Æ æ æ æ nú eru margir búnir að eyða nokkrum kílóbætum í vitleysu!

Smá mistök í fréttaflutningi og bloggarar og allir fréttamiðlar gleypa það upp og sletta þessu á netið sem tómu svindli og spillingu og svo er þetta ekki neitt.  Enda ef fólk hugsaði málið og tók með í reikninginn sem m.a. Hagsmunasamtök heimilanna hafa haldið fram að raunverð fasteigna hafi fallið um 30% eða meira þá voru þetta nú bara ágætissölur hjá bankanum. Þ.e. Skúli var að greiða 73 milljónir fyrir eign sem með þessu 30% hefði fyrir 2 árum selst á 105 milljónir. Og Sigríður Anna kaupir á 42 milljónir raðhús sem hefði fyrir hrun farið á um 65 milljónir. Báðar þessar íbúðir voru seldar í gegnum fasteignasölur og voru auglýstar.

En þetta sýnir okkur að fólk hér er alveg tilbúið að dæma án þess að vita nokkuð um hvað það er að tala!

Bað þingmenn og sendiherra afsökunar

Athugasemdir

[Hans Haraldsson (IP-tala skráð) 22.1.2010 kl. 23:02]

Afsökunarbeiðni RÚV er í það minnsta ótímabær.

Í tilviki Skúla hefur ekki enn verið útskýrt hvernig stendur á því að fasteignamat skv. kaupsamningi er tæplega 30 milljónum lægra en skv. fasteignaskrá og lægra en brunabótamat.

Einnig hefur það ekki verið útskýrt hvernig þingmaður og lektor við HÍ fara að því að fjármagna 73 milljóna fasteignakaup.

Og þetta ber manninum að útskýra í stað þess að setja upp hneykslunarsvip. Geti þingmaður ekki látið það vera að kaupa eignir af ríkisbanka, í þessu ástandi í þokkabót, má hann gera ráð fyrir því að þurfa að svara spurningum.

Hvað varðar mál Sigríðar Önnu og bróður Björns Vals er afsökun alls ekki við hæfi. Þar hefur alls engu verið svarað. 

[Helga Kristjánsdóttir, 23.1.2010 kl. 04:28]

     Dæma hvað? Fréttaflutning RÚV. 'eg kokgleypi ekki allt sem þaðan kemur.