Smugan ekkert að skafa af þessu.

Í pistli á Smugan.is segir:

Skömmu eftir janúarbyltinguna 2009 spratt formaður Framsóknarflokksins upp eins og túnfífill að vori.  Hann gerðist flokksbundinn framsóknarmaður mánuði fyrir formannskjör í þessum flokki sem var hálf munaðarlaus, eftir hamfarirnar í íslensku samfélagi  og tók við kórónunni úr hendi  Valgerðar Sverrisdóttur, ráðherrans sem einkavæddi bankanna og lék lykilhlutverk við byggingu Kárahnjúkavirkjunar. Hann var fyrsti formaðurinn í stjórnarandstöðu sem svaraði ekki í síma, heldur lét aðstoðarmann sinn, fyrrum kynningarfulltrúa KB banka, taka niður tímapantanir.

 

Sléttfeitur, drýldinn og vatnsgreiddur, með æfða sjónvarpsframkomu, greip hann hvern boltann á fætur öðrum á lofti, Icesave- skuldaniðurfellingar-útlendingaótta, allt sem vel til vinsælda var fallið. Hann varð hetja hins sjálfstæða Íslendings, flutti úr Þingholtunum í úthverfi, úðaði I sig feitu lambakjöti og féll frá framboði í Reykjavík og flutti sig í Norðausturkjördæmi.

 

Byltingin sem hófst á Austurvelli haustið 2008 og heimtaði valdið í hendur fólksins hefur nú fundið hinn sanna íslenska alþýðumann. Hann á nokkur hundruð milljónir í banka og helsti bakhjarl hans er ein spilltasta pólitíska elíta Íslands. Þetta er maðurinn sem er um það bil að brjóta blað í sögunni og leiða smáflokkinn sinn í hartnær hreina meirihlutastjórn eins og landið liggur núna. Hann ætlar að kaupa atkvæðin okkar, mestmegnis með skattfé sem við leggjum sjálf til og peningum sem annars færu í að borga erlendar skuldir, en vextir af þeim gera það meðal annars að verkum að velferðarkerfið er að molna í sundur.

 

Svo segja menn að Álfheiður Ingadóttir hafi stjórnað byltingunni gegnum farsíma. Hvað var manneskjan að hugsa? (Þóra Kristín Ásgeirsdóttir)

 

Framsókn eykur forskotið

Bíddu er Framsókn að draga í land með afnám verðtryggingar?

Jæja kominn aftur og byrjaður að pirra mig á Framsókn.

Kosningaloforð þeirra var fyrir nokkrum vikum skilyrðislaus afnám verðtryggingar en er nú komið niður í þetta. 

Finnst þetta orðið hljóma eins og aðrir flokkar. Þ.e. draga úr vægi verðtryggingar: