Hert fita bönnuð í New York

Hvenær koma þessar reglur hingað? Við fylgjum jú oft vinum okkar í Vestri að málum:

Af ruv.is

Fyrst birt: 05.12.2006 21:59

Síðast uppfært: 05.12.2006 22:13

Hert fita bönnuð í New York

Matargöt um allan heim háma í sig franskar kartöflur, djúpsteiktar flögur, pizzur og sötra heitt súkkulaði án þess að átta sig á því, að stórhættuleg, hert fita er notuð í allan þennan varning. Þó ekki í New York, þar sem heilbrigðiseftirlitið ákvað í kvöld að gera herta fitu útlæga úr borginni.

Ákvörðun heilbrigðisyfirvalda í New York kom ekki á óvart en vakti litla kátínu hjá talsmönnum veitingahúsa og skyndibitastaða, sem vita ekki almennilega hvernig þeir eiga að fara að því að djúpsteikja franskar án hertrar fitu. Þeir fá að vísu aðlögunartíma og helstu skyndibitakeðjur Bandaríkjanna gera tilraunir með öðruvísi feiti en herta olíu.

Hert olía er oftast nær jurtaolía sem blandað hefur verið vetni í til að olían harðni og fljóti ekki lengur. Hert fita veldur því að magns vonds kólestróls í blóðinu eykst en góða kólestrólið minnkar. Heilbrigðisyfirvöld segja hvern einasta Bandaríkjamenn innbyrða um tvö kíló af hertri fitu árlega. Hert fita er ekki einungis notuð til steikingar, heldur í bakstur: pizzubotna og kex; en líka tilbúnum súkkulaðidrykkjum sem seldir eru sem duft, svo að dæmi séu tekin.

Úps þetta getur ekki verið holt.

Ég er svo takmarkaður að ég hugsa alltaf rekstur ríkisins eins og heimili eða fyrirtæki. Því er dæmið þannig að það þarf að skapa verðmæti sem síðan eru seld. Fyrir það er síðan keypt eitthvað inn í staðinn. Því er ég á því að við svona mikinn viðskiptahalla séum við í raun að eyða meira en við öflum. Þetta getur gengið um tíma þar sem að hluti þessarar eyðslu kemur til baka í tekjum af fjárfestingum erlendis. En á endanum verða ekki til eignir eða hagnaður til að standa straum af þessum halla. Og þá versna lánakjör okkar, gengið fellur til að gera gjaldeyrinn vermætari í krónum sem veldur því að allt sem er innflutt verður dýrara sem leiðir til kjaradeilna sem leiðir til hækkunar launa umtalsvert sem leiðir til meiri verðbólgu. Og eina sem mönnum dettur í huga er að herða framkvæmdir. Sem þrýstir en á þennan vítahring.

Ég held að í raun sé að koma hér ástand sem gæti farið að minna á tímana milli 1970 og 1990.

 

Frétt af mbl.is

  Viðskiptahalli kominn í 205 milljarða króna
Viðskipti | mbl.is | 5.12.2006 | 16:34
Viðskiptahallinn á þriðja ársfjórðungi var alls 80,8 milljarðar samkvæmt tölum sem Seðlabankinn birti í dag. Á fyrstu níu mánuðum ársins nam viðskiptahallinn 205,3 milljörðum króna samanborið við 103,1 milljarðs króna halla árið áður. Greiningardeild Landsbankans segir að líkur hafi aukist á vaxtahækkun eftir að þessar tölur birtust og að Seðlabankinn hækki vexti um 0,25% á fundi sínum 21. desember.

Og svo gæti farið svo að Íslensk fyrirtæki flýji héðan við slíkt ástand sem ég nefndi hér að ofan

Af ruv.is

Actavis íhugar að flytja úr landi

Lyfjafyrirtækið Actavis á nú í viðræðum við íslensk heilbrigðisyfirvöld um að flytja hluta af framleiðslu sinni á lyfjum á íslenska markaðinn úr landi. Tilgangurinn er að lækka lyfjaverð, samkvæmt samkomulagi við ríkið, en hátt verð á samheitalyfjum hér á landi hefur verið gagnrýnt.

Actavis rekur um 20lyfjaverksmiðjur víða um lönd. Dýrastar í rekstri eru verksmiðjur í Norður-Evrópu og Bandaríkjunum. Fyrirtækið var harðlega gagnrýnt fyrr á árinu vegna verðlagningar á lyfjum á íslenskan markað, en þau gátu verið allt að tíu sinnum dýrari hér en til dæmis í Danmörku.

Verksmiðja Actavis í Hafnarfirði sem framleiðir íslensk lyf fyrir íslenskan markað, er er þar nær allsráðandi á samheitalyfjamarkaðnum, en einingarnar eru smáar og óhagstæðar og lyfin dýr. Í kjölfar gagnrýni, gerðu heilbrigðisyfirvöld samkomulag við Actavis um lækkun lyfjaverðs. Síðan hefur verið hagrætt í verksmiðjunni og skammt er um liðið síðan sautján manns var sagt upp störfum í Hafnarfirði. Tíu þeirra gátu færst til í starfi.

Nú leita forráðamenn fyrirtækisins leiða til að hagræða með því að flytja framleiðslu hluta þeirra lyfja sem fara eiga á íslenskan markað til annarra landa þar sem hægt væri að framleiða þau á ódýrari hátt. Sigurður Óli Ólason, aðstoðarforstjóri Actavis, segir að verið sé að kanna möguleika á framleiðslu í Bretlandi eða annarsstaðar í Evrópu.

 

Viðskiptahalli kominn í 205 milljarða króna

Hverning getur tvöföldun Suðurlandsvegar verið 70% dýrari?

Var að hlust á vegamálastjóra sem sagði að 2+1 vegur kostaði eitthvað um 6 milljarða en 2+2 kostað um eitthvað um 11 milljarða eða meira. Mér er spurn hverning að að getur munað svona miklu nema ef menn ætluðu að hafa akgreinar svo þröngar að það væri hægt að nota núverandi vegastæði eingöngu. Nú þegar er búið að gera þetta á smá spotta á leiðinni og ég verða að segja að ég er sammála þeim sem segja að akgreinar þar eru allt of þröngar. Annaðhvort  að gera þetta almennilega eða ekki.

Þetta las ég á ruv.is

Vegamálastjóri segir að Suðurlandsvegurinn verði lítið öruggari umferðar, verði akreinunum fjölgað í fjórar, en ef þær yrðu þrjár. Sérfræðingar Vegagerðarinnar telja jafnvel að tvöföldun Suðurlandsvegarins geti orðið til þess að auka hálku á veginum.

Mér finnst að þessir sérfræðingar byggja þessar hugmyndir um hálku á litlum upplýsingum frá Reykjanesbraut sem ekki hefur verið tvöföld lengi.  Ef að hálka eykst þá verður það þeirra mál að finna lausnir á því . Hverning væri nú að nota kannski hita frá virkjunum á Hellisheiði til að hita veginn á verstu köflunum.? Það hlýtur a vera afgangur af heitu vatni þar. 

Vegamálastjóri hefur nú ekki komið í fjölmiðla og talað um kostnað við jarðgöng sem hafa verið byggð. Svo er líka  talað um að þetta verði jafnvel einkaframkvæmd sem ríkið greiðir síðan fyrir eftir notkun. (Skuggagjald). Og fyrirtæki þegar til í að taka þátt í þessu.

Þannig að ég segi bara „Vegamálastjóri þegi þú!!!!"

Frétt af mbl.is

  Tvöföldun Suðurlandsvegar kostar 70% meira
Innlent | mbl.is | 5.12.2006 | 15:25
Tvö banaslys urðu á Suðurlandsvegi um helgina og í kjölfar þess kviknaði mikil umræða um fyrirhugaða breikkun vegarins. Vegagerð Ríkisins hóf í fyrra vinnu við svokallaðan 2+1 veg með vegriði á milli akstursstefna og var meiningin að leggja slíkan veg alla leið frá Rauðavatni að Selfossi en í gær sagði samgöngumálaráðherra að réttast sé að tvöfalda veginn og hafa tvær akreinar í báðar áttir. Það mun kosta 70% meira en gerð 2+1 vegarins.

Tvöföldun Suðurlandsvegar kostar 70% meira

Iðnaðarmenn athugið!

Reyndar væri hægt að beina þessu til unglings stráka líka. Þeir eru með líkt vandamál og iðnaðarmenn þessa dagana:

Frétt af mbl.is

  Rassskoran mest pirrandi í fari iðnaðarmanna
Veröld/Fólk | mbl.is | 5.12.2006 | 14:16
Hin alræmda rassskora iðnaðarmanna fær harða gagnrýni í breskri könnun á því hvað fer mest í taugarnar á fólki í fari iðnaðarmanna. Efst í huga fólks var rassskoran sem oft vill gægjast upp fyrir buxnastrenginn þegar menn þurfa að beygja sig niður við störf sín eða „píparaskora“ eins og hún er stundum kölluð.

Rassskoran mest pirrandi í fari iðnaðarmanna

Og hvað þýðir það?

Er einhver ástæða til að reka sveitarfélag með dúndrandi hagnaði. Ef Reykjavíkur borg er að hækka gjöld á borgarana. 8,5% hækkun á baranfólk sem á börn í grunnskóla t.d. tilkynnt í dag. Eðlilegt líka að borgin síni einhvern hagnað þegar hún var að fá inn fé fyrir Landsvirkjun. En þessi árátta sjálfstæðismanna að skila miklum hagnaði er bara merki um skerta þjónustu eða hækkuð gjöld á ykkur í Reykjavík.

Frétt af mbl.is

  Gert ráð fyrir nærri 14 milljarða afgangi af rekstri borgarinnar
Innlent | mbl.is | 5.12.2006 | 14:19
Frumvarp að fjárhagsáætlun Reykjavíkurborgar, sem kynnt var í dag gerir ráð fyrir rúmlega 13,7 milljarða króna rekstarafgangi á næsta ári samanborið við rúmlega 1 milljarðs króna halla á þessu ári. Áætlað er að skatttekjur hækki en rekstargjöld lækki miðað við yfirstandandi ár.

 

Gert ráð fyrir nærri 14 milljarða afgangi af rekstri borgarinnar

Var einhver að tala um jöfnuð

Svona er það sem margir frjálshyggjumenn villja sjá heiminn:

Frétt af mbl.is

  2% ríkustu manna heims eiga helming allra eigna á jörðinni
Erlent | AFP | 5.12.2006 | 13:51
2% þeirra einstaklinga sem eiga mest í heiminum eiga um helming allra auðæfa heimsins en helmingur jarðarbúa á aðeins 1% þeirra. Þetta kemur fram í skýrslu á vegum Sameinuðu þjóðanna. Misskipting auðs er meiri en misskipting tekna, að því er fram kemur í skýrslunni en hún heitir „The World Distribution of Household Wealth“ og nær yfir árið 2000.

2% ríkustu manna heims eiga helming allra eigna á jörðinni

Jæja þið sem kusuð sjálfstæðisflokkinn nú fáið þið að borga

Það er ekki hækkað um 1 eða 2% Nei nei það eru 8,5% hækkun

Af visir.is

 

Vísir, 05. des. 2006 12:30

Gjaldskrár borgarinnar hækki um 8,5 prósent

Fjármálasvið borgarinnar hefur lagt það til við öll svið borgarinnar að hækka gjaldskrár um 8,5 prósent til að mæta auknum kostnaði á næsta ári. Gjöld fyrir börn á frístundaheimilum í Reykjavík hækka um tæp níu prósent um áramót og hafa þá hækkað um næstum fimmtán prósent á einu ári.

Gjald fyrir barn á frístundaheimilum borgarinnar er í dag 7500 krónur en verður 8160 krónur frá 1. janúar. Dvalargjald fyrir þá daga sem börnin eru ekki í hefðbundinni kennslu, milli klukkan átta og tvö á daginn, hækkar úr 800 krónum á dag í 870 krónur. Sömuleiðis hækkar gjald fyrir síðdegishressingu um 170 krónur.

Bolli Thoroddsen, fulltrúi sjálfstæðismanna í Íþrótta- og tómstundaráði, segir þetta gert að tilmælum fjármálasviðs borgarinnar sem hefur lagt það til við öll svið borgarinnar að hækka gjaldskrár um 8,8 prósent til að mæta auknum kostnaði á árinu 2007.

Athyglisverð grein eftur Valgerði Bjarnadóttur

Rakst á þessa grein inn á visir.is og langar til að birta hérna hluta hennar. En í greininni er Valgerður að fjalla um lífeyrismál og skeriðingar TR. Og þetta borið við réttindi bæjarstjórans á Akureyri og svo svo loks efturlaunagreiðslur Alþingismanna.

....Konan fékk bréf frá lífeyrissjóðnum sínum fyrr á árinu. Bréfið færði henni skemmtilegar fréttir og var í leiðinni svolítið montbréf sem stofnunum þykir gjarnan gaman að senda út eða birta. Af því að stjórn sjóðsins hafði staðið sig svo vel í störfum sínum var ávöxtun lífeyrissjóðsins svo góð að greiðslur til konunnar úr sjóðnum mundu hækka um 7 prósent, sagði í bréfinu. Ánægjulegar fréttir - ekki satt?

Vissulega var þetta ánægjulegt fyrir konuna, en svo kom að framkvæmdinni. Þegar almannatryggingarnar okkar komust að því að greiðslur til konunnar höfðu hækkað þá lækkuðu greiðslurnar til hennar úr þeim sjóðum sem hækkuninni nam, konan skildi þetta ekki og ég skil þetta ekki. Það virðist búið að ákveða það að þeir sem búa við skerta starfsgetu hafi enga möguleika til hækka í tekjum, því það virðist búið að sameina almannatryggingakerfið og lífeyriskerfið í eitt.

Svo er sagan af hjónunum sem ætluðu að láta laga hjá sér þakið. Frúin átti 400.000 kr. í séreignalífeyrissjóði og ætluðu þau hjónin að nota þessa peninga til þakviðgerða í stað þess að taka lán á þeim vondu vaxtakjörum sem bjóðast hér á landi. Þegar búið var að taka af skatta og lækka greiðslur til hennar og eiginmannsins úr almannatryggingum þá áttu þau eftir 9.000 kr - ég endurtek níu þúsund krónur. Aftur virðist sem lífeyrissjóðir og jafnvel þeir sem kallaðir eru séreignasjóðir og almannatryggingar séu orðin eitt og hið sama. Ég þykist hafa fylgst frekar vel með á vettvangi þjóðmálanna, ekki hafði ég samt gert mér grein fyrir þessu.

Viðbrögð stjórnmálamanna við þessari lífreynslu fólksins voru líka svolítið skrýtin fannst mér. Þeir komu allir af fjöllum, enginn þeirra virðist frekar en við hin hafa áttað sig á hvernig þetta virkar, enda þurfa þeir ekki að leggja í neina séreignasjóði, þakka skyldu þeir sjálfum sér. Lífeyrir þeirra er gulltryggður, engin óvissa á þeim bæ.

Loks er það sagan af bæjarstjóranum sem ákvað að fara á þing. Það verður sko ekkert skert af greiðslum sem hann fær úr opinberum sjóðum. Enda maðurinn hvorki gamall né býr hann við skerta starfsorku. Hann fór í prófkjör og eftir því sem ég kemst næst gat hann sinnt því ati í vinnunni, eins og reyndar allir stjórnmálamenn. Honum gekk vel í prófkjörinu og allar líkur eru á því að hann fari á þing eftir kosningarnar til Alþingis í vor.
Hann ætlar að segja upp vinnunni sinni, í staðinn ætlar hann að verða formaður bæjarstjórnarinnar held ég, og hann ætlar í kosningabaráttu. Af fréttum að skilja ætlar hann meðan á þessu stendur að þiggja rúma milljón á mánuði úr opinberum sjóðum Akureyringa. Honum finnst það sjálfsagðasti hlutur í heimi af því samningarnir hans eru þannig.
Biðlaun eru réttindi fólks ef það missir skyndilega vinnuna. Þegar fólk missir skyndilega pólitískan stuðning og um leið vinnuna má vel vera sjálfsagt og eðlilegt að það fái biðlaun. Þegar fólk á hinn bóginn segir upp vinnunni sinni af því að það ætlar að fara að gera eitthvað annað á það ekki rétt á biðlaunum í mínum huga. Svo ég tali nú ekki um ef það ætlar að vera í annarri vinnu á meðan.

Siðferði þeirra sem gegna opinberum störfum er hins vegar orðið þannig að þegar gerðar eru athugasemdir af því tagi sem ég hef gert hér, þá segja opinberu starfsmennirnir með þjósti að það sé alltaf til fólk sem vill upphefja sjálft sig með rausi af þessu tagi. Ég mun halda áfram að rausa, ég lofa því.

Auk þess legg ég til að eftirlaunaósóminn verði afnuminn með lögum.

Flott gein hjá Valgerði og hana má sjá hér í heild

Skrítið að þeir skildu ekki trúa honum

Alveg dáist ég að þessum manni. Hann er sko virkilega að reyna að redda sér út úr vandanum:

ruv.is

• Fyrst birt: 04.12.2006 16:16

  Síðast uppfært: 04.12.2006 16:20

  Sveppaáhugamaður fær skilorðsbundið

  Hálffimmtugur karlmaður hefur í Hæstarétti verið dæmdur í átta mánaða skilorðsbundið fangelsi fyrir fíkniefnabrot. Maðurinn var handtekinn í fyrrahaust.
  
  Við húsleit heima hjá manninum fundust kannabisefni í ýmsu formi, marijúana, plöntur og fræ, einnig meira en tvö kíló af fíknisveppum. Þetta var undir skáp, úti í glugga, inni í ísskáp, ofan í skúffu og upp á hillu.
  
  Ekki dugði manninum að tíunda alla þá vinnu sem hann hefði lagt í sveppatínslu sína og rannsóknir. Hann væri nefnilega að skrifa bók um sveppi. Þá tók Hæstiréttur ekki tillit til þess að maðurinn sagðist vera með slæmsku í hné og reykti þess vegna stundum hass.