Kaffibandalagið úti.

Ég verð að segja að mín tilfinning er að Vg og Samfylking eigi hér með að slíta þessu tali um samstarf við Frjálslynda nú. Þar hafa náð völdum aðilar sem hafa farið fremstir í að ala á fordómum gagnvart útlendingum á Íslandi.

Í framhaldinu eiga Vg og Samfylking að lýsa áhuga á samstarfi eftir kosningar og leggja áherslu á velferðarstjórn með umhverfismál og umhverfisvernd sem eitt stærsta málið. Gæti séð fyrir mér að flokkarnir settust niður nú á þessum næstu vikum og athuguðu hvernig stefna þeirra í umhverfis málum rýmar saman. Og hvort að þeir gætu kynnt fólki hvernig sáttmáli þeirra í þeim flokki gæti litið út. Þar með gæfist fólk i á að meta það hvað það fengi við að kjósa þessa flokka í meirihluta.

Frétt af mbl.is

  Steingrímur: Fyrirfram útilokað samstarf við flokka sem gera út á andúð í garð útlendinga
Innlent | mbl.is | 2.2.2007 | 7:50
Steingrímur J. Sigfússon, formaður Vinstrihreyfingarinnar-græns framboðs, segir í grein í Morgunblaðinu í dag, að ef svo dapurlega eigi eftir að fara í íslenskum stjórnmálum að þar gangi fram flokkur sem beinlínis geri út á andúð í garð fólks af erlendum uppruna og daðri við kynþáttaaðgreiningarhyggju þá sé samstarf fyrirfram útilokað við slíka flokka.

Steingrímur: Fyrirfram útilokað samstarf við flokka sem gera út á andúð í garð útlendinga

"Greiningardeild" Félags fasteignasala?

Rakst á þetta inn á www.visir.is . Datt svona í hug fyrst að: Allir eru nú komnir með greiningardeildir. Ég hef nú svona að undaförnu heyrt aðallega frá þeim að þeir séu farnir að óttast um vinnunna því að þeir mótmæla í umvörpum úrskurðum kærunefn Félags fasteignasala sem úrskurða að fastaeignasalar megi vera með ótakmarkað af sölumönnum í starfi hjá sér.

Núna kemur spá frá "Greiningardeild fasteignasala" sem telur að fasteignaverð eigi eftir að hækka á árinu og sala að aukast. Kannski rétt - en þetta gæti nú líka verið óskhyggja eða auglýsing frá þeim.

Svona fyrst við erum farin að tala um fasteignasala þá undrast ég alltaf hversu mikið þeir fá í sölulaun fyrir litla vinnu. Erlendis eru fasteignasalar mun meiri þátttakendur í sölunni. Þeir fylgja hugsanlegum kaupendum þegar þeir skoða eignina og þessháttar. Hér taka þeir út íbúð og mynda hana. Setja á netið og hugsanlega auglýsingu í blöð en síðan er þetta mest í höndum seljanda sjálfs þar til að kauptilboð og samningar eru á borðinu. Fasteignasalar rukka svo um ýmis aukagjöld fyrir hluti sem seljandi gæti gert sjálfur eins og þinglýsingar og þessháttar. Það er því spurning hvað felst í þessari söluprósentu sem þeir eru að fá.  En þeir bæta þessum gjöldum bara ofan á það.

Þetta er eins og bankarnir sem taka þjónustugjöld fyrir þjónustu sem ætti að að vera inn í vaxtamun hjá þeim.

 

Fréttablaðið, 02. feb. 2007 01:00

Spá hækkandi fasteignaverði

Greiningardeild Félags fasteignasala telur að líflegt ár sé fram undan á fasteignamarkaðnum.
Fasteignasalar segja góðar horfur í atvinnumálum og góðan kaupmátt vísbendingu um að fasteignaverð hækki.

Að því er segir í athugunum greiningardeildar Félags fasteignasala leiðir aukin velmegun yfirleitt til þess að fleiri fermetrar húsnæðis verði á hvern einstakling. Einnig sé lánaframboð nú meira en árið 2006. „Viðskiptabankarnir eru almennt farnir að lána aftur til fasteignakaupa eftir að hafa nánast dregið sig út af markaðnum í fyrra," segir greiningardeildin.

Þá er sagt að hjöðnun verðbólgu ásamt fyrirhugaðri lækkun á virðis­aukaskatti á matvæli muni leiða til hagstæðari umhverfis fyrir kaupendur fasteigna. Mikil eftirspurn hafi verið í janúar og sala aukist.

Fasteignasalar segja mikla fólksfjölgun leiða til aukinnar eftirspurnar. Enn hafi ekki skilað sér að fullu hækkun á verðmæti lóða og tiltekinna staðsetninga. „Sú hækkun virðist í sumum tilfellum ekki vera komin að fullu inn varðandi notaðar eignir," segir greiningardeildin.

Eina forsenduna fyrir aukinni eftirspurn segja fasteignasalar vera ört vaxandi áhuga útlendinga á að kaupa húsnæði á Íslandi. „Ekkert lát virðist á þeirri þróun," segir greiningardeildin sem kemst að þeirri niðurstöðu að verð fasteigna muni á þessu ári hækka „nokkuð umfram verðbólgu."