Nú er rétt að rifja þetta aðeins upp!

Fólk er kannski búið að gleyma afhverjur þessi óánægja heilbrigðisstétta í starfi hjá ríkinu hófst.

Jú ef minni mitt er rétt þá hófst þetta með að ríkið gerði samninga um verulegar hækkanir til sérfræðilækna sem reka eigin stofur víða um bæinn. Við það urðu lækanr í störfum hjá ríkinu brjálaðir og svo var samið við þá. Við það urðu hjúkrunarfræðingar brjálaðir sem og aðrar stéttir inn í heilbrigðiskerfinu.  Þetta er náttúrulega mál sem sýnir að menn horfa aldrei í heildarmyndina áður en farið er af stað.

Held að við þurfum að hræðast það að þegar einkasrekin heilbrigðisþjónusta nær hér yfirhöndinni þá muni ríkið bakka út úr rekstri og einkaaðilar náð hér þeirri stöðu að geta rukkað eins og þeir vilja. Nú ef ríkið borgar ekki fyrir þig þá verður mismunirinn rukkaður beint af þér. Eins og jú er farið að gera óspart í dag. Við borgum jú um 30% af heilbrigðisþjónustunni beint úr eigin vasa nú þegar!

KÍ styrkir BHM um 15 milljónir króna

Svona smá orðsending til ríkisstjórnarinnar!

"Háttvirt" ríkisstjórn!

Þið sem þráið að vera elskuð! Jafnvel svo að þið leynið samningum sem þið eruð búin að gera til að geta haldið gríðarlega kynningu á því hvað þið eruð jú dugleg að berja á kröfuhöfum og ætlið sko að setja á þá skatt ef þeir semja ekki við ykkur!

Langar að benda ykkur á eftirfarandi:

Finnst ykkur skrítið að fólk krefjist verulega launahækkana þegar þið hafið verið í fjölmiðlum allt þetta kjörtímabil og sagt að framundan og nú sé í raun hafið gullaldarskeið hér á Íslandi. Kröfuhafar borgi milljarða hundraði í ríkiskassann ef ekki þúsundir milljarða.

Um leið þá lækkið tekjur ríkisins af sköttum t.d. með að afsala auðlegðargjaldinu, lækka veiðigjöld og boði enn meiri lækkanir skatta.

Þið semjið við lækna upp á tugi % Eðlilega af því að þeir væru annars ekki að koma til starfa eða myndu halda á braut.

Þið hlutuð að vita að læknar vinna á sama stað og geislafræðingar og Lífeindafræðingar sem og hjúkrunarfræðingar. Því getur það ekki komið ykkur á óvart að þau bera sig saman um laun og launakjör.

Hjúkrunarfræðingar eru örugglega jafn eftirsóttir starfskraftar víða um lönd og læknar. Og því hefur ykkur verið þetta ljóst frá því um áramót að þið þyrftuð að hækka þeirra laun til jafns við lækan eða í áttina að því.

En svo ég víki aftur að upphafinu. Það er til lítils að vera að reyna að kaupa ást þjóðarinnar á ykkur með því að gapa um alla velmegun og velsæld sem hér sé komin ef að fólk finnur hana ekki.

Það er nauðsynlegt fyrir ykkur að skoða það alvarlega að endurnýjun á hjúkrunarfræðingum er að verða alvarlegt vandamál því margar þeirra eru að nálgast eftirlaun og það eru ekki að koma inn nægur fjöldi af yngri og ný útskrifuðum í staðinn. Og því vantar stöðugt inn á sjúkrahúsin. Þá kjósa þær yngri að vinna ekki fulla vinnu heldur að vera í hlutastörfum svo þær geti m.a. tekið þátt í uppeldi barna sinna en sé ekki alltaf á kvöld og næturvöktum.

Þetta sama á við aðrar stéttir í heilbrigðiskerfinu.

Það er sagt að það muni allt að 25% á kjörum þeirra og sambærilegra stétta á almenna markaðnum og svo hafa þau bent á að greiðslur af námslánum nema nærri einum mánaðarlaunum á ári.  Og fyrir þetta eru  grunnlaun nýrra hjúkrunarfræðinga 304 þúsund.

Og sama á við Geislafræðinga og lífefnafræðinga nema að þeirra laun eru enn lægri.

 

Ríkisstjórn sem lækkar skatta á þá ríku hægri vinstri og efri millistétt auk þess að afsala sér ýmsum föstu tekjum áður en þessi mál voru kláruð, kaupir sér engar vinsældir og á enga vorkunn skilið. Aðilar á almennamarkaðnum gátu náð samningum en ríkið hefur haft lengri tíma en þeir til að ná niðurstöðu.

Af Austurvelli á þingpallana

Svona kannski rétta að benda fólki á nokkra hluti varðandi stöðu Þórunnar!

• Hjúkrunarfræðingar eru ekki í BHM. Þau eru sjálfstætt félag utan BHM og semja sér. Þórunn kemur ekkert að þeirra semningum.
• Fólk virðist alveg vera búið að gleyma að BHM er ekki einkafélag Þórunnar. Það eru 17 félög  sem eiga í þessari deilu.
• Félögin í BHM voru komin í verkfall þegar að Þórunn var kjörinn formaður!
• Það væri nú skolli skrítinn formaður sambands stéttarfélaga sem væri glaður með að lög væru sett á deilur félagana.
• Þórunn var vissulega þingmaður á þessum tíma og þá var Eyjarfjallagosið í fullum gangi, hrunið ófrágengið og Ísland stóð á tæpasta vaði. Og til stóð að stoppa alla flugumferð til og frá landinu.
• Þórunn hefur ekkert með það að gera hvaða tilboði viðkomandi stéttarfélög eru tilbúin að samþykkja.

Þetta bull í fólki að rugla saman fyrri störfum hennar og núverandi eru út í hött. BHM eru samtök háskólamenntaðra starfsmanna ríkisins. Félögin er ólík og hvert þeirra með sína eigin stjórn og trúnaðarmannaráð. Þó þau hafi falið sameiginlegri samninganefnd að semja fyrir síg. Þá ræður viðkomandi samninganefnd ekki kröfugerð. Og þessvegna er alltaf verið að segja að samninganefndin þurfi að leita til baklandsins.

 

Studdi lagasetningu fyrir 5 árum

Þegar ég sé myndir af ráðherrabílunum þá dettur mér þetta í hug!

Nú fyrir nokkrum dögum var birt svar við fyrirspurn á Alþingi varðandi bílakaup vegna ráðherra. Þá kom í ljós að keyptir höfðu verið 3 bílar Bens Landcruiser og Landrover fyrir samtals um 36 milljónir! Þessi upphæð hefði dugað í að borga 50 þúsund króna hækkun fyrir um 60 hjúkrunafræðinga í eitt ár.

Lög verði sett á verkföllin

Um leið og ríkisstjórnin vélar um lög á verkfall BHM og hjúkrunarfræðingar er vert að velta fyrir eftirfarandi!

Er ekki kominn timi til að þjóðin fari að velta fyrir sér mati á störfum hér:

Hér má sjá launaseðil hjúkrunarfræðings. Halda menn að sjúrahús væri almennilega rekin án þeirra eða vildi fólk leggjast inn á sjúkra hús þar sem þeir væru ekki til staðar. Halda menn að fólk álmennt leggi á sig 4 til 5 ára hjúkrunarnám fyrir mánaðarlaun upp á 342 þúsund eins og þarna kemur fram. Sér í lagi þar sem verið var að semja um að lágmarkslaun í landinu yrðu 300 þúsund eftir hvað 3 ár.

 

Geislafræðingar og lifefnafræðingar eru með enn lægri mánaðrlaun. Vildu menn vera á sjúkrahúsum þar þeir væru ekki til staðar eða sætta sig við að engar rannsóknir færu fram á sýnum úr blóði þeirra ef þeir yrðu veikir.  Halda menn að fólk komi til með að þyrpast í nám sem borgar undir 300 þúsund í grunnlaun?

Eins er rétt að spurja með allar aðrar stéttir sem nú er verið að taka verkfallsréttinn af. Eins er hægt að segja að ríkið hefur verið í samningaviðræðum við margar stéttir BHM lengur en aðilar almenna markaðsins og fram á síðustu vikur var ríið að bjóða hæst 3,5% hækkun. Og ekkert reynt til að ná samkomulagi. Á meðan hefur ríkið kerfisbundið eytt peningum í annað, lækkað skatta og afsalað sér tekjum og segist nú ekki hafa neitt svigrúm til að ganga til samninga.  Er þetta gáfulegt!

Ég spái því að hjúkrunarfræðingar fari að segja upp í hópum enda bjóðast þeim mánaðarlaun sín með því að vinna í 10 daga í Noregi + ferðir + fæði og uppihald. Um 20 til 30 geislafræðingar eru búnir að segja upp og held að aðrir hópar geri það líka.

Held stundum þegar fólk talar um afætunar sem séu opinberir starfmenn þá viti þeir ekki um hverja þeir eru að tala.  Rakst á þetta á facebook:

Opinberir starfsmenn taka á móti okkur í heiminn, skrá nafnið okkar, fylgjast með heilsufarinu og gæta okkar í hvívetna. Þeir passa okkur, kenna okkur, annast okkur í veikindum eða þegar erfiðleikar steðja að, fylgjast með veðrinu, hafa gætur á náttúrunni og varðveita sameiginlegan arf okkar á hverju því formi sem tjáir að nefna. Þeir hafa svæft okkur, vakið okkur, gegnumlýst, rannsakað, þjálfað, nært, staðið vörð um lög og rétt. Kennt okkur að lesa ljóð, spila á hljóðfæri, fara eftir umferðarreglum, sýnt okkur leikrit, spilað tónlist. Passað upp á gögn, haldið skikk á tölum, talið fiskana í sjónum og grösin á heiðum, reiknað laun,innheimt skatta, borgað laun. Þeir stuðla að því að við séum öll virkir þjóðfélagsþegnar,eflum andlegt og líkamlegt atgervi og fótum okkur í lífsins ólgusjó. Þeir styðja okkur frá vöggu til grafar. Hvað er hægt að biðja um meira? Mér dettur eitt í hug. Það er hægt að biðja um að framlag þeirra sé metið að verðleikum. Menntun þeirra sé viðurkennd og metin til launa.Tryggja þarf mönnun opinberrar þjónustu til framtíðar! ‪

Hjúkrunarfræðingar íhuga að fara

Auðvita hljóta allir að fagna þessu!

Sýnist að í höfuðatriðum sé farið að þeirri línu sem Már hefur kynnt síðustu ár sem skynsamlega leið! Þannig að farið sé eftir línu sem lögð var 2011, Nú hljóta allir að vinna saman að því að klára þessi lög og fara yfir hugsanlega vankannta og koma þessu í gegn.

Nokkur atrið sem þó er vert að skoða:

• Arion og Íslandsbanki koma þá væntanlega í eigu okkar aftur. Það verður að gæta að því að fyrri eigendur eða t.d. MP banki nái ekki þeim bönkum aftur á einhverri útsölu! Helst verður að selja þá til erlendra fjárfesta. VIð viljum ekki aftur svona bankabólu.

 

• Þá finnst manni skrýtið ef að talað hefur verið um að önnur hvor lögfræðistofa landsins hafi verið að vinna fyrir kröfuhafa. Og svo virðist sem þeir séu búnir að samþykkja öll skilyrði stjórnvalda. Hefði búist einhverjum látum.

 

• Þá verður að passa að það verði engir sérvaldir sem moki inn á þeim eignum sem ríkið fær í hendur við þessa samninga.

En annars leit þessi kynning á aðgerðum bara vel út og stjórn og stjórnarandstaða ætti að geta unnið í sameiningu að því að klára þetta.

Tillögurnar í samræmi við skilyrðin

Launakjör á Íslandi - Hugmynd fyrir blaðamenn!

Nú erum við sífellt meira og meira að bera okkur saman við önnur nágranalönd eðlilega. Hvernig væri að blaðamenn eyddu nokkrum tímum í að kanna eftir farandi:

 

Hvaða laun eru hinar ólíku stéttir með á Íslandi í samanburði t.d. við öll hin Norðurlönd?

Nú hef ég t.d. heyrt að stéttir sem hér eru láglaunastéttir séu mun hærra í launapíramídum annarra landa. T.d heilbrigðisstéttir, kennarar og fleiri. Þannig séu láglauna háskólastéttir hér hærra launaðar miðað við aðra á Norðurlöndum

 

Hvernig væri nú ef að þjóðin er yfirleitt að stefna að Norræna módelinu að fólk skoði þá um hvað hin löndin hafa sæst á. Þar er mat á störfum örugglega nauðsynlegt.

Hef t.d. heyrt að bankamenn séu hlutfallslega mun hærri hér miðað við aðrar séttir heldur en í löndunum í kring um okkur. Eins með aðra stjórnendur !

 

„Lögbundin heimild til að valda skaða“

Er þetta ekki bara lygasaga úr ógeðslegu ESB landi?

Egill Helgason hlýtur að vera að ljúga að fóllki. Svona getur staðan í Danmörku verið! Þeir hafa jú verið í ESB í marga áratugi!

Miðvikudagur 27.05.2015 - 15:14 - 

Allt í kalda koli?

Ég dvaldi mikið í Kaupmannahöfn þegar ég var unglingur. Þá var eins og allar leiðir lægju þangað.

En það er langt síðan ég kom síðast til Hafnar til annars en að millilenda.

Nú er ég hérna út af vinnu og fer víða um bæinn. Það er merkilegt að sjá breytingarnar.

Það er ekki bara búið að byggja ótal ný hús, grafa neðanjarðarlest heldur er líka merkilegt að sjá hvað öllu er vel við haldið, gömlum byggingum og hverfum.

Það sem blasir við manni alls staðar er í raun ótrúlegt ríkidæmi og velmegun.

En Danir eru auðvitað í Evrópusambandinu, svo þetta hlýtur að vera missýning – það er auðvitað allt í kalda koli.

Með þessa stuðningsmenn ríkisstjórnarinnar þarf stjórnaranstaðan ekki að hafa áhyggur!

Held að ég hafi bara ekki lesið meiri vitleysu en þetta blogg sem finna má hjá Páli Vilhjálmssyni. Og ekki skánar það þegar bloggið er að mestu tilvitnun í Vigdísi Hauksdóttur

Þriðjudagur, 26. maí 2015

Vigdís hafnar ríkissósíalisma Eyglóar

Tilraunir Eyglóar Harðardóttur félagsmálaráðherra að ríkisvæða heimili landsmanna með allsherjarmillifærslum úr ríkissjóði mæta andstöðu samflokksmanna Eyglóar. Vigdís Hauksdóttir skrifar í fésbókarfærslu

ríkisstyrktar bætur út á húsnæði - hverju nafni sem þær nefnast - koma ekki okkur til góða = húsaleigubætur fara í vasa fjárfesta/þeirra sem eiga margar íbúðir til að leigja út - í formi hækkaðrar leigu og vaxtabætur eru "verðlaun" fjármálastofnana hér á landi sem haf vexti í botni - til að landsmenn geti réttlætt það fyrir sér að taka húsnæðislán. Vaxtabætur og húsaleigubætur eru ríkisstyrkir til fjármálaaflanna og hafa ekkert með velferð að gera.

Stórfellt millifærslukerfi fyrir öll heimili landsins er algerlega út úr kú. Til að slíkt kerfi mismuni ekki yrðum við að hafa ríkisverktaka sem byggðu ríkishúsnæði handa öllum landsmönnum. Sósíalismi af þessari sort rann sitt skeið á síðustu öld.

Væri nú gaman að einhver skýrði út fyrir Vigdísi eftirfarandi:

• Ef að ekki kæmu til vaxtabætur eða húsaleigubætur þá gætu þeir sem eru á lágum og millilaunum ekki keypt né leigt.
• Hér á landi eru vextir svo háir að fólk á lágum launum gæti ekki greitt af húsnæðislánum og geta ekki í dag þrátt fyrir vaxtabætur
• Vaxtabætur og húsaleigubætur eru í raun aðferð til að fólk á lágum launum og milliháum geti lifað við krónuna!

Þó að Vigdís sé með sæmileg laun í dag þá eru flestir sem jafnaldrar hennar og yngri að basla við að kaupa sér húsnæði nú eða leigja og þetta eru kaldar kveðjur til þeirra. Fjármálastofnanir fá ekki vaxtabæturnar eða hússleigubætur heldur er það fólkið sem borgar. Nú annars þyrfti hér að borga helmingi hærri laun.

En aðallega er þetta kjaftshögg frá henni til Eyglóar og verður Vigdísi ekki til framdráttar enda þarf hún hvort eð er að éta þau ofan í sig þegar hún í fjárlagnefnd þarf að samþykkja nýju lögin og útgjöldin þegar þar að kemur. Hún gerir það alltaf.

Um Pál þarf ekki að fjölyrða. Hann hefur ekki minnsta áhuga á hag annarra! Það er bara hann!

Þveröfug áhrif húsaleigufrumvarps

Vigdís segir að þetta séu allt aðgerðir Samfylkingar!

Vigdís Hauksdóttir hefur nú ítrekað komi á Stöð 2 og á Bylgjuna er búin að finna eftirfarandi út:

• Öll stéttarfélög eru í aðgerðurm af því að Samfylkingin sagði þeim að gera það.
• Flestir fjölmiðlar eru málgögn Samfylkingar
• Á síðasta kjörtímabili þá sagði Samfylkingin stéttarfélögum að boða ekki til verkfalla. Þetta vissu allir sagði hún og hafi m.a. komið fram á Alþingi
• Tæknimenn hjá RUV sömdu svo ekki væri hægt að slökkva á boðskap Samfylkingarinnar
• BHM er bara í aðgerðum af þvi að Samfylkingin vill að þeir geri það. Og auðvita hlýða allir sem kjósa um verkföll Samfylkingunni. Voru þau ekki samþykkt með um 80 til 90% af þeim sem greiddu atkvæði.

 

Veit ekki alveg hvernig framsóknarmenn í Reykjavík tala á sínum fundum en ef þetta bull væri rétt þyrfti Samfylkingin ekki að hafa áhyggjur því allir í verkalýsðfélögunum mundu þá styðja þá. Það rýmar ekki alveg við fylgið í augnablikinu en skv. Vigdísi þá hefur Samfylkingin svo mikil völd um allt að það þarf kannski ekki fleiri Alþingismenn því Samfylkingin er búin að leggja landið undir sig.

Enda sagði Vigdís í dag að það ætti að leggja verklýðsfélög niður eða fólk að ganga úr þeim og semja bara á hverjum vinnustað.

 

 

„Velferð dýranna er stefnt í voða“