Spurning hvort þessar tafir á Icesave eigi eftir að gera okkur gjaldþrota

Það telur Þorvaldur Gylfason m.a.

Þorvaldur Gylfason: Íslendingar búi sig undir greiðslufall - Það versta hefur gerst eftir hrun

„Greiðslufall er eitthvað sem við þurfum að búa okkur undir,“ segir Þorvaldur Gylfason prófessor í hagfræði sem hefur verulegar áhyggjur af skuldastöðu þjóðarbúsins. Ástæðurnar eru fyrst og fremst tvær, seðlabankinn hafi vanmatið skuldastöðuna og allt of miklu hefur verið fórnað vegna Icesave.

Þetta sagði Þorvaldur í útvarpsþættinum Sprengisandi með Sigurjóni Egilssyni í morgun. Sagði hann að margt að því versta sem gerst hefur hér á landi, hafi gerst eftir bankahrunið. Þannig séu horfurnar nú mun verri en þær voru fyrir einu og hálfu ári. Það stafi meðal annars að því að seðlabankinn  hafi vanmetið stórlega skuldarstöðu þjóðarbúsins. Í öðru lagi hafi tafir á Icesave-málinu haft mjög skaðlegar afleiðingar. Það mál hafi eytt tíma og kröftum stjórnmálastéttarinnar í vitleysu. Greiðslufall sé því raunhæfur möguleiki. „Það er hámark auðmýkingarinnar í samfélagi þjóðanna. Því verður að forða.“

Hafni þjóðin Icesave-frumvarpinu í þjóðaratkvæðagreiðslu sér Þorvaldur fyrir sér að Norðurlöndin dragi sig í hlé. Þá sé tvennt í stöðunni. Annað hvort dregur Alþjóðagjaldeyrissjóðurinn sig út úr efnahagsáætlunni með tilheyrandi gengishruni og óðaverðbólgu. Hinn kosturinn er sá að ný efnahagsáætlun verði lögð fram af AGS með mun lægri lánveitingum. Verði það raunin þurfi að leggjast í svo mikinn niðurskurð að nær ómögulegt verði fyrir stjórnmálastéttina að ná samkomulagi um hann. (www.pressan.is )

Ekkert fundarboð komið úr Stjórnarráðinu

Athugasemdir

[Hólmfríður Bjarnadóttir, 17.1.2010 kl. 13:33]

Þarna er Þorvaldur að tala um raunverulegar afleiðingar af því að fella ICESAVE. Hann er ekki að hrópa vígorð og hvetja til að "standa í lappirnar" og annað í þeim dúr.

Þetta er heldur ekki "hræðsluáróður" frá Þorvaldi, heldur lýsing á þeirri ömurlegu framtíð sem blasir við okkur Íslendingum ef við lokum þeim dyrum til umheimsins, sem tekið hefur áratugi að opna. Þegar Þorvaldur Gylfason talar er óhætt að hlusta vel.