Furðuleg áhersla gamla öldungsins!

Jón Baldvin veit manna best að það verður ákveðin breyting i forystusveit Samfylkingar. Nú er t.d. ljóst að nýr varaformaður verður kosinn. Þá er líka ljóst að Ingibjörg ætlar að verða til hliðar og Jóhanna kemur til með að leiða hugsanlega stjórnarþátttöku eftir kosningar. Jón hlýtur að gera sér grein fyrir að það er ekki hver sem er sem heldur utan um svo breiðan flokk sem jafnaðarmenn eru.

Þá er það nokkuð ljóst að það verða t.d. engar breytingar hjá Vg þannig að fullyrðingar Jóns um að hér verði alherjar endurnýjun hjá öllum flokkum á ekki við rök að styðjast. Það er ljóst að allir þingmenn sem voru á þingi hefðu átt að aðvara þjóðina ef þeir vissu um þetta ástand. Ekki bara stjórnarþingmenn. Sannleikurinn er sennilega að enginn gerði sér grein fyrir að svona algjört hrun blasti við. Og sá tími sem leið frá því að Samfylking myndaði stjórn með Sjálfstæðismönnum reyndist ekki nægur til að vinda ofan af þessu. Sérstaklega frá því að alvarleikin varð ljós síðasta sumar.

Jón held ég að eigi lítið fylgi meðal skráðra Samfylkingarmanna. Sérstaklega þeirra sem koma til með að kjósa um formann.

Jón Baldvin fer fram

Ég var búinn að benda á þetta áður!

Halda menn að bæði ríki og félagasamtök erlendis eigi ekki eftir að einbeita sér að okkur? Við erum þjóð sem megum ekki við neinu. Með því að beita sér gegn íslenskum vörum í nokkra mánuði þá hrinur krónan og viðskipti okkar við útlönd niður úr öllu valdi. Fólk talar um Noreg og Japan geti gert þetta, en þetta eru óvart þjóðir sem eru miklu ríkari en við og ekkert viðkvæmar fyrir smá herferðum gegn þeim.

Við hinsvegar viljum veiða hvali þó við fáum kannski ert fyrir þá og um leið á þetta kannski eftir að valda hruni nokkurra fiskvinnslufyrirtækja og valda okkur auknu atvinnuleysi og margra milljarða tapi á viðskiptum við útlönd.

Allt þetta svo að einn maður geti sinnt áhugamáli sínu og nokkur ársverk. Kannski 30. Því þessar veiðar og vinnsla stendur í 3 til 4 mánuði.

Og bendi sérstaklega á að Alþjóðahvalveiðiráðið hefur verið kanna möguleika á að leyfa takmarkaðar hvalveiðar að nýju. En við gerum eins og venjulega förum ekkert eftir því sem aðrir segja.

Bandaríkin fordæma hvalveiðar

Jæja nú er þetta búið. Nú ætti Alþingi að fara að geta sinnt öðrum brýnum málum

Nú eru allar aðstæður fyrir Alþingi að halda fund allra þingmanna og sameinast um að leggja flokkadrætti til hliðar og sýna þjóðinni að þeir geti nú sameinast síðasta mánuðinn sem þingið starfar við að vinna hratt og örugglega að málum sem varða hag einstaklinga og fyrirtækja. Hætta að rembast við að leggja fram mörg frumvörp um svipaðar lausnir.

• Hvernig væri nú að Alþingi mundi velja sérfræðinga hóp til að koma með tillögur að frumvörpum sem snerta hag verst settu einstaklingana. Sameinast síðan um að flytja það og afgreiða það á 2 dögum?
• Hvernig væri að þingið skipaði síðan annan sérfræðingahóp til að semja frumvörp sem mundu hjálpa til við að koma atvinnulífinu hér af stað. Og flytja það svo sameiginlega og afgreiða það á nokkrum dögum?
• Hvernig væri að Alþingi gengist strax í það að semja um breytingar á kosningalögum og lögum um þjóðaratkvæðagreiðslu og afgreiddi það á nokkrum dögum?

Sem sagt hvernig væri að alþingismenn sýndu þjóðinni að hagsmunir hennar væru þeim efst í huga nú ekki einhverjar leiksýningar til að vekja á sér athygli? Þeir gætu þá lokið því nauðsynlegast fljótt og örugglega og í komandi kosningabaráttu geta þeir vísað í það að þeir sýndu ábyrgð og létu flokkana lönd og leið og unnu fyrir okkur. Held að það gæti nýst þeim í baráttunni.

Búinn að staðfesta lögin

Mér finnst að útgerðarmenn ættu að reka Friðrik ef hann hefur rangt fyrir sér

Maðurinn miðar við veiðar sem verið hafa hér í nafni vísindaveiða. Hér hafa verið drepnar 9 langreiðar síðustu 23 árin. Og síðan einhverjir 50 hrefnur í nafni vísindaveiða. En nú eru veiðarnar margfaldaðar upp í 150 Langreiðar og fullt af hrefnu

Nú þegar hafa fiskkaupendur að fiski frá fiskvinnslu í Þorlákshöfn lýst yfir að þeir hætti að kaupa fisk af þeim ef að hvalveiðar hefjast. Það eru skilst mér viðskipti upp á yfir 3 milljarða. Fleiri fyrirtæki hótað því. Engar líkur er á því að hvalveiðar skili hagnaði fyrr en eftir nokkur ár. EN hann er tilbúinn að fórna tekjum sem eru nú þegar í fisksölu fyrir einn mann. Kristján Loftson sem á skít nóg af peningum og þarf ekkert á þessu að halda. Þetta er bara hobby og þrjóska hjá honum. Hann á útgerð og í fjölda fyrirtækja. Þetta skaffar kannski 150 störf í nokkra mánuði en hvað gagnast það ef að enn fleiri missa vinnu í staðinn.

Þetta hefur lítið verið undirbúið. T.d.

• Hefur Kristján sýnt fram að með ótvíræðum hætti að hann geti selt þetta kjöt. T.d. yfirlýsingu frá Japan bæði ríkisstjórn og innflutningsaðilum?
• Hefur fyrir alvöru verið kannað hvað margir í fiskiðnaði, ferðaþjónustu gætu misst vinnu á móti?
• Hefur eitthvað verið kannað hvaða áhrif þetta er talið hafa á endurreisn álits heimsins á okkur?

Og að gera eins og Friðrik að slá athugasemdir erlendra aðila út af borðinu þar sem að ekki séu beinar hótanir í þeim er fullkomnlega ábyrgðarlaust af talsmanni útgerðarmanna. Því að þeir þurfa væntanlega að selja fisk til vinnslu hér á landi.

Engin störf tapast í fiskvinnslu vegna hvalveiða

Veit ekki hvort að þetta sé rétta leiðin. Ennnnnnnn!

Náttúrulega er Höskuldur að pressa í gegn einhverja breytingu til að réttlæta biðina eftir þessari skýrslu ESB. Veit ekki með stöðu peningamálastefnunefndar, en verð þó að segja í ljósi þess sem gengið hefur á hér síðustu 12 mánuði, þá er ég feginn að einhverstaðar í þessum lögum er nú komin sú skylda að almenningur sé varaður við alvarlegri stöðu í efnahagslífinu.

• Þó verð ég hugsi yfir því að svona viðvörun geti kostað áhlaup á banka að ástæðulausu
• Einnig gæti þetta kostað banka mikil vandræði ef að svona opinber tilkynning mundi hræða erlenda lánveitendur.

Nú er það þingsins að meta það hvort að þessi breytingartillaga er til góðs. Annars verður þessi tillaga bara feld og frumvarpið samþykkt án hennar.

Hljómar samt sem áður vel fyrir okkur almenning að það sé tryggt að við séum ekki skilin eftir í myrkri við svona aðstæður

Seðlabankafrumvarp afgreitt

Gæti talist smjörkípa!

Þetta fer að verða þreytandi! Nú á ríkið bæði gömlu og nýju bankana. Þeir eru held ég vel tölvuvæddir sem og að flestir starfsmenn eru þar enn. Það ætti að vera þeim í lófa lagið að kalla fram þessar upplýsingar. Það gengur ekki að Davíð slái fram í hverju viðtali eða ræðum einhverju hálfkveðnum vísum sem setja allt og alla undir grun.

• Bendi á að flestar viðvarandir Davíðs virðast hafa verið í símtölum við Geir Haarde. Og Geir virðist ekki muna eftir þessu þegar þeim samtölum er lokið. Öll opinber gögn frá Seðlabanka sögðu aðra sögu.
• Bendi á að Davíð talað aldrei við yfirmann bankamála hér á landi Björgvin Sigurðsson
• Bendi á að Davíð þóttist vita af hverju voru sett á okkur Hryðjuverkalög
• Bendi á skýringar Davíðs í gær varðandi Kaupþing sem hafa að mestu verið hrakin af fyrrum forstjóra Singer & Friedlander.
• Bendi á að hryðjuverkalög voru sett á Seðlabanka og Íslenska ríkið. Það segir mönnum að ummæli hans um að við ætluðum ekki að borga voru hugsanlegar orskir þess. Því Bretar hafi trúað því að við ætluðum skv. Davíð að skulda sáralítð erlendis eftir hrunið. Og því hafi þeir talið að við mundum tæma Landsbankan/IceSave erlendis.

Held að nú eigi smjörklipur eftir að lenda hér og þar næstu vikur. Og "Stuttbuxna drengirnir eigi eftir að nýta sér þær sér til framdráttar í kosningabaráttunni.

Gæti talist mútuþægni

Af hverju getur Davíð ekki sætt sig við að það er þörf á algjörri endunýjun?

Á meðan að stór  hluti þjóðarinnar treystir honum ekki. Erlend blöð og sérfræðingar tala um skort á trausti og telja hann orsakavald í hruninu þá verður Davíð að átta sig á að hér er komin upp staða þar sem að menn verða að víkja!

Davíð tók þetta viðtal á köflum og stjórnaði því og kom í veg fyrir að Sigmar gæti spurt ítarlega um mál. Davíð er snillingur í þessu.

 

•  Sigmar fékk ekki að spyrja af hverju Davíð talaði bara við forsætisráðherra.
• Sigmar náði ekki að spyrja fyrst að Davíð gagnrýnir Viðskiptaráðuneytið, af hverju Sagði Björgvin að Davíð hefði aldrei frá því að Björgvin tók við sem ráðherra, rætt við sig
• Af hverju var Seðlabanki að dæla peningum í Kaupþing ef að Davíð vissi að bankarnir voru að hrynja á næstu dögum?
• Af hverju rauk seðlabankinn inn í Glitni og ætlaði að taka yfir 75% hluta hans en síðan var bankinn látinn hrynja?
• Af hverju rauk Seðlabankinn til Þýskalands og tók yfir lán sem þýskur banki var að lána Glitni? 
• Af hverju ef að Davíð vissi 2006 að bankarnir voru allt of stórir, var verið að laga bindiskyldu þeirra að Evrópureglum? Hefði ekki einmitt átt að nota þetta til að koma einhverju stykki á bankana. Af hverju var Davíð ekki búinn að kalla saman aðgerðanefnd 2007 eins og hann gerði 2008. Nefndin hefði þá í samvinnu ríkisins og Seðlabanka reynt að vinda ofan af þessu brjálæði.

En ég er sammála Davíð að sjálfsagt hafa þessir fjármálabrjálæðingar í bönkunum verið búnir að ná hér allt of miklum völdum.

 

• Af hverju lýkur Davíð núna öllum viðtölum og ræðum með hótunum? Nú eru það stjórnmálamenn sem eiga að hafa notið einhverja greiða hjá bönkunum.

En hvernig sem allt þetta reynist og ég trúi nú Davíð rétt mátulega, þá er ljóst að þarna fer snillingur í viðtölum. Ég held að það sé sama hver hefði rætt við hann að allir hefðu lent í þessum pytt. Sigmar var virkilega farinn að láta eins og hann hefði verið allt of vondur við Davíð og gert honum upp skoðanir. Og ég sé á blogginu að margir kjósa að kaupa þetta bragð Davíðs. En fólk ætti að athuga að Sigmar var bara að spyrja um hluti sem allir hafa talað um.

SÍ naut trausts erlendis

Þetta er nú það sem allir flokkar hafa sagt.

Framsóknarflokkurinn er nú að kaupa sér skrautfjaðrir:

•  Það hafa allir sagt að það sé vaxtarlækkun væntanleg í kjölfar fundar með AGS. Menn tala um að hún verði 4% og komi til framkvæmda fyrstu vikuna í mars.
• Ráðherrar m.a. Gylfi Magnússon og flestir ráðherrar aðrir  hafa rætt um að gott væri ef að erlendir kröfuhafar fengju að kaupa hluti í bönkunum eða eignast þá alveg. Minni á umræðu um Kaupþing. Ekki viss um þennan kafla með að ríkið leggi þeim til enn meira eigið fé eða hlutabréf umfram það sem var talað um. Eins ekki víst að erlendir kröfuhafar sætti sig við að ríkð eigi þar meirihluta og öll völd varðandi ákvarðanatökur.
• Eins þá velti ég því fyrir mér hvað þeir eiga við að Lífeyrissjóðir eigi að hafa heimildir til gjaldeyrisviðskipta. Eiga þeir þá að greiða krónubréfin?  En það hefur verið rætt um að lífeyrissjóðirnir kaupi krónubréfin fyrir eignir sínar erlendis og fái í staðinn ríkisskuldabréf. En þetta er ekki ný hugmynd.

Náttúrulega gott að vekja athygli á þessu en þeir eru ekki að benda á neitt nýtt sem flýtt getur fyrir þessu nema að frekari skýringar fylgi. 

Því eru þeir held ég bara að skreyta sig með skrautfjöðrum sem þeir hafa fengið að láni hér og þar. 

Vextir lækki strax

Höskuldur hefði nú kannski átt að skoða þetta betur!

Þetta þýðir að viðræður við Alþjóðagjaldeyrissjóðinn hljóta að frestast þar sem að Davíð er tengiliður okkar við hann.

Eins þá er þetta almenn skýrsla fyrir Evrópusambandið og við ekki bundin af því sem þar stendur.

Eins þá veit þingheimur að þjóðin býður eftir að þau sýni einhvern dug og framtaksemi.

Ef að Höskuldur hafði samráð við Sigmund formann og samþykkt frestun, hvað gerði Birkir Jón þá? Er hann þá ekki að vinna eftir vilja formanns.

Og hvað gerir Höskuldur ef að skýrslan kemur svo ekki á miðvikudag? 

 

Eins langar mig að benda á að hér fór allt hagkerfið á hliðina. Þingmenn eru samt sem áður bara í rólegheitum að undirbúa framboð sitt í prófkjörum. Hefði haldið að það þyrfti minna til að Alþingi ynni mest allan sólarhringinn að afgreiða mál sem nauðsynleg eru fyrir fólkið í landinu. En nei það eru bara rólegheit skv. venju og ekkert reynt til þess að reisa við álit fólks á Alþingi. 

Skynsamlegt að bíða

Ætli það geti ekki frekar verið þetta sem réð úrslitum

Eftirfarandi er úr svari Hannesar Hólsteins á visindavefnum:

Spurning
Hvað hefur Ísland að bjóða umfram Írland sem skattaparadís fyrir erlend fyrirtæki? 
Eins og kemur óbeint fram í spurningunni hefur Írland haslað sér völl hin síðari ár sem fjármálamiðstöð. Nokkurs konar skattafríhafnir voru stofnaðar við Shannon-flugvöll og höfnina í Dyflinni. Erlend fyrirtæki, sem vildu setjast þar að, þurftu ekki að greiða nema 10% tekjuskatt og nutu annarra ívilnana opinberra aðila. Þetta bar góðan árangur. Hagvöxtur var mikill á Írlandi, og árið 2000 urðu lífskjör í landinu í fyrsta skipti betri en meðaltal í Evrópusambandinu.

Skattastefna Íra er hins vegar litin hornauga í háskattalöndum Evrópu, meðal annars vegna þess að erlend og innlend fyrirtæki hafa notið ólíkra skattakjara. Vegna óánægju og kvartana annarra aðildarríkja Evrópusambandsins ákváðu Írar að hækka skatta á erlend fyrirtæki sem settust að á Írlandi, og lækka um leið skatta á innlend fyrirtæki svo að öll slík fyrirtæki bera 12,5% tekjuskatt eftir nokkur ár.

Ísland getur sennilega ekki gert sér vonir um að verða jafnöflug fjármálamiðstöð og Írland vegna smæðar íslenska hagkerfisins, fjarlægðar frá mörkuðum og annarrar sérstöðu. Sem dæmi má nefna að í Írska lýðveldinu búa nú um 3,7 milljónir manna, Írar tala ensku og nota evru frá ársbyrjun 2002. 

En Ísland ætti að geta gert sér vonir um að komast jafnlangt á þessu sviði og eyjan Mön. Þar eru skráð 42 þúsund alþjóðleg fyrirtæki. Þar starfa rúmlega 60 bankar og fjöldi tryggingafélaga, fjárfestingarsjóða og annarra fyrirtækja. Þar eru innstæður í bönkum tífalt meiri en á Íslandi, rúmlega 30 milljarðar Bandaríkjadala. Svipaða sögu er að segja af bresku Ermarsundseyjunum, Jersey og Guernsey. Fyrirtæki á þessum eyjum búa við önnur kjör en á Bretlandi sjálfu en þær tilheyra þó breska ríkinu og hafa það að bakhjarli; nota til dæmis sömu mynt, sterlingspundið.

Ísland er ekki síður í alfaraleið á Norður-Atlantshafi en bresku eyjarnar sem hér voru nefndar. Íslenska þjóðin er þokkalega menntuð, stjórnarfar er stöðugt og peningamál og fjármál í eins góðu lagi og víðast í Evrópu. Spurningin er aðeins, hvort leikreglur hér verði eins hagfelldar fjármálafyrirtækjum og til dæmis á Írlandi, í Lúxemborg, á Mön og á Ermarsundseyjum og hvort hugarfar og viðmót verði eins vinsamlegt.

 

Ekki beint hægt að segja að neðsta settningin sé eitthvað sem við vildum vera í dag.  

Minni líka á orð Hjálmars Sveinssonar í Silfrinu í dag þar sem hann sagði að ein byggingin í tengslum við miðbæinn nýja með tónlistarhúsinu hefði átt að vera WTCR eða  world trade center  Reykjavík. Menn voru náttúrulega bara brjálaðir.

 

 

Aðild að EES réð úrslitum