Smá vandamál við þetta!

Svona til að byrja með er Íslands búið að gera samning og það t.d. 3x við Holland og 2x við Breta

Holland

Samkomulag milli Hollands og Íslands um IceSave

11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathisen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

 

Reykjavík 11. október 2008

Þetta samkomulag innifól í sér lán fyrir þessu frá Hollandi sem var reiknað með að yrði til 10 ára með 6,7% vöxtum

Samkomulag næst við Evrópusambandið fyrir hönd Hollendinga og Breta - Greiðir fyrir láni frá Alþjóðagjaldeyrissjóðnum (IMF)

16.11.2008

Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. Viðræður Íslands við nokkur Evrópusambandsríki, sem komust á fyrir tilstilli Frakklands sem nú fer með formennsku í Evrópusambandinu, leiddu til samkomulags um viðmið sem lögð verða til grundvallar frekari samningaviðræðum.

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna. Einnig er kveðið á um að Evrópusambandið, undir forystu Frakklands, taki áframhaldandi þátt í að finna lausnir sem gera Íslandi kleift að endurreisa fjármálakerfi og efnahag.

Aðilar eru ásáttir um að hraða fjárhagslegri aðstoð við Ísland, þar með talið samþykkt lánafyrir­greiðslu sem beðið hefur samþykktar stjórnar Alþjóðagjaldeyrissjóðsins (IMF) undanfarnar vikur. Erindi Íslands hjá IMF verður tekið til afgreiðslu hjá sjóðnum miðvikudaginn 19. nóvember.

Umsamin viðmið

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær.

Reykjavík 16. nóvember 2008

Í framhaldi af þessu þá fengum við samningin við Holland upptekin og lánstímin lengdur og vextir lækkaðir sem og að eignir Landsbankans far beint í að greiða niður þessi lán.

Þá var bara að ganga frá samning sem var gert í júní. Þennan sem við þekkjum með 5,55% vöxtum afborgunarlaust í 7 ár og til 15 ára.

Alþingi setti fyrirvara við ríkisábyrgð sem Holland og Bretar samþykktu ekki að fullu. Þeir tóku um 80% af fyrirvörum og gerðu við okkur viðbótarsamning.

 Í okt/nóv 2009. Þann samning er Alþingi búið að samþykkja.

Svo ég sé ekki alveg hvað sáttasemjari eða milligöngumaður eigi að gera fyrr en eftir þjóðaratkvæðagreiðslu. Nema að ríkisstjórnin dragi lögin nú til baka og rifti samningum við Breta og Hollendinga. Það er nokkuð ljóst að það þjónar hagsmunum Breta og Hollendinga að bíða þar til búið er að greiða atkvæði um þetta.

Eins velti ég því fyrir mér af hverju að Bretar og Hollendingar hafa ekki gripið til varnar í fjölmiðlum. Held að nú sé lognið á undan storminum. Trúi því að við eigum nú eftir að heyra hressilega í þeim ef þeim sýnist að útséð sé um úrslit þjóðaratkvæðagreiðsluna verði þeim ekki í hag.

Því held ég að þeir vilji náttúrulega lítið við sáttasemjara tala fyrr en endanleg niðurstaða ríkisábyrgðar liggur fyrir.  Væru frekar líklegir til að laga samninginn t.d. um 0,1% held ég og þá yrðu allir glaðir

Leita þarf utanaðkomandi aðstoðar

Athugasemdir

[Doddi D (IP-tala skráð) 10.1.2010 kl. 20:21]

Steingrímur og Jóhanna þurfa að víkja.

[Sigurður Haraldsson, 10.1.2010 kl. 20:26]

Þau eru vanhæf.

[Sigurgeir Jónsson, 10.1.2010 kl. 20:31]

Öll Samfylkingin er vanhæf+Steingrímur og Björn Valur Gíslason, sem liggur undir þungum ásökunum frá fólki sem segir að hann hafi orðið valdur að fjárhagslegu hruni þess.

[Theódór Norðkvist (IP-tala skráð) 10.1.2010 kl. 21:07]

Magnús Helgi, ég trúi því varla að þú sért ennþá að berjast fyrir því að þín eigin þjóð verði seld í þrældóm eftir að virtir fræðimenn og stjórnmálamenn um allan heim hafa komið fram og tekið málstað okkar.

Þau hafa sagt það ruddaskap af hálfu stórþjóðanna að þvinga þjóðina í þennan þrældóm sem er fimm sinnum meiri sekt en Þjóðverjar fengu fyrir að bera ábyrgð á dauða 15 milljón manns og leggja Evrópu í rúst.

Jafnvel Evrópuþingmenn hafa stigið fram og sagt að Icesave hneykslið sé alveg jafnt sofandahætti Breta og Hollendinga að kenna og Íslendinga.

Nú hefurðu gott tækifæri til að viðurkenna að þú hafir haft rangt fyrir þér biðjast opinberlega afsökunar á áróðri þínum gegn eigin þjóð. Þú værir maður meiri ef þú gerðir það.

[Magnús Helgi Björgvinsson, 10.1.2010 kl. 22:03]

Ég er ekkert að berjast fyrir einu eða neinu enda væri ég þá væntanlega að skrifa á ensku og Hollensku. Ég er að horfa á hlutina raunsætt. Síðan minni ég þig á að við erum ekki að semja við þessa fræðimenn. Þau geta haft ýmsar skoðanir og menn geta séð þetta frá ýmsum sjónarhornum. En samt sem áður bendi ég þér t.d. á að Hollenski lögfræðingurinn íhugar að stefna Seðalbanka, stjórnvöldum og FME vegna þess að eftilitsskilda þeirra hafi brugðist. Og eins vegna þess að verið er að gera upp á milli innistæðueigenda eftir þjóðerni. Sem er bannað innin EES.

Síðan er gaman að því að erlendir aðilar hafa ekki kynnt sér málið betur en svo sem eru að tjá sig flestir að þeir telja að við eigum að greiða allar innistæður til baka til Hollands og Bretlands. Það eru upplýsingar sem ég held að þarlend stjórnvöld eigi eftir að leiðrétta og benda á að um 600 milljarðar af þeirra skattfé sé þegar farið í þessar endurgreiðslur til innistæðueigenda sem óvíst er að fáist allar til baka.

En ef einhver hefur skýra lausn á því hvernig við semjum betur við þessa aðila þá endilega að sýna mér hana. En krafan er að sú lausn sé raunhæf og framkvæmanleg. Ekki margra ára óvissu tími með óvissa útkomu.

[Magnús Helgi Björgvinsson, 10.1.2010 kl. 22:04]

Þ.e. þaui greiddu um 600 milljarða umfram þá 700 sem þeir eru að rukka okkur um

[Theódór Norðkvist (IP-tala skráð) 10.1.2010 kl. 22:37]

Er það börnum og gamalmennum á Íslandi að kenna að Bretar og Hollendingar borguðu þetta til innistæðueigenda? Af hverju eiga þau þá að borga þessa meintu skuld?

Þeir ákváðu að borga innistæðueigendum meira en þessar 20.087 evrur sem kveðið er á um í tilskipuninni um tryggingarsjóðinn (sem takið eftir kveður engan veginn á um ríkisábyrgð á sömu fjárhæð þó sumir hafi viljað halda því fram.)

Þú átt að standa með þinni eigin þjóð, ekki taka málstað handrukkara og ofbeldismanna á alþjóðavettvangi. Þeir sem fella banka með hryðjuverkalögum og hóta smáþjóð viðskiptalegri einangrun láti hún ekki undan hótunum handrukkaranna eru ekkert annað en fautar.

Þú átt ekki að standa með svoleiðis glæpalýð því þá áttu á hættu að fá sama stimpil á þig sjálfan.