Um hversu óhæf stjón Bush er í utanríkismálum

Var að lesa www.jonas.is í dag þar sem hann er eins og oft að fjalla um Bush sem honum er ekki par vel við sem og samstarfsmenn hans. Hann Jónas er ekki einn um það. Birti hér kaflan þar sem hann fjallar um vanhæfi þessa "gengis" en hvet fólk til að lesa greinina sem hann vitnar til. Hún er áhugaverð. Þar kemur t.d. fram að þegar að Ísrael réðst á Líbanon þá talaði Condoliizze um að þar væri hafið framfara skeið í átt að friði í MIð Austurlöndum.

 

30.12.2006
Óhæfa gengið
Óhæfa gengið George W. Bush er gersamlega óhæfur forseti með gersamlega óhæfa ráðgjafa kringum sig. Þótt Donald Rumsfeld sé farinn, er Dick Cheney eftir og Condoleezza Rice, sem eru ekki síður óhæf til starfa. H.D.S. Greenway lýsir þessu ástandi í grein í Boston Globe. Bush mun ekki taka mark á þjóðarsáttarnefnd Jim Baker um að vinda ofan af stríðinu gegn Írak. Þvert á móti hyggst hann magna ófriðinn, senda fleiri hermenn, ýfast við Íran og Sýrland. Hann er líka kominn á bólakaf í stríð við Sómalíu. Greenway á raunar ekki orð yfir hroka og heimsku ráðamanna Bandaríkjanna.

Einar Guðfinns sagð að Bandaríkjamarkaður væri vonlaus og skipti ekki máli

Þetta sýnir hvað maðurinn er þröngsýnn og illa upplýstur. Ömurlegt fyrir hann ef þetta verður arfleið hans í embætti að hafa með gjörsamlega vanhugsuðu leyfi til vinna sinna sem eru áhugamenn um hvalveiðar, eyðilagt framtíðamarkað fyrir landbúnað og þar með möguleika á að landbúnaður gæti orðið sjálfbjarga án ríkisstyrkja.

Frétt af mbl.is

  Spáir íslenskum matvælum vinsældum í Bandaríkjunum á næsta ári
Innlent | mbl.is | 30.12.2006 | 11:15
Dana Cowin, aðalritstjóri bandaríska tímaritsins Food & Wine, spáir því í samtali við bandaríska dagblaðið USA Today, að matvæli frá Íslandi verði vinsæl þar í landi á næsta ári. Hún nefnir sérstaklega íslenskt vatn, skyr og lambakjöt.

Spáir íslenskum matvælum vinsældum í Bandaríkjunum á næsta ári

Ég hélt að Bush væri trúaður maður

Svo fagnar hann þessu.  

Af www.visir.is

Bush Bandaríkjaforseti sagði í yfirlýsingu í nótt að aftaka Saddams væri mikilvægur áfangi á leið Íraks til lýðræðis en aftakan myndi ekki binda enda á ofbeldið í Írak. Margar erfiðar fórnir væru framundan.

Becket, utanríkisráðherra Bretlands, sagðist í yfirlýsingu fagna því að Saddam hefði verið dreginn til ábyrgðar fyrir hluta af mörgum og skelfilegum glæpum sínum.

Í tilkynningu Páfagarðs segir að líflátið sé hörmulegur atburður, eins og aftökur séu alltaf. Hætta á hefndum vofi yfir og kunni að verða kveikja að nýju ofbeldi í Írak.

Hvernig getur aftaka manns verið mikilvægur áfangi í átt að lýðræði?

Hverjur breytir það fyrir Íraka hvort að Saddam er dauður eða ekki? Maðurinn hefði þjónað betur ef hann hefði verið látinn rotna í fangelsi örðum til viðvörunar. Verst er hann var ekki látinn njóta þeirra mannréttinda sem hann var sakaður um að svipa aðra. Réttarhöldin voru skrípaleikur og verjendur fengu ekki tækifæri á að verja hann almennilega. Það að maðurinn var glæpamaður og lét fremja ógurleg verk afsakar ekki að fara ekki lögum. Og hvar endar þetta? Nú drap Saddam fáa eigin hendi heldur voru það hermenn og millistjórnendur. Einn maður getur ekki kúgað heila þjóð og fengið fólk til að framkvæma hluti. Það er ljóst að það var flokkur manna sem stjórnaði og hundruðþúsunda sem framkvæmdu skipanir þeirra. Á að  taka þau öll af lífi?

Eru þá Bush og Blair að býða eftir að verða dregnir til ábyrgðar fyrir óhæfu verk sem hermenn þeirra hafa verið staðnir að í Írak verða þeir kannski dæmdir til dauða? Þegar að reynt var að gera uppreisn í Írak fyrir hva 15 árum þá var búið að lofa andspyrnumönnum aðstoð frá Vesturlöndum en síðan ekkert staðið við það með hörmulegum afleiðingum fyrir andspyrnuhreyfingunna. Á að dæma okkur fyrir þau sem þar dóu?

Þetta er nefnilega ekki alveg þannig að eftir höfðinu dansi limirnir. Því ef við brennum okkur eða rekum okkur á þá hopum við frá alveg sama hvaða skipanir heilinn gaf okkur. Saddam var voðalegur maður en hann stjórnaði í umboði Súníta. Á þá að taka alla Súníta af lífi?

Þetta er þessvegna sem ég er á móti svona dauðadómum.

Bush fagnar aftöku Saddams

Verið að semja um greiðslur til Flugstoða um leið og við missum meiri tekjur til útlanda?

Þetta hér að neðan er náttúrulega brandari. Samgönguráðherra er handhafi hlutabréfsins í Flugstoðum þannir að hann sem fulltrúi eiganda hefði vel getað frestað samningum við félagið enda ríkið að semja við sjálft sig. En klúðrið er að ríkið vissi um að flugumferðastjórar hafa alltaf verið mjög harðir í samningum.

Samningamenn Flugmálastjórnar (flugstoða) eru óvanir þannig samningum. Því hefði verið sterkara að byrja fyrr flytja fréttir af kröfum flugumferðastjórna og a.m.k. tryggja að flugumferðastjórar gætu ekki vísað í að ríkið væri ekki tilbúið a skrifa undir samninga um sömu réttindi (lífeyris) en kæmu bara ekki með yfirlýsingu um að þau haldi. Samningur um það hefði slegið þau vopn úr höndum flugumferðastjóra. Við vitum öll að þeir eru vellaunaðir þannig að svona fréttireins og í dag um að þeir séu með yfir700 þús með yfirvinnu þykir bara ekkert svakalegt í dag. Það hefði þurft að vinna þetta mun betur t.d. bara það sem sagt er af deilunni í fjölmiðlum. Þar hefur félag Flugumferðastjóra nærri spilað eitt og ótruflað.

Ef að þetta verður til þess að við missum af milljörðum í tekjur fyrir flugumferðastjórn á Norður Atlandshafi er þetta mjög misheppnað hjá Sturlu og vanhugsað. Sem minnir á hvalveiðiævintýri Einars Guðfinns og Kristjáns Lofts og fleiri slíkar æfingar.

 

 af www.ruv.is

Fyrst birt: 29.12.2006 17:00

Síðast uppfært: 29.12.2006 20:49

Ráðherra óttast að missa flugumsjón

Sturla Böðvarsson samgönguráðherra, tekur undir áhyggjur um að deila flugumferðastjóra og Flugstoða verði til þess að Íslendingar missi umsjón með stóru flugstjórnarsvæði á Norður-Atlantshafi. Með því myndu tapast árlegar tekjur upp á rúma tvo miljarða króna. Ráðherra segir það mikla skammsýni að tefla þessum hagsmunum í tvísýnu.

Jón Karl Ólafsson, forstjóri Icelandair, sagði í hádegisfréttum Útvarps að hætt sé við því að deila flugumferðastjóra og Flugstoða verði til þess að Íslendingar missi umsjón með stóru flugstjórnarsvæði á Norður-Atlantshafi. Svæðið er 4,3 miljón ferkílómetrar og tekjur af þjónustunni eru 2,3 miljarðar króna á ári.

Sturla telur að nú sé verið að gera allt sem hægt er til að Íslendingar haldi umsjóninni með flugstjórnarsvæðinu. Hann segir að ástandið nú sé ekki kjaradeila. Sturla bendir á að með því að aðskilja eftirlitið og reksturinn á flugþjónustunni sé verið að uppfylla kröfur alþjóðasamfélagsins um flugöryggi.

Þorgeir Pálsson flugmálastjóri, tekur einnig undir áhyggjum að Íslendingar missi umsjón með flugstjórnarsvæðinu á Norður-Atlantshafi. Þorgeir segir að unnið sé hörðum höndum að því að tryggja að Íslendingar hafi áfram umsjón með flugstjórnarsvæðinu. Margs konar tillögur liggi fyrir Alþjóðaflugmálastofnun. Þorgeir segir fullyrðingar Félags íslenskra flugumferðastjóra um að viðbúnaðaráætlun kosti 10 miljónir króna á dag algerlega út í hött. Hann segir flugöryggi ekki minnka um áramót.

Á þriðja tug flugumferðarstjóra hafa ráðið sig til Flugstoða

Björn Bjarnson telur að Jón Ásgeir eigi fjölmiðla aðalega til að hafa áhrif á umræðuna

Alveg er það makalaust að Jón Ásgeir þurfi svona marga fjölmiðla til að láta í sér heyra. Mér finnst ofsóknarkendin hans Björns vaxa dag frá degi. Held að hann sem dómsmálaráðherra ætti að hætta að tætast í kring um þetta mál eins og hann gerir nú í mörgum færslum. Það endar með því að þær eiga eftir að koma sér illa sérstaklega ef að upp koma einhver sakamál gegn Jóni eða Baugi.

Nú er hann að leika sér með því að vitna í þann merka mann Pál Vilhjálmsson sem hefur oft jafn skrítnar hugmyndir og skoðanir og Björn.  Og saman eru þeir svarnir andstæðingar Baugs. Páll er nú frægur af endemum sem einn mesti andstæðingur Samfylkingarinnar en var samt (eða er?) fromaður Samfylkingarfélagsins á Seltjarnarnesi) Með þvi að nota hans og orð og svo í gær orð Péturs Gunnarssonar kemur Björn máli sínu á framfæri.

Björn segir m.a. í dag:

Enn urðu sviptingar í fjölmiðlaheiminum í dag og Páll Vilhjálmsson lýsir þeim á þennan veg á vefsíðu sinni: „Það er heldur ekki aðalmarkmið Jóns Ásgeirs að fjölmiðlareksturinn skili hagnaði. Tilgangurinn er að hafa áhrif á umræðuna og sérstaklega að gæta hagsmuna Jóns Ásgeirs og Baugs í sakamálum sem nú eru til meðferðar í réttarkerfinu. Fjölmiðlar Baugs fylgja þeirri línu að gera sem mest úr misfellum í málatilbúnaði ákæruvaldsins og á hinn bóginn að draga fjöður yfir sakargiftir á hendur Jóni Ásgeiri og félögum hans.“

Páll vekur einnig athygli á sérkennilegri hlið þessara sviptinga í þessari færslu.

Í gær segir hann

Í dag var enn kynnt breyting á starfsemi 365 miðla, DV er skilið frá 365 og stofnað um það nýtt félag en ritstjóri verður Sigurjón M. Egilsson (sme). Af þessu tilefni mátti lesa á bloggsíðu Péturs Gunnarssonar:

 

„Feðgarnir sme og Janus eiga 11% í útgáfufélagi DV, Hjálmur á 49% og 365 40%. Tengslin við útgáfufélag Ísafoldar eru mikil og má segja að hafi einhvern tímann verið til Baugsmiðlar þá sé það nú þar sem Baugur í gegnum Hjálm er orðinn ráðandi eigandi í DV, Ísafold, Veggfóðri, Hér og nú og Bístró, auk þess að eiga tæplega fjórðung í 365.“

Feitletrun er mín. Skyldi Pétur ekki átta sig á því, hve mikla reiði þetta orð kallar yfir þá, sem nota það? Reiði þeirra, sem eiga Baug. Ástæðu reiðinnar hef ég aldrei skilið. Hvers vegna þykja það skammir að kenna einhvern við eiganda sinn?

Svona er hann að tippla í kring um málið með því að vitna í aðra til að koma skoðun sinni á framfæri.

365 miðlar einbeita sér á prentsviði að útgáfu Fréttablaðsins

Fann þetta inn á visir.is. Hefði kannski átt að býða með að setja hana inn fram á nýársdag. Þá hefði ég fengið met heimsóknir á bloggið

Vísir, 29. des. 2006 17:03

Óbrigðult ráð við timburmönnum

Það eru að koma áramót og þá getur stundum verið votviðrasamt innvortis. Það þykir mönnum voða gaman, en kannski ekki eins gaman daginn eftir. En nú er loksins  búið að finna óbrigðult ráð við  timburmönnum.

Menn hafa fundið margar leiðir til þess að draga úr timburmönnum. Í Finnlandi fara menn í sánu. Rússar éta ósköpin öll af kálsúpu. Í Ameríku er Alka Seltzer sagt óbrigðult. Aðrir nota grænt te, ávaxtadrykki, gúrkusafa eða sport-drykki.

Svo vita auðvitað allir að það er gott að borða eitthvað sem löðrar í fitu, eins og til dæmis beikon og egg. Að maður tali nú ekki um mjólkurhristing, eða jurtablöndu með kardimommum. EKKERT af þessu virkar.

En óbrigðula ráðið við timburmönnum ? Verið þið edrú, elskurnar.

Það er ekki verið að leita langt yfir skammt.

Ágætt hjá Valgerði að velja konu. En spurning hvort hún gat ekki fundið einhverja með meiri reynslu af utanríkismálum

Valgerður er heldur  ekki að leita víða. Páll Magnússon búinn að vera aðstoðamaður hennar og nú er konan hans orðinn aðstoðarmaður hennar í staðinn. Þetta sýnir annaðhvort að Framsókn er orðinn lítill flokkur eða aðeins þröng klíka sem þeir hleypa í áberandi stöður. Ætli hún verði líka bæjar eða borgarritari í Reykjavík. Páll er orðinn Bæjarritari í Kópavogi. Hún starfði áður hjá KB banka (sem nú heitir Kaupþing held ég) og fór bróðir Páls ekki þanngað Árni Magnússon. (þetta síðasta var víst bull hjá mér skv. athugasemdum hér við bloggið)

Aðalheiður Sigursveinsdóttir nýr aðstoðarmaður utanríkisráðherra