Mexíkóskar húsmæður nema strípidans - Það gera Íslenskar konur líka.

Bíddu er þetta ekki sama og er í tísku hér og út um allan heim. Þykir alveg hin best líkamsrækt fyrir utan að gera makan spenntari og stinnari. Það væri kannski meiri frétt ef þær hefðu ekki stundað þetta nýja æði.
"Úr fréttinni
Margar þeirra kvenna sem numið hafa dansinn hafa haldið áfram að sækja námskeiðið og það jafnvel í þrjú ár. Það er fyrrum strípidansari sem rekur þennan sérstaka dansskóla og kennir þar m.a. hvernig dansa eigi við súlu, fækka fötum með eggjandi hætti og dansa í kjöltu karlmanns svo eitthvað sé nefnt."

 

 

En það sem vekur athygli og menn ættu kannski að passa sig á er

  

Frétt af mbl.is

  Mexíkóskar húsmæður nema strípidans
Veröld/Fólk | mbl.is | 28.2.2007 | 10:19
Hundruð húsmæðra sækja nú námskeið í strípidansi í Mexíkóborg og telja það krydda kynlífið og fela þeim aukið vald í svefnherberginu.

Sem sagt að þetta er nýtt bragð í kvennabaráttunni. Því ættu menn kannski að fara að huga að mótvægisaðgerðum til að konur nái ekki yfirhöndinni.

 

Mexíkóskar húsmæður nema strípidans

Skírlífi leiðir til langlífis - Úps þá þarf ég að fara að leggja fyrir til að eiga nógan lífeyri

Þá er víst um að gera að fara að safna til ellinnar því ég sé fram á langlífi skv. þessu.

Frétt af mbl.is

  Langlífur vegna skírlífis?
Veröld/Fólk | mbl.is | 25.2.2007 | 17:28
107 ára Hong Kong-búi, Chan Chi, telur ekki ólíklegt að skírlífi eigi þátt í því að hann hafi náð svo háum aldri. Chan á erfiðara með að standast tóbak og fær sér enn sígarettu af og til. Hann hefur ekki stundað kynlíf í um 80 ár.

Langlífur vegna skírlífis?

Klám getur verið lífshættulegt

Var að lesa þetta á www.visir.is

Vísir, 25. feb. 2007 20:39

Ég kem Dulcineia, ég kem

Þegar James Van Iveren heyrði konu æpa hástöfum, í íbúð nágranna síns, þreif hann sverð afa síns ofan af vegg og þeysti til hjálpar. Hann sparkaði upp hurð nágrannans og æddi inn með brugðinn brandinn. Þetta gerðist í bæ í Wisconsin sem heitir því hljómfagra nafni Oconomowoc.

Nágranninn sagði í lögregluskýrslu að Van Iveren hefði ógnað sér með sverðinu og æpt í sífellu; "Hvar er hún, hvar er hún."

Nágranninn segir einnig að Van Iveren hafi ætt um allt plássið í leit að ungfrúnni í ánauðinni. Honum tókst þó á endnum að sannfæra riddarann hugumstóra um að enga slíka væri að finna í sínum tveggja herbergja kastala. Hann bara setti aftur í gang klámspóluna sem hann hafði verið að horfa á, og leyfði Van Iveren að heyra hljóðin.

 Aldrei get ég lent í svona málum  

Vísir, 21. feb. 2007 21:55

Lögregla, einhver hefur lagað íbúðina mína!

Maður í Þýskalandi kom heim til sín eftir helgarferð og komst að því að brotist hafði verið inn og íbúðin gerð upp. Gunther Hagler hringdi strax í lögregluna.

Engu var stolið, en búið var að mála, hreinsa glugga, setja ný húsgögn og jafnvel skipta um ísskáp. Maturinn úr gamla ísskápnum hafði meira að segja verið færður yfir í þann nýja.


Lögreglan komst fljótt að hinu sanna í málinu. Húsráðandi hafði ráðið iðnaðarmenn til að gera upp íbúðina við hliðiná, en afhenti þeim vitlausan lykil.

www.visir.is

Vísir, 20. feb. 2007 21:30

Alræmdi klósettrúlluþjófurinn varaður við

Rað-klósettrúlluþjófur í Bretlandi hefur fengið viðvörun frá lögreglu eftir að upp komst að hann hefur stolið klósettrúllum af almenningssalernum. Konan er miðaldra og hefur tekið tíu rúllur á dag í að minnsta kosti þrjár vikur. Hún var gripin glóðvolg af bæjarstarfsmönnum í vestur Bridgford í Nottingham. Haft er eftir yfirmanni bæjaryfirvalda í dagblaðinu Metro að ekki sé hægt að horfa framhjá því að eigur bæjarins séu teknar ófrjálsri hendi; “Tíu rúllur á dag safnast saman.”

Góður þessi

Kona dettur um eigið barn og fær skaðabætur.

Las eftirfarandi á www.visir.is  Kona dettur um eigið barn og fær skaðabætur. En ein vitleysan frá Ameríku

Vísir, 15. feb. 2007 14:26

Kathleen meiddi sig

Kviðdómur í Austin í Texas hafði mikla samúð með Kathleen Robertsson sem hafði mátt þola bæði kvalir og vinnutap þegar hún braut á sér öklann. Húsgagnaverslunin þar sem Kathleen öklabrotnaði, harðneitaði að greiða henni nokkrar bætur.

Kviðdómendur voru að vonum hneykslaðir og tóku málstað Kathleen. Þeim þótti hæfilegt að láta húsgagnaverslunina borga henni sex milljónir króna í skaðabætur. Það var jú í húsgagnaversluninni sem barnið var að skríða, sem Kathleen hnaut um. Og hvað með það að það var sonur hennar sjálfrar.

Það gleður dóttur mína best þegar ég hætti að syngja.

Spurning hvort að ég ætti að reyna að komast í Heimsmetabókina fyrir hversu lengi ég fæ að syngja án þess að valda leiðindum.

Frétt af mbl.is

  Söng í 60 klukkustundir til að gleðja veikan eiginmann
Veröld/Fólk | AFP | 15.2.2007 | 8:45
Suður-kóresk kona hefur sett heimsmet í karíókísöng eftir að hafa verið búin að syngja í nærri 60 klukkustundir á Valentínusardaginn til þess að gleðja eiginmann sinn sem á við veikindi að stríða, en hún hóf sönginn á mánudag.

Söng í 60 klukkustundir til að gleðja veikan eiginmann

Þetta er bara fyndið

Einhver með góðann húmor farinn að skjóta inn fréttum á www.visir.is

Vísir, 06. feb. 2007 10:25

Bilaði bíllinn

Bifvélavirki í New York fékk verkbeiðni sem á stóð; Það heyrist alltaf "klúnk" þegar bíllinn beygir. Bifvélavirkinn fór út með bílinn í reynsluakstur. Hann tók hægri beygju, og mikið rétt, það heyrðist "klúnk." Þá tók hann vinstri beygju og það heyrðist aftur "klúnk."

Bifvélavirkinn fór þá aftur á verkstæðið, kíkti í skottið og fann fljótlega vandamálið. Hann skilaði verkbeiðninni aftur, með eftirfarandi athugasemd: "Fjarlægði keilukúlu úr skottinu"

Ætli þetta hafi verið svona "Ljóska"?

Mér finnst svona fréttir fyndnar:

Vísir, 05. feb. 2007 13:45

Kona við stýrið

Amy Brasher, 45 ára, var handtekin í San Antonio, í Texas á dögunum eftir að bifvélavirki tilkynnti lögreglunni um átján pakka af hassi sem höfðu verið faldir í vélarrúmi bílsins hennar. Amy hafði komið með bílinn á verkstæði til þess að láta skipta um olíu. Við yfirheyrslu sagði hún lögreglunni að hún hefði ekki vitað að það þyrfti að opna vélarhlífina til þess að skipta um olíu.

Og þessi frétt hér er fyndin líka:

Hinn fullkomni glæpur ?

Ástralska lögreglan er ekki alveg viss um hvernig hún á að orða ákæru á hendur fyrirtækis sem auglýsti svæsnar klámspólur, í dagblaði þar í landi. Verðið á þessum spólum var töluvert lægra en annarsstaðar, og því sendu margir pöntun og ávísun í pósti, eins og fyrir var lagt. Nokkrum vikum síðar barst svo bréf þar sem sagt var að samkvæmt núgildandi lögum væri ólöglegt að selja þessar spólur.

Fyrirtækið vildi ekki fá á sig kæru og því var ekki hægt að afgreiða pöntunina. Fyrirtækið endurgreiddi hinsvegar kaupverðið með eigin ávísun. Það var þó lítið um að þessar ávísanir væru innleystar. Af einhverjum ástæðum veigraði fólk sér við að fara í bankann með ávísun sem var merkt, STÓRUM stöfum: "Endaþarmsmaka og öfuguggafélagið"