Svona kannski rétt að einhver bendi Jóni Bjarnasyni á eftirfarandi:

Ef hann var með kröfur í samningaviðræðum upp á 16 til 17% og ESB er með tilboð núna upp á 12 til 14% þá munar ekki nema 2% á því sem hann var tilbúinn að samþykkja og því sem ESB er að bjóða upp á. Þannig að hann þó að maðurinn sé blindaður af hatri á ESB hlýtur að sjá þegar hann segir:

„Undanfarin ár hefur verið talið eðlilegt að hlutur okkar væri 16-17% af heildarveiðinni. Við eigum ekki að gefa mikið eftir frá því

Er það náttúrulega brandari. Því eins og hann segir eru þetta samningar og segjum að mæst verði á miðrileið þá erum við að tala um 15% sem þýðir að við förum 1% niður og ESB 1% upp. Og ég get ekki séð að nokkur sé að skríða fyrir nokkrum.

 

Ísland skríði ekki fyrir ESB

Hvar er Simmi? :)

Bjarni ætti kannski að lesa þetta!

Af vefsvæði Andra Geirs Arinbjarnasonar á eyjan.is

Lexían frá Hong Kong

Um þessar mundir eru 30 ár síðan Hong Kong festi gjaldmiðil sinn við bandaríkjadollar.  Það verður ekki annað sagt en að vel hafi tekist til enda hefur Hong Kond dollarinn staðið af sér allar fjármálakreppur á þessu tímabili.  Þetta er því merkilegra þar sem Hong Kong hafði ekki seðlabanka þegar þessi ákvörðun var tekin og sýnir að það er fleira sem þarf en fínar stofnanir í glæsibyggingum.

Í dag er Hong Kong dollarinn dæmi um hvernig eigi að standa að fastgengisstefnu.  Hornsteinninn í þeirri stefnu er óskuldsettur gjaldeyrisvarasjóður upp á 300 milljarða bandaríkja dollara.  Þetta jafngildir um $43,000 á mann.  Ef við yfirfærum þetta á Ísland jafngildir þetta um 1,700 ma kr eða einni landsframleiðslu.

Það er langt í það að Ísland eignist óskuldsettan gjaldeyrisvaraforða af þeirri stærðargráðu að ekki sé talað um muninn á viðskiptakjörum Hong Kongs og Íslands.  Það er því ljóst að ef Ísland ætlar að reyna að lyfta gjaldeyrishöftum verður ekki byggt á traustum grunni.

Í þessu sambandi liggur Ísland nær Argentínu en Hong Kong og því munu fjárfestar strax byrja að spyrja sig – hvað stendur þetta lengi?  Fyrstur kemur, fyrstur fær, væntingar fara af stað og áður en við vitum eru höftin aftur komin á.

Nei, krónan mun aldrei búa við sama frelsi og kjör og Hong Kong dollarinn.

 

Fjármálastefna til fimm ára

Flott svona á að hefna sín!

Veit ekki alveg hvað menn vilja fá út úr þessu nema hefnd. En svona miðað við að nær allar þjóðir á tímum Icesave töldu 2008 til 2010 að okkur bæri að borga þetta og meira að segja dómur ESA kom flestum á óvart þá held ég að Sjálfstæðismenn fái lítið út úr þessu. Auk þess sem ég rak mig á að þetta er svo illa unnið að þeir eru sífellt að tala um núverandi stjórnvöld hafi skrifað undir þetta og gert hitt. Þau hefðu  betur undirbúið þetta og þó ekki væri bara að uppfæra úr : Núverandi stjórnvöld yfir í þáverandi stjórnvöld!

Svo ef þessir flokkar fara frá í næstu kosningum þá koma næstu flokkar og skipa rannsóknarnefnd um samninga við kröfuhafa vegna krónueigna og sölu á eignarhlutum ríkisins í bönkunum sem nú stendur yfir. Og allir verða voða kátir yfir þessu og þetta verður viðvarandi í stórnmálum landsins. Þ.e. að hefna sín. 

Margir af tillöguflytjendum samþykktu held ég einn eða 2 af þessum Icesavesamningum

Vilja rannsaka embættisfærslur í tengslum við Icesave

Eftir lestur nokkra blogga sem mælast vinsæl á blog.is:

Þá varð mér hugsað til limru stórskáldsins í Kópavogi þar sem hann orti:

Vetur sumar vor og haust
vellur viskan endalaust
en svo er að sjá
ef menn að gá
Að heimskan hefur hæsta raust

 

Og verst er að það er fólk sem trúir þessum einstaklingum sem hafa yfirleitt nákvæmlega ekkert fyrir sér í því sem þeir halda fram. 

 

 

Hvernig væri nú að fara að horfa fram á veginn?

 

Datt í hug eftirfarandi:
Hvernig væri nú að allir Íslendingar hættu að að:
- Horfa sífellt aftur á bak til fyrri tíma
- Sífellt að reyna að finna einhverja aðra til að kenna um vandamál sín sjálfra og þjóðarinnar sem heild
- Sífellt að vera að láta menn sem eru hræddir við allar breytingar ráða umræðu hér á landi

Heldur yrði sest niður og fundið út hvar veikleikar stöðunar í dag eru hverjir eru styrkleikar okkar til framtíðar og hættur og fá færustu menn til að móta leið okkar fram- og uppávið.
Er ekki að verða komið nóg af því að kenna öðrum um þegar núverandi stjórnvöld rökstyðja allt sem þau gera með að fyrri stjórnvöld hafi verið svo slæm. Og fyrri stjórnvöld kendu svo vondu fjármálamönnunum um. Og svo koll af kolli.
Halló staðan er svona í dag. Við breytum ekki fortíðinni en nú þurfum við að móta stefnu til framtiðar sem leiðir okkur til betra lífs.
Held nefnilega að engin sér saklaus af hlutum í fortíðinni. T.d. væru allir að drukkna í skuldum ef að allir hefðu gleypt við þeim gylliboðum sem voru fyrir hrun um að endurfjármagna eignir sínar og kaupa hluabréf, skuldabréf neða kaupa í einhverjum peningamarkaðssjóðum  selja fínu íbúðina sína og byggja skuldsett einbýlishús og svo framvegis.

Taka stöðuna eins og hún er í dag og finna lausnir:

Við viljum gott heilbrigðiskerfi fyrir alla - Hvernig vinnum við að því að laga það?

Við viljum góða menntun fyrir alla - Hvernig tryggjum við það?

Við viljum jafnan og góðan hagvöxt. Hverning tryggjum við það?

Við viljum góða vinnu fyrir flesta og mannsæmandni laun: Hvernig tryggjum við það?

Við erum lítið land og þolum illa að fáir njóti hér einhverja sér kjara- Hvernig tryggjum við það?

Ef fyrir öllu er að setja sér langtímamarkmið sem eru svo skipt í smærri þrep og fara að vinna að því. Engin risastökk sem bitna á öðrum markmiðum heldur er sígandi lukka best. 

Fólk verður að átta sig á að 2007 kemur aldrei aftur. Við getum ekki tekið lífskjör okkar að láni án þess að þurfa síðar að borga það til baka með tilheyrandi dýfum. 

Er krónan ekki löngu fullreynd?

Af eyjan.is eftir Andra Geir Arinbjarnarson. Smá skynsemi svona inn á svæði Heimssýnarliða hér á blog.is 

Krónan + hvíl í friði

Íslendingar hafa tvo kosti: krónuna eða evruna.

Krónunni fylgir krónískur gjaldeyrisskortur, höft, gengisfellingar og lág laun.  Hver skýrslan á fætur annarri lítur dagsins ljós, þar sem erlend fjármálastaða landsins gerir lítið annað en að versna.  Ísland er nú að nálgast þá stöðu sem Glitnir var í fyrir hrun að eiga ekki fyrir erlendum skuldbindingum.  Við það aukast væntingar fjárfesta að á endanum þurfi að semja um allar erlendar skuldbindingar þjóðarinnar og innlendar krónueignir hvar sem þær liggja og/eða að ný neyðarlög séu yfirvofandi.  Þegar slíkar væntingar taka festu fara fjárfestar að búa sig undir það versta.  Brennt barn forðast eldinn.

ESB aðild er engin töfralausn en myndi hjálpa við að opna erlenda fjármálamarkaði og róa erlenda fjárfesta.  Ef Ísland væri á leið inn í ESB og stefndi á upptöku evru yrðu íslenskar eignir eftirsóknaverðari og myndu hækka í verði.  Endurfjármögnun á lánum yrði auðveldari og beinar fjárfestingar áhugaverðari.  Eitt er ljóst hin íslenska fjármálavél myndi keyra mun betur og ódýrara á evrunni en krónunni.

Gott dæmi sem sýnir muninn á evrunni og krónunni er staða grískra og íslenskra banka.  Bæði löndin lentu illilega í hruninu.  En fimm árum síðar eru grískir bankar eftirsóknaverðir á alþjóðlegum markaði og hafa hækkað um 46% í kauphöllinni í Aþenu á þessu ári og markaðsvirði þeirra er nú um 0.8 af bókfærðu virði sem mun gera grísku ríkisstjórninni mun auðveldara að selja sinn hlut á viðunandi verði.

Á Íslandi er enginn banki á markaði fimm árum eftir hrun, og enn er langt í það að ríkið geti endurheimt þá peninga sem skattgreiðendur lögðu í bankana og nú væri gott að geta notað í fjársvelt heilbrigðiskerfi.  Seinagangur og vandræðagangur fylgir krónunni, hún er sem sandur í gangvirki fjármálakerfisins.

Þetta sjá erlendir fjárfestar og það sem truflar þá er að Ísland skuli velja krónuna framyfir evruna sem aðeins mun gera vandamálið óleysanlegt.  Það er ekki skynsamlegt að fara með fjármagn inn í slíkt umhverfi.  Þannig stuðlar krónan að vítahring sem mun viðhalda höftum, gjaldeyrisskorti og lágum launum í framtíðinni.

Þessi staða er því sorglegri þar sem Ísland bíður upp á betri ávöxtunartækifæri og efnahagshorfur en Grikkland aðeins ef Ísland hefði alvöru gjaldmiðil.  Grikkir völdu rétt í að halda í evruna í stað þess að fara íslensku leiðina og taka upp gengisfelldan eigin gjaldmiðil sem enginn hefur trú á!

 

Koma þurfi böndum á fjármálakerfið

Eru kirkjur það sem kristni boðar að verði að vera til staðar?

Var að hugsa um það þegar ég las um vandræði safnaða hér um alla Borg vegna skulda - hversu marga milljarða eru við búin að festa í steinsteypu og búnaði í tengslum við þessar krirkjur? Og eins að að stórum hluta er þetta húsnæði nærri ónotað nema í messum og jarðaförum. Þar sem ég bý í Kópavogi eru rétt um kílómeter á mill kirkja.

Ég sé 3 kirkjur frá húsinu þar sem ég bý.. Þessi hús fyrir utan skrifstofu prestana standa svo ónotuð að mestu allan sólarhringin nema við athafnir.
Var að horfa á þátt um daginn á BBC stöð þar sem var verið að sýna frá húsnæði þar sem kirkjum var breytt í íbúðahúsnæði, tónlistarstúdíó og fleira og það var engin smá fjöldi af kirkjum sem var afhelgaður þegar söfnuðir lögðust niður eða fluttu.

Það er því spurning hvort að það væri ekki rétt að skoða það hvort að söfnuðir gætu ekki sameinast og selt aðra hvora krikju og þeim breytt í íbúðir, tónlistarsali, skemmtistaði eða bara eitthvað. Viss um að margir gætu nýtt þessi hús. Er ekki viss um að boðskapur kristni kalli á svona hallir til að koma saman í til að tilbiðja Guð. Er farið að minna mann á musterin sem að Jesú er sagður hafa haft mikið við að athuga og peningaplokkið í kring um það.
Mætti í staðinn borga prestum betur þannig að þeir þurfi ekki að rukka fólk um þjónustu sína. Sem og kórum. Væri hægt að nota hluta af safnaðargjöldum okkar til að borga inn á jarðaförina þannig að ættingja þyrftu ekki að borga milljónir til að koma okkur í jörðinna.

Ætli fjárlög næsta árs verði "teygjanleg"?

Svona eins og "strax" hjá Vigdísi?

Grínlaust þá finnst mér að nú eigi að Alþingi að taka völdin af skítkösturum eins og Sigmundi sem er á því að allir séu á móti sér sem ekki hafa sömu skoðun á málum. Þingmenn allra flokka að hittast og ræða sig niður á lausn sem allir geta við unað að mestu varðandi fjárlög næsta árs. Taka það sem er skynsamlegt í þessu frumvarpi og nota það. Finna leiðir til að hagræða eða auka tekjur og draga úr niðurskurði á þeim sviðum sem fólk almennt vill ekki.

Reyna að ná þrátt fyrir það hallalausum fjárlögum. Reyna að vinna þetta eins og fólk. Hver nefnd Alþingis gæti unnið að sínum köflum frumvarpsins. 

Alþingismenn væru menn að meiru ef þeir færu að tala saman milli flokka og viðurkenna að hér er alvarleg staða sem við þurfum að koma okkur út úr.

Það þarf að finna heppilegust einstaklinga til að stýra nefndum eins og fjárlaganefnd. Þ.e. fólk sem getur náð sáttum milli skoðana. Og svo fyrir áramót þá yrðu fjárlög á endanum afgreidd út úr nefnd sem mest af allri fjárlagnefnd. Og það yrði skýrt að þetta væru þá fjárlög alls Alþingis en ekki ríkisstjórnarinnar. Þannig að engin væri að eigna sér heiðurinn af þessu sérstaklega heldur Alþingi í heild.

„Anda með nefinu; klukkan er ekki orðin ellefu“

Svona að velta fyrir mér!

Hefði veiðigjaldið verið lagað til án þess að lækka það, VSK á gistiþjónustu verið haldið óbreyttu og auðlegðarskattur óbreyttur - Hefði þá ekki verið hægt að sleppa legugjöldum á sjúkrahúsum og komugjöldum á heilsugæsluna, hefði ekki verið hægt að auka framlög til Landspítalans? Hefði ekki verið hægt hækka skattleysismörk? Eða lækka skatta á lægstu launin. Sbr

Sá sem er með 500.000 á mánuði fær 2.500 krónur í skattalækkun. Sá sem er með 300.000, fær 600 krónur. Svo munu þeir endurtaka það aftur og aftur að þeir hafi lækkað skatta. Ég legg til að millistéttin afþakki þessa ölmusu og óski eftir að þessi 0,8% verði sett í heilbrigðiskerfið." Og sá sem er með 240 þúsund fær bara ekki neitt í skattalækkun

 

Nú eða hefði þá ekki verið hægt að greiða niður skuldir ríkisins enn hraðar. Þ.e. Ríkið afsalaði sér um 15 til 20 milljörðum af mögulegum skatttekjum með ákvörðunum í sumar sem hefðu getað gert fjárlögin jákvæð um þá upphæð eða niðurskurðurinn minn eða t.d. gert stóra hluti fyrir Landspítalan.

Hækka bankaskatt um 11,3 milljarða