En segir af Bush

Varð bara að setja þessa mynd hingað inn en hún er eftir lista skopmyndateiknarann Halldór

Smella á mynd til að sjá hana í fullri stærð

Kaup Kópavogs á Vatnsendalandinu.

Hef verið aðeins að kynna mér þessi kaup Kópavogs á Vatnsendalandinu. Nokkur atriði sem stinga í augun.

• Samkvæmt upplýsingum frá Kópavogsbæ eru eitthvað að ræða sem heitir "eignarnámssátt" sem lögfróðir segja að ekki sé til
• Kópavogur er sagður borga eitthvað um 3,5 milljarða alls fyrir þetta land sem á að duga undir hvað 2000 lóðir en eigandi landsins færi 500 lóðir. En svo skilst mér að hann þurfi ekki að greiða gatnagerð og önnur gjöld af þessum lóðum þannig að það hlýtur að vera umtalsvert sem hann sparar þar.
• Oddviti Samfylkingar gerir ráðfyrir að hann fái samtals með sölu lóðana um 12 milljarða.
• Síðan koma í dag ættingjar sem véfengja erfðarskrá þar sem að þá verði hætt að búa á þessari jörð. Var Kópavogur ekki búinn að kanna þetta?

Þetta fer að minna mig á þegar Gunnar tilkynnti að Kópavogur væri að fara að byggja Hjúkrunarheimili síðastlið vor en kom síðan með hugmyndir um eitthvað sem hétu öryggisíbúðir og einhverja útfærslu sem ljóst var að aðeins sterkefnað fólk gat nýtt sér. Og svo var heilbrigðisráðuneytið ekki tilbúið í þessa tilraun.

Ég held að öll þessi læti varðandi Vatnsenda tengist Gustssvæðinu. Því bærinn þarf að útvega vatn hið snarasta fyrir Garðabæ sem og aðstöðu fyrir hestamennina á nýjum stað og er að brenna inn með þetta allt.

Afhverju fáum við aldrei að heyra alla söguna frá bæjarstjóra?

[ Smá viðauki Nú er hægt að sjá flest um þetta Vatnsendamál í mjög ítarlegri færslu á blogginu hennar Guðríðar Arnardóttur oddvita Samfylkingarinnar í Kópavogi. Þar sést að Bóndinn í Vatnsenda er nú að fá askoti gott útúr þessu. T.d. alla þjónustu við þær lóðir sem hann eignast fyrir ekki neitt. Eins og gatnagerð, lagnir og fráveitur og hvað þetta allt heitir.]

Vísir, 25. jan. 2007 19:00

Málaferli í uppsiglingu um eignarhald á Vatnsenda

Samningur Kópavogsbæjar um lóðir í Vatnsendalandi gæti fært eiganda jarðarinnar tólf milljarða króna tekjur, að mati oddvita Samfylkingarinnar í bæjarstjórn. Málaferli eru hins vegar í uppsiglingu um hver eigi jörðina en þau snúast um ákvæði sjötíu ára gamallar erfðaskrár. Frændur núverandi ábúanda krefjast þess að erfðaskráin verði ógilt þar sem skilyrði hennar um að Vatnsendi verði bújörð séu brostin. Samkvæmt svokallaðri eignarnámssátt á Kópavogsbær að greiða eiganda Vatnsenda þrjá og hálfan milljarð króna. Oddviti Samfylkingarinnar í bæjarstjórn segir að landeigandi fái auk þess heimild til selja sjálfur fimmhundruð lóðir á markaði. Þetta geti fært honum samtals tólf milljarða króna tekjur. Samfylkingin greiddi atkvæði gegn samningnum og telur að fremur hefði átt að taka alla jörðina eignarnámi. Átök milli erfingja gætu hins vegar spilað inn í. Þau snúast um erfðaskrá sem þáverandi bóndi gerði árið 1938 þess efnis að bróðursonur hans, og síðan elsti sonur, skyldu erfa jörðina. Mörg skilyrði eru hins vegar í erfðaskránni. Tveir föðurbræður núverandi ábúanda krefjast þess að sýslumaður ógildi erfðaskrána þar sem skilyrði hennar séu brostin.

"Frjálslyndir: Kosningastjóri hættur"

Var að lesa eftirfarandi á www.ruv.is

Frjálslyndir: Kosningastjóri hættur

Sveinn Aðalsteinsson, miðstjórnarmaður í Frjálslynda flokknum og kosningastjóri í flokksins í Reykjavík, fyrir síðustu sveitarstjórnarkosningar, hefur sagt úr flokknum. Hann segist ekki taka þátt í þessari endaleysu lengur.

Sveinn Aðalsteinsson hefur starfað í Frjálslynda flokknum frá því 1999 og setið í miðstjórn allt þar til hann sagði sig úr flokknum. Nú er hann farinn. Hann segir átökin innan flokksins á engan hátt snúast um pólitík eða stefnumál og ekki einu sinni eiga skylt við neitt slíkt. Þarna sé á ferð grimmileg barátta fyrir eiginhagsmunum nokkurra einstaklinga sem dreymi um völd. Þar fari fremstur í flokki Jón Magnússon. Formaður og sitjandi varaformaður halli sér að honum því þeir telji líklegast að með því móti falli þeir ekki út af þingi í kosningunum í vor.

Sveini líst illa á landsfund flokksins sem hefst á morgun. Þangað geti hver sem er komið og kosið hægt sé að smala alls konar liði, sem kjarni flokksmanna hafi lítið að segja. Hann segir landsfundinn eins og skákmót sem á komi fullt af fólki sem kunni ekki mannganginn. Þar segist Sveinn Aðalsteinsson ekki vilja vera.

Frjálslyndir: Ásgerður Flosadóttir býður sig fram í embætti ritara

Finna hann í hvelli

Stoppa þetta strax. Láta færustu tölvumenn í að rekja þetta. Ætla þessir perrar aldrei að taka sönsum?  Horfðu þeir ekki á Kompás? Við líðum ekki að menn séu að misnota börn, unglinga og svo netið til að svala þessum kvötum sínum. Með því að upplýsa þetta sem fyrst og sérstaklega ef tekst að rekja þetta þá vita menn við hverju þeir eiga að búast ef þeir voga sér að gera svona.

Frétt af mbl.is

  Bera sig í vefmyndavél
Innlent | mbl.is | 25.1.2007 | 14:40
Lögreglan á Vestfjörðum segist hafa fengið tilkynningar um það, aðallega frá unglingsstúlkum á Ísafirði, að ókunnur aðili eða aðilar biðji um leyfi til að eiga samtal við þær á MSN tölvusamskiptaforritinu. Viðkomandi aðilar segi rangt til nafns og einhver dæmiséu um að hann eða þeir beri sig í vefmyndavél, sem birtist þá óvænt á tölvuskjá viðkomandi stúlkna.

Bera sig í vefmyndavél

Ættu Ísraelsmenn ekki að greiða þetta?

Þeir hófu árásir á Líbanon út af því að glæpamenn tóku 2 hermenn gíslingu. Spengdu vegakerfið á stórusvæði aftur til fornaldar.

Ber þeim ekki að greiða skaðabætur?

Frétt af mbl.is

  Líbanon heitið 7,6 milljarða dala aðstoð til uppbyggingar í landinu
Erlent | mbl.is | 25.1.2007 | 14:38
Erlend ríki hafa heitið yfirvöldum í Líbanon aðstoð eða lánum sem samsvara 7,6 milljörðum dala. Frá þessu greindi Jacques Chirac, forseti Frakklands, á ráðstefnu í París.
Lesa meira

Líbanon heitið 7,6 milljarða dala aðstoð til uppbyggingar í landinu

Óskapleg fífl eru þetta.

Afhverju keyrðu þau ekki bara niður að Litla Hrauni og bókuðu sig bara inn þar sjálf.

Frétt af mbl.is

  Þjófarnir teknir í bólinu
Innlent | mbl.is | 25.1.2007 | 11:27
Fjórir innbrotsþjófar voru bókstaflega teknir í bólinu í sumarbústað við Eyrarvatn í Svínadal í gær. Komið var að þeim sofandi í bústaðnum sem þeir höfðu brotist inn í, og voru þeir með nokkuð af þýfi og fíkniefnum í fórum sínum er þeir voru handteknir.

Þjófarnir teknir í bólinu

Afhverju er heimurinn svona upptekinn af þessu fólki

Ég skil ekki afhverju við þurfum að vita allt um þessa stelpu. Við fáum nær daglega fréttir af henni sem í raun eru samt engar fréttir. Við fáum upplýsingar um að hún fer út að skemmta sér, hún fær botlangakast, hún fer í meðferð, hún með átröskun, hún að reyna við einhvern mann sem hefur verið með annarri frægri konu. Svona er þetta líka með Brittney. Hversvegna ættum við hér á Íslandi að hafa áhuga á þessu. Þær báðar hafa jú lítið gert merkilegt?  Eru að því virðist ósköp venjulegar, og dálítið einfaldar.  EN samt þá les maður þetta.

Frétt af mbl.is

  Lohan óttaðist að botnlanginn úr sér yrði seldur
Veröld/Fólk | mbl.is | 25.1.2007 | 9:54
Lindsay Lohan var svo hrædd um að botnlanginn úr sér yrði seldur á eBay að hún geymdi hann í frystikistunni sinni.

[fyrirsögn breyt úr "þessari konu" yfir í "þessu fólki" eftir ábendingu frá artboy]

Lohan óttaðist að botnlanginn úr sér yrði seldur

Athyglisverðar upplýsingar um fjármögnun fyrirtækja í útrásinni.

Var að lesa athyglisverðar vangaveltur dr. Þorvaldar Gylfasonar í Fréttablaðinu í dag. Greinin heitir:

Eiga eða leigja?

Í greininni er hann að velta fyrir sér muninum á að eiga húsnæði og tæki eða leigja þau, bæði fyrir fyrirtæki og einstaklinga. En það sem ég hafði ekki gert mér grein fyrir er eftirfarandi:

Þessi sjónarmið skipta máli, þegar mat er lagt á ástand og horfur sumra þeirra fyrirtækja, sem mikið hefur kveðið að hér heima undangengin ár. Þau hafa sum snúið gömlu reglunni við. Þau kaupa fyrirtæki, selja utan af þeim húsnæðið, taka það síðan á leigu til að geta haldið starfseminni áfram á sama stað og nota féð, sem þau losuðu með eignasölunni, til að kaupa ný fyrirtæki og bréf og þannig koll af kolli. Þetta er einföld leið til að taka lán og losa fé og getur verið vænleg með lækkandi vöxtum, en hún er vafasöm eins og nú háttar með hækkandi vöxtum.

Þessi lausafjáröflunaraðferð þætti ekki heldur vænleg í venjulegum heimilisrekstri. Fæstir myndu selja húsið sitt upp úr þurru, taka það síðan á leigu til að geta búið þar áfram og festa féð, sem þeir losuðu við söluna, í álitlegum fyrirtækjum og hlutabréfum. Framsýnt fólk hættir helzt ekki meira fé en það hefur efni á að tapa. Fæstir hafa ráð á að missa húsið sitt, en þeir geta braskað með sumarbústaðinn eins og þeim sýnist. Bankar varast jafnan að veita þeim húsakaupalán, sem ætla sér að braska með lánsféð, enda eru veðin í húsunum þá ekki lengur til staðar.

Hvers vegna lána bankar þá fyrirtækjum, sem stunda tvísýn verðbréfaviðskipti? Eru þeir þá ekki í reynd að veita lán til áhættusamra hlutabréfakaupa? Hvernig er veðum háttað í slíkum viðskiptum? Kannski eru þessi fyrirtæki bara að braska með fé, sem þau mega við að missa. Kannski ekki. Bankarnir mættu gera meira að því að upplýsa almenning um starfshætti sína. Þeir mættu byrja á að skýra fyrir viðskiptavinum sínum, hvers vegna gamla varúðarreglan um eignarhald á húsnæði fyrirtækja er ekki lengur í fullu gildi.

Það er að bankar eru að lána þessu fyrirtækjum sem síðan selja húsnæðið nota söluandvirðið og leigja það síðan aftur af nýjum eigendum. Það er eðlilegt að hann velti fyrir sér veðum bankanna ef að illa fer að ganga hjá þessum fyrirtækjum.

Við tökum upp evruna fyrr en seinna.

Hef verið að lesa ummæli  dr.Jóns Þórs Sturlusonar um þetta mál og er allaf að sannfærast frekar og frekar um að evran kemur hér innan einhverra ára hvort sem við erum með eða á móti því í dag.

úr fréttinni á mbl.is  

Evruvæðing eðlileg

 

Jón Þór dró fram margvíslegan efnahagslegan ávinning af því að taka upp evruna, m.a. á verðlag, umfang viðskipta og samkeppni. Hann tók þó fram að ávinningurinn yrði enn meiri ef Bretland, Danmörk og Svíþjóð tækju upp evruna. Jón Þór sagði ókostinn m.a. felast í missi sjálfstæðrar peningastefnu og hægari aðlögun raunlauna að aðstæðum hverju sinni en benti jafnframt á að árangur af peningamálastefnu hér væri ekki góður og það hefði komið fram í mikilli verðbólgu og miklum sveiflum í framleiðslu.

www.morgunhaninn.is

Endum með evru í Evrópusambandinu

24.janúar 2007 - kl. 12:03

"Nú reynir mjög á slæmar afleiðingar þess að hafa krónu. Flökt á genginu er talsvert og vextir háir. Það er eðlilegt að viðskiptalífið líti til annarra kosta og þar er undiraldan mikil," segir dr. Jón Þór Sturluson hagfræðingur. Hann segir slæman kost ef samfélagið verði "evrulægt" án þess að um það hafi verið tekin skynsamleg ákvörðun. - "Fólk er í auknum mæli farið að vinna á fleiri stöðum en hér á Íslandi og almenningur á viðskipti víða á ferðalögum sínum." Jón Þór segir ekki ótítt að kjósendur eða "þjóðin" fylgi ekki viðskiptalífinu, en ný könnun Fréttablaðsins bendir til þess að meira en 6 af hverjum 10 séu hvort tveggja á móti evru og umsókn um aðild að Evrópusambandinu. "Við erum á þeim tímapunkti þar sem stjórmálamenn og viðskiptalífið eru ekki lengur samhljóma." Jón Þór gagnrýnir óhamin útgjöld ríkis og sveitarfélaga og segir þjóðinni dýrt að beita þeim tækjum sem felist í firna háum vöxtum. "Við verðum að komast út úr núverandi vanda áður en við ræðum um evruna. En við endum með evru inni í Evrópusambandinu."

 

Hlutafé í evrum rökrétt framhald

Hvatvísi Magnúsar Þórs veldur vandræðum

Skil vel að Ólafur og fólkið í borgarstjórnarflokki Frjálslynda hafi ekki verið hresst með fullyrðingar Magnúsar Þórs í Kastljósi um árangur flokksins í Reykjavík. Þegar hann gaf í skyn að það hefði verið þeirra klaufaskapur að þau komust ekki í stjórn:

Innlent | mbl.is | 25.1.2007 | 06:57

„Ósannindum um borgarstjórnarflokk Frjálslyndra mótmælt“

Í fréttatilkynningu frá Ólafi F. Magnússyni í gær segir: „Að gefnu tilefni skal ítrekað að borgarstjórnarflokkur Frjálslyndra og óháðra stendur heill og óskiptur á bak við framboð Margrétar Sverrisdóttur til varaformanns Frjálslynda flokksins.“

Ennfremur segir Ólafur í tilkynningunni:

„Einnig er mótmælt fullyrðingum um að borgarstjórnarflokkurinn hafi klúðrað tækifæri til myndunar meirihluta í borgarstjórn sl. vor, eins og varaformaður flokksins hélt fram í Kastljóssþætti í gær. Til viðræðna milli Frjálslyndra og Sjálfstæðisflokksins var aldrei efnt af heilindum af hálfu Sjálfstæðisflokksins. Það er afleitt að vegið sé að flokkssystkinum með slíkum hætti og lítið gert úr störfum þess fólks sem af alúð hefur haldið á lofti málstað Frjálslyndra í borginni með miklum árangri á undanförnum árum.“

„Ósannindum um borgarstjórnarflokk Frjálslyndra mótmælt“