Þessar afsakanir eru nú út í hött.

Að reyna að segja okkur að ofmargar bensínstöðvar séu orsök fyrir of háu bensínverði er náttúrulega út í hött. Það eru jú olíufyrirtækin sem eru að byggja þessar bensínstöðvar. Þeir verða bara að viðurkenna að þeir eru að okra.

Og þessa ástæðu kaupi ég ekki heldur:

Hermann Guðmundsson, forstjóri Olíufélagsins, segir legu landsins og smæð markaðarins skýra að hluta hvers vegna álagning sé hærri hér á landi. Flutnings- og dreifingarkostnaður verði ætíð mun meiri hér en á meginlandi Evrópu.

Þeir eru bara að okra á okkur enda sýnir fjárfesting þessara fyrirtækja í gegn um árin að þeir hafa haft af okkur milljarða. Flutningskosnaður er ekkert svo miklu meiri en annarra þjóða sem fá olíu með skipum.

Frétt af mbl.is

  130% hærri álagning
Innlent | Morgunblaðið | 1.2.2007 | 5:30
Álagning olíufélaganna í bensínsölu er um 130% hærri hér á landi en í löndum Evrópusambandsins. Meðalálagning íslensku olíufélaganna var um 19,1 króna af hverjum seldum bensínlítra á árinu 2006 en í svokölluðum EU-15 löndum ESB var hún hins vegar 8,4 krónur.

130% hærri álagning

Athugasemdir

[Hilmar Vilberg Gylfason (IP-tala skráð) 1.2.2007 kl. 10:28]

Því miður er þetta nú rétt hjá olíuforstjóranum að öllu leyti.  Vegna okurs ríkisins er dreifing á Íslandi mun dýrari en í Evrópu.  50% skattlagning á OLÍU og BENSÍN ásamt okur þungaskatti á stóra bíla veldur því að það verður allt mjög dýrt á Íslandi.  Og finnst fólki 15-20% álagning virkilega vera mikið.... spyrjið hvaða innkaupastjóra eða verslunarstjóra sem er og þeir myndu hlæja að því.  Normal álagning í verslun á Íslandi er 50-150%......

[Magnús Helgi Björgvinsson, 1.2.2007 kl. 10:31]

Þá eiga olíufélögin að setja upp fleiri birgðarstöðvar. Þeir landa í dag nær allri olíu hér á höfuðborgarsvæðinu og keyra það út um land. Þetta er engin afsökun