O ég held ég sitji heima í dag!!

Enda ekkert spennandi að gera. Því ekki tek ég þátt í þessari þjóðaratkvæðagreiðslu um ekkert

Kjörsókn fer hægt af stað

Athugasemdir

[Ólafur Ingi Hrólfsson, 6.3.2010 kl. 12:26]

Þú ert búinn að lýsa yfir þinni skoðun og með því að mæta ekki ertu að segja já við breta og hollendinga - en - nei við frelsi - lýðræði og sjálfstæðu Íslandi.

vona að þú endurskoðir afstöðu þína -

[Helga Kristjánsdóttir, 6.3.2010 kl. 12:28]

  Langhlauparar fara jafnan hægt af stað,spýta svo í á endasprettinum.

[Hrólfur Þ Hraundal, 6.3.2010 kl. 12:52]

Á meðan við vinnuveitendur stjórnvalda stöndum í ströngu við að bjarga okkur undan óráðum þeirra, þá sitja þau á sínum fúla rassi og niðurlægja okkur.

Það er þó einn í stjórnkerfinu sem er uppistandandi og tekur á með okkur, en það er þannig sem forystumenn eiga að starfa. 

Forystulið stjórnvalda hefur opinberað sig að því að horfa svo fast til ESB að við Íslendingar skiptum þau engu máli.  Gröf stjórnarinnar dýpkar stöðugt.   

Það skiptir miklu að kjörsókn verði góð,  þá sjá erlendir hvaða hlutfall stjórnarinnar er og niðurlæging okkar verður minni.          

 

[Georg (IP-tala skráð) 6.3.2010 kl. 12:57]

Þetta snýst meira um að senda ákveðin skilaboð til hollendinga og breta meira en þetta snýst um að samþykkja "úreltann" samning. Svo með því að kjósa ekki ertu hálfpartinn að segja að þér sé sama hvort þetta verður samþykktir eður ei.

Fyrst að það var ákveðið að hafa þessa kostningu þrátt fyrir að annað betra sé í boði, þá verður fólk að sýna samstöðu og kjósa til að senda skilaboð útfyrir landsteinana.

[Magnús Helgi Björgvinsson, 6.3.2010 kl. 13:12]

Fann þetta bréf hjá Agli Helgasyni frá einhverjum sem sendi honum þennan póst. Ég get tekið unidr það allt hjá bréfritara:

"

Eftir allmikla umhugsun hef ég komist að þeirri niðurstöðu rökréttast sé að sitja heima á morgun. Fyrir því eru margar ástæður, bæði efnislegar, pólitískar og efnahagslegar og eru þessar helstar:

I  Efnislegar:
Eins og staðan er nú, þar sem m.a. er búið að bjóða okkur tvö til þrjú vaxtalaus ár og lægri vexti en áður, kemur ekki til greina að segja já.
Nei þýðir hins vegar að lögin frá í fyrrasumar taka gildi og er Bretum og Hollendingum í lófa lagið að samþykkja nú fyrirvarana og láta okkur borga, m.a. 5.5% vexti frá
1. janúar 2009. Það þýðir um 100 milljarðar á þremur árum í vaxtagreiðslur einar og sér. Væri ég í þeirra sporum myndi ég samþykkja fyrstu fyrirvarana enda munu þeir væntanlega fá hærri endurgreiðslur þannig en að semja við okkur um það sem nú liggur á borðinu.
Af þessu sést að efnislega er spurningin í þjóðaratkvæðagreiðslunni á morgun sams konar og spurningin: Ertu hættur að berja konuna þína?
Ef þú segir nei ertu að viðurkenna  að þú berjir hana ennþá en ef þú segir já ertu að játa að þú hafir barið hana en sért hættur því (í bili)!

II Pólitískar:
a)  Pólitískir lýðskrumarar landsins hafa komið því inn hjá stórum hluta þjóðarinnar að með nei-i séum við að neita greiða skuldir sem við höfum sem þjóð ekki stofnað til. Því fer auðvitað fjarri því allir flokkar hafa sagst ætla að borga óreiðuskuldirnar og því snýst málið eingöngu um afborganir og vexti af þessum skuldum. Við erum því í þjóðaratkvæðagreiðslu um vexti og afborganir. Um leið og umheiminum verður þetta ljóst verðum við að alheimsathlægi og fleiri en Jónas Kristjánsson fv. ritstjóri munu sannfærast um vanmat Þráins Bertelssonar á gáfnafari þjóðarinnar.
b) Flestum er ljóst að neitun forseta á staðfestingu laganna byggðist fyrst og fremst á pólitískri nauðvörn hans og óvinsældum meðal þjóðarinnar og hefur ekkert með lýðræðisást að gera. Með því að fara á kjörstað er maður að lýsa yfir stuðningi við þennan málstað forseta. Þá erum við með því að taka þátt í þessu að lýsa yfir stuðningi við að einn maður ákveði að breyta stjórnskipan landsins þegar honum dettur slíkt í hug.
c)  Alþingi nýtur nú trausts meðal 13% þjóðarinnar. Með því að fara á kjörstað er maður að lýsa yfir stuðningi við meðferð þess á málinu og þá einkum og sér í lagi framgöngu þeirra flokka sem stóðu að einkavæðingu bankanna o.fl. sem m.a. lagði grunn að hruninu og ICESAVE-málinu öllu. Mér er það ómögulegt.

III Efnahagslegar:
Í dag hafa komið fram fréttir um rúmlega 3% hagvöxt á síðasta ársfjórðungi 2009. Hann jafngildir um 50 milljarða aukningu á þjóðartekjum á ári. Óvissan og allt ruglið í kringum ICESAVE mun að öllum líkindum setja hagvöxt aftur í mínus á þessu ári þar sem hvert % er um 15 milljarðar. Vextirnar af ICESAVE verða því til langframa smáaurar miðað við tjónið sem tafirnar, atvinnuleysið, fólksflóttinn og óvissan veldur þjóðinni. Nýtt hrun verður þá líklegra en ella."

[Óðinn Þórisson, 6.3.2010 kl. 13:17]

Auðvitað situr þú heima enda góður og stilltur flokksamaður sem gerir eins og leiðtogi þinn segir þér að gera

[Magnús Helgi Björgvinsson, 6.3.2010 kl. 13:17]

Ólafur Ingi. Ég á ekki möguleika á að merkja við neinn möguleika í þessari atkvæðagreiðslu sem lýsir minni sannfæringu í þessu máli. Ég get ekki í raun sagt já þar sem ég veit að betri möguleiki er í boði. Ég get ekki sagt nei þar sem ég tel að með lagfæringum sem okkur eru boðnar verður Icesave mjög viðráðanlegt sem og að ég tel að við hefðum átt að vera búin að semja fyrir löngu. Og kostnaður okkar frá því í Júní 2009 sé orðinn hundruð milljarðar í töpuðum þjóðartekjum til framtíðar. Og með því að sitja heima slepp ég við að gera atkvæði mitt ógilt þar sem að þar eru engir möguleikar fyrir mig að merkja við. Og ég er ekki hlutlaus í þessu máli þannig að autt atkvæði kemur ekki til greina.

[Magnús Helgi Björgvinsson, 6.3.2010 kl. 13:20]

Bendi í færslu mína hér fyrir ofan. Óðinn ég er bara bloggari eins og aðrir. Ég er ekki starfandi í neinum stjórnmálaflokk. Er reyndar flokksbundin í Samfylkingu vegna Bæjarmála í Kópavogi. En hvað með þig. Ert þú einn af þeim sem lætur stjórnarandstöðuna og vini þeirra í Indefence ljúga þig fullann?

[Einar Björn Bjarnason, 6.3.2010 kl. 13:43]

Ég geri svar forseta lýðveldisins að mínu svari:

--------------------------

Sjá svar Ólafs Ragnars Grímssonar: Frétt

"Aðspurður um fullyrðingar Jóhönnu um að atkvæðagreiðslan sé markleysa, bendir Ólafur á

• að lögin um Icesave-samninginn hafi tekið gildi.
• Ekkert frumvarp hafi verið lagt fram um að fella hann úr gildi.
• Samkvæmt íslenskri stjórnskipun sé það þátttaka fólksins í dag og niðurstaðan sem ráði því hvort lögin  taka gildi.
• Því geti þetta ekki verið marklaus athöfn. "

-----------------------------------

Að mæta ekki, er að mínu mati, lélegt.

Fólk á að fylgja sinni sannfæringu.

• ef þú styður samninginn, attu að segja "já".

• ef þú ert á móti honum, áttu að segja "Nei".

• ef þú telur hvorugan kostinn koma til greina, áttu að skila auðu.

En, alrei - aldrei - áttu að sleppa því að mæta.

Mættu á kjörstað, og ef þ.e. þín afstaða að kosningin sé markleysa, þá áttu samt að mæta, en valkosturinn er þá, að skila auðu.

Kv.

Kv.

[Einar Björn Bjarnason, 6.3.2010 kl. 13:51]

Annars er túlkun þín röng.

Því "Já" þýðir að lögin sem Alþingi setti í lok sumars, taka gildi.

Þ.e. lögin, sem innihéldur mjög stranga fyrirvara, eins og frægt er orðið.

En, skv. þeim, átti Ísland einungis að greiða visst hlutfall af, athugaðu, hagvexti.

Þ.e. atriði sem Bretar og Hollendingar, höfnuðu og í lögunum sem Ólafur Ragnar, neitaði að skrifa undir, voru vaxtagreiðslur fyrir utan þann sviga, þannig að þær færu alltaf fram.

En, skv. lögunum frá því síðsumar, voru þau innan sviga, þannig að skv. þeim, ef mál færu þannig, að hagvöxtur yrði enginn hefðu engar greiðslur farið fram, þ.s. eftir allt saman, greiðslur skv. þeirri útgáfu fyrirvara voru hlutfall af hagvexti.

Að auki, áttu eftirstöðvar láns að falla niður, eftri vissan tíma. Þannig, að mögulegt var, að Ísland greiddi ekkert umfram það fé sem Bretar og Hollendingar, hefðu fengið skv. greiðslum úr þrotabúi LB.

Veit ekki af hverju þú ert með þennan misskilning.

Kv.

[Einar Björn Bjarnason, 6.3.2010 kl. 14:12]

"III Efnahagslegar:
Í dag hafa komið fram fréttir um rúmlega 3% hagvöxt á síðasta ársfjórðungi 2009. Hann jafngildir um 50 milljarða aukningu á þjóðartekjum á ári. Óvissan og allt ruglið í kringum ICESAVE mun að öllum líkindum setja hagvöxt aftur í mínus á þessu ári þar sem hvert % er um 15 milljarðar. Vextirnar af ICESAVE verða því til langframa smáaurar miðað við tjónið sem tafirnar, atvinnuleysið, fólksflóttinn og óvissan veldur þjóðinni. Nýtt hrun verður þá líklegra en ella."

----------------------------

Það var enginn hagvöxtur á neinum ársfjórðungi síðasta árs.

Eins og kemur fram á vef Hagstofu, er þetta einungis statistískur hagvöxtur.

En, hann mælist vegna ákveðinna fjárfestinga í skipum og flugvélum, er áttu sér stað á 4. árshluta.

Slíkir þættir kosta töluvert fé, og kemur inn sem fjárfesting, og fjárfesting kemur inn, í reikninga fyrir landsframleiðslu.

*Þetta er því ekki, vísbending um að e-h raunveruleg uppsveifla, hafi verið í gangi.

*þetta ár, verpur sennilega verra samdráttarár en það síðasta. Draumar um hagvöxt voru draumórar.

*Stór fjárfestingarverkefni, munu ekki fara af stað, - ekki vegna Iceave - heldur vegna þess, að eins og kom fram við árslok, á Ísland ekki nægar tekjur fyrir vaxtagreiðslum af skuldum - það var því nettó halli á þjóðhagsreikningum við útlönd upp á cirka 50 milljarða, vegna kostnaðar af skuldum.

'Orkuveitan eða Landsvirkjun, geta ekki haft meira lánstraust en ríkið, þó svo að þau fyritæki séu ekki sjálf í vandræðum með eigin lán. Þannig, að vegna þess að ríkissjóður hefur sjálfur ekkert lánstraust - sem hefur ekkert með Icesave málið að gera heldur allt með ofangreinda stöðu þjóðfélagsins að gera - þá geta þessi ríkisfyrirtæki ergo ekki fengið lánafyrirgreiðslu erlendis.

*Ég bendi á ummæli iðnaðaráðherra í vikunni á unda, þ.s. hún ræddi þetta vandamál, og stakk upp á hugsanlegri lausn, að bjóða útlendingum eignaþátttöku í þeim virkjunum, sem vonast er eftir að reisa.

*Ef þessi verkefni fara ekki af stað - eins og flest bendir til núna - þá verður enginn hagvöxtur hér, næstu árin. Heldur viðvarandi samdráttur ár eftir ár.

Kv.

Kv.

[Magnús Helgi Björgvinsson, 6.3.2010 kl. 14:48]

Einar ef ég segi já þá taka lög nr. 1 2010 gildi sem eru um viðbótarsamninga sem gerðir voru við Breta og Hollendinga gildi. Ekki ágúst lögin því þar inni voru fyrirvarar sem Bretar og Hollendingar hafa ekki samþykkt.  Ef ég segi nei þá taka ágústlögin gildi. En eru ekki að fullu virk þar sem Bretar og Hollendingar hafa ekki samþykkt fyrirvarana.

[Einar Björn Bjarnason, 6.3.2010 kl. 16:09]

Um hvað ertu að tala - Já þíðir að síðustu samþykkt lög Alþingis gilda.

Nei þíðir að lögin er ALþingi samþykkti á undan, gilda.

Kv.

[Einar Björn Bjarnason, 6.3.2010 kl. 16:13]

OK - ég ruglaðist í ríminu, það átti að vera, Já - síðustu lög, Nei - lögin frá Agúst.

Kv.

[Tryggvi (IP-tala skráð) 6.3.2010 kl. 17:45]

Skil ekki hvernig þú færð út að skila auðu sé að vera hlutlaus, hélt einmitt að sitja heima þýddi að þér sé sama um þetta, sama hvernig fer, þar að leiðandi hlutlaus.

Ég mætti á kjörstað og skilaði auðu, skilaboðin sem ég var að reyna að senda var einmitt, mér finnst þessar kosningar vera einn stór brandari, engir valmöguleiki er möguleiki fyrir mig, því skila ég auðu!

[Magnús Helgi Björgvinsson, 6.3.2010 kl. 19:19]

Tryggvi ég skil þig en ef að já er ekki raunhæfur kostur þá er búið að verðfella það að skila auðu. Og með því að skila auðu þá fannst mér að ég væri að samþykkja að þessi atkæðagreiðsla væri í lagi. Hún er það ekki þegar að annar möguleikin á seðlinum er í raun ónothæfur.

[Tryggvi (IP-tala skráð) 6.3.2010 kl. 20:16]

Góður púnktur Magnús. þetta er nátturulega stóri gallinn við þetta, sitja heima/skila auðu. Fólk getur og mun túlka þetta eins og það vill. Sem gerir niðurstöðuna ekki jafn marktæka, stjórnin mun túlka þetta á þennan hátt og stjórnarandstaðan á hinn hátt.

En hátt hlutfall af auðum seðlum og lágt þátttökuhlutfall getur varla verið túlkað á marga vegu, þó svo að fólk mun að sjálfsögðu reyna

[Theódór Norðkvist, 6.3.2010 kl. 20:23]

Áramótalögin gilda ef þau eru ekki kosin í burtu. Allt tal um að þjóðaratkvæðagreiðslan sé marklaus er þess vegna marklaust.

Bretum og Hollendingum er í lófa lagið að skella dyrunum framan í íslensku samninganefndina ef lögin verða ekki felld af þjóðinni.

Þeir hafa þá undirritaðan nauðasamninginn frá um áramótin sem lög.

[Magnús Helgi Björgvinsson, 6.3.2010 kl. 20:38]

Því hefði nú mátt redda hvenær sem er með því að Alþingi hefi fellt þau úr gildi. Það þurftu ekki þjóðaratkvæði til. Það er endurskoðunarákvæði í bæði lögunum í ágúst og áramótalögunum.

En þar sem að Bretar og Hollendingar voru og eru tilbúnir að endurskoða hluta samningsins var ekki möguleiki á að segja já við samningnum sem og að hlutlaus í þessu tilfelli segir að manni sé alveg sama. En nei þýðir hjá sumum að við eigum ekki að borga, hjá sumum að við ætlum ekki að samþykkja þessa samninga, nei við viljum ekki  samþykkja þessa samninga þar sem annað er í boði. 

Þjóðarakvæði er yfirleitt til að þjóðin geti sæst á niðurstöðu en það er engin niðurstað í þessari atkvæðagreiðslu.

[Theódór Norðkvist, 6.3.2010 kl. 22:19]

En Alþingi eða stjórnin felldi lögin ekki úr gildi. Þess vegna varð þjóðin að segja sitt álit. Það er lýðræðið og stjórnarskrárbundinn réttur fólks.

Þeir sem kusu ekki ættu að flytja til Íran, Norður-Kóreu eða Kína. Ef þeir vilja ekki lýðræði hlýtur þeim að líða best í þeim löndum þar sem það er ekki til staðar.

[Guðmundur Jónsson, 6.3.2010 kl. 23:30]

Þessi Þjóðaratkvæðagreiðsla er hluti af stjórnsýslu landsins í henni vöru lög feld úr gildi sem ellegar hefðu kostað land og þjóð stórfé. Þess vegna var nauðsinlegt að mæta á kjörstað og taka afstöðu. Ef allir hefðu farið að ráðum Jóhönnu og Steingríms og sagt já eða setið heima eins og þú Magnús hefðu nýjustu icesave löginn ekki fallið úr gildi.

Þá gætu Bretar og Hollendingar einfaldlega hætt samningaumleitunum og við sætum upp með að minnsta kosti 100 miljarða króna verri samning en þeir eru að bjóða núna.

[Númi (IP-tala skráð) 6.3.2010 kl. 23:45]

Tryggvi(ip tala skráð) hér ofar skilar auðu,einsog örfáir gerðu.Hef það á tilfynningunni að þeir sem það gerðu séu að mestu Samfylkingarfólk...Spurning ,,þessi  Tryggvi! ert þú nokkuð Tryggvi Marteinsson starfsmaður Eflingar og Samfylkingartrúboði,sem bloggar og níðist á þeim sem ekki eru sammála honum,allavega er hann búin að loka á mig ,vegna þess að ég minntist á ESB -Mafíugengið í Samfylkingunni..Ef þú ert ekki sá ,,Tryggvi,,að þá bið ég afsökunar.