Um lóðaúthlutanir í Kópavogi

 

Var að horfa á Kastljós í kvöld þar sem rætt var um lóðaúthlutanir Kópavogi. Þar voru mætt bæði oddviti Samfylkingarinnar í Kópavogi Guðríður Arnardóttir sem og Gunnsteinn Sigurðsson bæjarfulltrúi Sjálfstæðisflokksins. Gunnsteinn er auk þess skólastjóri Lindaskóla sem Þorsteinn Vilhelmsson styrkti myndarlega á sama tíma og hann stakk upp á að Kópavogur úthlutaði honum lóð sem ekki væri á skipulagi. Fannst reyndar merkilegt að BYKO er að styrkja þetta verkefni í Lindaskóla  líka um leið og þeir eru að sækjast eftir stóru athafnasvæði við höfnina í Kópavogi.

Nú í kastljósi voru þau sammála um að þessi viðkomandi lóð yrði að fara í eðlilegt ferli þar sem henni yrði bætt inn á skipulag og síðan kallað eftir athugasemdum þeirra sem málið snertir. Og síðan öllum frjálst að sækja um þessa lóð.

Ekki viss um að þetta hafi verið áætlun Sjálfstæðismanna í upphafi. En þarna sjáum við mátt fjölmiðla og er það vel.

Ég geri ráð fyrir að þeir sem hafa fengið úthlutað lóð þarna hafi horft til þessa auða svæðis og margir sætti sig ekki við að missa það. Sérstakleg þau sem fengu úthlutað lóðinni við hliðin á þessari fyrirhuguðu lóð. Dálítið gaman að sú sem fékk þá lóð var  í 4 sæti á lista framsóknar í bæjarstjórnarkosningum  síðasta vor.

En fyrir þá sem hafa áhuga á kynna sér þetta betur má benda á síðu Guðríðar

Þetta er glæsilegt hjá Kópavogsbæ

Mig minnir að Reykjavík sé að draga úr stuðningi við Alþjóðahúsið en þarna er Kópavogur að standa sig.

Frétt af mbl.is

  Samið um þjónustu Alþjóðahúss
Innlent | Morgunblaðið | 3.1.2007 | 5:30
Kópavogur | Kópavogsbær hefur endurnýjað samning um þjónustu við Alþjóðahúsið ehf. til eins árs. Bærinn var einn af stofnaðilum hússins árið 2001 og hefur verið með þjónustusamning frá upphafi. Alþjóðahúsið er nú í eigu Kosmos ses.

Samið um þjónustu Alþjóðahúss

Allir slompaðir í vinnunni í Kópavogi

 Ég verð nú að segja þá skoðun mína að þetta er nú ekki smekkleg gjöf frá Kópavogsbæ. Það eru aflaust eitthvað um óvirka alkahólista að vinna þar og sem bæjarfélag þá er þetta ekki að fara með góðu fordæmi. Það að ota víni að fólki er ekki til fyrirmyndar 

Það hefði verið svo margt annað sem hægt hefði verið að gera fyrir svona upphæð.

Svo býta þeir höfuðið af skömminni með því að skrifa kortið aðeins frá bæjarmeirihlutanum.

Fréttablaðið, 03. jan. 2007 06:45

Gáfu tæplega 3.500 vínflöskur

Yfirvöld í Kópavogi sendu starfsmönnum bæjarins tvær léttvínsflöskur í jólagjöf. Bæjaryfirvöld gáfu starfsmönnum konfekt árið 2005 en nú var ákveðið að breyta til enda er léttvín almenn viðurkennd tækifærisgjöf sem mörg fyrirtæki gefa við ýmis tímamót, að sögn Páls Magnússonar bæjarritara í Kópavogi.

Þetta mun vera í fyrsta skipti sem Kópavogsbær gefur starfsmönnum sínum vínflöskur á jólunum og segir hann að starfsmenn bæjarins hafi almennt verið mjög ánægðir með gjöfina.



1.800 starfsmenn vinna hjá Kópavogsbæ og eru um 70 þeirra of ungir til að mega neyta áfengis og fengu þeir því geisladisk með íslensku söngkonunni Lay Low frá bænum að sögn Páls. Bærinn gaf því 3.460 vínflöskur í jólagjafir. Hver flaska kostar 990 krónur í ríkinu.

Guðríður Arnardóttir, oddviti Samfylkingarinnar í bæjarstjórn Kópavogs, segir að hugsunin hafi verið góð hjá bæjaryfirvöldum og hún vilji ekki gagnrýna þau of mikið. „En auðvitað er það alltaf umdeilt þegar menn gefa vín í jólagjöf og ég veit að það var kurr í mörgum vegna þessa," segir Guðríður og bætir því við að það sem hafi stungið hana mest við gjöfina var að á kortinu sem fylgdi kom fram að hún væri frá Gunnari Birgissyni bæjarstjóra og Ómari Stefánssyni, formanni bæjarráðs.

Lóðamál í Kópavogi. Aldrei hægt að fara að reglum

Það er ekki sama hvort það er Jón eða séra Jón. Athyglivert í fréttinni hér fyrir neðan að umrædd Linda Bentsdóttir var að ég held í 3 eða 4 sæti á lista Framsóknar í bæjarstjórnarkosninum:

Fréttablaðið, 03. jan. 2007 06:45

Ætla auðmanni lóð samkvæmt pöntun

Bæjarráð Kópavogs hefur ákveðið að skipulögð verði sérstök lóð í Kórahverfinu fyrir einbýlishús auðmannsins Þorsteins Vilhelmssonar.
Lóðum í Austurkór var úthlutað í nóvember síðastliðnum. Um 300 umsækjendur voru um lóðirnar, sem langflestar, eða um 60 talsins, eru fyrir einbýlishús. Flestir munu hafa sótt um endalóðina Austurkór 159. Meðal þeirra voru hjónin Þorsteinn Vilhelmsson og Þóra Jónsdóttir. Þorsteinn er einna þekktastur fyrir að vera einna svokallaðra Samherjafrænda frá Akureyri. Hann er í dag aðaleigandi fjárfestingafélagsins Atorku.

Við útdrátt kom umrædd lóð í hlut Gunnars Jóhannssonar og Lindu Bentsdóttur. Mánuði síðar, sex dögum fyrir jól, átti Þorsteinn fund með Gunnari I. Birgissyni bæjarstjóra og fór fram á að fyrir hann yrði skipulögð sérstök byggingarlóð á opnu svæði norðvestan við Austurkór 159. Daginn eftir sendi Þorsteinn Gunnari formlegt bréf og vísaði í samtal þeirra:
„Undirritaður leyfir sér jafnframt að ítreka það sem þá kom fram að hann hefur mikinn áhuga á því að búa áfram í Kópavogi," skrifar Þorsteinn bæjarstjóranum.

 

 

„Leyfi ég mér nú að óska eftir því að málið verði tekið til velviljaðrar skoðunar af hálfu Kópavogsbæjar og mér úhlutuð umrædd lóð komi til þess að hún verði samþykkt," segir loks í bréfi Þorsteins sem bæjarstjórinn lagði fyrir bæjarráðsfund 21. desember.

Bæjarráð kvaðst telja jákvætt að skoða hvort hægt væri að koma lóðinni fyrir og óskaði eftir að fá umsögn Smára Smárasonar skipulagsstjóra bæjarins. Smári sagðist ekki gera athugasemd við stofnun lóðarinnar.
Ekki náðist í Gunnar bæjarstjóra sem er í leyfi. Staðgengill hans, Páll Magnússon bæjarritari, segist ekki geta sagt til um hvort Þorsteinn fái lóðina eða hvort hún verði auglýst til úthlutunar samkvæmt gildandi reglum. „Það hefur engin ákvörðun verið tekin um það en hins vegar fer málið af stað að hans beiðni. Bæjarráð mundi væntanlega taka ákvörðun um það hvernig lóðinni yrði ráðstafað ef hún verður til," segir Páll.

Linda Bentsdóttir og Gunnar Jóhannsson, sem verða ekki lengur á endalóð, segjast afar ósátt við vinnubrögð bæjaryfirvalda. „Þetta er í þriðja skipti sem við sækjum um lóð. Nú lentum við í útdrætti og fengum endalóð. Þá er einhver sem er ekki sáttur og þá á bara að búa til lóð við hliðina. Ég vissi ekki að menn gætu bara pantað sér lóðir. Ég mun gera mitt til að reyna að hnekkja þessu," segir Linda Bentsdóttir.

Það hefur farið svo að allar úthlutanir í Kópavogi hafa verið kærðar síðustu ár.

Skipulagsslys í uppsiglingu í Kópavogi

Framkvæmdagleðinn er náttúrulega alveg að drepa Bæjarstjórann í Kópavogi sem telur að heill bæjarbúa þar sé fólgin í því að fjölga sem mest hann má bæjarbúum. En það sem hann gleymir oft er það að þetta fólk þarf að komast á milli sem og að bæjarbúar með börn hræðast þessa stífu umferð sem sker oft hverfin. Sagt er að verktakar hafi mikil áhrif í öðrum bæjarfélögum en í Kópavogi er bænum stjórnað af verktökum.

Nú stendur til að fjölga íbúum í Vesturbæ Kópavogs um meir en helming. Einnig stendur til að byggja stórskipahöfn yst í þeirri byggð. Það sem gleymist er að gera ráð fyrir umferð sem því fylgir bæði vegna fjölgunar sem og vegna stórskipahafnar. Allar akstursleiðir liggja í gengum íbúðarhverfi og fólk er þvi uggandi.

Tölvuteiknuð mynd af fyrirhugaðri landfyllingu og byggingum á Kársnesi.
MYND/frá Kópavogsbæ

Vísir, 12. des. 2006 20:04

Íbúum kynnt nýtt og umdeilt skipulag Kársness

Íbúum Kársness í Kópavogi verður kynnt nýtt rammaskipulag á íbúafundi á morgun, þar sem gert er ráð fyrir endurnýjaðri höfn á tæplega 5 hektara landfyllingu og þéttskipaðri fjölbýlishúsabyggð vestast á nesinu. Íbúar á Kársnesinu eru margir uggandi yfir því að hverfið muni þróast frá þeirri lágreistu og kyrrlátu íbúðabyggð sem það hefur verið.

Miklar breytingar hafa þegar verið samþykktar og eru hafnar með mikilli uppbyggingu á landfyllingu Fossvogsmegin á nesinu, og á Kópavogstúni við Sunnuhlíð og Landsspítalann í Kópavogi. Því er boðað til íbúafundar í Salnum annað kvöld klukkan 20:00 þar sem rammaskipulagið og fyrirhugaðar breytingar verða kynntar.

Nánari upplýsingar eru í fréttatilkynningum frá Íbúasamtökum Kársness annars vegar og annarri frá Kópavogsbæ hér að neðan.

Íbúðasamtök Vesturbæjar hafa sent frá sér eftirfarandi ályktun:

 

Stórskipahöfn á nýrri landfyllingu og helmings fjölgun íbúa fyrirhuguð á Kársnesi í Kópavogi.

 

 

Fréttatilkynning
frá Íbúasamtökum vesturbæjar í Kópavogi
þriðjudaginn 12.12.2006

 

Bæjaryfirvöld í Kópavogi hafa unnið nýtt rammaskipulag fyrir Kársnes þar sem gert er ráð fyrir stórskipahöfn á nýrri, nærri 5 hektara landfyllingu og þéttskipaðri fjölbýlishúsabyggð vestast á Kársnesi í Kópavogi.

Mikill titringur er meðal margra íbúa á Kársnesinu þar sem þessar skipulagstillögur munu þýða grundvallarbreytingu á því umhverfi og samfélagi sem þróast hefur á Kársnesinu.  Hverfið hefur byggst upp á hálfri öld sem gróin, lágreist íbúðabyggð með þröngum götum og rólegu yfirbragði.  Miklar breytingar hafa þegar verið samþykktar og eru hafnar með mikilli uppbyggingu á landfyllingu Fossvogsmegin á nesinu, og á Kópavogstúni við Sunnuhlíð og Landsspítalann í Kópavogi.

 

Miðvikudagskvöldið 13. desember nk. kl. 20:00

boða bæjaryfirvöld til kynningarfundar fyrir íbúa og aðra áhugasama

í Salnum í Kópavogi

 

Þar verða kynntar hugmyndir um gríðarlega uppbyggingu vestast á Kársnesi.

 

Ø      Stórskipahöfn á nýrri landfyllingu - 54 þúsund fermetra athafnasvæði

Ø      Fjölbýlishúsahverfi kring um smábátahöfnina, m.a. á landfyllingu.

Ø      Fjölbýlishúsahverfi á Hafnarbraut, Bakkabraut og Vesturvör

Ø      Stóraukin byggð norðan Vesturvarar

Ø      8 hæða hótel beint fyrir ofan gömlu höfnina

 

Þetta mun hafa veruleg áhrif á umhverfi og líf íbúa á Kársnesi

 

Ø      Umferð einkabíla og atvinnufarartækja mun aukast gríðarlega um þröngar götur þar sem skólabörn eru mikið á ferð.

Ø      Íbúum í vesturbæ fjölgar um 2500 - 3000 (Nú búa um 4300 manns á Kársnesi)

Ø      Þessi fjölgun er  til viðbótar þeirri fjölgun íbúa sem verður með uppbyggingu Bryggjuhverfis og Kópavogstúns

Ø      Alls er gert ráð fyrir um tvöföldun á íbúafjölda í vesturbæ Kópavogs auk atvinnuhúsnæðis.

Hef verið að kynna mér fyrirhugaða byggingarstaði í Kópavogi

Ég verð að segja að ég er ekki sáttur við að Kópavogstún komi til með að líta svona út. Ég held að Kópavogi hefði verið í lófa lagið að nýta þetta svæði fyrir lystigarð eins og Akureyri á sem og Reykjavík. Þessi byggð eins og hún gæti litið út verður eins og ég veit ekki hvað. Mér skilst jafnvel að húsinn verði ennþá stærri.

Þessi mynd sem ég fann á vefnum er reyndar eins og útsýnið á bílaplaninu hjá mér.

En ef ég þekki stjórnvöld í Kópavogi verður helst byggt þarna svona 20 hæða hús og síðan á að byggja stærðar byggð út við höfnina í Kópavogi. Því er nokkuð ljóst að umferðavandræði eiga eftir að hrjá Vesturbæ Kópavogs komandi ár. Því í Kópavogi er byggt fyrst og svo reynt að lappa upp á umferðarmálin þegar nálgast kosningar og fólk er orðið brjálað.

Kópavogur sífellt að fá á sig dóma eða aðfinnslur fyrir lóðaúthlutanir

Það er varla sú lóðaúthlutun í Kópavogi sem að annað hvort er úrskurðuð ólögmæt af félagsmálaráuðneyti eða hjá dómstólum. Það að úthluta lóðum á ekki að fara eftir flokksskirteinum eða vinskap og greiðasemi.

Frétt af mbl.is

  Úthlutun á lóðum í Kópavogi dæmd ólögmæt
Innlent | mbl.is | 22.11.2006 | 11:27
Héraðsdómur Reykjaness hefur komist að þeirri niðurstöðu, að úthlutun bæjarstjórnar Kópavogs á byggingarrétti á tveimur lóðum við Kópavogsbakka í desember á síðasta ári hafi verið ólögmæt og ekki í samræmi við góða og gagnsæja stjórnsýsluhætti

Úthlutun á lóðum í Kópavogi dæmd ólögmæt

Kosningaloforð í Kópavogi

Nú síðasta vor fór Gunnar Birgisson bæjarstjóri mikinn í fjölmiðlum og lofaði nýtt fyrirkomulag um byggingu nýrra hjúkrunarrýma (íbúða) og skv. honum átti bara að redda í hvelli þeirri miklu neyð sem er í þessum málum í Kópavogi. Hannaðar voru miklar byggingar og sýndar glansmyndir af þeim.

Síðan var blaðamannafundur þar sem fulltrúar og flokksbræður Gunnars mættu með honum og skrifuðu undir samning um byggingu og rekstur þessara bygginga og þjónustu.

Nú les ég í fundargerð bæjarstjórnar eftirfarandi:

Með bréfi heilbrigðis- og tryggingamálaráðuneytisins frá 25.09.06, og ákvörðun ráðuneytisins að synja um þátttöku í því tilraunaverkefni sem bygging stoðbýla/hjúkrunarrýma við Boðaþing er, má segja að málið sé komið á byrjunarreit hvað Kópavogsbæ varðar

Á ég að trúa því að hann hafi ekki verið búinn að semja við ríkið um þátttöku í þessu áður en hann lofar þessum framkvæmdum?