótanir berast nú. Allt frá því að hann viti um fullt af samtölum og hvað þar koma fram upp í það að hann kljúfi Sjálfstæðisflokkinn. En það er engin ástæða fyrir Samfylkinguna að taka þátt í þessu. Hún hefur nú mikið fylgi en ef flokkurinn kemur ekki útá við eins og sá sem ræður hrynur þetta af flokknum á stuttum tíma. Og eins ef flokkurinn tala ekki einum rómi þá gerist það líka. 

Nauðsynlegt að vera samstiga

Maður er nú að fá gjörsamlega nóg af þessum nefndum og vinnuhópum

Það er alveg makalaust að nú þegar áríðandi er koma á friði milli stjórnarflokkana og fara að gera upp mál hér þá er öllu frestað eða komið í einhverjar nefndir. Hvað getur verið svona flókið við að færa verkefni FME undir Seðlabanka. FME var jú upprunalega þar fyrir 10 árum.

Geir er í þessu síðustu vikur að segja:

• Ekki tímabært að ræða málin
• Sjálfstæðisflokkurinn ætlar að athuga þetta í lok janúar
• Hver hefur sagt að virðing okkar hafi beðið hnekki út á við.
• Alvanalegt að hittast á fundum á laugardögum ekkert að gerast - Svo fóru bara bankarnir á hausinn daginn eftir
• Styður fullkomlega Seðlabankastjórann. En er ekki sáttur við það sem hann segir.

Þessi sjálfstæðisflokkur er gjörsamlega ómögulegur. Geta menn í þessum flokki ekki sest niður og afgreitt nein mál? Eru ekki fleiri en Geir og Þorgerður sem geta komið að þessum málum? Eru ekki 40 þúsund félagsmenn? Er ekki hægt að láta þá gera eitthvað í þessum málum þó Geir sé upptekinn?

Heldu Geir að við bíðum bara endalaust eftir einhverri framtíðarsýn? Veit Geir ekki að það eru fleiri tugþúsunda Íslendinga sem eru byrjaðir að undirbúa að flytja héðan? Menn verða að geta tekið ákvarðanir þó það þýði að einhverjir nánir verði að víkja. Og 80% af þjóðinni vill ekki hafa Davíð sem Seðlabankastjóra.

 

Hugmynd forsætisráðherra

Það er eitthvað bölvað plott í gangi!!

Ég hef nú varið Samfylkinguna hér á blogginu hægri og vinstri. En nú síðustu daga hefur mér bara alls ekki líkað við þessi vinnubrögð sem hún ástundar. Það er ljóst miðað við það sem Össur sagði eftir þennan fund um að hann væri mjög ósáttur við stjórn Seðlabankans og hún ætti að fara og svo það sem Ingibjörg sagði að þar er ekki samhljómur. Held reyndar að þetta sé ákveðið plott sem er í gangi sem gengur út á að sameina Seðlabanka og fjármálaeftirlit undir Seðlabanka og þar með ný lög og nýtt fólk. En af hverju þarf að vera að pukrast svona með þetta. Er verið að hlífa Geir og Sjálfstæðisflokknum. Eða eru Sjálfstæðismenn að hóta stjórnarslitum??

Svona pukur kallar á sögusagnir og það er eitthvað sem við þurfum ekki ábót á í dag. Fólk er að öskra eftir því að að fá að vera með í ákvarðanatöku um framtíð Íslands. Það er ekki að sætta sig til lengdar við ákvarðanir sem eru teknar milli tveggja toppa í Stjórnarráðinu. Fólk vill upplýsingar og samræður við fólk sem er að sýsla með framtíð okkar.

Fundi Samfylkingar lokið

Hefur Steingrímur spáð í hvða IceSave peningarnir fóru í?

Ef við skoðum það að bankarnir hafa nú í á annað ár átt erfitt með að fá lán. Og að Landbanki kaus að hafa IceSave skráð hér, þá hafa peningarnir streymt frá Breskum innistæðueigendum hingað og m.a. fjármagnað byggingar hér, yfirdrætti og kreditlán. Þannig má segja að hluti þeirra sé hér í byggingum, bílum, og ýmsum framkvæmdum. Eins þá höfum við þá væntanlega ferðast fyrir þá og étið þá líka. Veit að þetta er kannski ekki stór hluti af þeim en samt þó nokkuð miðað við skuldastöðu heimila.

Síðan þegar við erum að tala um hvað lendir á okkur þessari litlu þjóð er kannski gott að hugsa til þess að þeir sem lögðu inn á IceSave voru hvað 300 þúsund í Bretlandi, 50 þúsund í Hollandi og eitthvað í Belgíu sem og Þýskalandi og Lúxemborg. Þannig má segja að við höfum verið að lifa og framkvæma fyrir eignir 500 þúsunda saklausra einstaklinga erlendis. Þetta eru fleiri en við erum.

Fyrst að við vorum ekki búin að koma þessu IceSave úr landi er kannski gott ef við losnum við að borga meira en 20.500 evrur fyrir hvern reikning. Getum ekki varið það held ég ef við borgum ekkert. Væri eins og við værum að stela þessum peningum. Því að þeir hafa að hluta til farið í lán og framkvæmdir hér. Sem og í endurfjármögnun lána bankans sem notuð voru til íbúðarlána fyrir fólk.

Sakar ráðherra um óheilindi

Sjálfsagt að biðja um þetta Steingrímur - En hafðir þú einhverjar aðrar lausnir?

Ég er orðinn þreyttur á þessu ástandi. Hér er fólk í umvörpum að huga að því að flytja til annarra landa. Við erum illa upplýst og ekkert gert til að að hafa samráð um lausnir.

Hér koma svo menn og deila á þær lausnir sem eru komnar en hafa ekkert annað sem maður sér raunhæft að bjóða. Það er nokkuð ljóst að Vg hefur þá hugmyndafræði að vera á móti öllu og þá komi að því að lokum að þeir hafi rétt fyrir sér í einhverju. En það sem vantar er að þeir bjóði upp á aðrar lausnir sem eru raunhæfar eða framkvæmalegar. T.d. þegar að þeir bentu á að við skildum bara tala við Noreg og þeir mundu redda okkur. En skv. því sem við lesum eru Norðmenn sammála öðrum þjóðum að leiðin í gegnum IMF sé sú leið sem við þurfum að fara. Og í gegnum IMF komumst við ekki nema að semja við EB um IceSave. Og þá eru allir brjálaðir yfir þvi. Þeim finnst að við eigum að nota öll þau mistök sem við finnum í EES samningum til að neita að greiða. Og þá hefðum við eyðilagt framtíðarviðskipti við Bretland, Belgíu, Holland, Þýskaland, Lúxemborg og ESB. Veit ekki hvað þessir menn vilja að sé gert.

Hinsvegar finnst mér að hér hafi vantað að ríkisstjórn skipaði hóp okkar færustu manna til að vinna að lausnum og framtíðarsýn. Hóp sem mundi upplýsa okkur reglulega á mannamáli, koma sér saman um skynsamlegar lausnir og það væri síðan ríkisins að fara eftir. Helst fyndist mér að stjórnmálamenn hefðu sem minnst átt að koma að því nema framkvæmdinni. Þetta fólk er náttúrulega ekki með þekkingu eða menntun til að að leysa úr þessu.

Og síðan er furðulegt að persónugervingar þessarar kreppu hér eru bara enn við störf. Í bönkunum, í Seðlabanka, í fjármálaeftirliti og embættis og stjórnmálamenn.

Þó það sé sárt að beita sér gegn vinum sínum verða stjórnvöld að andskotast til að fara í það verk að hreinsa til.

Steingrímur J. krefst upplýsinga