Stjórnarandstaðan furðulega sein að "fatta"

Þetta er nú það sem allir hafa verið að tala um síðan sl. ár.Þ.e.að allar aðrar þjóðir hafa verið að þrýsta á okkur að klára þetta mál. Þrýsta, hóta og pressa á okkur. Af hverju heldur stjórnarandstaðan að afgreiðsla AGS hafi dregist? Af hverju halda menn að lána frá Norðurlöndum hafi dregist?

Síðan leyfa þessir labbakútar að koma í ræðustól Alþingis og segja að það gerist ekki neitt þó við drögum Icesave áfram. Þeir tala þarna eins og þeir séu rífast á blogginu og nota meira að segja rök og ræður þaðan. Þeir átta sig ekki á því að þeir eru með líf og heilsu þjóðarinnar í höndunum. Þeir gera sér ekki neina grein eða er sama um það þó að lánshæfismat okkar verði fellt, samningar við önnur lönd verði óljós. Þeir hengja sig í að ef við borgum tökum ekki ábyrgð á þessum innistæðum þá þurfi Bretar og Hollendingar að sækja þetta fyrir Íslenskum dómstólum. Held að það sé ljóst Breta og Hollendingar láta ekki þvinga sig fyrir Íslenska dómstóla. Þeir fara með málið fyrir Evrópu eða EFTA dómsstólinn og með kröfur um að við gætum jafnræðis milli innistæðueigenda og þar sem allar innistæður bæði einstaklinga og fyrirtækja eins og við ábyrgðumst hér á landi. Og þar með sitjum við uppi með að EFTA og ESB dæma okkur til að greiða allar innstæður og við situm uppi með skuldir upp á mun hærri upphæð en við icesave er í dag. 3 til 4.000 milljarða.

Og fyrst síðan hafa þeir getu til að þvinga okkur til að borga. Þeir hafa sterk ítök í AGS og ESB og auk þess eru þessar þjóðir stór viðskipta aðili við flestar þær þjóðir sem við skiptum við .

Það er nú nokkuð ljóst að margir af þeim sem láta mest í sér heyra á þingi eru nú ekki miklar mannvitsbrekkur: Þar fer Höskuldur og Vigdís Hauks, Gunnar framsóknarmaður og Ásbjörn. Á maður að trúa því að þessu fólki með fleirum takist að koma okkur á kaldan klaka þaðan sem við eigum ekki lengur von að verða aftur þjóð meðal þjóða.

Yndislega ótrúlega ómerkilegt

Fullveldi - Icesave -ESB

Hef í tilefni dagsins verið að velta fyrir mér horfum okkar hér á landi næstu árin út frá fullveldinu.

Skv. því sem ég hef kynnt mér er fullveldi falið í eftirfarandi þáttum

 

• þær valdheimildir sem stjórnarskráin felur handhöfum ríkisvaldsins (heimildin til að setja lög, dæma o.s.frv.)
• valdið til að gera samninga við önnur ríki og
• valdið til að ákvarða vald ríkisins (t.d. takmarka það með stjórnarskrárákvæðum) og ákvarða hvaða reglur gildi og í hvaða forgangsröð.

En auðvita er fullveldi okkar líka falið í að vera fjárhagslega sjálfstæð, sem og að önnur ríki viðurkenni fullveldi okkar og vilji gera við okkur samninga. Og eins að við séum meðtekin í heiminum sem fullvalda ríki og virkur þátttakandi í ákvörðunum um mál er snerta okkar hagsmuni.

Nú er staðan hjá okkur sú að við erum með allt niður um okkur í fjármálum

• Við erum ekki lengur afl sem er hlustað á t.d. hjá Nató, í Evrópu eða á heimsvísu. Og erum smá saman að einangrast meir og meir.
• Norðurlandasamstarfið er farið að mótast meir og meir af ákvörðunum sem teknar eru í ESB eða með hliðsjón af ESB og helmingur aðildarríkja Norðurlandaráðs leggja mun meiri áherslu á veru sína í ESB og þá hagsmuni
• Við höfum ekki lengur skjól af USA eins og var áður
• Við erum með handónýta mynt sem gengur hér ekki mikið lengur.

Fólk gleymir oft að við erum þegar búin að afsala okkur hluta fullveldis hvað varðar lagasetningar er snerta viðskipti, fjármálamarkað  og miklu fleira til ESB og höfum ekkert með það að segja. Okkur er bara gert að taka þessar tilskipanir inn í lög.

Icesave málið er búið að skemma traust og virðingu annarra þjóða gagnvart okkur. Og í raun má segja að það geti leitt til þess að þjóðir vilji síður gera við okkur samninga í framtíðinni sem eins og ofan greinir er einmitt hluti af því að vera fullvalda. Og auðvita horfa útlendingar á þegar að við neitum að klára samninga sem við erum búin að skrifa undir.

ESB ríki hafa vissulega framselt meira af fullveldi sínu varðandi lagasetningu til ESB en við með EES. En þó aðeins á þeim sviðum sem falla undir sameignlega þætti ESB. Og það er gert til að jafna stöðu á mörkuðum og þessháttar. En samt sem áður er engin þeirra sem við mundum segja að væri ekki fullvalda, eða ekki sjálfstæð.

En um leið fá þær stuðning á móti frá ESB, þær eru hluti af einu öflugast ríkjasamstarfi í heimi. ESB er að verða eitt þeim samtökum sem mest áhrif hafa í heiminum.

En við erum sífellt að verða meir og meir sker á Norðurhjara, verstöð. Og í framhaldi af þessari stöðu sem við erum í gæti það gerst að fyrir utan að kaupa af okkur óunninn fisk og ál þá verði lítið annað í boði. Og þar með fer menntað fólk að fara til landa þar sem menntun þeirra nýtist.  

Og eftir nokkur ár ef við höfnum aðildarsamning við ESB þá getum við lent í þeirri stöðu að við verðum ekki lengur fjárhagslega, menntun og menningarlega sjálfbær og verðum að segja okkur til sveitar og gráta í ESB að taka við okkur á afar kjörum eða jafnvel að afsala okkur sjálfstæði til einhvers lands.

 

Stenst Icesave stjórnarskrá?