Ruv segir annað

Er ég eitthvað að misskilja hér. Þetta stendur á www.ruv.is

Meirihluti landsmanna myndi samþykkja Icesave lögin í þjóðaratkvæðagreiðslu samkvæmt skoðanakönnun Capacent Gallup. Rösk 60% telja að ákvörðun forsetans hafi slæm áhrif á þjóðarhag.

Næstum níu af hverjum tíu gera ráð fyrir að taka þátt í þjóðaratkvæðagreiðslu um Icesave ríkisábyrgðina, fari hún fram.

Einhver er að bulla

PS Ok var að fatta þetta núna. Meirihlutinn vill fá nýjan samning. Það er nú allt annað. Það er semsagt von manna að takist að gera 3 samninginn við Breta og Hollendinga. Það er bara allt annað. Fólk er tilbúið að samþykkja núverandi lög en vonast eftir 3 lögunum og samkomulagi við Breta og Hollendinga

 

Meirihluti vill afnema lögin

Athugasemdir

[Hjálmtýr V Heiðdal, 6.1.2010 kl. 21:07]

Það er verið að hræra í hugum landsmanna. Auðvitað vilja allir fá betri samning - en menn gera sér grein fyrir því að það er ekki í boði.

Svona les ég þetta.

[Óskar (IP-tala skráð) 6.1.2010 kl. 21:15]

ég þori að veðja við aleigunni að við fáum betri samning út úr þessu en við vorum með, þá eiga sumir eftir að skríða með veggjum sem voru ekki tilbúnir að berjast eins og sannir íslendingar.

[Finnur Hrafnsson (IP-tala skráð) 6.1.2010 kl. 21:34]

Það að reyna að fá betri samning GÆTI tekist, þó mjög ólíklega. Alveg eins og fólk sem tekur þátt í lottó GETUR unnið, en til lengri tíma, eða að meðaltali, borgar það sig ekki.

Ef ekki fást betri samningar, og skuldastaða Íslands versnar og versnar og alþjóðaýmind Ísland hlýtur mikla hnekki, hvað munt þú og þínir segja og gera þá? Munt þú axla ábyrgðina Óskar?

[joi (IP-tala skráð) 6.1.2010 kl. 21:36]

Ertu viss um að það sé ekki hægt að fá betri samning Hjálmtýr? Það hlýtur að vera hægt að fá eitthvað meira en ekki neitt? Þessi samningur sem við erum með í höndunum er ekki neitt, þ.e.

* Borga upphæðina í botn, jafnvel þó menn séu búnir að viðurkenna að þeir fjármagnseigendur sem sendu peningana í hendur Bjögganna voru að taka mikla áhættu með því að sækjast eftir 40-50% hærri vöxtum en gengur og gerist. Landsbankinn var líka nýkominn í hendurnar á þeim, sem hefði átt að hringja bjöllum. Þetta voru Nígeríubréf norðursins.

* Vaxtakjörin eru með þeim hæstu sem þekkjast. ekki verið að gefa neinn afslátt þar

*Borga í erlendri mynt, jafnvel þó fólk hafi lagt peningana sína inn í íslenskum krónum, þá hefði það átt að fá borgað til baka í íslenskum kronum og skipta þvi sjálft í erlenda mynt. Allir vita að það eru gjaldeyrishöft í landinu, og þess vegna held ég að flestir fjármagnseigendur hefðu viljað semja til að ná peningunum út úr landinu þegar þeim hentar.

Að taka nokkra daga í lobbýinu á einhverju hóteli á útivelli og semja svona (af sér) kallar bara á eitt, betri samning af okkar hálfu. Það er ekki til of mikils mælst að þessi ríkisstjórn sem nú hefur setið í heilt ár aðgerðarlaus komi með slíkan samning, þjóðin á það inni hjá "orlofs" rikisstjórn Jóhönnu sigurðardóttur.

[Anna Ragnhildur, 6.1.2010 kl. 21:59]

Sammála þér jói. Og það er svo magnaður hræðsluáróður í gangi. Það ruglar fólk. Rangar upplýsingar og æsifréttir.

Ég hef fylgst með þýsku fréttunum í 2 daga, þeim finnst Ólafur kjarkaður að standa með þjóðinni! Standa með lýðræðinu.

Það þarf að lægja öldurnar og hugsa skýrt núna. Nú þarf þjóðin að leggjast undir feld...og hugsa.

[Hjálmtýr V Heiðdal, 6.1.2010 kl. 22:15]

Menn geta gert sér vonir um betra líf og betri samninga - og ágætt að vera bjartsýnn. En raunsæi er gott veganesti ásamt bjartsýninni.

Hvers vegna ættu Bretar og Hollendingar að samþykkja betri samning (verri fyrir þá) en þann sem síðast kom frá Alþingi?

Vegna þess að það er búið að draga það svo lengi?

Vegna þess að greiðsluvilji og greiðslugeta virðist á undanhaldi?

Vegna þess að „sannir Íslendingar“ berja sér á brjóst?

Hvað bera Bretar og Hollendingar við ísl.krónur ef við greiðum með slíkum gjaldeyri?

Þeir skipta þeim í evrur og pund við fyrsta tækifæri.

[áhugasamur (IP-tala skráð) 6.1.2010 kl. 22:16]

Næstu samningar verða seldir okkur sem "góðir samningar". Hvort við trúum því eða ekki, því stjórna fjölmiðlarnir.

Í þessu máli nást engir góðir samningar.

Eins og sjá má á þessari mbl.is "frétt" er einungis verið að móta skoðun fólks, hafa áhrif á skoðun fólks. Reikna með að næstu vikur verði óbærilegar á fjölmiðla-Íslandi. Guð blessi Ísland

[Hjálmtýr V Heiðdal, 6.1.2010 kl. 22:16]

Leiðrétting: Hvað gera Bretar og Holl...

[Magnús Helgi Björgvinsson, 6.1.2010 kl. 22:20]

Vaxtakjörinn eru reyndar með því betra sem þekkist í svo löngum samningum. T.d. erum við að borga um 6,7% vextir á lánum Norðurlandana og þau eru til skemmri tíma.

Fólk lagið peninga sína inn í erlendum gjaldeyrir því þessir reikningar voru í Bretlandi og Hollandi. Þ.e. í Pundum og Evrum. (P.s. þetta eru nú skrautlegasti ruglingur sem ég hef lesið) Alþingismenn hafa talað um að við ættum rétt á að borga lánin til baka í krónum af því að bankinn er Íslenskur en Bretar og Hollendingar lögðu peninga sína inn í sinni mynnt.

Við erum bara að borga innistæðutryggingar en ekki alla upphæðina. Bretar og Hollendingar borga allt sem var umfram 20.880 evrur. Þannig að þeir borga á móti okkur um 650 milljarða við borgum um 700milljarða og samtals er þetta 1350 milljarðar. Og eignir Landsbankans eru taldir vera um 1100 til 1200 milljarðar og af þeim fáum við 56% sem eru þá á bilinu 550 til 620 milljarðar. Og það gengur nú á næsta ári inn á höfuðstól jafn óðum og það innheimtist. Þannig að höfuðstóllinn lækkar og þar með vextir þannig að líkur eru á að við borgum um 180 milljarða eða aðeins meira eða minna og höfum til þess 8 ár + þau ár sem við kjósum að bæta við ef að nýju lögin verða að veruleika. Ef við förum eftir fyrirvaralögunum þá þurfum við að semja við þessar þjóðir um afganginn af skuldinni árið 2024. Þó telja flestir að við verðum búin að borga þetta þá.

[áhugasamur (IP-tala skráð) 6.1.2010 kl. 22:21]

Anna! Þýskir fjölmiðlar tala mjög hlutlaust um þetta mál. Mjög efnislega líka. Svona eins og þegar þú sért að fylgjast með hundi sem kúkar út í horni á veitingastað, guði sé lof er það ekki þinn hundur. Aldrei myndi þinn hundur gera svona.

Eða hvaða blöð lestu???

[Magnús Helgi Björgvinsson, 6.1.2010 kl. 22:33]

Ég hef náttúrulega ekkert á móti því að nú áður en þjóðarakvæðagreiðslan verður að okkur bjóðist betir kjör. En mér finnst að þjóðinn hagi sér dálítið eins og útrásarvíkingar í þessu máli. Svona hálfgerðiri fjárhættuspilarar án þess að kunna það. Þá á ég við að fólk er tilbúið að hætta framtíð okkar fyrir orð nokkra manna um að möguleiki sé á því að sleppa betur. Þetta er svipað og útrásarvíkingar sem voru viljugir til að hætta öllu sem þeir áttu og meira til fyrir aðeins meiri hagnað. Þó þeir hefðu fyrir löngu átt að hætta og draga síg út með kannski milljarð í hagnað og getað lifað af því alla ævi. En nei þeir vildu alltaf meira og meira.