Jæja þið sem voruð að spyrja um stefnu Samfylkingar í stóriðjumálum - Nú hafið þið það

Nú hefur Ingibjörg Sólrún lýst yfir að Samfylkingin vilji fresta stóriðjuframkvæmdum bæði í Straumsvín og Helguvík.

Enda eðlilegt að við setjum okkur stefnu og ramma um hvað við ætlum að gera á næstu árum í sambandi við náttúruvernd og nýtingu. Sem og umhverfisstefnu til næstu áratuga.

www.mbl.is

Samfylkingin vill að umhverfisráðherra setji upp rammaáætlun um náttúruvernd sem nái til landsins alls. Á meðan gerð hennar stendur vill Samfylkingin að öllum rannsóknum og áætlunum varðandi stóriðju hér á landi verði frestað.

Í áætluninni eiga að koma fram tillögur um skipulag verndarsvæða og áætlun um virka verndun þeirra, með lögum þar sem það á við, og nýtingu sem samrýmist náttúruvernd. Hana á síðan að leggja til grundvallar við aðalskipulög sveitarfélaga og hugsanlegt landsskipulag.

Samfylkingin vill enn frekar að umhverfisráðherra leggi tillögu til þingsályktunar um rammaáætlun um náttúruvernd fyrir Alþingi eigi síðar en veturinn 2009-2010.

Gott að þetta er komið á hreint. Þið sem eruð að gagnrýna Samfylkingu fyrir stefnuleysi í þessum málum ættuð þá kannski að snúa ykkur að næstu flokkum og kanna þeirra stefnu í sömu málum

Frétt af mbl.is

  Samfylkingin vill fresta stóriðjuframkvæmdum
Innlent | mbl.is | 6.2.2007 | 18:56
Samfylkingin vill fresta stóriðjufamkvæmdum í Straumsvík og Helguvík. Þetta kom fram í ræðu Ingibjargar Sólrúnar Gísladóttur í umræðu sem fram fór á Alþingi í dag. Umræðan var vegna frumvarps um rammaáætlun um náttúruvernd.

www.ruv.is

Samfylkingin andvíg álversstækkunum

Ingibjörg Sólrún Gísladóttir, formaður Samfylkingarinnar, leggst gegn því að það verði ráðist í stækkun álversins í Straumsvík nú. Samfylkingin vilji sömuleiðis að byggingu álversins í Helguvík verði frestað.

Engar efnahagslegar aðstæður réttlæti áformin, framkvæmdirnar myndu bitna á landsbyggðinni og heimilum í landinu. Svæði sem spillist hafi heldur ekki verið metin út frá náttúruverndarsjóðamiðum. Þá stefni í það að óbreyttu, að allir virkjanakostir Íslendinga verði nýttir til álframleiðslu og farið verði fram úr skuldbindingum í loftslagsmálum.

Samfylkingin vill fresta stóriðjuframkvæmdum

Fáránleiki stríðsátaka.

Þetta sýnir fáránleika hernaðar og stríðsátaka. Menn vita ekki einusinni hvað þeir eru að skjóta á. Hvað ef þetta hefði verið bílalest sem var að flytja börn. Menn skjóta bara á allt sem hreyfist.

Frétt af mbl.is

  Sun með myndband af árás Bandaríkjamanna á Breta í Írak
Erlent | mbl.is | 6.2.2007 | 12:52
Breska dagblaðið Sun hefur undir höndum myndbandsupptöku af loftárás bandarískra hermanna á bílalest breska hersins í Írak árið 2003. Breskur hermaður lést þegar skotið var bílalestina. Á myndbandinu heyrast samræður bandarísku hermannanna við stjórnstöð þar sem þeir segjast halda að bandamenn þeirri séu í bílunum en er sagt að skjóta á þá engu að síður.

Sun með myndband af árás Bandaríkjamanna á Breta í Írak

Egill Helgason um skoðanakönnun Blaðsins

Ég hef líka mínar efasemdir um gildi svona kannana. En Egill segir m.a.:

Vísir, 06. feb. 2007 12:28

Hæpnar skoðanakannanir

Skoðanakönnun sem Blaðið birtir í morgun byggir á um það bil 300 manns. Úrtakið í könnuninni er 750. Svarhlutfallið er 88 prósent. Af þeim taka 53 prósent afstöðu. Þetta er ekkert til að byggja neina umræðu á. Enda virðist sumt í könnuninni vera alveg út úr kortinu - til dæmis 45,4 prósenta fylgi Sjálfstæðisflokksins.

Er ekki ástæða til að biðja þá sem gera skoðanakannanir að vanda sig, eða sleppa því ella? Það eru að koma kosningar - og á þeim tíma er viss ábyrgðarhlutur að framkvæma skoðanakannanir. Því þær eru að vissu leyti skoðanamótandi. Sjálfur er ég nokkuð hrifinn af þeirri hugmynd að banna birtingu skoðanakannana síðustu vikuna fyrir kosningar.

Menn hljóta líka að gera kröfu um að vinnubrögðin séu almennileg, ekki bara hippsum happs. Meðan þau eru ekki betri lætur maður sér nægja að taka mark á könnunum Gallup - í nýbirtri könnun þaðan voru niðurstöðurnar mjög ólíkar því sem er hjá Blaðinu.

Þetta ætti fólk að hafa í huga enda held ég að hann viti hvað hann er að segja. Líka hefur verið rætt um hverjir eiga Blaðið og fólk ætti að skoða þessa könnun með því tilliti.

Afhverju er lögð áhersla á að þetta sé hægra lungað?

Maður óskar Birni náttúrulega góðs bata. EN svona til að vera meinlegur þá gæti maður velt fyrir sér hvort að það sé einhver dulin meining um tilkynna  sérstaklega að það hafi verið það hægra. Gæti náttúrulega spurt hvort að Birni sé þrotið þol í hægri baráttu sína og fari því að mildast?

En svona á maður ekki að láta og ég hefði ekki gert það nema að skv. bloggi Björns þá virðist þetta allt að komast í lag aftur.

Frétt af mbl.is

  Hægra lunga Björns Bjarnasonar féll saman
Innlent | mbl.is | 6.2.2007 | 10:57
Björn Bjarnason, dóms- og kirkjumálaráðherra, greinir frá því á vefsíðu sinni að hann hafi þurft að leita sér læknisaðstoðar í gær. Hann segist hafa átt erfitt með andardrátt og hafi í framhaldinu haft samband við lækni. Skömmu síðar hafi hann verið kominn á bráðamóttöku Landsspítala - háskólasjúkrahúss við Hringbraut þar sem í ljós kom að hægra lunga hans hafði fallið saman.

Hægra lunga Björns Bjarnasonar féll saman

Þetta er bara fyndið

Einhver með góðann húmor farinn að skjóta inn fréttum á www.visir.is

Vísir, 06. feb. 2007 10:25

Bilaði bíllinn

Bifvélavirki í New York fékk verkbeiðni sem á stóð; Það heyrist alltaf "klúnk" þegar bíllinn beygir. Bifvélavirkinn fór út með bílinn í reynsluakstur. Hann tók hægri beygju, og mikið rétt, það heyrðist "klúnk." Þá tók hann vinstri beygju og það heyrðist aftur "klúnk."

Bifvélavirkinn fór þá aftur á verkstæðið, kíkti í skottið og fann fljótlega vandamálið. Hann skilaði verkbeiðninni aftur, með eftirfarandi athugasemd: "Fjarlægði keilukúlu úr skottinu"

Aldrei þessu vant er ég sammála Guðlaugi

Ég verð að segja að mér finnst það ekki spennandi hugmynd að Búa til upphækkaðan veg um Kjöl. Þetta hér fann ég á www.nordurvegur.is

. Gert er ráð fyrir að veggjald verði greitt af þeim sem nota veginn og er útlit fyrir að gjaldið verði um 2.000 kr. á ferð fyrir fólksbíl en um 8.000 kr. fyrir þungaflutninga. Framkvæmdin á að geta borgað sig upp á 16 til 18 árum en gert er ráð fyrir að fyrsta rekstrarár árið 2010 verði um 500 bíla umferð á dag.
Vegurinn verður 8,5 metra breiður og upphækkaður um tvo til þrjá metra yfir nánasta umhverfi

Ég á erfitt með að sjá fyrir mér umferð á 100 km hraða þarna milli jöklanna og framhjá Hveravöllum. Þetta er leið sem er nokkuð greiðfarin yfir sumarið smá lækir og ár sem þarf að fara yfir.. Þarna er vegur/vegslóði sem fylgir landaslaginu og ekkert upphækkaður. Hann gerir það að verkum að fólk keyrir þarna hægt og nýtur landslagsins.

þá get ég séð fyrir mér að það verði nokkuð um að bjarga þurfi fólki þarna á veturna þegar veður versna snögglega. Þá finnst mér 2000 krónur nokkuð há upphæð..

Þessi fyrirhugaði vegur verður 2 til 3 metra upp úr landslaginu og sker í augum þarna á milli jöklana.

Þá segir eftirfarandi á sama vef:

Gert er ráð fyrir að því sem næst öllu efni verði ekið í veginn og efnið tekið á völdum stöðum úr námum meðfram veginum.

Maður hefur jú séð svona námur víðsvegar og þær eru ekki til prýði. Til að byggja veginn upp um 2 til 3 metra þarf alveg ofboðslega mikið af efni og því mikla efnistöku.

Ég er sammála Jónasi Kristjánssyni þegar hann segir:

06.02.2007
35 kílómetrar
Ráðgerður Kjalvegur með bundnu slitlagi styttir leiðina milli Reykjavíkur og Akureyrar ekki um 47 kílómetra. Aðeins um 35 kílómetra, ef miðað er við að stytta núverandi leið á smákafla með því að færa hana frá Blönduósi að Svínavatni. Þetta eru 22 mínútur, ótrúlega lítill árangur af miklu róti. Er þá eftir að taka tillit til ósnortinna víðerna á Kili og Eyvindarstaðaheiði, sem verða þá ekki lengur ósnortin. Kjalvegur hinn nýi er þáttur í hamslausri árás mannsins á landið, sem hefur alið hann. Hroki nútímans sést þarna í sömu mynd og í eyðingu Vesturöræfa og Kringilsárrana.

Og Guðlaugi Þór eins og segir hér í fréttinni.

Frétt af mbl.is

  Efasemdir um nýjan Kjalveg
Innlent | Morgunblaðið | 6.2.2007 | 5:30
Svara þarf þeirri grundvallarspurningu hvernig Íslendingar vilja að hálendið þróist. Ekki er sjálfgefið að aðgengi að því verði gert auðvelt með malbikuðum vegum. Þetta segir Guðlaugur Þór Þórðarson, þingmaður Sjálfstæðisflokks og formaður umhverfisnefndar Alþingis.

Efasemdir um nýjan Kjalveg

Ég neita að trúa þessu.

Ég tel að Samfylkingin eigi stóran hluta af þessu óákveðna fylgi. Ég neita að trúa því að fólk hafi nokkura ástæðu til að flykjast frá flokknum. Hann er búinn að móta sér stefnu í flestum þeim málum sem brenna á fólki.

Samfylkingin teflir fram formanni sem hefur sannað getu sína til að stjórna. Þó að andstæðingar flokksins hamri nú á henni. Gera mikð úr meintum svikum hennar við borgarbúa en gleyma því að það var samflokkur hennar framsókn sem gat ekki sætt sig við að Ingibjörg vildi taka 5 sæti á lista Samflylkingar í Reykjavík. Og settu henni úrslitakosti.

Ég neita að trúa því að fólk sé að verðlauna Sjálfstæðisflokkinn fyrir að hafa gefið vinum sínum og framsóknar eignir okkar í bönkum og öðrum ríkisfyrirtækjum sem nú mala gull undir eigendur sína sem nokkrum árum seinna halda veislur með Elton John og Duran Duran.

Ég neita að trúa því að fólk sætti sig við að bönkum sé leyft að okra á okkur og fyrirtækjum þar sem samkeppniseftirlit er en í skötulíki hjá okkur

Ég trúi ekki að fólk ætli að kjósa Sjálfstæðisflokkin og opna fyrir að orkugeirin verði einkavæddu og gefinn góðum vinum flokksins.

Ég trúi ekki að fólk ætli að verðlauna Sjálfstæðisflokkinn fyrir stóriðjustefnu hans.

Ég skil betur vöxt Vg en fólk. Hann hefur verið staðfastur í umhverfismálfum Fólk skildi skoða samt hvernig málflutningur hans hefur verið í mörgum framfaramálum okkar síðustu ár utan umhverfismála.

Frétt af mbl.is

  Samfylkingin með minna fylgi en VG og ríkisstjórnin heldur velli
Innlent | mbl.is | 6.2.2007 | 6:44
Samfylkingin nýtur nú minna fylgis en Vinstri grænir, samkvæmt könnun Blaðsins á fylgi við flokkana fyrir þingkosningar. 19,1% sögðust ætla að kjósa Samfylkinguna en 22,9% Vinstri græna. Samfylkingin hefur ekki áður verið með minna fylgi en Vinstri grænir, en hún fékk 31% atkvæða í seinustu kosningum, árið 2003. 39% aðspurðra höfðu ekki gert upp hug sinn.

Samfylkingin með minna fylgi en VG og ríkisstjórnin heldur velli