Verður svæðið einhverntíma eins og áður?

Gunnar hefur farið mikinn í dag og látið vita að málið sé öllum öðrum að kenna. Framkvæmdaleyfið hafi ekki verið komið en Kópavogur var bara viss um að gleymt hefði að senda það.

En síðan ræðir hann um að svæðinu verið skilað eins og áður. En verður það nokkurntíma. Ég geri ekki ráðfyrir að æskilegt sé að gróðursetja yfir leiðslu þar sem að hún gæti bilað og þurft að grafa hana upp. En það spyr enginn að því.

Frétt af mbl.is

  Jákvæð niðurstaða af fundi Skógræktarfélags Reykjavíkur og Kópavogsbæjar
Innlent | mbl.is | 20.2.2007 | 18:04
Gunnar I. Birgisson, bæjarstjóri Kópavogs, segir bæjarstjórn Kópavogs og Skógræktarfélag Reykjavíkur hafa átt góðan fund í dag þar sem menn hafi náð að stilla saman strengina. „Eins og í góðu hjónabandi verða menn að tala saman og ég held að það hafi margt skýrst í þessu. Ég held að margir hafi farið heldur geyst í þessu máli,“ sagði Gunnar í samtali við Fréttavef Morgunblaðsins. Hann segir að ákveðið hafi verið að halda annan fund í vikunni.

En svo þegar hann er búinn að lýsa því að allt sé á réttu róli byrjar hann aftur:

www.ruv.is

Fyrst birt: 20.02.2007 20:59

Síðast uppfært: 20.02.2007 22:03

Heiðmerkurmál: Frágangur stórhættulegur

Fulltrúar Kópavogsbæjar funduðu með Skógræktarfélagi Reykjavíkur í dag vegna þeirra deilumála sem upp hafa komið vegna vatnslagna bæjarins í Heiðmörk og brottnámi trjáa. Samskiptaörðugleikarnir eru hinum megin lækjarins að sögn bæjarstjórans, það er hjá Reykjavíkurborg.

Skurðirnir í Heiðmörk eru 10 til 15 metra djúpir og ógirtir. Engin varúðarmerki eru á svæðinu. Forstjóri Vinnueftirlitsins gerir alvarlegar athugasemdir við fráganginn sem hann segir stórhættulegan.

Borgin hefur ekki gefið út framkvæmdaleyfi vegna framkvæmdanna í Heiðmörk. Þær voru stöðvaðar fyrir tæpum tveimur vikum. Þá hafa Skógræktarfélag Reykjavíkur og Orkuveitan, auk borgarinnar, gert alvarlegar athugasemdir við flesta þætti framkvæmdarinnar. Í gær fann lögreglan tugi trjáa úr Heiðmörk á afgirtu svæði hjá verktaka í Hafnarfirði. Framkvæmdastjóri Skógræktarfélagsins gerði athugasemdir veið að ekki hafi verið leitað til hans um að geyma trén. Lögreglan rannsakar nú hvort til hafi staðið að selja þau en Gunnar Birgisson, bæjarstjóri Kópavogs, segir að til standi að ganga frá lagnasvæðinu með því að gróðursetja trén þar aftur.

Jákvæð niðurstaða af fundi Skógræktarfélags Reykjavíkur og Kópavogsbæjar

www.visir.is

Vísir, 20. feb. 2007 21:30

Alræmdi klósettrúlluþjófurinn varaður við

Rað-klósettrúlluþjófur í Bretlandi hefur fengið viðvörun frá lögreglu eftir að upp komst að hann hefur stolið klósettrúllum af almenningssalernum. Konan er miðaldra og hefur tekið tíu rúllur á dag í að minnsta kosti þrjár vikur. Hún var gripin glóðvolg af bæjarstarfsmönnum í vestur Bridgford í Nottingham. Haft er eftir yfirmanni bæjaryfirvalda í dagblaðinu Metro að ekki sé hægt að horfa framhjá því að eigur bæjarins séu teknar ófrjálsri hendi; “Tíu rúllur á dag safnast saman.”