Það held ég að myndi syngja í fólki hér ef farið væri eftir þessu

Svona miðað við að þessi maður er í stjórn seðlabankans og í góðum tengslum við "miðjuflokka" á norðurlöndum og þar á meðal framsókn, finnst mér hann ekki alveg átta sig á stöðunni hér. Hvernig heldur hann að fólk mundi bregðast hér við ef gert yrði eins og hann segir:

• Auka enn frekar niðurskurð
• Leyfa genginu að falla enn meira.

 Hann ítrekaði þá skoðun að Íslendingar ættu ekki að þiggja fleiri lán, hvorki frá Alþjóðagjaldeyrissjóðnum né öðrum. Þá ættu Íslendingar að draga enn frekar úr neyslu, ekki halda genginu óeðlilega háu og hefja tafarlaust endurgreiðslur á lánum í stað þess að ýta á undan sér skuldabyrðinni. 

Held að þá myndu aðilar hér í þjóðfélaginu sleppa sér algjörlega. Því þá mundi aðkeypt vara hækka gríðarlega í viðbót. Kaupmáttur rýrna mikið. Verbólga aukast og lán hækka. Held að þessi leið hans verði hér aldrei farin.

Íslendingar ættu ekki að taka meiri lán