Jæja ég hélt að það lægi nú ljóst fyrir

Hélt löggan í London að hann hefði bara tekið pólónium inn upp á grínið.

Ég verð líka að bæta við að ef þetta var Rússneska leyniþjónustan þá eru þeir ekki starfi sínu vaxnir. Drepa mann með eitri sem hefur svona augljós einkenni og virkar svona hægt. Hefði haldið að það væri mun meira "Pro" að láta mannin hverfa eða eitthvað þannig. Held frekar að þetta sé einhverskonar mafía eða einhver samtök/hópur sem starfar ekki undir stjórn yfirvalda.

Frétt af mbl.is

  Breska lögreglan rannsakar lát Lítvínenkós sem morð
Erlent | AP | 6.12.2006 | 19:59
Lögreglan í London fer með rannsóknina á láti Alexanders Lítvínenkós, fyrrverandi KGB-njósnara, eins og morðmál, að því er greint var frá í dag. Fram að þessu hefur lögreglan litið á andlát Lítvínenkós sem „óútskýrt“, og aldrei talað um að hann hafi verið myrt

Breska lögreglan rannsakar lát Lítvínenkós sem morð

Neyðarlegt fyrir yfirfangavörðinn

Gæti trúað að hann væri með móral:

Vísir, 06. des. 2006 22:48

Týndi lyklunum sem allir vildu eiga

Rheinbach-fangelsið í Þýskalandi var fært á hæsta öryggisstig í tvo daga eftir að yfirfangavörðurinn týndi masterlyklinum sem gengur að hverri einustu skrá í byggingunni. Verðirnir voru á sólarhringsvöktum og fangarnir lokaðir í klefum sínum þar til lykillinn fannst, - í sófanum inni í búningsherbergi fangavarðanna.

Flestir hefðu kannski fljótlega leitað í sófanum að lyklinum týnda en fangelsisstjórinn vildi ekki kenna yfirfangaverðinum um yfirsjónina: "Þetta var bara óheppni, þetta gæti komið fyrir hvern sem er."

Steingrímur Sævar Ólafsson og Pétur Gunnarsson í boði framsóknar?

Rakst á þett inn á vef blaðsins Ísafold

Framsóknarpenni bloggar

Kenningar eru uppi um að bloggararnir Steingrímur Sævar Ólafsson og Pétur Gunnarsson sem hvorugur er opinberlega á vinnumarkaði séu með einhverjum hætti styrktir af Framsóknarflokknum til að halda á lofti sjónarmiðum flokksins fram að kosningum. Steingrímur á fortíð í störfum á borð við þau að bjarga tímaritaútgáfunni Fróða og tryggja Halldóri Ásgrímssyni áferðarfallega og áfallalausa setu á forsætisráðherrastóli. Steingrímur hefur þrætt fyrir að vera á launum hjá flokknum eða á hans vegum. Blaðið rekur þetta ofan í hann í dag þegar upplýst er að hann situr í hagræðingarnefnd á´vegum Reykjavíkurborgar og er ætlað að koma skikk á stjórnsýsluna. Ekkert hefur verið upplýst um laun hans í því þarfaverki en í Ráðhúsinu spenna menn greipar og biðja þess að betur takist til þar en með Fróða og forsætisráðherrann ....

Ég náttúrulega veit ekkert um þetta en miðað við hverning þeir skrfia þá er ljóst að framsókn er þeirra flokkur. Hann fær a.m.k. vægilegri meðferð hjá þeim

Hverning á nokkur ellilífeyrisþegi að skilja þetta?

Eftirfarandi er úr frétt af aðgerðum ríkisstjórnarinar til að draga úr skerðingu vegna vinnu ellilífeyrisþega:

ruv.is

Ríkisstjórnin ætlar að leggja það til við heilbrigðis og tryggingamálanefnd, að frumvarp um almannatryggingar og málefni aldraðra verði breytt. Siv Friðleifsdóttir, heilbrigðis og tryggingamálaráðherra sagði á blaðamannafundi í dag, að lagt yrði til að elli og örorkulífeyrisþegar gætu dreift fjármagnstekjum sínum, og tekjum af séreignalífeyrissparnaði, sem greiddur er út í einu lagi, í allt að tíu ár. Dreifingin skerðir síður bætur lífeyrisþega frá Tryggingastofnun ríkisins.

 Þetta er nú heft eins flókið og hægt er og leysir ekki úr því sem rætt hefur verið um. Þ.e. útfrá dæmi öryrkjans sem tók út séreignarlífeyrir sinn og átti eftir skerðingar um 9 þúsund eftir af 400.000.

Og síðar kemur:

Að auki leggur ríkisstjórnin til að elli- og örorkulífeyrisþegar geti valið á milli 300.000 króna frítekjumarks atvinnutekna, og þess að láta 60% atvinnutekna koma til skerðingar við útreikning á tekjutryggingu. Áður hafði Siv kynnt að gildistöku 300.000 króna frítekjumarks atvinnutekna lífeyrisþega yrði flýtt, svo þeir gætu frá áramótum unnið sér inn 25.000 krónur á mánuði áður en bætur þeirra tækju að skerðast

Jú það er hægt að stauta sig í gegnum þetta með herkjum. En afhverju þarf alltaf að hafa hlutina svona flókna?

Bíddu hvað eru þeir að réttlæta?

Það er með ósköpum að Ísrael sé að réttlæta morð sín á Líbönum með því að halda því fram að hluti þeirra hafi verið Hizbollah liðar. Eru þeir búnir að gleyma því að þeir hófu árásir á Líbanon vegna þess að einhverjir hriðjuverkamenn tóku Ísraela til fanga. Þannig að skv. þeim þá drápu þeir um 403 saklausa borgara og það þá bara allt í lagi samkvæmt þeim.

Eins þá er umhugsunarvert hverning að „..... liðsmenn Hizbollah hafi dulbúið sig sem óbreytta borgara og með því brotið alþjóðalög um framgöngu í hernaði" Hvernig gátu liðsmenn Hizbollah  dulbúið sig sem óbreytta borgara Libanon.

Frétt af mbl.is

  Ísraelsk stofnun sakar Hizbollah um stríðsglæpi
Erlent | mbl.is | 6.12.2006 | 15:48
Ísraelsk rannsóknarstofnun, sem starfar í nánum tengslum við leyniþjónustu Ísraelshers, segir í skýrslu sem birt var í morgun að 650 af 1.084 einstaklingum sem létu lífið í stríðinu í Líbanon í sumar og líbönsk yfirvöld segja að hafi verið óbreyttir borgarar, hafi í raun verið liðsmenn Hizbollah samtakanna. Þá er því haldið fram í skýrslunni að liðsmenn Hizbollah hafi dulbúið sig sem óbreytta borgara og með því brotið alþjóðalög um framgöngu í hernaði. Þetta kemur fram á fréttavef Ha’aretz.

Ísraelsk stofnun sakar Hizbollah um stríðsglæpi

Samanburður milli áratuga er náttúrulega kjaftæði

Þegar ráðherrar eru að tala um hversu mikið þjónusta ríkisins hefur aukist þá taka þeir oft mið af stöðunni fyrir kannski svona 30 árum í bestafalli fara þeir 5 ára aftur í tíman og ræða um hversu mikið staðan hefur batnað síðan þá. Þeir benda á að fleiri milljónum sé varið í þennan eða hinn málaflokkinn og því sé þjónustan betri.

En þeir gleyma oft að reykna með því að okkur hefur fjölgað stórlega á viðmiðunar tímanum og því er bara til að viðhalda því þjónustusigi sem var mun dýrara. Þetta man ég ekki til að sé rætt í þessum samanburðarfræðum.

Er ekki betra að miða við að t.d. hvað  biðtími eftir þjónustu er langur. Hversu margir þurfa þjónustu? Og hvað þarf til að biðtími hverfi.

Ef að barnið mitt biði eftir þjónustu Greiningarstöðvarinnar þá væri ég alls ekki sáttur að bíða í nærri ár. Og það í einu ríkasta landi í heimi sem er til í að eyða minnst 500 milljónum til að komast í Öryggisráð SÞ.

Eins er þetta með Barna- og unglingageðdeild LSH

Vísir, 06. des. 2006 14:30

 

Á þriðja hundrað barna bíður eftir greiningu

71 barn á leikskólaaldri og 124 börn á grunnskólaaldri bíða eftir greiningu hjá Greiningar- og ráðgjafastöð ríkisins samkvæmt svari sem Magnús Stefánsson gaf á Alþingi í dag við fyrirspurn Ástu Ragnheiðar Jóhannesdóttur, þingmanns Samfylkingarinnar.

Fram kom í máli ráðherra að meðalbiðtími leikskólabarna eftir greiningu hjá stöðinni væri 257 dagar en hann hefði verið allt að 574 dagar eða hátt í tvö ár. Þá er meðalbiðtími grunnskólabarna 235 dagar en dæmi væri um að börn hefðu þurft að bíða eftir greiningu í yfir 1200 daga sem er á fjórða ár. Ásta Ragnheiður sagði ástandið algörlega óþolandi en ráðherra benti á að tilvísunum til ráðgjafarmiðstöðvarinnar hefði fjölgað úr 150 árið 1999 í um 250 á þessu ári og starfsemi stöðvarinnar hefði þegar verið styrkt með auknu fjármagni. Til að mynda myndi starfsfólki fjölga í 43 á næsta ári en þeir hafi verið 31 árið 2003.

Mannréttindi mega bara eiga sig? Við viljum græða!

Ég get alveg tekið undir með ASÍ þegar þeir undrast að við skulum vera að reyna að fá fríverslunarsamning við Kína.

Við vitum náttúrulega að nú þegar eru Íslensk fyrirtæki farin að láta framleiða þarna fyrir sig. Því að þar er launakosnaður aðeins brota brot af verðlagi hér. Nú síðast kom í ljós að nokkuð stór hluti Jólabóka okkar prentaður þar.  Þetta væri í sjálfssögðu gott ef þetta yrði til að mannréttindi ykjust þar en þau láta á sér standa. Því ættum við kannski að staldra við og sjá hvort að réttindi fólk heldur áfram að batna áður en við skrifum undir fríverslunarsamning við þá.

Af textavarp.is

 ASÍ: Fríverslunarumræður undarlegar   
Alþýðusamband Íslands furðar sig á því
að íslenskir ráðamenn vilji hefja     
fríverslunarviðræður við Kína vegna   
þeirra mannréttindabrota sem framin séu
í landinu. ASÍ telur mjög vafasamt að 
hefja slíkar viðræður við ríki þar sem
ríkisrekin stéttarfélög hafi einkaleyfi
til starfsemi, forystumenn frjálsra   
stéttarfélaga eru fangelsaðir og      
verkföll eru bönnuð.                  
                                       
Valgerður Sverrisdóttir utanríkis-    
ráðherra undirritaði viljayfirlýsingu á
fundi með aðstoðarráðherra            
utanríkisviðskipta Kína í gær þar sem 
ríkistjórnir landanna ákváðu að hefja 
fríverslunarviðræður í byrjun         
næsta árs.                     

ASÍ furðar sig á viðræðum við Kína

Bíddu er þetta ekki ráðherra?

Ég hef nú ekki heyrt þessa háværu umræðu um innra öryggi ríkisins. Það sem ég hef heyrt er að fólk er að vara við stofnun Leyniþjónustu/greiningardeildar. Og einmitt bent á að það geti allt farið úr böndunum.  Maður hefði nú haldið að ráðherra væri betur að sér í þessu. Það er alveg ljóst að þessum hlerunum hefur verið misbeitt. Eins þá virðist mönnum hafa verið heimilt að fara með þessi gögn eins og þeir vilja sbr. brennur og fleira þar sem öllum málsgögnum hefur verið eitt. Þá nefni ég tregðu ríkisins til að rannsaka þessi mál m.t.t. að fá upplýsingar um þetta áður en það fólk sem tók þátt í þessu fellur frá.  Þarna á ég við  að Sannleiksnefnd og niðurfelling saka mundi skila okkur kannski einhverjum upplýsingum um þetta mál.

Frétt af mbl.is

  Telur ekki rétt að banna símhleranir
Innlent | mbl.is | 6.12.2006 | 13:45
Einar K. Guðfinnsson sjávarútvegsráðherra telur ekki að banna eigi símhleranir þar sem upp geti komið tilvik þar sem þurfi að beita þeim. Í kjölfar brottfarar varnarliðsins hafi verið hávær umræða um að svar við hryðjuverkaógn væri að auka innra öryggi ríkisins.

Telur ekki rétt að banna símhleranir

Bíddu er svo mikill leki í göngunum að heilu flöskurnar af kampavíni hverfa?

Vísir, 06. des. 2006 12:30

Kampavínið hvarf í göngunum

Ekkert varð af því að þyrstir gestir gætu vætt kverkar sínar í kampavíni, til að fagna því að síðasta haftið í Kárahnjúkagöngum var rofið í gær, því kampavínið var horfið þegar til átti að taka.

Nokkrir tugir gesta höfðu þá aftur lagt á sig klukkustundar ferð á hörðum bekkjum í hastri jarðlest í raka og hita því þeir þurftu frá að hverfa í fyradag eftir að risaborinn, sem átti að ljúka verkinu þá, bilaði.

Í ljósi þeirrar reynslu var það að vonum að gestirnir biðu þess með enn meiri óþreyju en ella, að teiga kalt kampavínið áður en hossast yrði í lestinni til baka en þá fanst ekki dropi af víninu sem flutt hafði verið inn í göngin í fyrradag. Einu veigarnar sem fundust voru kók og appelsín en gestirnir fundu sig ekki í því að skála fyrir stórviðburði í viðlíka glundri, þannig að svipmót hátíðarhaldanna varð með nokkuð öðrum hætti en til stóð.

Með öllu er óljóst hvað gerðist þarna í iðrum jarðar, 150 metrum undir yfirborði Þrælahálsins, í fyrrinótt en lausasagnir herma að óvenju bjart hafi verið yfir bormönnnunum sem unnu alla nóttina við að rífa borinn sem lokið hafði hlutverki sínu en þeim megin haftsins var kampavínið geymt.

Úrskurður dómstóls: Nektardans er list

Já hver er eiginlega hæfur til að meta hvað er list og hvað er lyst. Þegar maður hefur fylgst með gjörningum, ýmsum útfærstum af danssýningum, leikritum og fleiru þá er ég viss um að Nektardans getur vel verið flokkað sem list.

Nú er nektardans líka stundaður í líkamsrækt og þykir hin besta þjálfun.

Það má því hafa ýmislegt nýtilegt út úr Nektardansi.

Frétt af mbl.is

  Úrskurður dómstóls: Nektardans er list
Veröld/Fólk | mbl.is | 6.12.2006 | 8:12
Norskur nektarstaður hefur nú fengið dómsúrskurð um að nektardans sé list. Dómurinn felur í sér, að norskir nektarstaðir þurfa ekki að innheimta virðisaukaskatt af aðgöngumiðum

Úrskurður dómstóls: Nektardans er list